اتحفونا بجدول الرجيم في رمضان

[عذاب]

السلام وعليكم ..
مبارك عليكم الشهر ..

بما أن دخلنا في شهر العباده والصوم نبي كل واحد يتحفنا في جدول رجيم صحي ولايزيد الوزن في رمضان ،


وتقبل الله منكم اجمعين .

[عاشق العديد]

مشي ساعه 5المغرب نص ساعه وسيكل نص ساعه

الفطور صدر دياي مع خبز اسمر ومعاه سلطه بعد التروايح نقًول جم مره ثانيه تمارين شد للجسم وبعدها نقًول البيت روب قليل دسم مع عيش اسمر والله يوفقكم وفي اكل واجد للي يبون يعرفون

[وطن]

كل اللي في خاطرك
و قلل الكميات

كثر من الماي

و اقطع السكريات و الدهون اذا تقدر

و الوزن بينزل
:victory:

[مضارب دوسري]

اللي مسويين قص معده
بيكون رجيم اجباري

[مرتبش]

كل اللي في خاطرك
و قلل الكميات

كثر من الماي

و اقطع السكريات و الدهون اذا تقدر

و الوزن بينزل
:victory:

اتفق مع هالشور الطيب

[طبيب قطري]

ابتعد عن المقليات والمشروبات المحلاة بالسكر والوزن بيقل بشكل ملحوظ

[ريتويت]

تمر ولبن فقط.. وماي طبعا ناويه التزم بالهرجيم لبن والتمر والماي والدوام طبعا بساهم فنزول الوزن والرجيم لاننسي هالشي وربي كريم.. انا الحين ظ¦ظ¦ وبعطيكم الابديت اول باول

[@الأدعم@]

شوربه خضار وسيخ دجاج او لحم مشوي وروب قليل الدسم وسلطه فواكه
السحور
فول ولبنه قليله الدسم ونصف خبز اسمر

وخل يوم في الأسبوع أجازه وكل اللي نفسك فيه
ولا تنسى المشي نص ساعده او ساعه
ألطريقه عن تجربه نزلت العام سته كيلو

[بوخالد911]

أهم شيء الارادة القوية

[نفسي عزيزه]

كل اللي في خاطرك
و قلل الكميات

كثر من الماي

و اقطع السكريات و الدهون اذا تقدر

و الوزن بينزل
:victory:

كلام 100 بالميه ياوطن اتفق معاج

[شبح الصمت]

اول شيء مبارك عليكم الشهر

ثاني شيء ياخوي عذاب الرجيم اجباري مهب اختياري ..

والواحد عقب الفطور لين السحور كم وجبه بياكل غير وجبتين مع اشياء خفيفه ..

[عاشق العديد]

اول شيء مبارك عليكم الشهر

ثاني شيء ياخوي عذاب الرجيم اجباري مهب اختياري ..

والواحد عقب الفطور لين السحور كم وجبه بياكل غير وجبتين مع اشياء خفيفه ..




ها ها ها ها ..
في رمضان شبتاكل شنو مابتاكل ..
جميع الماكولات العربيه والشرقيه ..
جميع الحلويات القطريه واللبنانيه ..
وجميع انواع احللوى العمانيه ..
لكن انت زدت فاليوم 2 كيلو .. فشهر انت زايد 20 كيلو .. وعقب شبوح احصل فكرشه في صبع ايدك

[عذاب]

اول شيء مبارك عليكم الشهر

ثاني شيء ياخوي عذاب الرجيم اجباري مهب اختياري ..

والواحد عقب الفطور لين السحور كم وجبه بياكل غير وجبتين مع اشياء خفيفه ..




