هل تؤيد التجمعات العائليه في بيت واحد برمضان ؟ ((للنقاش) )

[حمد 2002]

السلام عليكم ورحمه الله وبركاته

هل تؤيد التجمعات العائليه في بيت واحد برمضان ؟

يعني العم والخال ووووووووووووو .. يتجمعون في بيت واحد للأفطار مثلا ..

وماهي ايجابيات وسلبيت تلك العاده ؟

وهل هالامر يعد تكلفه على اصحاب البيت الي ايتجمعون فيه ؟


بالتوفيق ..

[ضوى]

سنين نتجمع في بيت الوالد الله يرحمه كان يفرح ويستانس واتذكر اني ماكنت اجيب معاي حتى صحن واحد ، وكله من جيب ابوي العامر رحمة الله عليه ، مالذ وطاب لا عمره تشكى ولا عمره تذمر ، الا بالعكس يستانس باللمة وامي الله يرحمها تطبخ وتنفخ لقبيلة لا اله الا الله ماقد سمعناها تاففت والا تذمرت ، اليمعة حلوة والاحلى اذا كانت القلوب متصافية ونظيفة مب الحين قلوب اعوذ بالله منها والسبب هاللافم والمسلسلات اللي خربت العقيدة وخربت الدين وخربت كل شي ، اللي صار الخال يشوف بنت اخته حبيبته رحمتك يااارب

[مختلفة عقليا]

السلام عليكم .,

يعني لو كل يوم في بيت واحد اي طبعا بتصير خسااير ., وخصوصا لو محد يحط الا راعي البيت .,

بس اللي كان يصير كل واحد ايي ومعاه صحن والا اكثر .,

واللمه دوم حلوه .,

وانا طبعا مع .,

ويسلموو .,

[بو الجوري]

كل عايله ولها وضع .. في ناس عادي عندها وفي ناس لأ ..

المهم أنا بالنسبه لي ، طبعاً أحب إن كل يوم أفطر عند الوالده مع زوجتي وخواتي ..

لكن صعب ، لأنه كل وحده عندها زوجهـا ، وعنده هله !

لكـن حلو تتوزع الجمعات ، يعني مثلا اليوم عند الوالده .. بعد يومين أروح عند خالي ومره عند عمي ..
غير فالبيت بروحي مع هلي

لكـن كل يوم نجتمع ، ماعتقد بتضبط مع أغلب العائلات

[مسمس12]

صعبه جدا لكن لو كانت الجمعه خميس وجمعه احسن وباقي الاسبوع كل واحد فبيته او اذا كان بشكل يومي كل واحد يسوي له طبق وياخذه معاه للبيت العود بالتالي يخف على البيت الا الاشياء الرئيسية ايام قبل يوم القلوب المتصافية الواحد يحس عادى بس الحين كل واحد شايل بقلبة ومحد يثقل على حد احسن

[بصمة قطرية]

ثلاث أيام في الإسبوع ما نفطرهم في البيت ..
نتجمع ..
و طبعاً نسوي فطورنا و زيادة و ناخذه معانا ..
كلن يجيب فطوره معاه ..
الله لا يقطع هالعادة و يديمها ..

[abu m7md]

منو الشاطر الي يودي الهريس والشوربه والقيمات والرقاق بيت فلانه
انا كله اروح مب لله
طبعا ايام القلوب الصافيه الطيبه
واول مااشيل الصينية اتي الوالده الله يبارك في عمرها
وتهوس وتفرك اذني وتقول اذا طيحت الصينية مثل قبل اطيح راسك من كتفك
ههههههههههههههههههههههههههههههههههههههههههه
بس الحين كبرت وتقاعدت عن السوالف وصار الي يروح اعيالي
الجمعه اايدها لانها من صلة الرحم
ولاتنسى انه اذا حد اكلك من اكلك وهو صايم اصبح الاجر الي سواه طول اليوم راح لك ولا ينقص من اجره شي
وتعطي الاجر هذا لاخوك من لحمك ودمك شي جميل وتاجر عليه

ولله الحمد مافيه لا تافف ولا مشاكل والقلوب خضراء

اخوكم
ابومحمد

[بو الجوري]

مدري ليش تذكرت هدى حسين ..

حسون يا حسون ، إشفيك ليش تصيح ! خذ الهريس بيت أم خميس :)

مقدر يا يمه بعييييد .. :weeping:

حسووووون :anger1:




هههههههههههههههههههههههههههههههههههههههههه
ههههههههههههههههههههههههههههههههههههه
هههههههههههههههههههههههههههههههه
ههههههههههههههههههههههههههه

[Charisma]

مرحبا اخوي حمد ..

ولله الحمد محافظين على هالعاده من سنين .. وكل مره في بيت ..
جو من الالفه والراحه .. نتجمع عالفطور ونفترق عالسحور ..
ومن ناحيه التكلفه مافيها تكلفه الا بالعكس تلقى في بعض الاحيان
اصرار بان التجمع الثاني في بيته .. وطبعا كلن بيت يجيب وياه اطباق
جو جميل بصراحه ولا اشوف فيه اي سلبيات .

[لاجل QT]

وش يايك على عاداتنا ؟؟

[بـارود]

والله ودي أجمعهم طول الشهر وأقفل عليهم الباب هههه

بصراحة أنا انتظر مثل هالمناسبات على أحر من الجمر على قولتهم

بعضهم ما أشوفه إلا في رمضان وللأسف

[طبيب قطري]

السلام عليكم ورحمه الله وبركاته

هل تؤيد التجمعات العائليه في بيت واحد برمضان ؟

يعني العم والخال ووووووووووووو .. يتجمعون في بيت واحد للأفطار مثلا ..

وماهي ايجابيات وسلبيت تلك العاده ؟

وهل هالامر يعد تكلفه على اصحاب البيت الي ايتجمعون فيه ؟


بالتوفيق ..

مؤيد وبقوه.. بشرط عدم المبالغه في اصناف الطعام .