لان اهل بونخله والسيليه والمعراض مالهم حد واصل

[مزاااجي]

اولا اللهم بلغني واياكم رمضان المبارك ووفقنا قيامه وصيامه .. الموضوع موضوع مكرر وصار معروف للكل وهو ( منطقة صناعية كااااااامله بدون أي ترخيص) .. والقصد المزرعة المعروفة باسم ( مزرعة العطية) ... ايش ذنب المواطن الي انصرفت ارضه في بونخله او المعراض او السيليه وكان فرحان بها رغم بعدها عن الخدمات الاساسيه .. ايش ذنبه لما تتحول مزرعة شاسعه تضم عشرات الالاف من الكيالو بالقرب من بيته لمنطقة صناعية ( بكساراتها ) وريحتها ومعداتها وعمالتها وزحمتها وكل ماتسببه من ازعاج نفسي ومادي ..

معقولة في قطر بلد القانون تتحول مزرعه لمنطقة صناعية تحتوي على اكثر من 3000 قطعه مؤجره ( بدون ترخيص) ومعقولة اكثر من 3000 قطعه مؤجره على ورش ومحلات تجاريه وكراجات ومصانع وكسرات ( حتى بدو لوحات) وبدون ترخيص وبدون موافقة التراخيص التجاريه وبدون موافقة البلدية وبدون موافقة البيئة وبدون موافقة الدفاع المدني ... يعني غصبا عن كل هالجهات .. ناس تشتغل وهي مخالفة على عينك ياتاجر ... رغم الفساد الي يحصل في بعض البلدان الناميه عمري ماسمعت مثل هذا الشي وبهذا الحجم مت التعدي والاستهتار بالقانون والحكومه والادهى ان الحكومه والقانون ينكسر على سور هالمزرعة ... ياجماعة حتى الكسارات الممنوعه حتى في البران بامر البيئة موجود في هالمزرعه كذا وحده .. تشتغل من المغرب للصبح عشان الغبره ماتبين ... يانااااااااااااااااااااااس احنا وين ؟؟؟؟!!!!!!!!!!!!!!
حكومتنا العزيزة ترانا من ابنائك ولنا حق ... ولا نقبل على حكومتنا ان تكون تتغاضا عن حقنا لاننا ضعفاء بسطاء كسكان لها المناطق ... حكومتنا العزيزة الامر لايليق ببلد تهتم بالقانون والمساواة كدولتنا الغالية .. ولايعقل قبول ضرر الالاف من المواطنين مقابل مصلحة شخص واحد

[رُفق المجنّا]

انا دخلت المنطقة المذكورة وأقسم بالله يتخيل الواحد انه دخل في مدينة لا تعترف بهوية عربية ولا تعترف بالقانون

انا ادعوا اي مشكك لزيارة المكان ! وسينكشف اكثر مما قيل او ما قد يقال

[R 7 A L]

المحلات الي في المزرعه تشتغل لاي واحد يجي من برا ؟

[R 7 A L]

واحد من الشباب يقول تبي محل يسوي كرك
وجباتي ولا عنده زحمة قلت وين قال في المكان المذكور
السؤال معقوله المحال الي داخل ماتخضع للقانون ولا عليها تفتيش كهرب ودفاع مدني

[معماري قطري]

اللي آستغرب منه البيئة كتبوا تقرير في مقترح طريق بيقطع المزرعة وبيتواصل وبيكون مداري يمر على الوجبة أَو خلفها لين طريق الشمال .. والمقترح كان إِن الطريق بيسبب دمار كبير للبيئة الزراعية وتم توقيف الطريق عند سور المزرعة .. لكن فجأَة تحولت المزرعة لدمار بيئي هائل .. بارك الله في البيئة

[امير القلوب]

المشكله القانون يطبق على المساكين اللي ماعندهم واسطه بس افلان ابن فلان خط احمر

[اكاديمي]

المزرعه سار فيها السنه حريق هائل والعام سار فيها يمكن ثلاث مرات حريق والمشكله ان فيها عدد من العماله الهاربه كبير جدا جدا ويقول لك مستامنين وماخذين راحتهم على الاخر. يعني المزرعه قنبله موقوته وممكن تنفجر في اي وقت

[إينشتاين]

معقولة راعي المزرعة محتاج فلوس لدرجة انه يتغاضى عن مصلحة جيران مزرعته؟؟؟؟؟؟؟!!!!!!!!

