تصرفها حيرني

[عثرة جواد]

صباح الخيرع الجميع

وانا جالسه ف الدوام دشت علينا وحده تبي نخلص لها معاملتها

الاخت من الدول العربيه وياها والدها عمر3 سنوات

المعامله يبيلها اقل شي ربع ساعه وانا اخلص معاملتها

ولدها حركي بطريقه غيرطبيعيه كل شي يمسكه ويتحرك ف كل مكان

وانا اراقب تصرفاتها وردة فعلها من حركته طول الوقت اتكلمه وتشرح له وتبين له

بدون تذمراوضرب اواي شي يجرح مشاعرة اويحسسه انه غيرمرغوب فيه

كم طفل تكسرع حركته ونهان ونجرحت مشاعره ونهزت شخصيته وكانت النتيجه

انطوائي او خجول او سلبي او........... سبحان الله وهي تضحك قلت لها الله يعينج

شكله متعبج ؟؟؟قالت وهي تضحك كنت حامل بتؤئم وسقطت بسبته :weeping:من كثرماركض وراه

ماسمعت الله ياخذك ذبحتني" والله يكسرك " بتشوف شاسوي فيك :court:

سرحت وااايد وفكرت كثير كم يبيلنا نوصل لين ابتدت هي ؟؟؟؟:secret:

[طبيب قطري]

الاطفال نموهم العقلي سريع جدا وبتستغربين لو عرفتي انه مخهم يستوعب الكثير من المعلومات ولذلك بدال ماالام تلجأ للخيزرانه اسهل لها تلجأ للسانها بانها تتحدث دائما مع الطفل وبتلقى ثمره فعلها بالمستقبل ان شاءالله

[العنيده]

سبحان الله , هذا هو التصرف السليم مع الطفل الحركي وكثير الاسئله بعد ..
وهو كله مسالة تعود لو ردت الفعل بالهواش والضرب ممكن يتصرف بتمرد ويكرر الفعل .. والله يعنيها ان شاء الله
و يعوضها خير ان شاء الله باللي انفقد ..

[sweet qatar]

هاي المفروض يكون تصرف كل الآباء والأمهات مع عيالهم

لازم يعرفون ان أخطاء اليهال عن جهل و حركتهم ونشاطهم لطبيعتهم

الله يحفظ لها ولدها ويعوضها خير

[abu m7md]

وين بنات المنتدى يسمعون ويتعلمون
ايه بس ايه
اه بس اه
والي بس والي

[ضوى]

وايد كبرتي الموضوع ، مايحتاج هالحيرة كلها ، الله يرحم امهاتنا ماعمرهم كسرونا ولا هزونا جدام احد لكن ربونا انه النظرة منهم تكفي ، ولا اهتزت شخصياتنا ولا تعقدنا ، واللي سوته المراة شي عادي جدا ووايد حريم مواطنات يسوونها ،

[Aaziz]

https://www.youtube.com/watch?v=F8IQLP45Qwc

[حسن]

شكرا لك على هل الموضوع المهم واتمنى يوصل الى اكبر شريحه من المجتمع
وخصوصا جيل هذا الوقت من الامهات اولا واخيرا الابهات
الصراحه كثيرا اسمع كلمه ياكلب ولا ياكلبه ولا ياحمار ولاياحماره
من الامهات اكثر شي وللاسف متعلمين واصحاب شهاادت وبعد هذه المواقف واللي نشوفها
اقيقنت ان التعليم ولا المؤهلات غير مقياس
والمشكله والطامه الكبرى انها تسبب عقد نفسيه وهذا انا اشوفه منشر بشكل كبير
وفضيع ولكن ما يحسون انهم مبتلين بهذه الامراض
المجتمع جاهل بالامراض النفسيه بشكل كبير يهتم الى توافه الامور
والمشكله في هذا الوقت الزوجه اصبحت مهمله بشكل كبير كبير
والخدامات هم الامهات الحقيقيات لهذا الجيل
فيجب ان تكون هناك مراكز مخصصه لتثقيف الخادمات لان هم اساس المجتمع
وهم من يجب من يهتم به الزوج والدوله

شكرا لك ياعثره جواد تكلمتى عن وضع ماسوي ويحز في الخاطر

الله يعين المجتمع على هذه التربيات

[sweet qatar]

أشوف العكس يا حسن صار الوعي أكبر في التربية

و للأسف البعض يبالغ في مراعاة الطفل لدرجة الدلع

فالجيل المدلع أخطر بوايد من الي تكلم عنه


أصلا نادر الي يضرب طفل بو ثلاث سنين او يدعي عليه
يا ان الشخص نفسه متعود على هالالفاظ او انه معصب ومتنرفز حده

[أم هشام]

ما شاء الله عليها
و الله يعوضها خير بالتوأم اللي راح

[Aaziz]

وايد كبرتي الموضوع ، مايحتاج هالحيرة كلها ، الله يرحم امهاتنا ماعمرهم كسرونا ولا هزونا جدام احد لكن ربونا انه النظرة منهم تكفي ، ولا اهتزت شخصياتنا ولا تعقدنا ، واللي سوته المراة شي عادي جدا ووايد حريم مواطنات يسوونها ،

لا لا اسمحيلي ضوى
مايصير العقل مايستحمل تكونون زينين ، بتصير كارثه لو تم اثبات ان نسوانا زينين و نسوان سنعين و يقدرون ازواجهم و يربون عيالهم و قايمين في بيوتهم .

المره القطرية زينه ،،،، فشرررر :sneaky:

[ضوى]

لا لا اسمحيلي ضوى
مايصير العقل مايستحمل تكونون زينين ، بتصير كارثه لو تم اثبات ان نسوانا زينين و نسوان سنعين و يقدرون ازواجهم و يربون عيالهم و قايمين في بيوتهم .

