طوابير من الفقراء والمساكين على بيوت الاثرياء في شهر رمضان

[فريج النجادة]

طوابير من الفقراء والمساكين على بيوت الاثرياء في شهر رمضان

بعض الاثرياء في كل سنة يوزع زكاتة على الفقراء والمساكين

أمام بيتة !!!

هل هذا التصرف صحيح

واين دور الجمعيات الخيرية في صرف الصدقات الى مستحقيها

[R 7 A L]

المفروض يمنعون الاثرياء والشيوخ من هذا التصرف
وفي المقابل نشوف شوي اهتمام من الجمعيات الخيرية للي داخل الوطن موب خارجة

[عاشق العديد]

ليش ياجماعه شالمضره فالموضوع .؟

الله يجزاهم خيـر وماقصـرو ..

والجمعيات الخيريه انا مادري عنـها ..

بس شلي تطالبونه ..

؟

[ضوى]

وين الغلط ؟؟؟

[وطن]

الله يجزاهم خير في ميزان حسناتهم



في ناس يا اخوي ما تحب تعتمد ع الجمعيات الخيرية
تحب تسوي الخير بنفسها
وقدام عيونهم

ما نقدر نمنعهم من الخير

[كازانوفا]

بالعكس يحس الواحد نفسه انه طلع صدقته وعارف وين راحت ويسمع دعوه طيبه منهم تشرح القلب
وخلي الجمعيات الخيريه على جنب

[منسقه]

اول شي هالناس يعطيهم الف عافيه ومايقصرون على الجهد اللي يبذلونه لمساعدة الغير..

ثانياً: الحمدالله انا شخصيا كل مناسبه احمل السياره ببعض الاشياء واوزعها على البيوت الفقيره وصارلي 3 سنوات على هالحال ولله الحمد واكتشفت ان في عوايل قطرية وارامل ومطلقات حالتهم وايد تعبانه ومقيمين بس مايتكلمون ولازم نمد لهم يد العون عشان الله مايقطع رزق شخص سبب في رزق ناس وكنت احاول اسوي حمله للموضوع ذي بس مادري ليش ترددت وارحب بكل من يبي يشاركني هالخدمه دام داخلين على شهر الكرم والصدقه يعني اي شي عندكم في البيت ماتحتاجونه نتبرع فيه للي محتاجه ولكم جزيل الشكر...

[العنيده]

الله يجزاهم خير ان شاء الله
وماعتقد حد بيوصل لاصحاب البيوت الا جد محتاج ومالقى حد يسد حاجته
وبادرة طيبه المهم الشخص ياخذ بدون مايمنن عليه

[بوخالد911]

مافيها شي

عااادي

الجمعيات الخيرية بس لو يركزون ع الداخل

والله يتقبل

[مشاكل]

المشكلة تشوف بعض الناس اللي صافه فهالطوابير مواترهم صافه برى اخر موديل
في ناس ماعندها ذمة وعبالهم الطراره شطاره

[الحرف العنيد]

المشكلة تشوف بعض الناس اللي صافه فهالطوابير مواترهم صافه برى اخر موديل
في ناس ماعندها ذمة وعبالهم الطراره شطاره


صدقت ومش الكل البعض

[الفهد1]

مبادرة طيبة وجزاهم الله خير الجزاء ودور الجمعيات الخيرية مشكور علية

[مختلفة عقليا]

السلام عليكم .،

انا اجوفها حرية شخصيه .،

ولو اعرف عوائل محتاجه .، بروح لهم من نفسي .،

ما احب الجمعيات الخيريه .، ماعرف ليش .،

احب أسوي الشغل (( والصدقه خصوصا )) بنفسي .،

ويسلموو .،

[خالد البلوشي]

جزاهم الله خير .. نحن لا نعلم بالنيّات .. لكن لو كان أي واحد منهم يقوم بعمله ونيته إلى الله فنسأل الله أن يتقبل أعمالهم الطيبة
كما أن مثل هذه المبادرات قد تدفع ببقية الأثرياء للإقتداء بمن يوازيهم بالمكانة الإجتماعية سواء بالجهر بالعمل الحسن أو بالخفاء ..و من الفقير إلى الغني هناك يدان ..