[سليمان احمد]

لاحول ولا قوه الا بالله

[مختلفة عقليا]

السلام عليكم .،

كلموا جرائد بريطانيا والا الفيفا .،

وانا اضمن لكم حقكم .،

ويسلموو .،

[بوخالد911]

الله يسهل عليكم

[R 7 A L]

السلام عليكم .،

كلموا جرائد بريطانيا والا الفيفا .،

وانا اضمن لكم حقكم .،

ويسلموو .،

يكلمونهم وش يقولون لهم ؟
المكان ملك وشخصي وقديم قبل لا تقوم المناطق الي حولها

[إينشتاين]

يكلمونهم وش يقولون لهم ؟
المكان ملك وشخصي وقديم قبل لا تقوم المناطق الي حولها

ملك شخصي وقديم على اساس انه مزرعة موب منطقة صناعية مملوكة لشخص

[باراكودا]

المحلات الي في المزرعه تشتغل لاي واحد يجي من برا ؟

أذا يقدمون خدمة للمواطن بسعر مخفض فانا أويد أقامة مثل هذه العشوائيات أرحم من محلات بروة ومحلات الصناعية.

[R 7 A L]

أذا يقدمون خدمة للمواطن بسعر مخفض فانا أويد أقامة مثل هذه العشوائيات أرحم من محلات بروة ومحلات الصناعية.

والله مادري
بس شكلنا بنجرب اذا ارخص ليش لا

[بوحارب]

وين مكانها شباب

ممكن وصف المكان بالضبط!

[khalid525]

معقولة راعي المزرعة محتاج فلوس لدرجة انه يتغاضى عن مصلحة جيران مزرعته؟؟؟؟؟؟؟!!!!!!!!
ههههههههه سوري اخوي ضحكت لا ارادي ، والله انك محترم بزود

[إينشتاين]

ههههههههه سوري اخوي ضحكت لا ارادي ، والله انك محترم بزود

دوم الضحكة ان شاءالله وماعليك زود،، انا عارف وانت عارف والكل يعرف منهو راعي المزرعة ،، والله يزيده من فضله اعتقد إن هالمزرعة قطرة في بحر املاكه فلو تخلى عنها لمصلحة أهالي المناطق المجاورة بتكون في ميزان حسناته،، وماعتقد صعبة على الدولة تعوضه بأرض في الصناعية أو بعيد عن السكان في أي منطقة وتكون اضعاف مساحة المزرعة الحالية.

[رحال]

كان الله بالعووون ..

[عاشق العديد]

وين مكانها شباب

ممكن وصف المكان بالضبط!

دوار التركيب سيده قبل لفة الجسر تاخذ يمين شارع متقطع وفي كراجات والله شغلهم رخيص وقوي

[R 7 A L]

ملك شخصي وقديم على اساس انه مزرعة موب منطقة صناعية مملوكة لشخص


يمكن حول نشاطها من زراعي لصناعي

[مواقف النجادة]

في التسعينات .. نسيبي الله يذكره بالخير .. بنى طبيلة حق مواتره.. داخل بيته في منطقة جريان نجيمة .. خالفوه و دفعوه غرامة.
و مزرعة تتحول الى منطقة صناعية و فيها كسارات و مستودعات و عمالة هاربة .. و مافيها بنية تحتية ولا اشتراطات سلامة .. ما احد يقرب صوبها !
وحسب ما سمعت انه حتى الشرطة ما تتجرا تدخل هالمكان.

الا النائب العام شخباره؟

[عاشق العديد]

في التسعينات .. نسيبي الله يذكره بالخير .. بنى طبيلة حق مواتره.. داخل بيته في منطقة جريان نجيمة .. خالفوه و دفعوه غرامة.
و مزرعة تتحول الى منطقة صناعية و فيها كسارات و مستودعات و عمالة هاربة .. و مافيها بنية تحتية ولا اشتراطات سلامة .. ما احد يقرب صوبها !
وحسب ما سمعت انه حتى الشرطة ما تتجرا تدخل هالمكان.

الا النائب العام شخباره؟

لالا الشرطه يدشون .. ويجيكون .. بس كنك عايش في فلم هندي ناس يركضون وناس يدخلون ..
واتوقع القراجات .. لها تصريح معين .. لانه القراج الي كنت اتعامل معاه .. لما قلت له صلح لي من غير ورقه .. قالي لا ماقدر المرور 24 ساعه مطيحين عندي .. معنه دعمه لاتذكر بسيطه ..

[باراكودا]

دوار التركيب سيده قبل لفة الجسر تاخذ يمين شارع متقطع وفي كراجات والله شغلهم رخيص وقوي
قصدك دوار البلاستيك بمر عليهم محتاج صبغ وسمكرة للموتر .