المره القطرية زينه ،،،، فشرررر :sneaky:

دايما اقول المرة القطرية زي العومة مأكولة ومذمومة

[وطن]

هذا الهدوء شفته في رفيجتي الله يذكرها بالخير
هي من احد الدول العربية بعد

ما شاء الله عليها حبيت أسلوبها و هدوئها

حسيت لو انا جان زفيت البنت
بس هي بهدوء تتعامل معاها مع انها تصارخ وتصيح


قلت الله يرزقني هدوئها اذا الله رزقني عيال ان شاء الله


فعلا الهدوء في التعامل مع الأطفال ثماره أقوى من الضرب والصراخ

[وطن]

وايد كبرتي الموضوع ، مايحتاج هالحيرة كلها ، الله يرحم امهاتنا ماعمرهم كسرونا ولا هزونا جدام احد لكن ربونا انه النظرة منهم تكفي ، ولا اهتزت شخصياتنا ولا تعقدنا ، واللي سوته المراة شي عادي جدا ووايد حريم مواطنات يسوونها ،

ذكرتيني يا ضوى
امي كانت من نظرة بس تخليني اعرف اني سويت غلط او مصيبة

عشان جذي لين يومج لو حد رفع صوته علي
تخنقني العبرة
:rolleyes2:

[ضوى]

هذا هو وطن ، مب لازم تمردغني في الارض عشان اعرف اني غلطت ، وهذا هم عيالنا بنفس الطريقة ، في البيت عادي نفتن عليهم ممكن نضربهم لكن جدام الناس لا

[عثرة جواد]

الاطفال نموهم العقلي سريع جدا وبتستغربين لو عرفتي انه مخهم يستوعب الكثير من المعلومات ولذلك بدال ماالام تلجأ للخيزرانه اسهل لها تلجأ للسانها بانها تتحدث دائما مع الطفل وبتلقى ثمره فعلها بالمستقبل ان شاءالله

ايه والله الطفل اول مادش طلب ورقه وقلم وتم يشخبط

اسعدني مرورك

[عثرة جواد]

سبحان الله , هذا هو التصرف السليم مع الطفل الحركي وكثير الاسئله بعد ..
وهو كله مسالة تعود لو ردت الفعل بالهواش والضرب ممكن يتصرف بتمرد ويكرر الفعل .. والله يعنيها ان شاء الله
و يعوضها خير ان شاء الله باللي انفقد ..

اللهم امين

الي عجبني هووعي الام ودراكها لتصرفاته وحتواها له

اسعدني مرورج

[عثرة جواد]

وين بنات المنتدى يسمعون ويتعلمون
ايه بس ايه
اه بس اه
والي بس والي

احنا محتاجين توعيه صارمه وقوانين اقواء توقض النايمين

اسعدني مرورك

[عثرة جواد]

[quote=ضوى;9641164]وايد كبرتي الموضوع ، مايحتاج هالحيرة كلها ، الله يرحم امهاتنا ماعمرهم كسرونا ولا هزونا جدام احد لكن ربونا انه النظرة منهم تكفي ، ولا اهتزت شخصياتنا ولا تعقدنا ، واللي سوته المراة شي عادي جدا ووايد حريم مواطنات يسوونها ،[/quote

حيبتي انا ماقلت انت قلت
أتمنى تعيدين قرائة الموضوع وتقارنينه بل واقع لوانت تربيتي بنظره

قيرج تربى ع الهوز

أتمنى عدم الانتقاد >>فل تقول خيرام لتصمت <<

اسعدني وعيج

[عثرة جواد]

https://www.youtube.com/watch?v=F8IQLP45Qwc

جزاك الله خير

اسعدني مرورك

[عثرة جواد]

شكرا لك على هل الموضوع المهم واتمنى يوصل الى اكبر شريحه من المجتمع
وخصوصا جيل هذا الوقت من الامهات اولا واخيرا الابهات
الصراحه كثيرا اسمع كلمه ياكلب ولا ياكلبه ولا ياحمار ولاياحماره
من الامهات اكثر شي وللاسف متعلمين واصحاب شهاادت وبعد هذه المواقف واللي نشوفها
اقيقنت ان التعليم ولا المؤهلات غير مقياس
والمشكله والطامه الكبرى انها تسبب عقد نفسيه وهذا انا اشوفه منشر بشكل كبير
وفضيع ولكن ما يحسون انهم مبتلين بهذه الامراض
المجتمع جاهل بالامراض النفسيه بشكل كبير يهتم الى توافه الامور
والمشكله في هذا الوقت الزوجه اصبحت مهمله بشكل كبير كبير
والخدامات هم الامهات الحقيقيات لهذا الجيل
فيجب ان تكون هناك مراكز مخصصه لتثقيف الخادمات لان هم اساس المجتمع
وهم من يجب من يهتم به الزوج والدوله

شكرا لك ياعثره جواد تكلمتى عن وضع ماسوي ويحز في الخاطر

الله يعين المجتمع على هذه التربيات

يسعدني انه ف شريحه مثلك وشرواك عندها وعي للي وصلنا له

وعزائنا ان تستيقض الأمهات من الغفله لتلحق ع الي بقاء

تسعدني ردودك ومرورك

[عثرة جواد]

أشوف العكس يا حسن صار الوعي أكبر في التربية

و للأسف البعض يبالغ في مراعاة الطفل لدرجة الدلع

فالجيل المدلع أخطر بوايد من الي تكلم عنه


أصلا نادر الي يضرب طفل بو ثلاث سنين او يدعي عليه
يا ان الشخص نفسه متعود على هالالفاظ او انه معصب ومتنرفز حده

حبيبتي والله العديد قاعديزيد وانا وايداشوف حتى الضرب ف الشارع قدام العالم

طفل توه يمشي يعطيه ابوه ذاك الكف تصدقين الطفل ماصاح من الصدمه

وتم يتلفت يشوف الي حوله هاي صارقدامي ف احدالمجمعات

غيرالام الي تمشي وهي تفرص ف هل ياهل لانه فشلها

مب هامهم عيالهم اهم شي الناس

اذبحتنا الوجاهه

[عثرة جواد]

ما شاء الله عليها
و الله يعوضها خير بالتوأم اللي راح

اللهم امين

اسعدني المرور

[عثرة جواد]

هذا الهدوء شفته في رفيجتي الله يذكرها بالخير
هي من احد الدول العربية بعد

ما شاء الله عليها حبيت أسلوبها و هدوئها

حسيت لو انا جان زفيت البنت
بس هي بهدوء تتعامل معاها مع انها تصارخ وتصيح


قلت الله يرزقني هدوئها اذا الله رزقني عيال ان شاء الله


فعلا الهدوء في التعامل مع الأطفال ثماره أقوى من الضرب والصراخ

هاي الي نحتاجه ف التربيه ع شان نقدرننشاء جيل قوي قيادي

اسعدني المرور

[نتفـه]

ما شاء الله عليها .. ياليت اختي تتعامل مع ولدها جذي .. الله يحفظه ان شاء الله

[حمد 2002]

فرقا مابين هنا وهناك ..

ما شاء الله عليها ..:)

[عثرة جواد]

ما شاء الله عليها .. ياليت اختي تتعامل مع ولدها جذي .. الله يحفظه ان شاء الله

خل لك دورف حياة كل قريب ونصح كل بعيد بل كلمه الطيبه تقدر تغير الكثير

اسعدني مرورك

[عثرة جواد]

فرقا مابين هنا وهناك ..

