مشورة ياجماعة

[على قد حالها]

السلام عليكم ياهل الدوحة الطيبين

اشكر كل عضو حاول يساعدني ويدلني على المحلات اللي بغيتهم:nice: ، بس ماتوقعت ان بصعوبة الواحد يلقى محل واحد لا واذا لقيت يطلع اجاره 18 الف والا 22 الف وفوق ، المهم ياجماعة الخير الحين لقيت محل في الوكرة قريب من الرونق (على الشارع) مساحته 4,5 12x وراعيه طالب فيه 40 الف خلو والايجار 2000 ريال . انتوا شرايكم يسوى والا لا ؟؟ لأني محتارة شوي:con2: والرجال ناطرني باجر ارد عليه


استفسار منكم:confused: :- شنو سالفة الخلو ، ليش يقولون المحل مطلوب فيه خلو وبعد يندفع فيه اجار ؟

[Mishaal]

بصراحة أنا مالي في هالسوالف ، لكن الشباب بإذن الله مابيقصرون وياج ..

الله يوفقج بس ماقلتي لنا محل شنو الي ناوية تفتحينه صوبنا .. :-)

[بوخالد2]

خلو يعني المحل باغراضه على مااعتقد من ديكور ومعداات 00 لكن بعد اجاره اول مره اسمع كذا؟؟

[طالع بن نازل]

مرحبا اختي ,,,,,,,,,,,,,,,

(( الخلو )) : عبارة عن مبلغ يدفع كاش لصاحب المحل المؤستأجر ويعتمد السعر
على موقع المحل , ليس بالضرورة الحجم . العنصر الاساسي هو الموقع .........

بالنسبة للمحل في الوكرة , فيعتمد على نوعية النشاط , مع ملاحظة ان منطقة الوكرة
بعيدة عن الدوحة , وحاولي اختي تلقين في الدوحة افضل ............

تأني بالتجارة , لاتستعجلين , اخذيها نصيحة من مجرب ,,,,,

بالتوفيق ,,,,,,,,,,,,,,,,,,,,

[جرناس]

شناويه تفتحين ع افيدج

[على قد حالها]

مشكورين اخواني على الردود ، يالجرناس ناوية افتح مغسلة ملابس او سوبر ماركت واتمنى الافادة.

[بوخالد2]

مشكورين اخواني على الردود ، يالجرناس ناوية افتح مغسلة ملابس او سوبر ماركت واتمنى الافادة.

أختى اذا مغسله او سوبرماركت يفضل في الاماكن الى فيها حرك مثل الغرافه بن عمران او مدينه خليفه او الخريطيات مب الوكر الله يخليج بعيد واهل الوكره قليل ترى:deal:

[bo_hamad]

خذي المحل على بركة الله وفي المستقبل لو تبين تبيعينه ممكن تبيعينه بخلو اكثير والله الموفق

[قطري طموح]

استخيري اختي على قد حالها قبل تردين على صاحب المحل
انصحج بالاستخاره .
يمكن انشاء مشروع في الوكره مع قلة عدد السكان افضل من انشائه في الدوحه انتي فقط استخيري والله يوفقج .

وقبل ماتبتدين في انشاء مغسلة ملابس في الوكره روحي ولفيها شارع شارع وشوفي عدد المغاسل في الوكره وقدري هل العدد كافي بالنسبة لعدد القاطنين حول المغسله فقط تقدير وبعدين شوفي هل المشروع يستاهل ااو لا .