عاده توزيع الاكل على البيوت برمضان .. [الأرشيف]

مشاهدة النسخة كاملة : عاده توزيع الاكل على البيوت برمضان ..

حمد 2002

25-06-2014, 09:54 AM

السلام عليكم ورحمه الله وبركاته

عاده توزيع الاكل على البيوت برمضان قبل صلاه المغرب ..

هالعاده بدأت منذ قديم الزمان ، وكانوا الناس يأكلون اي شيء ايجييهم من البيوت المجاوره لانه الناس كانوا يقدرون قيمه النعمه والاكل ، اما الحين اكثر الاكل الي ايجي للناس من البيوت المجاوره مصيره درام الزباله ونتوا بكرامه . لانه الناس الحين مب محتاجه الاكل نفس قبل !! ..

هل تؤيد الغاء تلك العاده لانه الناس مب محتاجه اكل الحين ؟!!

بالتوفيق ..

للصبر اخر

25-06-2014, 10:10 AM

معليش اخوي حمد
احس انك مو على هالكوكب من هالمواضيع اللي تحطهاا

مختلفة عقليا

25-06-2014, 12:25 PM

السلام عليكم .,

السالفه مو سالفه حاجه .,

هاي تواصل بطريقة اخري .,

ونوع من التاخي ., والزبو حزات .,

بس انا احس هالشي حلو ,’ وصدقني في ناس محتاجة اتذوق اكل غير اللي ايسونه ., :shy:

ويسلموو .,

ضوى

25-06-2014, 12:28 PM

خلاص هذاك اول ينقط الاكل بالزبالة ، الحين وايد اناس صار عندها وعي والحمد لله حفظ النعمة بكل مكان ، الله يديم الخير وروح الحب بين الجيران يااارب

ضوى

25-06-2014, 12:29 PM

اذا احد جاب لك نقصة طرشهم بيتنا لا تاخذ منهم وقولهم مب محتاجين

كلام ساخر

25-06-2014, 12:31 PM

إذا كان الطبق شكله حلو
فالأفضل عدم رميه في الزبالة
هناك طرق أخرى للاستفادة منه
مثال : يتصور وينحط في الانستغرام
ويحبذ تحط توقعيها عليه
مع انه من بيت الجيران

مــاي ورد

25-06-2014, 01:38 PM

يمكن بيتكم يقطون الاكل!!.. الحمدلله احس الاكل من بيت الجيران الذ من اكل البيت احيانا خخخ

بو الجوري

25-06-2014, 02:28 PM

شدراك إنه ينقط !! إنتوا تقطون !!
خلاص مب جايبلكـم < لأني كنت ناوي http://www.cheesebuerger.de/images/midi/haushalt/f025.gif

عالعموم ، إن شاء الله هالعاده ماتندثـر ، و أصلا حلاة رمضان بأكل الجيران و الناس اللي يطرشون ...

طبعاً البيوت اللي يعرفون إنه كل يوم يجيهم من بيت فلان وإلا علان ، لازم مايطبخون وايد عشان مايزيد ..

و إن زاد مافي مشكله ، يتسحرون فيه وإلا يروح المجلس للغبقه .. أو يوزعونه ..

عاشق العديد

25-06-2014, 02:30 PM

بو الجوري

25-06-2014, 02:32 PM

اتفق معاك اخوي بو الجوري ..

عطني بوسه قبل رمضان http://www.cheesebuerger.de/images/midi/liebe/f050.gif

لاجل QT

25-06-2014, 02:47 PM

نوع من انواع التواصل

والاكل الزايد اتصلو على رقم حفظ النعمة

العادة حلوة مافيها شي

اهم شي لاتكثرون من الطباخ ولا تسرفون ..سوو على القد

مسمس12

25-06-2014, 02:52 PM

بالعكس حلوة هالعادة بس تثريبا نادر محد يطرش هالايام

بصمة قطرية

25-06-2014, 03:45 PM

إشدخل الناس محتاجة ..!!
الحين طول هالسنين من وعينا على الدنيا و الفطور يروح للجيران
و يجينا منهم يعني احنا محتاجين ولا هم محتاجين ..!!!!
هاي عادة هل قطر الله يسلمك حمد ..
حلو نذوق من الجيران و الأهل و يذوقون أكلنا
و مرات ناخذ منهم الوصفة و ياخذون منا ..
الحمدلله يومياً في رمضان الأكل داخل و طالع عندنا ..