ما شاء الله عليها ..:)

اخوي حمد بل علم الواعي والثقافه المثمرة تستطيع تغيرامم

اسعدني مرورك

[حسن]

أشوف العكس يا حسن صار الوعي أكبر في التربية

و للأسف البعض يبالغ في مراعاة الطفل لدرجة الدلع

فالجيل المدلع أخطر بوايد من الي تكلم عنه


أصلا نادر الي يضرب طفل بو ثلاث سنين او يدعي عليه
يا ان الشخص نفسه متعود على هالالفاظ او انه معصب ومتنرفز حده

والله ياسويت ماشوف الى الاهمال وهذا مانشوفها والكل يشوفه واصبحت الخادمه للاسف
هي الام الواقعيه والحقيقه عند الكثير الكثير ابداء من الولاده الى توصيله المدرسه
ومن خلال ماشفته بعيني ومن حولي وحولي عيال الخادمات اكثر حركه ونشاط
بشكل كبير عن عيال ام واب متابعين ومراقبين ومهتمين بهم
وهذا يعود على ثقافه الام والاب ماله علاقه بالتعليم
والتعليم من بدايه النشاء هو المهم مثل قواعد البناء اذا كانت سليمه الباقي
يجيك سليم


وشكرا

[sweet qatar]

حبيبتي والله العديد قاعديزيد وانا وايداشوف حتى الضرب ف الشارع قدام العالم

طفل توه يمشي يعطيه ابوه ذاك الكف تصدقين الطفل ماصاح من الصدمه

وتم يتلفت يشوف الي حوله هاي صارقدامي ف احدالمجمعات

غيرالام الي تمشي وهي تفرص ف هل ياهل لانه فشلها

مب هامهم عيالهم اهم شي الناس

اذبحتنا الوجاهه

لا حول ولا قوة الا بالله

حرام عليهم جذي

يالغالية أنا أشوف هلي وربعي تربيتهم غير

ومثل ما قلت قبل .. بعضهم لسانهم متعود على الألفاظ الشينة والسب

بس في حالات يعني مب في كل وقت

على العموم ان شالله رسالتج توصل للي يحتاجها

[sweet qatar]

والله ياسويت ماشوف الى الاهمال وهذا مانشوفها والكل يشوفه واصبحت الخادمه للاسف
هي الام الواقعيه والحقيقه عند الكثير الكثير ابداء من الولاده الى توصيله المدرسه
ومن خلال ماشفته بعيني ومن حولي وحولي عيال الخادمات اكثر حركه ونشاط
بشكل كبير عن عيال ام واب متابعين ومراقبين ومهتمين بهم
وهذا يعود على ثقافه الام والاب ماله علاقه بالتعليم
والتعليم من بدايه النشاء هو المهم مثل قواعد البناء اذا كانت سليمه الباقي
يجيك سليم


وشكرا

شوف يا اخوي ماتقدر تعمم ولاتحط نسبة الا لما تسوي احصاء كامل :o

ترى مب شرط اذا ذكرنا مثال طيب من اي دولة ثانية .. نحط الشين في ربعنا

كل البيوت الحين فيها خدامتين وثلاث

بس ياخوي الحريم مجابلين عيالهم حتى مع وجود الخدم

طبعا انا ما اقول الكل بس أغلب الي أشوفه

شفت فترة امتحانات اليهال من اسبوعين كنت أدور وحدة بس تفضالي ساعتين تطلع معاي ماحصلت

خواتي وربعي مشغولين مع عيالهم .. مع اني اقولهم هم الي بيمتحنون مب انتوا

عجبني تحليلك عن نشاط الطفل .. تطور ملحوظ ماشالله :victory:
مادري تأثير من !!

[شبح الصمت]

هدواء زين بس يسبب ازعاج حق الآخرين يا عثرة .


عن نفسي بنتي حركيه ماشاء الله لو وديتها مكان اطلع لي قرون بس ما اطقها



فديتها

بالمقابل ترى غلط تخلي الياهل يسبب ازعاج لاخرين والله احراج عن نفسنا لو في مجالس وعيالنا ما نسنعهم على انهم ما يتحركون ويخربون ترى احراج وفشيله راعي المجلس والا المكان مسكين ما راح يتكلم قدامك بشيء بس يمكن من وراج ينتقد والموجودين ..


هدوواء العاصفة في لحظتها عجيب

لكن

العافور الي راح يصير عقب الهدوء بينهم البين اهو المشكلة

ههههههههههههاي

ولكم حرية التخيل

:tease:

[sweet qatar]

هههههههههه

صادق شبح والله يحفظ لك عيالك


عيب الأم والأبو يخلون ولدهم يزعج العالم ويكسر بيوتهم

بس الياهل لازم تتصرف معاه صح عشان ما تأثر على شخصيته ومستقبله

[مختلفة عقليا]

السلام عليكم .,

ما الله رزقني في العيال لحين .,

بس .,

لازم تصبر وتسكت وتضحك له .,

هو جييييه ,’ هاي واقعه بس اتقوله اللعب بدون ما تمسك الاغراض او اتكسر ., يعني نط فوق الكرسي

والا اركض في المكان .,

عندي اخوي جيه ., عمري ما مديت يدي والا صارخت عليه .,

بالعكس اجوفه واضحك في ويهه ., وحزات امسك يده ., او افتح له موضوع يشغله .,

بس هو جيييه ., ومستحيييييييييييييييييييييييل اضربه او اجرحه عشان الناس ., هو اهم منهم .,

ويسلموو .,

[شبح الصمت]

هههههههههه

صادق شبح والله يحفظ لك عيالك


عيب الأم والأبو يخلون ولدهم يزعج العالم ويكسر بيوتهم

بس الياهل لازم تتصرف معاه صح عشان ما تأثر على شخصيته ومستقبله




اللهم آمين

ويحفظ لج غاليج

يا بنت الناس الله يرحم ابوي والله يطول بعمر الوالده ويطول بعمر شيبانكم وعجيزكم


كلناها ضرب بذاك الهوز الخضر وكاه طلعنا الحمد لله لا معقدين وإلا فينا شيء ..


بس تعلمنا منهم جعل من جابهم الجنه دروس تفيدنا في الحياة ما كانوا مثقفثين ولا متعلمين ولا شهادات خبرة حياة ..


انا اقول الهدوء زززين للاب والام والطفل ..


