تخبط في اسعار الاطارات وحماية المستهلك تقول مالنا علاقه

[نفسي عزيزه]

السلام عليكم ورحمة الله وبركاته


مبارك عليكم الشهر الفضيل
الموضوع :

امس رحت ادور تواير مياجر دنلوب 17 للكروزر محل ب 850 ومشهور ومحل ثاني ب 800 ومحل جنبه ب 770 ومحل اخر بطريق سلوى ب 760 قلت باروح حق المحل المشهور اقرب لي من طريق سلوى وقلت له بكم تخلص لي التواير قال اخر شي ب 850 قلت له ليش يعني توايرك مميزين او فيهم خلطه للصيف يقول شتقصد اقول له بطريق سلوى ب 760 وانت ب 850 نفس التاير ونفس تاريخ الانتاج قال مايصير اكيد انت مب متاكد قال بشيك قلت له شيك قال انا سعري قلته وماغيره قلت له ماتخاف من حماية المستهلك قال روح اشتك عادي ماخاف من شي قهرني ويوم اتصلت بحماية المستهلك قالو مالنا علاقه بالاطارات عيل اقول لهم حماية ايش انتو التجار قالوا وايد سلع مالنا علاقه فيها :rolleyes2:
الواحد صار مايدري شيسوي مرات يقلون لنا كلمو حماية المستهلك واذا كلمناهم صدمونا والمحلات تتطنز علينا ان روح شتكي ماراح تلقى حقك بصراحه صرنا مطنزه ولاعاد اتصل بحماية المستهلك مره ثانيه لانهم حماية التجار كيف رضوا على اصحاب المحلات يلعبون فينا وكل مالهم ويرفعون اكثر والي يقهرك يستخفون بدمهم عليك ----> روح اشتكي شبتسوي يعني ؟ وفبلادي ويخاطبني بهاللهجه الله يرحم زمان اول بس

انا حبيت انزل هالموضوع اطلع الي بقلبي والي عنده اضافات حياه الله الموضوع موضوعكم ومنكم نستفيد

والسلام عليكم

[محمد11]

المفروض في جهه رقابيه اسمها
حماية المواطن من حماية المستهلك

[شيخ الديرة]

تدري سعر المشهور 850 , ليش تروحله وتوجع راسك؟ روح لمحل 760 ,المنافسة أقوى حماية للمستهلك.

[دااانة قطر]

للي عندهم خبره توااير الـfj بكم؟؟

[عاشق العديد]

للي عندهم خبره توااير الـfj بكم؟؟

نفس شي ..

لكن على حسب النوع الي تبينه وكم حجم رنغات سياراتج ..
يمكن رنغات سيارتج 17 او 16 لازم تعرفين كم الحجم والاسعار نفس شي مابين 830 وتحت يعني كاسريهم لين 760 770 زين ..

[ya3coub]

عادي عادي

مافي احسن من الي يروح الحسى يبدل و يرجع.

للأسف عندنا المواصفات و المقايس الموظفين نفسهم يقولونلك روح ركبهم برع وارجع يعطونك الحل الغير قانوني علشان ما تدخل تواير من برع قطر و اتلعوزهم.

و حتى لو بتشتكي بعد نفس الشي ممكن حختى حماية المستهلك تحولك على المواصفات و المقايس.

اسعار التواير عالنت من ارخص ما يكون بس ربعنا اهني يطلب منك الـــgso الشهادة و لما تجيبها تدخل

و اغلب العروض الممتازة اتكون من امريكا و للأسف ما يتعاملون بنظام الـــgso و انت و حظك شالي يدخلونه و شالي يروح عليك


للعلم تواير الكروزر بالنت الدنلوب في 3 احجام لل17 ابتدائا من 148 دولار يعني حروة الــ540.2 ريال

قول 200 دولار شحن اذا دايركت او عن طريق ارامكس ما اعرف بكم لأن ما قد شحنت تواير عليهم.

اسعار معقولة بس للصالون صارلي 4 شهور ادور تواير مو موجوة بقطر إلا عند برلي و اسعاره خرافية 13000

و اذا بجيب من برع لازم شعادة GSO !!!