تقبل تحياتي الصادقة ..

[هامور البورصة]

طوابير من الفقراء والمساكين على بيوت الاثرياء في شهر رمضان

بعض الاثرياء في كل سنة يوزع زكاتة على الفقراء والمساكين

أمام بيتة !!!

هل هذا التصرف صحيح

واين دور الجمعيات الخيرية في صرف الصدقات الى مستحقيها
مافيه شي .

[عاهد بن علي]

الزكاه على الاموال لين دار الحول اي بعد مرور سنه
وليس له ارتباط برمضان

[CH Engineer]

المشكلة تشوف بعض الناس اللي صافه فهالطوابير مواترهم صافه برى اخر موديل
في ناس ماعندها ذمة وعبالهم الطراره شطاره


مستحيييييييييييل

يمكن السايق صاف بموتر البيت
كل واحد يحاسب على موتره وموتر البيت

يا شماتة ابله طازا فينا

[CH Engineer]

الزكاه على الاموال لين دار الحول اي بعد مرور سنه
وليس له ارتباط برمضان

لان الاجر مضاعف برمضان الكل يطلعها برمضان

[(بوطلال)]

الزكاه المفروض اغلبلها ان لم تكن كلها يجب ان تذهب لناس تموت من الجوع والبرد ومحتاجين فعلا في سوريا وافريقيا واسيا .

[عاهد بن علي]

لان الاجر مضاعف برمضان الكل يطلعها برمضان

مهب من حق اي احد ان يؤجلها الى رمضان بقصد زيادة الاجر
الي يبغي الاجر الصحيح يزكي بعد مرور سنه على الحلال
ويزيد من الصدقات متى ما شاء

[CH Engineer]

مهب من حق اي احد ان يؤجلها الى رمضان بقصد زيادة الاجر
الي يبغي الاجر الصحيح يزكي بعد مرور سنه على الحلال
ويزيد من الصدقات متى ما شاء

يقدمها مب لازم ياخرها
والمتعارف الكل يخرجها برمضان

بالنسبه لي كل رمضان احسب كم عندي واخرج الزكاة

صعب تقول الكبلغ الفلاني دخل على حسابي بتاريخ 25/6 والمبلغ الفلاني كان عندي من تاريخ 15/3 لان بهالطريقه ماراح اطلع زكاتك وتتهرب..

اكيد كل واحد عنده نظام بس النظام الاسهل تحسب فلوسك كل سنه وربك يكتب الي فيه الخير

[عاهد بن علي]

المسأله محتاجه فتوى افضل

[ANONYMOUS]

بس عشان نفهم

انت تنتقد اهل الخير

ام الجمعيات الخيريه

او تنتقد الناس المحتاجه


ولا نقد جماعي

[king fish]

حتى الفقير حاسدينهههههه لاحول ولاقوة الا بالله
في ناس تحب تشوف المتعه والفرحه على وجه الفقير يحنن قلبه شوي وتم عالقه فترة من الزمن في الذهن عكس الجمعيه الخيريه تدفع الفلوس للزول وخلاص

[JN000N]

اعتقد انك تقصد ان شهالنصرف جايبهم لين بيته وصافين طابور كأن هم محتاجين
مع ان لو تتفكر فيها
هو المحتاج مب هم
كلها فلوس بياخذونها
بس الاجر عند الله
كان احسن لو وزعها هو عليهم بيت بيت وتكون بينه وبين ربه مب علني وطوابير

[alsoq]

من اراد ان يفعل الخير يسعى له ياصل المحتاجين في بيوتهم
واكثر المحتاجين لا يذهب الى بيت شيخ فلان او علان

من اراد الخير يحصر الناس الذي ناوي يوزع عليه سوى مال او غيره

بدال صفه الطوابير في الحر والتدافع

[Dana’1]