لانه في ناس يتحسسون

يعني في حريم مستعدين يقطعون علاقتهم بحريم والسبه هالبزارين يعيثوون في البيت خراباً ودماراً ماشاء الله عليهم


فما تقدر تربط حركتهم ولا حريتهم ..


والله يهداج سويت مرده يكبر وينسى اش هالجيل الي يشل بقلبه ولا شخصيته


نحن من نغير في شخصياتهم

مستعد اطلع ولدي على الي ابيه

راعي بحر
راعي مقناص
متفاعل
مبلتع في الكلام
هادى ..

ترى البيئة الي حوله اهي الي تكون شخصيته

[عثرة جواد]

اللهم آمين

ويحفظ لج غاليج

يا بنت الناس الله يرحم ابوي والله يطول بعمر الوالده ويطول بعمر شيبانكم وعجيزكم


كلناها ضرب بذاك الهوز الخضر وكاه طلعنا الحمد لله لا معقدين وإلا فينا شيء ..


بس تعلمنا منهم جعل من جابهم الجنه دروس تفيدنا في الحياة ما كانوا مثقفثين ولا متعلمين ولا شهادات خبرة حياة ..


انا اقول الهدوء زززين للاب والام والطفل ..


لانه في ناس يتحسسون

يعني في حريم مستعدين يقطعون علاقتهم بحريم والسبه هالبزارين يعيثوون في البيت خراباً ودماراً ماشاء الله عليهم


فما تقدر تربط حركتهم ولا حريتهم ..


والله يهداج سويت مرده يكبر وينسى اش هالجيل الي يشل بقلبه ولا شخصيته


نحن من نغير في شخصياتهم

مستعد اطلع ولدي على الي ابيه

راعي بحر
راعي مقناص
متفاعل
مبلتع في الكلام
هادى ..

ترى البيئة الي حوله اهي الي تكون شخصيته

اخوي انا اختلف معاك ف نقطه ماتعقدنا كثيرمن المشاكل الي قاعده تصيرالحين هي نتيجه لما سبق

الام الي تهمل عيالها تربت انها تنهمل والريال الي لامبالي تربا ع هشي

صح احنا انطقينا بس كان عقاب موقت وانتها لاكن الحين الي صاير

كبت وعقاب وحرمان وغياب والدين شلون بطلع الولد

[عثرة جواد]

هدواء زين بس يسبب ازعاج حق الآخرين يا عثرة .


عن نفسي بنتي حركيه ماشاء الله لو وديتها مكان اطلع لي قرون بس ما اطقها



فديتها

بالمقابل ترى غلط تخلي الياهل يسبب ازعاج لاخرين والله احراج عن نفسنا لو في مجالس وعيالنا ما نسنعهم على انهم ما يتحركون ويخربون ترى احراج وفشيله راعي المجلس والا المكان مسكين ما راح يتكلم قدامك بشيء بس يمكن من وراج ينتقد والموجودين ..


هدوواء العاصفة في لحظتها عجيب

لكن

العافور الي راح يصير عقب الهدوء بينهم البين اهو المشكلة

ههههههههههههاي

ولكم حرية التخيل

:tease:

صح كلامك اخوي بس لازم اتعرف ان الطفل الكثيرالحركه له معامله خاصه

حتى ف نوعيه الاكل ولهم علاجات تهديهم والعاب تخفف حركتهم

وبعدين خل الي يبي يتكلم لاتعيرهم اهتمام لانه ولدك هوالاهم

اسعدني تعليقك ومرورك

[شبح الصمت]

اخوي انا اختلف معاك ف نقطه ماتعقدنا كثيرمن المشاكل الي قاعده تصيرالحين هي نتيجه لما سبق

الام الي تهمل عيالها تربت انها تنهمل والريال الي لامبالي تربا ع هشي

صح احنا انطقينا بس كان عقاب موقت وانتها لاكن الحين الي صاير

كبت وعقاب وحرمان وغياب والدين شلون بطلع الولد




اخر سطر صراحة ما توفقتي فيه ..

كبت من اي ناحية كاهم عيالنا لا مكبوتين ولا شيء كل شيء متوفر لهم من الدولة ومن الاسرة ..

عقاب العقاب مهب نفس قبل اختي اختلف بكثير

حرمان اي حرمان الي تكلمين عنه شوفي عيالنا كل شيء متوفر عندهم يقولون نبي ونجيب لهم واحسن الاشياء

الدين بدينا الدولة ما قصرت وزارة الاوقاف وفرت لنا ولعيالنا مساجد ومحفظين ومعاهد تربوية وغيرها وغيرها ..


اسمحي لي بتكلمين عن الطق ولا بتكلمين عن تربية الطفل في فرق

الطق مسموح فيه لاجل يتادب ويخاف ولا يعيدها وترى مهب شرط يتعقد على ضرب

الضرب الخفيف مب خيزرانه واكسره

عن نفسي ما احب اطق عيالي ما اطقهم الا اذا خلاص خلاص شيء وصلني لمرحلة الانفجار الداخلي

وحتى يوم اطقهم بعدها بكمن دقيقة اجي واحضنه ولمه ولعب معاه وقوله هالشيء غلط الي سواه واخليه يقولي انه ما يعيدها



وتوته توته وخلصت الحتوته ويرد ثاني يوم يطلع لي قرون ..

ههههههههههههاي

[شبح الصمت]

صح كلامك اخوي بس لازم اتعرف ان الطفل الكثيرالحركه له معامله خاصه

حتى ف نوعيه الاكل ولهم علاجات تهديهم والعاب تخفف حركتهم

وبعدين خل الي يبي يتكلم لاتعيرهم اهتمام لانه ولدك هوالاهم

اسعدني تعليقك ومرورك


لا لا اختي ما اتفق معاج بعد في سطر لا اعير العالم اهتمام

ترضين ولدج يدخل بيت ولا مكان ويعفس المكان بكبره ويوصخ ويخرب وتقولين عادي .ز



إذا انتي ترضينها صراحة عن نفسي لا والله اذا ولدي حركي ما اوديه اماكن اعرف انه راح يحرجني فيها ..

وشنو رضى الناس رضى الناس بعد مهم عيب ومنقود اجلس وخلي ولدي يسوي الي يبيه وانا يالس اضحك له ..

لا لا اختي

[عثرة جواد]

اخر سطر صراحة ما توفقتي فيه ..

كبت من اي ناحية كاهم عيالنا لا مكبوتين ولا شيء كل شيء متوفر لهم من الدولة ومن الاسرة ..