[سليمان احمد]

ليش مايبنون مساكن للعزاب في مزرعته ويفيدونه ويستفيد المواطن انه يتخلص من العزاب

وفي نفس الوقت يستفيد من الدوله بدال ما يجمع كل شي كراجات - سكراب - محلات - مخازن

مخالفين - الياات - وورشات -

[بوحارب]

دوار التركيب سيده قبل لفة الجسر تاخذ يمين شارع متقطع وفي كراجات والله شغلهم رخيص وقوي
اي صوب دوار التركيب

دلني من عند جسر الصناعية

[رجل الجزيرة]

اي صوب دوار التركيب

دلني من عند جسر الصناعية

بعد جسر الصناعية تقاطع شارع الفروسية بيجيك جسر الصناعية الثانية وقبل الجسر الثالث لف على يدك اليمين لين يوقف الشارع.

[بوحارب]

بعد جسر الصناعية تقاطع شارع الفروسية بيجيك جسر الصناعية الثانية وقبل الجسر الثالث لف على يدك اليمين لين يوقف الشارع.

الله يسامحك ضيعتني من قلب

[رآعي موآجيب]

السلام عليكم .،

كلموا جرائد بريطانيا والا الفيفا .،

وانا اضمن لكم حقكم .،

ويسلموو .،


من تكلمت الجريده البريطانية من أسبوعين وجرايدنا كل يوم ترد وتقتبس ردود جرايد العالم لدرجة أنها تحولت من مدافع وموضحة للحقيقة إلى مهاجمه عشوائية لدرجة التخبط . حتى قصة بل كلينتون يوم كسر المزهرية يوم فزنا بالقرعة أذكروها !!

الله يكفينا شر هالمنديال

[رجل الجزيرة]

الله يسامحك ضيعتني من قلب

الله يرحم والديك، أنا من سكان مبيريك - أبو نخلة - السيلية وكل طريقي هناك.

طيب خلك معي:

شفت جسر ودوار المنطقة الصناعية وأنت جاي من الدوحة كأنك رايح لأبو سمرة أركبه على الجسر وتعداه وثاني جسر ومن تحته والثالث قبله بيجيك طريق على يدك اليمين يعني قبل الجسر لا تجي من تحته خلك على يمين الطريق لين يجي وجهك جهة الشمال بس هذا هو الطريق لين يوقف الشارع. فهذا هو المكان، هاه فهمت الحين.

[مزاااجي]

في التسعينات .. نسيبي الله يذكره بالخير .. بنى طبيلة حق مواتره.. داخل بيته في منطقة جريان نجيمة .. خالفوه و دفعوه غرامة.
و مزرعة تتحول الى منطقة صناعية و فيها كسارات و مستودعات و عمالة هاربة .. و مافيها بنية تحتية ولا اشتراطات سلامة .. ما احد يقرب صوبها !
وحسب ما سمعت انه حتى الشرطة ما تتجرا تدخل هالمكان.

الا النائب العام شخباره؟

النائب العام صرح في مقابله عبر الجزيره بكلمته الشهيره ( لااحد فوق القانون أي من كان يكون) ووووووووووون ووون ون ون.... ون.... هذي صدا للكمه لانها فعلا كلمة لها وزن وثمن

[القحطاني505]

الوصف واضح ما يحتاج :) :)

[رجل الجزيرة]

الوصف واضح ما يحتاج :) :)

بيض الله وجهك.

[بن غيث]

سمعت ان العمال هناك مسويين مصنع خمور .. وكلهم تالي الليل سكارا وكل يوم متهاوشين وشادخين بعضهم ..

[R 7 A L]

النائب العام صرح في مقابله عبر الجزيره بكلمته الشهيره ( لااحد فوق القانون أي من كان يكون) ووووووووووون ووون ون ون.... ون.... هذي صدا للكمه لانها فعلا كلمة لها وزن وثمن


النيابة جهه تنفيذية
بس تنفذ ماجاها شي بخصوص هالموضوع على شأن تنفذة

[حمد بن سعد]

حق من المكان:tease::tease::tease::tease::tease:

[Abdulraman]

ماله خص واصل ولا مب واصل اتذكر منطقة الريان تقريبا الثلاثين سنه اللي راحت معظم وزراء البلديه من اهل الريان ولكن ادخل منطقة الريان وشوف البلاوي اتكلم عن قبل وحتى كنا نقول شلون الوزير من الريان والريان مافيها خدمات

[حبر وقرطاس]

المزرعه قانونيه
اغلبكم يتكلم ويردد ماقاله اناس تجهل تصاريح الموقع المذكور.
تحياتي
بس حبيت اذكركم ان قانون الجرائم الالكترونيه مفعل سواء قذف او تشهير او اساءه سمعه او رمي الاتهامات جزافا دون ادله ومستندات قانونيه.