بصمة قطرية

25-06-2014, 03:46 PM

بالعكس حلوة هالعادة بس تثريبا نادر محد يطرش هالايام

تعالي فريجنا بندلعج خخخخخ

مسمس12

25-06-2014, 03:51 PM

تعالي فريجنا بندلعج خخخخخ

من تزوجت 5 سنوات فبيتي مرتين بس طرشوا لي ولا اعرف بيت من بعد هههههههههه

بصمة قطرية

25-06-2014, 03:54 PM

من تزوجت 5 سنوات فبيتي مرتين بس طرشوا لي ولا اعرف بيت من بعد هههههههههه

خخخخخخخخ
فديت جيراني أدلعهم و يدلعوني خخخخ

مسمس12

25-06-2014, 04:01 PM

خخخخخخخخ
فديت جيراني أدلعهم و يدلعوني خخخخ

ابي بيت حوالينكم ههههههههههههههههههه

الحـمدلله

25-06-2014, 07:02 PM

اذا 15 مله ضغط وجدور و5 صحون حلويات حق شخصين مانبغي هالتأخي

كل شي بالمعقول

مشـــــاعر

25-06-2014, 10:14 PM

معليش اخوي حمد
احس انك مو على هالكوكب من هالمواضيع اللي تحطهاا

ههههههههههههههههههههههههه
هههههههههههههههههههههههههههههههههههههههههه

إحنا لين آإلحين محافظين على هآإلعادة نطرش حق جيرانا ويطرشون لنا . .
وعسى ربي لآإيغيّر علينا يآإرب . .

تغلبية

26-06-2014, 01:48 AM

مشاركة الطعام مع الجيران .. هي سنة حميدة من سنن رسول الله مازالت باقية الحمدلله ..

أرجو أن نستحضر النيات في هذا الشهر المبارك فقد نؤجر عليها حتى إن لم نفعلها أو ننفذها لأي سبب كان ..

ومن الافضل أن يهدى الطعام إلى غيرنا إن لم تكن لنا به حاجة ... لكي يكون لنا ولهم الأجر إن شاءالله

ومن أحاديث الرسول في اطعام الجار الطعام .. " إِذَا طَبَخْتُمْ اللَّحْمَ، فَأَكْثِرُوا الْمَرَقَ أَوْ الْمَاءَ، فَإِنَّهُ أَوْسَعُ أَوْ أَبْلَغُ لِلْجِيرَانِ " حديث صحيح

كما قال : " لَيْسَ الْمُؤْمِنُ الَّذِي يَشْبَعُ وَجَارُهُ جَائِعٌ إِلَى جَنْبِهِ " حديث صحيح

وعن أبي هريرة رضي الله عنه، أن النبي صلى الله عليه وسلم أمر عائشةَ أن تذبح شاةً، فقسمتها بين الجيران،

وكان أحب الشاة إلى رسول الله صلى الله عليه وسلم الذراع، فلما جاء رسول الله صلى الله عليه وسلم

قالت عائشة: ما بقي عندنا شيء إلا هذا الذراع، فقال رسول الله صلى الله عليه وسلم: " كلها بقي إلا الذراع ". حديث صحيح

كلام ساخر

26-06-2014, 05:00 AM

عطني بوسه قبل رمضان http://www.cheesebuerger.de/images/midi/liebe/f050.gif

حتى بعد رمضان عادي
بس بعد الفطور ههههه

بو الجوري

26-06-2014, 09:07 AM

حتى بعد رمضان عادي
بس بعد الفطور ههههه

لا ، مب فاضيله فرمضان :shy:

زين من أنتم !! :telephone:

حفيد الأنصار

26-06-2014, 01:42 PM

بالعكس عادة حلووة وجمميلة
ببيتنا القديم كان عندنا جيران اتراك ومصاريه واكلهم يختلف شوي عن اكلنا ونتبادل الاكل
كان شي جمميل والله
اللحين رحنا للبيت الجديد وماحولك احد خخخخ