مع العلم الي محصلهم برع على 1600 دولار بالشحن لــ8 تواير يعني بالقطري 5840 ريال

[alsenator]

من اول خذ ب ظ§ظ¦ظ* وفك نفسك وخل ابو ظ¨ظ¥ظ*

[مجلان]

روح الامارات تتمشا وتغير جو وتغير توايرك

[رحال]

آنه مبدل تاير لكززس فورويل 1340 ريال في محطة وقود ؟؟؟
هل يعقل ؟؟؟

[..er..]

فرفرت ع المحلات كلها لين لقيت واحد عطاني التاير ب 700
حق الفيكسار
ولا الباقين شي 800 واللي 900
والوكيل الدرويش ب 780 للعلم حجم 17

قلت بروح الحسا لقيت التاير 520
بس خفت منهم لان اربع مرات اطيح وانلدغ
من اليمنيه اللي هناك وانواع التصلخ بتوايرهم
لا بيلون ولا مياجر

[superzooz]

والله اول امس راجع من الامارات وشاري (4) تواير بيرجيستون مقاس 20 للنيسان ب 2800 ريال
وفالدوحه من تقريبا" 6 شهور بدلت ( تايرين ) قود ير نفس المقاس ب 2970 ريال ونفسهم
في الامارات (الاربعه) ب 2600 ريال

[نفسي عزيزه]

والله اول امس راجع من الامارات وشاري (4) تواير بيرجيستون مقاس 20 للنيسان ب 2800 ريال
وفالدوحه من تقريبا" 6 شهور بدلت ( تايرين ) قود ير نفس المقاس ب 2970 ريال ونفسهم
في الامارات (الاربعه) ب 2600 ريال

ظلم عندنا وسرقه عيني عينك

لاحول ولاقوة الا بالله

[نفسي عزيزه]

في ناس تواصلت معي بالخاص اشكرهم للاهتمام وبيض الله وجيهكم ويسمحلولي على عدم الرد بالخاص لان مسكر عندي من الاداره ان شاء الله تنحل السالفه وارجع اتواصل معاكم واخذ ارقامكم

السموحه منكم واشكر لكم حرصكم وهذي بلادنا كلنا لابد نوقف مع بعض لحل لعبة وجشع التجار

[المحقق كونان]

أخذ من الوكيل

الدرويش

[الرايــق]

للي عندهم خبره توااير الـfj بكم؟؟

انا ادور نفس حقت الشركة دنلوب 17 وما لقيت فكل طريق سلوى ..
ممكن حد يدلني وين ألقاهم ؟

[Rashid554]

اليوم كنت رايح اغير توايري الاربعه ب 3200 الصراحه غالي وخليته يولي
ياخي مادري وين القى تواير كروزر على 700

[مضارب دوسري]

شوف تاريخ وسنة الصنع عشان ما ينقص عليك اخوي
ركبت تواير سنة 2012
وب0لتهم عقب 7 شهور في 2013
والسبب ان الاولى متصنعه سنة 2011
واللي ركبتهم عقب متصنعين 2013 (طبعا من الرياض خذتهم )

[مضارب دوسري]

انا ادور نفس حقت الشركة دنلوب 17 وما لقيت فكل طريق سلوى ..
ممكن حد يدلني وين ألقاهم ؟

في مدينة المره بتحصل

[مضارب دوسري]

والله اول امس راجع من الامارات وشاري (4) تواير بيرجيستون مقاس 20 للنيسان ب 2800 ريال
وفالدوحه من تقريبا" 6 شهور بدلت ( تايرين ) قود ير نفس المقاس ب 2970 ريال ونفسهم
في الامارات (الاربعه) ب 2600 ريال

مافرقت ياخوي وما تسوى العنوه
المشكله عندنا التواير من وكيل الى محل الى محل الخ
الوكيل يبيعهم ب 750 مثلا
والمحلات اللي تحته كل واحد يزيد 10 و20 ريال

[مضارب دوسري]

