سكان روضة الحمام والبنية التحتية

[تأملات]

السلام عليكم
لقد وزعت الدولة منذ فترة الآلاف من الا راضي في روضة الحمام هذا بعد فترة طويلة من الانتظار
لكن ما تم توزيعه عبارة عن أراضي بدون بنية تحتية ولم تقوم الدولة باي شي الا منذ فترة قصيرة بتخصيص مليار ريال للبنية التحتية تشمل الطرق والصرف الصحي ولكن الا الان المشروعات لم ترى النوري بشكل كامل
ولكن الكثير من المواطنين في مرحلة التشطيب والبعض في مرحلة البناء ولكن كيف السكن في منطقة خالية من خدمات البنية التحتية الكاملة نعم المواطن ليس له حل الا البناء بعد طول انتظار.
هذه التجربة اي توزيع أراضي للبناء ثم الخدمات. تعود الى عقلية السبعينات والثمانينات والمستفيد فيها بعض الشركات. لكن لو ... تم أعداد جميع المناطق التي سوف يتم توزيعا بالخدمات الاساسية من كهرباء وماء وطرق وصرف صحي لكن أقل تكلفة وأكثر حضارية وخدمة للمواطن

[يمامـة]

تعودنا يا اخوي على هالسوالف.. لازم تتعامل مع التناكر للصرفالصحي او الماي
ولازم تعيش مع الغبار والعج والحصى وتتكسر سيارتك لين يفكرون يعدلون في البنية التحتية..

[Qt.1]

اخوي تاملات على الااقل الي عنده ارض يبدى يبني ويخلص والكهربا بتوصل له ويقدر ايمشي اموره وهذا الي سووه معظم الشباب , لكن اقعد احط يدي على خدي وانطر متى ايخلصون البنيه التحتيه هذا اكبر غلط , واللحين شغالين هم في البنيه التحتيه ليل نهار , في ناس ساكنه في اجار اخوي والله يعلم بحالهم , يقعدون في بيوتهم بدون بنيه تحتيه ويدفعون حق بنك التنميه احسن من يدفعون اجار حق بيت وهم مب عارفين لين متى بيتمون يدفعون !!

[ضوى]

مسيمير اللي قبل كانت بو هامور مافيها ولا شي ، لا شوارع ولا صرف صحي الله يعزكم ولا كهربا ولا تلفون ولا اي شي من البنية التحتية ، كل شي سووه واحنا ساكنين ، تبهدلنا سياراتنا تكسرت والتلفون حطوا لنا هوائي كيوتل اتذكر ، والبغار والعج ذبحنا وللعلم كنت اول بيت بالمنطقة وظلمة وبعيد صج معاناة ، الحمد لله على كل حال ، ما انصح احد يبني والا يسوي شي قبل اكتمال البنية التحتية واللي مضطر مثل ما كنا مضطرين الله يعينه ويساعده ويهون عليه

[بوخالد911]

الان لابد من توافر كل الخدمات

ومن ثم يتم توزيع الأراضي

[معماري قطري]

الان لابد من توافر كل الخدمات

ومن ثم يتم توزيع الأراضي

كلام وشعارات رنانة لتصدقه يا اخوي

بلادنا بلاد الطاقة بكل أَنواعها والمفروض للبنية التحتية مضخات وخصوصاً لتصريف مياه المطر وللصرف الصحي .. وهذي المضخات موجودة حتى في بلاد العالم التعيسة .. وإِحنا نبي نوفر نقوم نحفر الأَرض غزير غزير حتى نسوي ميلان مناسب يحرك مياه الصرف الصحي بدون مضخات .. ما ادري ليش العناد ذيه طول هالسنين؟ كنت زاير واحد وبصعوبة قدرت ادخل قرب بيتهم والسبب حفرة غزيرة تلتهم السيارات وأَي طفل لا قدر الله يسوقه قدره لهذي الحفرة .. يعني فيه حلول حتى بايبات تكون غير مدفونة في بعض المناطق وتشتغل عليها مضخات تدفع المياه لمحطات المعالجة واللي المفروض تكون تعالج لدرجة الصلاحية للزراعة أَقل شيء.

[معماري قطري]

بعدين أَشغال ما ادري أشخال ما ادري إِشقال مركزة ميزانية سنين في سنة وفي منطقة محدودة والمناطق البعيدة والسهلى ناسيتها

[القحطاني505]

منطقتنا يا اخوك سكناها قبل 15 سنة ما جانا الزلفت والبنية التحتية الا بعد سنتين من يوم سكنا

أما الانارة والترصيف ما شفنا شي

[عيون الدوحة]

الكهرباء واصلة المنطقة والشوارع بدوا فيها في بيوت واصلتهم
لاتقعد تاخر امورك يمكن اسعار البنيان تطير

[تأملات]

معماري
معقوله الصرف الصحي بدون مضخات
انا اعرف فيه مضخات سحب في مداخل المناطق للمساعدة على الدفع وايضاً مرتبطة بمضخات رئيسية

[إعلامي قطر]

..

ياجماعه خلوهم يسوون شوارع مثل الناس
أول شي وعقب يصير خير ونتكلم عن المضخات !

واضح جداً إن الشوارع الجديده ضيقه وكالعاده
بومسارين وبتكون زحمه وضيقة خلق وكالعاده
راح يحطون بلاط أحمر يمين ويسار وفوق
وتحت وينصرف مليار على البلاط وعقب
تعال كسّر ووسع وسو شارع بو ثلاث
مسارات من غير مواقف مثل شارع
الدفنه !!

ياخي مستحيل إن كل خبراء ومهندسين أشغال
مب فاهمين لحد الحين إن الشارع بومسارين
مايأكل عيش دبي الشوارع وصلت سبع
مسارات وإحنا لين الحين بمناطقنا
الجديده نسوي شوارع رئيسيه
بومسارين فقط لاغير !!!!!!!!!

..

[إعلامي قطر]

..

ما أحط مبرر لموضوع التجاوزات بس أعتقد جازماً
إن أحد أسباب التجاوزات والاحتقان والسخط
الموجود بالشوارع من بعض الناس هو إن
الشوارع ضيقه وتضيق الخاطر والله !

الحمد لله على كل حال بس أتمنى من
أي شخص مسؤول بأشغال إنه يتجمل
فينا ويشوف حل لموضوع الشوارع بومسارين !

..

[abdulla999]

الصراحة المنطقه في تطور والماي وصل والكهرباء والجماعة شغاليين في الصرف يعني اقل من سنه
وان شاء الله بشفون كل التمديدات حنا فالحيين ننتقد بدون لانشوف شيء ولي مش مصدق يروح المنطقة ولا يسمع من احد