الوجبتين الي بتاكلهم ممكن يزيدون وزنك وممكن ينقصون وزنك على حسب ترتيبك وتنظيمك للأكل 😊

[مهرة]

ماعليك من هذويلي المتان ..! :tease:الي مايعرفون الأكل الا برمضان

اخوي في الله ابدأ فطورك بسنة نبينا الكريم (عليه أفضل الصلاة والسلام) ب3 تمرات وماي او لبن اختياري

صلاة عقب شوربة وبقفشة الغرف الكبيرة اتحط لك مرة وحدة ياهريس او ثريد او باستا او معجنات يعني شغلتين من الكاربز عيوووش لاء ..

ولمن تاكل حاول بين كل لقمة والثانية تاكل سلطة او ممكن تبدلها بسلطة فواكة بعد الفطور بنص ساعة.. عصير لاء ..

أستغرب من الناس الي لازم يشربووون عصاير في كل سفرة لو ياخذونها كفاكهة احسن لأن العصير وهو طبيعي متروس سكريات فشلون عصاير الجمعيات وغير الفيمتو والتانج كلهم الوان ومحليات غير طبيعية ..

عقب التراويح شاي قهوة توست أسمر بحشوة خفيفة جبن ,, دجاج ,, بدون مايو طبعاً ,, لا ضير من حبتين لقيمات او كنافة بحجم نص الكف ومب كل يوم بعد كل يومين او ثلاث ..

ان شاءالله بحط لكم الطريقة الصحيحة لمدة اسبوع كامل وتغيرون فيها بشغلات خفيفة وسهلة ..

وبالتوفيق للجميع ومعاً رمضان بشكل صحي أكثر :victory:

[تأملات]

الجدول
اولا الفطور
4-5 حبات تمر
كوب لبن منزوع الدسم
طبق سلطة يشمل خس وخيار وفلفل بارد بقدونس مع ملاحظة تقليل الطماطم لانها تسبب تجميع الماء في الجسم يفضل ملعقة صغيرة من بذر آلكتان على السلطة
4 ملاعق اكل فول او عدس او لبنه
شورية كوب ونص اي ما يعادل 360 مل شوفان او خضار او حب بدون دهون
بعد وجبة الفطور شاي اخضر صيني
بعد صلاة التراويح وجبة خفيفة
ثمرة فواكه واحد ما عدا الموز والمنجا والعنب يفضل الأناناس لفائدته في حرق الدهون
مكسرات 3-5 حبة يحب ان يكون غير محمص بعد هذه الوجبة بساعة شاي اخضر صيني
وجبة السحور قبل نومك بثلاث ساعات
أرز مقدار 8 ملاعق اكل او مكرونة او 2 حبة بطاطس مشوي او مسلوق
طبق السلطة اضافة خل التفاح او زيت بذور الكتان
لحم مشوي او كباب مقدار 60 جم او 200 جم سمك مشوي او دجاج مشوي او في الفرن
علبة روب منزوع الدسم

[حـ ن ـيـ ن]

وزنت اليوم ولله الحمد الميزان شجعني :shy:

ولذلك سوف اعتمد لي برنامج وهو تخفيف الأكل جداً جداً مع المشي

لكن إلى الآن لم أحدد الوقت المناسب للمشي هل قبل الإفطار أم بعده ...

دعواتكم :victory:

[abu m7md]

ما شاء الله
وفجأه اصبح الجميع متخصصون غذائياً هههههههههه
يعطيكم العافيه
عن نفسي متمكن في الغذاء وكيفيه التعامل معاه
الرجيم له انواع فيه القاسي وفيه البطيئ
فيه رجيم يشكل الجسم لكن الوزن ثابت وفيه رجيم يبيد الجسم مثل قص المعده

الي تبيه اخوي عذاب حدده لي لكن ابي منك وزنك وطولك وفي اي مكان متكتله عندك الدهون
وابشر بالبرنامج الي يرتب جسمك قبل العيد

[طموحي عالي]

طبعا في يومين زدت كيلو ومالي خلق ازيد اكثر

واليوم افكر امشي قبل الفطور او بعد الفطور شنو الافضل