عقاب العقاب مهب نفس قبل اختي اختلف بكثير

حرمان اي حرمان الي تكلمين عنه شوفي عيالنا كل شيء متوفر عندهم يقولون نبي ونجيب لهم واحسن الاشياء

الدين بدينا الدولة ما قصرت وزارة الاوقاف وفرت لنا ولعيالنا مساجد ومحفظين ومعاهد تربوية وغيرها وغيرها ..


اسمحي لي بتكلمين عن الطق ولا بتكلمين عن تربية الطفل في فرق

الطق مسموح فيه لاجل يتادب ويخاف ولا يعيدها وترى مهب شرط يتعقد على ضرب

الضرب الخفيف مب خيزرانه واكسره

عن نفسي ما احب اطق عيالي ما اطقهم الا اذا خلاص خلاص شيء وصلني لمرحلة الانفجار الداخلي

وحتى يوم اطقهم بعدها بكمن دقيقة اجي واحضنه ولمه ولعب معاه وقوله هالشيء غلط الي سواه واخليه يقولي انه ما يعيدها



وتوته توته وخلصت الحتوته ويرد ثاني يوم يطلع لي قرون ..

ههههههههههههاي

عزيزي
هاي المشكله الكبيره الي احنا واقعين فيها
كل شي يبونه نجيبه وهاي اكبرغلط ف التربيه
لازم الطفل يتعلم مايخذكل شي.و ف حقوق له لازم ياخذها .بس الكماليات لازم يتربا انها اتكون مكافات
وتشجيع. ولازم يتعلم ينحرم لان الدنيا لاتدوم
سعيده بحوارك

[عثرة جواد]

لا لا اختي ما اتفق معاج بعد في سطر لا اعير العالم اهتمام

ترضين ولدج يدخل بيت ولا مكان ويعفس المكان بكبره ويوصخ ويخرب وتقولين عادي .ز



إذا انتي ترضينها صراحة عن نفسي لا والله اذا ولدي حركي ما اوديه اماكن اعرف انه راح يحرجني فيها ..

وشنو رضى الناس رضى الناس بعد مهم عيب ومنقود اجلس وخلي ولدي يسوي الي يبيه وانا يالس اضحك له ..

لا لا اختي

هذا انت جاوبت ع نفسك

دامك اتعرف ان ولدك ممكن يسبب لك احراج لاتوديه

بس لاتحسسه انك تتفشل منه لانه هاي بيجرحه

ومثل ماقلت لك لازم كل اب وام تفهم طفلها وتعرف شلي يحبه والي يزعجه

انا بقولك عندي والد كثيرالحركه ويزعج خواته الي اصغرمنه

شنوسويت معاها احاول قدماقدراخليه يلعب واجيب له الاشياء الي يحبها وتشغله بل خير
وفهمت خواته انه هويشوف الي يسويه صح لان مخه مختلف عنهم وشرح لهم بعض الفروقات بينهم
صج انا اتعب بس اهم شي اوصله لطريق الصح

[عثرة جواد]

لا حول ولا قوة الا بالله

حرام عليهم جذي

يالغالية أنا أشوف هلي وربعي تربيتهم غير

ومثل ما قلت قبل .. بعضهم لسانهم متعود على الألفاظ الشينة والسب

بس في حالات يعني مب في كل وقت

على العموم ان شالله رسالتج توصل للي يحتاجها

اكيدعزيزتي كل واحدوتربيته وكل بيت له سياسه

شكلج وايدتاثرتي باس هاي بعض من الواقع

اسعدني تفاعلج

[شبح الصمت]

عزيزي
هاي المشكله الكبيره الي احنا واقعين فيها
كل شي يبونه نجيبه وهاي اكبرغلط ف التربيه
لازم الطفل يتعلم مايخذكل شي.و ف حقوق له لازم ياخذها .بس الكماليات لازم يتربا انها اتكون مكافات
وتشجيع. ولازم يتعلم ينحرم لان الدنيا لاتدوم
سعيده بحوارك


طبعاً في ناس تلبي حاجات اطفالها مش لانهم يبون لانه الي حولهم عندهم

ولد الاخ عنده ايباد
ولدي ليش ما عنده ايباد

اختي شرت حق ولدها سيارة
انا ليش ما اشتري حق ولدي طياره

بنت خالتي عطت ولدها فلوس يسافر مع ربعه
انا ليش ما اعطي ولدي فلوس يسافر مع ربعه ..


ترى الحين الحياه مقارنات بين الاطفال والاسر لو تلاحظين ..

انا استمعت في الحوار معاك

[توشيبا]

امي الله يطول في عمرها ماعمرها طقتني وكانت دعوتها علي طول الوقت جعلك الخير

بس اذا رحنا عند ناس وسببت ازعاج او حد من اخواني تدعي جعلكم الخير وتسوي محاضره اللي سويتوه غلط ومراح اخذكم وياي عند هالناس مره ثانيه واذا راحت لهم متاخذنا تذكرنا بالخطاء اللي سويناه عندهم

وصرنا اي مكان نروح له نكون هادين نخاف نسبب ازعاج وننحرم منه


واما ابوي الله يطول في عمره بعد ماعمره ضربنا ولا يحاسبنا الا علي الصلاه كان همه الاول والاخير الصلاه ونكون في السيد الاول

[عثرة جواد]

هههههههههه

صادق شبح والله يحفظ لك عيالك


عيب الأم والأبو يخلون ولدهم يزعج العالم ويكسر بيوتهم

بس الياهل لازم تتصرف معاه صح عشان ما تأثر على شخصيته ومستقبله

لا انا ماقلت يخليهم لازم الام اولاب الي عنده مثل هاي الطفل يعرف اشلون يتعامل معاه ومتى يوديه ومتى مايوديه

وبعدين ف اشياء الطفل ينشغل فيها مثل لعبه حركيه اتكون ف يده

[قطريه ماركه]

تصرفها خطأ اذا هي تستحمل شطانة ولدها الناس ما يستحملوون
من يومين في المستشفى نفس الشي ولد صغير من جنسية عربية مع امه هي في صوب و هو في صوب
ايي عند ويهي و يقرب صبعه شوي و يبط عيني و هي و لا كلمة شتبي اطقه انا على يده عشان يتأدب !!

لازم كل ام تعرف حق ولدها و تعرف شلون تأدبه
مب لازم بالضرب و العصبية بس بشخصيتها !!