ادفعوا 50 و100 ريال زياده عااادي
المهم يمون سنة الصنع نفس السنه
اذا لا لا تشترونها حتى لو ب 600 ريال

[عازف]

السلام عليكم ورحمة الله وبركاته


مبارك عليكم الشهر الفضيل
الموضوع :

امس رحت ادور تواير مياجر دنلوب 17 للكروزر محل ب 850 ومشهور ومحل ثاني ب 800 ومحل جنبه ب 770 ومحل اخر بطريق سلوى ب 760 قلت باروح حق المحل المشهور اقرب لي من طريق سلوى وقلت له بكم تخلص لي التواير قال اخر شي ب 850 قلت له ليش يعني توايرك مميزين او فيهم خلطه للصيف يقول شتقصد اقول له بطريق سلوى ب 760 وانت ب 850 نفس التاير ونفس تاريخ الانتاج قال مايصير اكيد انت مب متاكد قال بشيك قلت له شيك قال انا سعري قلته وماغيره قلت له ماتخاف من حماية المستهلك قال روح اشتك عادي ماخاف من شي قهرني ويوم اتصلت بحماية المستهلك قالو مالنا علاقه بالاطارات عيل اقول لهم حماية ايش انتو التجار قالوا وايد سلع مالنا علاقه فيها :rolleyes2:
الواحد صار مايدري شيسوي مرات يقلون لنا كلمو حماية المستهلك واذا كلمناهم صدمونا والمحلات تتطنز علينا ان روح شتكي ماراح تلقى حقك بصراحه صرنا مطنزه ولاعاد اتصل بحماية المستهلك مره ثانيه لانهم حماية التجار كيف رضوا على اصحاب المحلات يلعبون فينا وكل مالهم ويرفعون اكثر والي يقهرك يستخفون بدمهم عليك ----> روح اشتكي شبتسوي يعني ؟ وفبلادي ويخاطبني بهاللهجه الله يرحم زمان اول بس

انا حبيت انزل هالموضوع اطلع الي بقلبي والي عنده اضافات حياه الله الموضوع موضوعكم ومنكم نستفيد

والسلام عليكم
اخوي عزيز النفس،،
روح سلوى بعد حدود السعودية في محل تواير عنده تواير على كيف كيفك جميع الماركات واستعارة ممتازة بس شيك على تاريخ الانتاج وفالك طيب

[موظف ((حكومي]

نصيحه



روح للاحسى

[المعنى88]

الوكيل الدرويش .......... لاعب لعبته في الاسعار وانتوا ادرى
من سنين شريت منه بفرق 20 ريال للتاير لاكن مايركب التواير
روحو السعودية ... وشوفو سياير قطر شلون يبدلون توايرهم
بس حاسبوا للسعر والتاريخ

[م ع م]

بالتوفيق

[رجل الجزيرة]

شلون أعرف تاريخ صنع التواير؟

[بوNasser]

شلون أعرف تاريخ صنع التواير؟

كل محلات بيع وتركيب التواير عندنا في قطر ملزمة انا تضع ملصقات وزارة التجارة والاقتصاد اللي تبين كيفية التعرف على مواصفات الاطارات.

على كل حال بالنسبة للتاريخ تلقاه في اخر اربع ارقام بعد كلمة DOT:

اول رقمين : الاسبوع الذي صنع فيه الاطار (حيث ان السنة 52 اسبوع) وهذ اضبط للصلاحية، بدلا من ذكر الشهر (حيث لن يعرف هل الصنع في بداية الشهر ام في آخير يوم منه)

ثاني رقمين: سنة الصنع كما في التالي

http://www.automotivepr.com/cmsAdmin/uploads/Michelin_pro_guide_2011_Tyre_markings_002.jpg

المثال السابق تاريخ الصنع 2002 الاسبوع 19 يعني الاسبوع الثاني من شهر مايو 2002م


وهذا مصنوع في الاسبوع الحادي عشر من عام 2013 يعني تقريبا في نص شهر مارس 2013

http://www.agcoauto.com/content/images/tires/dot_age_tire.jpg

تحياتي لك وللجميع