[VX.R]

المزرعه قانونيه
اغلبكم يتكلم ويردد ماقاله اناس تجهل تصاريح الموقع المذكور.
تحياتي
بس حبيت اذكركم ان قانون الجرائم الالكترونيه مفعل سواء قذف او تشهير او اساءه سمعه او رمي الاتهامات جزافا دون ادله ومستندات قانونيه.

اللي فهمته من النقاش أن الموضوع ليس عن المزرعة ، إنما الأنشطة التي تقع داخل المزرعة .

هل فهمي صح يا جماعة او انا غلطان ؟؟

[أسد الجزيرة]

الله يسامحك ضيعتني من قلب

شوفه على قوقل ايرث اي مزرعة فيها كراجات و ورش تطلع هي

[باراكودا]

الله يسامحك ضيعتني من قلب

خل حياة بلازا على يمينك وكمل من الاشارة سيدا صوب الغرب لين توصل الدوار الثالث أمشى سيدا غرب بعد 6 كيلو
بتحس نفسك في صناعية الحسا بس وصلت .

[مزاااجي]

المزرعه قانونيه
اغلبكم يتكلم ويردد ماقاله اناس تجهل تصاريح الموقع المذكور.
تحياتي
بس حبيت اذكركم ان قانون الجرائم الالكترونيه مفعل سواء قذف او تشهير او اساءه سمعه او رمي الاتهامات جزافا دون ادله ومستندات قانونيه.

المزرعة خارجة عن القانون الا القانون تقطع ذبذباته عن وصول اسوارها ..والكل يعرف ليش خارجه عن القانون.... والكل يسأل ايش الي يحد صاحبها يخرج عن القانون مع ما اعطاه الله ... واذا قانون الجرائم الالكترونيه مفعل .. ياخوك كيف نقدر نفعل قانون حماية البيئة وقانون التخطيط العمراني وقانون تراخيص البناء وقانون التراخيص التجاريه وقانون الدفاع المدني وقانون احترام الجار وقانون احترام الانظمة والقوانين عشان يتفعل مثل الجرائم الالكترونية .. كل ماذكرته لك قوانين ماتدخل من أي من ابواب هالمنطقة الصناعية العشوائيه ( الي كانت مزرعه) ولا تزال في الورق مزرعه ..

[بوحارب]

الله يرحم والديك، أنا من سكان مبيريك - أبو نخلة - السيلية وكل طريقي هناك.

طيب خلك معي:

شفت جسر ودوار المنطقة الصناعية وأنت جاي من الدوحة كأنك رايح لأبو سمرة أركبه على الجسر وتعداه وثاني جسر ومن تحته والثالث قبله بيجيك طريق على يدك اليمين يعني قبل الجسر لا تجي من تحته خلك على يمين الطريق لين يجي وجهك جهة الشمال بس هذا هو الطريق لين يوقف الشارع. فهذا هو المكان، هاه فهمت الحين.
بيض الله وجهك

الحين الوصف أحسن من خرايط قوقل ايرث;)
بمر عليهم لازم نشوف الأوضاع هناك كيف !

أشكرك :)


شوفه على قوقل ايرث اي مزرعة فيها كراجات و ورش تطلع هي

ما قصر ذيبان المكان واضح

[بوحارب]

خل حياة بلازا على يمينك وكمل من الاشارة سيدا صوب الغرب لين توصل الدوار الثالث أمشى سيدا غرب بعد 6 كيلو
بتحس نفسك في صناعية الحسا بس وصلت .

لازم امر اشوف وش عندهم

أشكرك الوصف واضح ;)

[مزاااجي]

لازم امر اشوف وش عندهم

أشكرك الوصف واضح ;)

ياخوك الوصف طولوه الشباب وهو واضح ...

وانت جاي من صوب الريان ووصلت تقاطع الصناعية لاتدخل النفق وخلك فوق بتوصل الدوار دوار الصناعية... تاخذ يمين كانك طالع بوسمره ... يجي لك ( اول جسر) الي بيكون بعد البحث والمتابعه ... تمر من تحته وانت على دربك ( طريق بوسمره) ... بعده بحوالي كيلو وشوي .. ( يجي لك جسر ) بيكون الثاني ... تاخذ قبل الجسر يمين وتطلع مع كتف الجسر يمين ... اول ماتاخذ يمين تشوفها امامك كانها ( مسيعيد امامك) ...