JN000N

27-06-2014, 07:05 AM

يمكن بيتكم يقطون الاكل!!.. الحمدلله احس الاكل من بيت الجيران الذ من اكل البيت احيانا خخخ

اي انا اقول بعد خخخ
شكله بيتهم يقطون الاكل
وصاجه اللقمة الغريبة حلوه

الخيالة

27-06-2014, 10:14 PM

مستحيل أقط الأكل حتي في المطاعم ان زاد أسوي تيك آوي أعطي اي حد اي عامل في الشارع عادي اهم شي أنا ما أقط الأكل

بوخالد911

27-06-2014, 10:20 PM

بالعكس

هالعادة للحين موجودة

والجيران يتبادلون الأكلات كنوع من المحبة والألفة فيما بينهم

ولكن ما ينقط الأكل

هناك الخدم والدريول

وصار وعي عند الناس قاموا يوصلون الأكل للعمال

مرتبش

28-06-2014, 05:05 PM

لقيمات بيت جيرانا مافي مثله واستانس لما اشوفه على السفرة.

طبيب قطري

28-06-2014, 09:41 PM

ان شاءالله هالعادة ماتندثر

مشتاقة لقطر

28-06-2014, 10:06 PM

اصلا حلاته اكل الجيران بقطر .. نحب نشوف اكل جديد ..
ببيتي حاليا نادر لان ماعرف جيراني عدل .. وماعرف شو ردة فعلهم ..
بس هالموضوع ذكرني بشي مهم .. قدام بيتي مسوين خيمة .. وقمت الحين وصيت يوصلون بكرة لهم .. الله يجزيك خير حمد .. عالموضوع جا بوقته .. بس بغرض عكس اللي قلته بموضوعك

Win8

29-06-2014, 12:12 AM

من أفضل العادات وبإذن الله ماراح تندثر , هي صحيح قلت شوي بس لن تختفي

دااانة قطر

29-06-2014, 09:25 AM

شدعوه ينقط في الزباله ؟؟!!

شدراك إنه ينقط !! إنتوا تقطون !!
خلاص مب جايبلكـم < لأني كنت ناوي http://www.cheesebuerger.de/images/midi/haushalt/f025.gif

عالعموم ، إن شاء الله هالعاده ماتندثـر ، و أصلا حلاة رمضان بأكل الجيران و الناس اللي يطرشون ...

طبعاً البيوت اللي يعرفون إنه كل يوم يجيهم من بيت فلان وإلا علان ، لازم مايطبخون وايد عشان مايزيد ..

و إن زاد مافي مشكله ، يتسحرون فيه وإلا يروح المجلس للغبقه .. أو يوزعونه ..

:nice:

ya3coub

29-06-2014, 11:31 AM

هل تؤيد الغاء تلك العاده لانه الناس مب محتاجه اكل الحين ؟!!

لا طبعا.

عساها عادة ما تنقطع يا رب معنها في انخفاض قوي سنة عن سنة

وين ايام كنا صغار نفرح بقرب وصول الفطور الوالدة تطبخ و تقول طرشو للجيران.

و احنا ننطر رمضان بفارغ الصبر علشان ساقو ام فرج و ثريد ام جاسم و الخ من الأكلات الي كل بيت يتفنن فيها

و تبادل الصحون و الضحك و البهجة الي تكون وقت الفطور.

بينما باخر 3 سنوات خفت هالعادة و بالياله مرتين او ثلاث تحصل احد يوزع بحكم انه محد يبي يطرش الدريول و يروح و يوزع او الصحون تضيع او ما نبي نلزم على احد يطبخ و يرجع لنا و من الأعذار الي صارت.

في اجابة احاول اشيلها من بالي بس اشوفها ممكن بسبب الحريم الكبار فالسن مثلا جدتي الله يطول بعمرها ما تقدر تدخل المطبخ الحين <<< كانت مصدر المضروبة و الهريس إلى اليوم ما كلت احلى من يدها
و الكثير من الي توفو من عيايزنا و يداتنا الي أكل رمضان الشعبي يكون له طعم غير من ايدهم

الله يرحم جميع موتى المسلمين يا رب و يخليلكم امهاتكم و ابهاتكم يا رب