الافتتاح الكامل .. ليش مو موجود في بلادنا ..؟

[أم محمد 90]

السلام عليكم ,



الافتتاح مو الانفتاح !

وأقصد فيه افتتاح الأماكن , ليش من يتم الاعلان عن مجمع او مشروع يتم افتتاحه ناقص من كل النواحي

سواء من عاملين , او تنظيم , او تدريب أو محلات ومنتجات وتشطيب ؟

ماراح اتكلم عن مطارنا الجديد او المجمعات الجديدة الي تنفتح وهي مافيها الا محلين ثلاثه ..

اتكلم عن محطه دحيل اللي على خط الشمال ,

صراحة فيها بواليع بارزة اكرمكم الله وحفر ممكن فعلا فعلا تضرر السيارة !

امس اول مرة ادخلها ما افتتحت المحلات كاملة

صج صج البواليع البارزة والحفر فيها شي مو طبيعي الواحد مايقدر يدخلها الا اذا موتره فرويل ؟

غير عن الرمل والحصى والمحلات اللي لين الحين يشتغلون فيها عشان يفتحونها والمداخل والمخارج الخطأ




ف السؤال هو :

لماذا اذا تم الاعلان عن انشاء مشروع او مكان لا يتم الانتظار الى الانتهاء منه بالكامل ومن ثم افتتاحه ..؟

[يمامـة]

يمكن يبون الناس يستفيدون منه بسرعة حتى لو ما خلص ( اقول يمكن )

[R 7 A L]

خلاص الشركة الي اشتغلت فيه انتهى شغلهم
الحين دور ادارة العقار لتأجير المحلات

[Charisma]

المشاريع الضخمه عادة يتم افتتاحها على مراحل .. وهالشيء مب موجود في قطر بس
في اغلب دول العالم شي طبيعي .. لكن المشكلة عندنا في تصنيف هالمراحل وجاهزيتها.

[قلب صادق]

يمكن من الاسباب التي تدعو الشركة المنفذة للمشروع وخصوصا المشاريع الحيوية كالطرق وغيرها هي كثرة دعوات وانتقاد الناس من التاخير والتبرم كما حصل مع مطار حمد اة الطرق بشكل عام والبنية التحتية

للاسف الناس لم تعد تصبر وتتحمل وخصوصا موضوع الشوارع والذي بسببه يكون هناك زحام ولكن للاسف ان سرغة الانجاز احيانا يكون له نتيجة عكسية

[معماري قطري]

شكلج أُم محمد مبتعدة عن قطر .. الصالون خلاص إِستوت سيارات الأَجانب أَلحين الفورويل وبس

إِستووا اللي يشتغلون في هذي الشغلات ما يحسبون الا حساب السيارات المرتفعة .. بس طرقنا تهتري بسرعة لأَنهم يسونها حق سيارات خفيفة وصغيرة.

[معماري قطري]

يمكن من الاسباب التي تدعو الشركة المنفذة للمشروع وخصوصا المشاريع الحيوية كالطرق وغيرها هي كثرة دعوات وانتقاد الناس من التاخير والتبرم كما حصل مع مطار حمد اة الطرق بشكل عام والبنية التحتية

للاسف الناس لم تعد تصبر وتتحمل وخصوصا موضوع الشوارع والذي بسببه يكون هناك زحام ولكن للاسف ان سرغة الانجاز احيانا يكون له نتيجة عكسية

إِخوي شفنا سرعة إِنجاز بدون مشاكل .. من شهر تقريباً صار حادث شاحنة اصطدمت بعارضة خرسانية كبيرة وحركتها وحركت معاها 4 عوارض حاملة لجسر كامل .. جسر عليه ضغط وسيارات واستوى الوضع خطر .. الحادث كان أَول الصبح وجابوا شركة وعدت تخلص الشغل 10 الليل وكان فيه تصوير تلفزيون مباشر وشغل مرهق وتحويل اتجاهات الطرق حول الجسر وزحمة .. القصة طبعاً في مدينة تامبا في فلوريدا .. وكان الشغل إِنهم يشيلون الجسر بالكامل ويركبون أَبيام جديدة .. وهذي الأَبيام خرسانية طولها 18 متر ووزنها كثير ثقيل وتحتاج شرطة لفتح الطريق أَو تنقل في الليل لكن بدوا ينقلونها أَول بأَول وفي عز الزحمة وشلوا قشرة الطريق والأَبيام ورجعوا ركبوا الجديدة .. وحطوا مادة غريبة فوق الأَبيام لونها أَبيض وتأَخروا ساعتين لين 12 الليل مع إِن بعد 12 يخف المرور كثير حتى بعد 9 وكانت لهم حرية إِنهم يكملون مع الفجر .. لكن هذا التزام وكان تأَخيرهم ساعتين لأَسباب صحيح قاهرة والكل عذرهم.

سؤال بسيط عندنا شكثر يتمون حتى ينجزون وصلة شارع بسيطة؟ أَو رصيف بسيط؟