[عثرة جواد]

امي الله يطول في عمرها ماعمرها طقتني وكانت دعوتها علي طول الوقت جعلك الخير

بس اذا رحنا عند ناس وسببت ازعاج او حد من اخواني تدعي جعلكم الخير وتسوي محاضره اللي سويتوه غلط ومراح اخذكم وياي عند هالناس مره ثانيه واذا راحت لهم متاخذنا تذكرنا بالخطاء اللي سويناه عندهم

وصرنا اي مكان نروح له نكون هادين نخاف نسبب ازعاج وننحرم منه


واما ابوي الله يطول في عمره بعد ماعمره ضربنا ولا يحاسبنا الا علي الصلاه كان همه الاول والاخير الصلاه ونكون في السيد الاول

هاي نعمه لازم تشكر ربك عليها ليل ونهار لانه ارزقك اب وام مثالين اقدرويطلعون ناس ناجحين بتصرفات حكيمه
اسعدتني جد مداخلتك

[عثرة جواد]

تصرفها خطأ اذا هي تستحمل شطانة ولدها الناس ما يستحملوون
من يومين في المستشفى نفس الشي ولد صغير من جنسية عربية مع امه هي في صوب و هو في صوب
ايي عند ويهي و يقرب صبعه شوي و يبط عيني و هي و لا كلمة شتبي اطقه انا على يده عشان يتأدب !!

لازم كل ام تعرف حق ولدها و تعرف شلون تأدبه
مب لازم بالضرب و العصبية بس بشخصيتها !!

اعجبتني >>بشخصيتها <<بس اهم شي اتكون شخصيه واعيه لتصرفاتها
التربويه واهم شي تفهم والدها

[توشيبا]

هاي نعمه لازم تشكر ربك عليها ليل ونهار لانه ارزقك اب وام مثالين اقدرويطلعون ناس ناجحين بتصرفات حكيمه
اسعدتني جد مداخلتك

كم تدفعين وبادلج فيهم تصرين بنتهم

هاهاههاها

دوعابه :tease:

[توشيبا]

تصرفها خطأ اذا هي تستحمل شطانة ولدها الناس ما يستحملوون
من يومين في المستشفى نفس الشي ولد صغير من جنسية عربية مع امه هي في صوب و هو في صوب
ايي عند ويهي و يقرب صبعه شوي و يبط عيني و هي و لا كلمة شتبي اطقه انا على يده عشان يتأدب !!

لازم كل ام تعرف حق ولدها و تعرف شلون تأدبه
مب لازم بالضرب و العصبية بس بشخصيتها !!

اما بط عينج ومحد سوا له شي

لو صارت معي مراح اطق الياهل بدوس في بطن ابوه عشان يتادب مره ثانيه

اي والله يبط عيني :rolleyes2:

[شبح الصمت]

للعلم اختي عثرة جواد

ترى المسالة اهي تقبل الطفل

يعني يجيك طفل ماشاء الله عليه مرتب ونظيف وحلو وحتى لو حركي يستانسون عليه

بس بالمقابل جيبي لهم ياهل حالته حاله

هههههههههههههههههاي

خليني ساكت مهب مكمل في ناس مثل تشويبا عادددي يعلقه في المروحه اهو وابوه

مع السلامة خلاص اكتفي بهالقدر

[توشيبا]

للعلم اختي عثرة جواد

ترى المسالة اهي تقبل الطفل

يعني يجيك طفل ماشاء الله عليه مرتب ونظيف وحلو وحتى لو حركي يستانسون عليه

بس بالمقابل جيبي لهم ياهل حالته حاله

هههههههههههههههههاي

خليني ساكت مهب مكمل في ناس مثل تشويبا عادددي يعلقه في المروحه اهو وابوه

مع السلامة خلاص اكتفي بهالقدر

اذا كان نفس بو حارب واهو صغير كيوت بصراحه لو يبط الثنتين محد يقوله شي

اما اذا كان مثل عاشق ولا ولد العرب في القايله لعب في الشوارع بصراحه مثل ماقلت مصيره يتعلق في المروحه

[عثرة جواد]

للعلم اختي عثرة جواد

ترى المسالة اهي تقبل الطفل

يعني يجيك طفل ماشاء الله عليه مرتب ونظيف وحلو وحتى لو حركي يستانسون عليه

بس بالمقابل جيبي لهم ياهل حالته حاله

هههههههههههههههههاي

خليني ساكت مهب مكمل في ناس مثل تشويبا عادددي يعلقه في المروحه اهو وابوه

مع السلامة خلاص اكتفي بهالقدر

ههههههاااي

انشهد

ع العموم ماقصرت واسعدتني بارئك الي تدل ع ثقافتك ووعيك

[نور الحور]

متابعة .. (بشغف ناقص بسبب الصيام ولا كان شاركت بمعلقات :shy:)

بس عندي ملاحظة (شكلية) ..

أحياناً الناس تحكم من موقف واحد على اللي قاعد يصير قدامها ..

تشوف أم هادية وماسكة أعصابها وصبورة وحسبالهم إنها جي علطووول ..

أو العكس .. يشوفونها معصبة وحسبالهم هي جي علطووول ..


علعموم هي ملاحظة عابرة شكلية كثير واجهتها في حياتي وحياة من حولي ..

وأدري إن الموضوع عن مناقشة التصرف نفسه مو صاحبته :nice:

شكراً عثرة على الموضوع :victory:

[حسن]

وعلى فكره

لو الكثير من الامهات اللي عندنا هم اللي يربون عيالهم
كان بل كارثه من قلب ولا تشير نوبل
شكثر بشتوفين اصابات وكسور وحرايق
بل رحمه من رب العالمين ان الخدامات هم اللي يديرون بيوت القطريين مع ازواجهم


ولع

[يمامـة]

بشكل عام اشوف ان كف اذى وازعاج الطفل عن الآخرين هو قمة التربية..

يعني

لما اخذ ولدي واروح فيه مكان عام ،، ويروح يتعبث او يتحرك او يشاغب
و اكون هادية معاه واقول له
حبيبي تعال اقعد اهنيه

ماما يالغالي عيب لا تسوي جذيه

يا عيون امك انت لا تروح بعيد وايد

والناس اللي حولي متأذين منه

ما اشوف هالشي فيه تربية للطفل ابدا..

الطفل ممكن يسأل ونجاوبه لكنه يلتزم مكانه ويحترم المكان اللي هو فيه..

فالتربية لها دور كبير في غرز القيم ومنها احترام المكان..


لذلك بالنسبة لي ما احب ابدا اشوف طفل يتحرك وايد في مكان عام ويتعبث ويركض ويشاغب
وامه قاعدة تعامله بحنية وعطف وحنان ..
لأنه يسبب ازعاج للعالم ومن حق المكان ان هالطفل ينثبر ويقعد مكانه ..