هو صحيح الأفضل الواحد يسعى ويروح للأسر المتعففة.. فيكفيهم من الوقوف ومد اليد

هي مو حلوة كمنظر وحتى على نفسية المحتاج !لكن بعد اذا هو ماقدر لسبب ما ..أظن ما فيها شي يفتح المجالس لهم إن كانلزكات ماله او صدقاته او حتى فتح المجلس او الخيم لإفطار صائم


وما اعرف ليش البعض يذم المؤسسات الخيرية ؟!!عن نفسي زكاة المال او غيرها تكون عن طريق المؤسسات الخيرية خصوصا عيد أو قطر الخيرية وأوصيهم بأن تكون للمجتاجين داخل قطر
والصدقات تكون لخارج قطر
لأنهم أضمن خصوصا للي ما يعرف وين يلاقي أسر محتاجة ومتعففة

[alsoq]

هو صحيح الأفضل الواحد يسعى ويروح للأسر المتعففة.. فيكفيهم من الوقوف ومد اليد

لكن بعد اذا هو ماقدر لأي سبب من الأسباب ما أظن فيها شي يفتح بابه لهم إن كانلزكات ماله او صدقاته او حتى فتح المجلس او الخيم لإفطار صائم


وما اعرف ليش البعض يذم المؤسسات الخيرية ؟!!عن نفسي زكاة المال او غيرها تكون عن طريق المؤسسات الخيرية خصوصا عيد أو قطر الخيرية وأوصيهم بأن تكون للمجتاجين داخل قطر
والصدقات تكون لخارج قطر
لأنهم أضمن خصوصا للي ما يعرف وين يلاقي أسر محتاجة ومتعففة

عندما يأتي الى بيتك وطوابير لا تعرف المحتج من غير المحتاج
الافضل تروح بنفسك للمحتاجين

اذا ما يقدر عنده عياله ما عنده عيال احد موظفينه

[Dana’1]

عندما يأتي الى بيتك وطوابير لا تعرف المحتج من غير المحتاج
الافضل تروح بنفسك للمحتاجين

اذا ما يقدر عنده عياله ما عنده عيال احد موظفينه

صحيح وهي مو حلوة حتى على نفس المحتاج فعلا

لكن يمكن له أسبابة الي تمنعة من الإشراف عليها برا بيتة.. وما يثق بأحد ممكن يوصلها كلها
الحين الناس حتى بالجمعيات الخيرية ما تثق... فما بالك لو يثق بشخص غيرة يوزعها!؟

[alsoq]

صحيح وهي مو حلوة حتى على نفس المحتاج فعلا

لكن يمكن له أسبابة الي تمنعة من الإشراف عليها برا بيتة.. وما يثق بأحد ممكن يوصلها كلها
الحين الناس حتى بالجمعيات الخيرية ما تثق... فما بالك لو يثق بشخص غيرة يوزعها!؟

براك الله فيك على كلامك الطيب

[منسقه]

صباح الخير للجميع

ارجع واقول ان الموضوع مافيه شي لو واحد يطلع صدقات من بيته والناس هي اللي تجي لين البيت بالعكس ممكن يكون الشخص حالته الصحيه ماتسمح له بالخروج وتوزيع الصدقات ممكن يكون عنده مخزون كبير ومايقدر يحمله ويفتر فيه ممكن يكون عنده اشغال وايد وماعنده وقت يفتر وبنفس الوقت يبي يساعد المحتاجين بس في ناس نفسهم دنيه مثل نار جهنم هل من مزيد ويروح يرز ويهه يقولك مال بلاش وسيارته اخر موديل بس ترى الفشيله له واللي مايحمد ربه على النعمه ترى النعمه زواله من كثر مايدعي انه فقير بيجيه الفقر عدل اهم شي صاحب المساعده تكون نيته صافيه للكل وانه مطلع المساعده للي محتاجها...
واللي يبي يشارك في الحمله حياه