الـــقــطــــريــــة ... مطار الدوحة القديم !!!

[سعود العمادي]

السلام عليكم ورحمة الله وبركاتهـ

الـــقــطــــريــــة ... مطار الدوحة القديم !!!

لفت انتباهي من كم يوم ولغاية اليوم

وقوف 6 طائرات للقطريه في مطار الدوحة القديم !!!

وااستغربت من الموضوع لان الطيارات واقفين اكثر من 3 ايام

هل يعقل وقوفهم للصيانه !!! اذا فعلا كان للصيانه

عيل مطار حمد الدولي ايش دورة !!! ولا مافي التجهيزات الكاملهـ للصيانهـ ؟؟؟

و6 طائرات عدد مب قليل يعني

والي بيمر من خط سلاح الجو راح يشوفهم

اترك لكم التعليق

[Sowaidi]

غريبه المفروض نقلوا من زمان. يمكن القديمه مايبونهم

[م. عبدالعزيز]

حسب ما اذكر قريت بالجريده من زمان ان المطار القديم تم تسليمه لكلية الطيران ... نبي التأكيد من المختصين

[ebo90]

الحين هاي اللي مضايقكم ؟ انه طياير في المطار القديم ..

يعطيك العافيه اخوي ع الملاحظه

[بوجاسـم]

عليكم السلام ورحمة الله وبركاته

يمكن انهم طيارات اميريه .. والطيران الأميري للحين مانقلو لان الصاله ماجهزت

ومبارك عليكم الشهر جميع

[الخيالة]

الطيارات الاميريه للحين من مطار القديم ماسكروا للحين

[سعود العمادي]

لا مب الطيارات الاميريه نهائيا

3 طيارات اير باص الكبار
3 طيارات اير باص الصغار

والمغرب نزلت طياره رقم 7 فالمطار القديم !!!!

[ANONYMOUS]

مره سمعت في الرادو اعتقد شيخه الجفيري تقول ان المطار القديم بيصير نادي للمرأه

والله اعلم

[لبيبة]

الطيارات الأميرية والخاصة

[توشيبا]

الاخبار اللي وصلتني ان صاله القادمون بتحول للميره او اللولو

ويليت يعطوني باقي المطار اسور عليه شبك واحط المطايا والغنم فيه

[سعود العمادي]

الطيارات الأميرية والخاصة



انا شفت الطيارات هي مب خاصه ولا اميرية

هي طيارات الركاب العاادية وانا مستغرب من هاي الشي الصراحهـ

بس اكيد الموضوع متعلق في الصيانه والله اعلم

[سعود العمادي]

الاخبار اللي وصلتني ان صاله القادمون بتحول للميره او اللولو

ويليت يعطوني باقي المطار اسور عليه شبك واحط المطايا والغنم فيه

نعم هذا الي سمعته انا صالة القادمون راح تتحول الي اللولو

[عازف الاورج]

شالمشكله دام الطيارات هناك ياخي تكلمو بشي احسن تفهمون فيه يعني لهادرجه وصلتو؟

[سعود العمادي]

شالمشكله دام الطيارات هناك ياخي تكلمو بشي احسن تفهمون فيه يعني لهادرجه وصلتو؟

شالمشكلة فالموضوع !!

[بــو ثــاني]

وقوف الطائرات في المطار القديم أمر طبيعي ، توجد معدات و أدوات قسم هندسة وصيانة الطائرات في المطار القديم ومع مرور الوقت راح يبدأون بنقلها
الطائرات مرتبطة برحلات يومية و عدد طائرات الخطوط القطرية فوق الـ 100 طائرة و أكثر منهم يشتغلون عليهم في المطار القديم بشكل روتيني و تقلع و تهبط بعد ذلك في مطار حمد لمواصلة الرحلات المجدولة
و منها موجود في مطار حمد وبشكل تدريجي بتنتقل عمليات الصيانة كلها في مطار حمد ، أيضا من الناحية الإخرى الموظفين ، المهندسين متوزعين على مجموعات ومنهم في المطار القديم و منهم في المطار الجديد
الأمر مش سهل هذه عمليات دقيقة فيها موظفين طائرات رحلات يعني شغله محتاجه إهتمام عالي لذلك بقاء المطار القديم مهم جداً

[سعود العمادي]

وقوف الطائرات في المطار القديم أمر طبيعي ، توجد معدات و أدوات قسم هندسة وصيانة الطائرات في المطار القديم ومع مرور الوقت راح يبدأون بنقلها
الطائرات مرتبطة برحلات يومية و عدد طائرات الخطوط القطرية فوق الـ 100 طائرة و أكثر منهم يشتغلون عليهم في المطار القديم بشكل روتيني و تقلع و تهبط بعد ذلك في مطار حمد لمواصلة الرحلات المجدولة
و منها موجود في مطار حمد وبشكل تدريجي بتنتقل عمليات الصيانة كلها في مطار حمد ، أيضا من الناحية الإخرى الموظفين ، المهندسين متوزعين على مجموعات ومنهم في المطار القديم و منهم في المطار الجديد
الأمر مش سهل هذه عمليات دقيقة فيها موظفين طائرات رحلات يعني شغله محتاجه إهتمام عالي لذلك بقاء المطار القديم مهم جداً

بيض الله وجهك اخوي بو ثاني على المعلوماااات

ويعطيك العافيه

[مخطط قطري]

الصاله الاميرية في المطار الجديد لحد اليوم ماجهزت فالشيوخ يسافرون لحد الان من المطار القديم اما موضوع الصيانه ماعندي علم فيه وين موقعه