فموضوع اني اكون حنونة جدام الناس واترك ولدي يعفس المكان
هذي قلة تربية مب تربية ابدا مع احترامي الشديد لكل من يأيد بتطويل البال
على الطفل المشاغب في الاماكن العامة..

والحياة علمتني ان الطفل اذكى من الوالدين اذا ما ربيناه راح يربيننا

لذلك ما عندي مانع ابدا لو ولدي تحرك من مكانه اني افرصه ذيك الفرصة المكهربة
واخلي دموعه اربع اربع ويصيح من غير حس وان طلع حسه تكفيه عيوني اللي كلها شرار
يبلع ريقه ويسكت..

فمن جذيه اليوم كبروا عيالي لكني اشوف عيال اخواني وخواتي
ممكن يسوون اللي يبونه ،، لكني لو اكون موجودة لو الطوفة تحركت ممكن يتحركون
ومع هذا اسولف وياهم واضحك وياهم واتكلم وياهم لكن دلع ومصاخة هذي ما تمشي معاي..

[عثرة جواد]

متابعة .. (بشغف ناقص بسبب الصيام ولا كان شاركت بمعلقات :shy:)

بس عندي ملاحظة (شكلية) ..

أحياناً الناس تحكم من موقف واحد على اللي قاعد يصير قدامها ..

تشوف أم هادية وماسكة أعصابها وصبورة وحسبالهم إنها جي علطووول ..

أو العكس .. يشوفونها معصبة وحسبالهم هي جي علطووول ..


علعموم هي ملاحظة عابرة شكلية كثير واجهتها في حياتي وحياة من حولي ..

وأدري إن الموضوع عن مناقشة التصرف نفسه مو صاحبته :nice:

شكراً عثرة على الموضوع :victory:

هلا وغلا نورتي

صح كلامج انا معاج
اسعدني المرور

[عثرة جواد]

وعلى فكره

لو الكثير من الامهات اللي عندنا هم اللي يربون عيالهم
كان بل كارثه من قلب ولا تشير نوبل
شكثر بشتوفين اصابات وكسور وحرايق
بل رحمه من رب العالمين ان الخدامات هم اللي يديرون بيوت القطريين مع ازواجهم


ولع
للأسف هاي الواقع وأتمنى الفتاة القطريه تنتبه قبل فوات الأوان

لان الواقع الي تعيش فيه مجردوهم

اسعدتني مداخلتك ومرورك

[عثرة جواد]

بشكل عام اشوف ان كف اذى وازعاج الطفل عن الآخرين هو قمة التربية..

يعني

لما اخذ ولدي واروح فيه مكان عام ،، ويروح يتعبث او يتحرك او يشاغب
و اكون هادية معاه واقول له
حبيبي تعال اقعد اهنيه

ماما يالغالي عيب لا تسوي جذيه

يا عيون امك انت لا تروح بعيد وايد

والناس اللي حولي متأذين منه

ما اشوف هالشي فيه تربية للطفل ابدا..

الطفل ممكن يسأل ونجاوبه لكنه يلتزم مكانه ويحترم المكان اللي هو فيه..

فالتربية لها دور كبير في غرز القيم ومنها احترام المكان..


لذلك بالنسبة لي ما احب ابدا اشوف طفل يتحرك وايد في مكان عام ويتعبث ويركض ويشاغب
وامه قاعدة تعامله بحنية وعطف وحنان ..
لأنه يسبب ازعاج للعالم ومن حق المكان ان هالطفل ينثبر ويقعد مكانه ..


فموضوع اني اكون حنونة جدام الناس واترك ولدي يعفس المكان
هذي قلة تربية مب تربية ابدا مع احترامي الشديد لكل من يأيد بتطويل البال
على الطفل المشاغب في الاماكن العامة..

والحياة علمتني ان الطفل اذكى من الوالدين اذا ما ربيناه راح يربيننا

لذلك ما عندي مانع ابدا لو ولدي تحرك من مكانه اني افرصه ذيك الفرصة المكهربة
واخلي دموعه اربع اربع ويصيح من غير حس وان طلع حسه تكفيه عيوني اللي كلها شرار
يبلع ريقه ويسكت..

فمن جذيه اليوم كبروا عيالي لكني اشوف عيال اخواني وخواتي
ممكن يسوون اللي يبونه ،، لكني لو اكون موجودة لو الطوفة تحركت ممكن يتحركون
ومع هذا اسولف وياهم واضحك وياهم واتكلم وياهم لكن دلع ومصاخة هذي ما تمشي معاي..


عزيزتي انا ماتدخل ف تربيتج الي كلها شرر اوفرصتج الي تبقع

لاكن احنا ماقلنا تسكت احنا قلنا نتصرف بطريقه تربويه

يعني بدال ماقول له اسكت ياحبيبي امسكه وعطيه دفترتلوين والوان وقوله بابا خذلون

[يمامـة]

عزيزتي انا ماتدخل ف تربيتج الي كلها شرر اوفرصتج الي تبقع

لاكن احنا ماقلنا تسكت احنا قلنا نتصرف بطريقه تربويه

يعني بدال ماقول له اسكت ياحبيبي امسكه وعطيه دفترتلوين والوان وقوله بابا خذلون

الله يرزقج ويرزق كل أم الطريقة التربوية الصحيحة

[حسن]

بشكل عام اشوف ان كف اذى وازعاج الطفل عن الآخرين هو قمة التربية..

يعني

لما اخذ ولدي واروح فيه مكان عام ،، ويروح يتعبث او يتحرك او يشاغب
و اكون هادية معاه واقول له
حبيبي تعال اقعد اهنيه

ماما يالغالي عيب لا تسوي جذيه

يا عيون امك انت لا تروح بعيد وايد

والناس اللي حولي متأذين منه

ما اشوف هالشي فيه تربية للطفل ابدا..

الطفل ممكن يسأل ونجاوبه لكنه يلتزم مكانه ويحترم المكان اللي هو فيه..

فالتربية لها دور كبير في غرز القيم ومنها احترام المكان..


لذلك بالنسبة لي ما احب ابدا اشوف طفل يتحرك وايد في مكان عام ويتعبث ويركض ويشاغب
وامه قاعدة تعامله بحنية وعطف وحنان ..
لأنه يسبب ازعاج للعالم ومن حق المكان ان هالطفل ينثبر ويقعد مكانه ..


فموضوع اني اكون حنونة جدام الناس واترك ولدي يعفس المكان
هذي قلة تربية مب تربية ابدا مع احترامي الشديد لكل من يأيد بتطويل البال
على الطفل المشاغب في الاماكن العامة..

والحياة علمتني ان الطفل اذكى من الوالدين اذا ما ربيناه راح يربيننا

لذلك ما عندي مانع ابدا لو ولدي تحرك من مكانه اني افرصه ذيك الفرصة المكهربة
واخلي دموعه اربع اربع ويصيح من غير حس وان طلع حسه تكفيه عيوني اللي كلها شرار
يبلع ريقه ويسكت..

فمن جذيه اليوم كبروا عيالي لكني اشوف عيال اخواني وخواتي
ممكن يسوون اللي يبونه ،، لكني لو اكون موجودة لو الطوفة تحركت ممكن يتحركون
ومع هذا اسولف وياهم واضحك وياهم واتكلم وياهم لكن دلع ومصاخة هذي ما تمشي معاي..


ايش اللي حاصل من زعلك ياشيخ

اكيد كانت كتابتك الرد في حاله غضب

:eek5:


الياهل مايشاغب ياليمامه بذاك الزود ولا يسمع الحمدلله ماعانيت هذا الشي نهائيا مع عيالي
وكنت افكر وافكر وافكر

ليش البعض منهم اعوض بالله لا ادب ولا احترام ومشاغبته بشكل غير طبيعي

وبعد تفكير وشهيق وزفير عميق

اكتشفت ان من عمل منكم عملا فليتقنه هذا تعني لي الكثير

فعيال الخادمات الحين غير عيال ام واب ويحملون ثقافه التربيه والمبادى

هني الفرق


وايقنت ان مافي طفل مشاغب الى وتربيته غلط
يوم كنتت في المانيا كان معانا ولد واحد من الربع كان موقف المدينه على رجل من ازعاجه
وفوضويته والاب للاسف مايحرك ساكن
ولا تجولت في مدنها وقطاراتها ماسمعت صوت طفل واحد

عرفت انا احنا عايشين ام التخلف والمبادى والنفاق
والتطبيل
والحق يقلولون عنه باطل والباطل يقولون عنه حق

الحقيقه واضحه ويعلمها الناس وللكن مايبون يسمعون

[يمامـة]

ايش اللي حاصل من زعلك ياشيخ

اكيد كانت كتابتك الرد في حاله غضب

:eek5:


الياهل مايشاغب ياليمامه بذاك الزود ولا يسمع الحمدلله ماعانيت هذا الشي نهائيا مع عيالي
وكنت افكر وافكر وافكر

ليش البعض منهم اعوض بالله لا ادب ولا احترام ومشاغبته بشكل غير طبيعي

وبعد تفكير وشهيق وزفير عميق

اكتشفت ان من عمل منكم عملا فليتقنه هذا تعني لي الكثير

فعيال الخادمات الحين غير عيال ام واب ويحملون ثقافه التربيه والمبادى

هني الفرق


وايقنت ان مافي طفل مشاغب الى وتربيته غلط
يوم كنتت في المانيا كان معانا ولد واحد من الربع كان موقف المدينه على رجل من ازعاجه
وفوضويته والاب للاسف مايحرك ساكن
ولا تجولت في مدنها وقطاراتها ماسمعت صوت طفل واحد

عرفت انا احنا عايشين ام التخلف والمبادى والنفاق
والتطبيل
والحق يقلولون عنه باطل والباطل يقولون عنه حق

الحقيقه واضحه ويعلمها الناس وللكن مايبون يسمعون

اعيد واكرر يا بوعلي مع اني لما كتبت ردي السابق ما كنت معصبة ابدا
ولكني ضد اني ازعج الناس بحجة اني لي طولة بال على عيالي..

بالنسبة لي عيالي لما كانوا صغار كنت اسولف وياهم واعلمهم واتصفح معاهم المجلات
في الاماكن العامة حتى واحنا في السيارة كنت اشغلهم في تلعم الوان السيارات او تحديد
الاشياء المميزة، لو تخبر دعايةالبيبسي الكبيرة اللي كانت صوب نجمة ,,, ولدي الكبير
من انمر ذاك الصوب كان يصرخ بيبييس بيبيس..


اللي ما حبيته ان الموضوع يقول ان الطفل كان يشاغب والام مطولة بالها عليه
في فرق لما الطفل يسأل ويستفسر .. وفي فرق لما الطفل يتعبث والأم اتطول بالها عليه..

بنت واحد من اخواني اكبر مني بكم بسنة لها اربع سنين تقريبا
وبنت اخوي الصغير لها ثلاث سنين..
امس في صالة بيت ابوي تقول ملائكة تمشي على الأرض ( لأن سيدة بعبع قاعدة في الصالة)
طلبت لهم عصاير فرش (جزر مع تفاح) وطلبت لي،، وقعدتهم على الأرض مع انه ممنوع
يشربون في الصالة وقلت لهم يالله نتاسبق،، ام اربع سنين من اشربت اشوي قالت مب حلو
قلت لها خلصيه وبسبقكم كلكم ،، ولاحظت عليهم ما يبون العصير لكن بالخدعة والمسابقة
وادعاء اني ما اقدر اسبقهم خلصوا عصايرهم باسرع ما يقدرون عليه..
فهذا اسلوب نتعامل فيه مع اليهال،،

اما ياهل يقعد يناقز ويشالع ونقول له حبيبي اقعد واييب الالوان تعال لون
في السوق وفي المحل ( بالذمة هذا وقت تلوين؟)

من اسبوعين بنت راكبة فوق طالة المحل اللي كنا نتشرى منه خلاقين
والأم عادي عندها ولا تحركت فيها شعرة والبنت تشاغب فوق الطاولة
قلت لها البنت بتطيح،، ما سمعت من الأم قعدي حبيبتي بتطيحين//

هالحالة يبي لها علبة الوان ؟

الغلط غلط والصح صح هذا لو بالفعل نبي نربي عيالنا التربية الصحيحة
اما اسلوب حرام ياهل خلوه ولازم انطول بالنا عليه ( شوفة عيني مب اسلوب تربية ابدا)

[الدمعه]

يعني في النهايه هو طفل ،،، ووايد صغير عالضرب ،، ممكن اشغله بشي ثاني في هالوقت لين اخلص شغلي ،،

ومثل ماقالت ضوى ،، احنا من نظره نفهم ان هالشي غلط ،،، مب لانهم ضربونا او كسرونا ،، الحمدلله ربونا بطريقه سليمه ،،

واختي يمامه صح كلامج ،،