طفل في قمة البراءة وش عرفه بالسفر وأوربا !!

[حمد 2002]

ايش اعددنا حق عيالنا شنهي الانشطه الموجودة

هل هناك معاهد أو دورات تعليمية سواء تثقيفية
أو تدريبات قتاليه مثل الكراتيه ولا الجودو ولا التكوندو ولا الملاكمة
بدال نشر ثقافة السفر منذ الصغر بدون أي هدف يذكر
صرف مبالغ بدون اي فائده تذكر
الكثير من من الأطفال الحين من يخلصون الامتحانات يقولون حق أهلهم وين بنسافر
هل هذه ثقافة نغرسها بالأطفال ؟!!

طفل في قمة البراءة وش عرفه بالسفر وأوربا !!
هل هذه ثقافه نغرسها فيهم وين التعليم والتدريب والتطوير
وتعليمهم على الادخار وين ووين ؟!! وشنهي الثقافه اللي بيستدفيدون منها
في السفر
على السفور منذ الصغر مثلا !!


بالتوفيق ..

[قطريه ماركه]

قال هذه القصيدة الخليفة علي بن ابي طالب كرّم الله وجهه..

تَغَرَّبْ عَنِ الأَوْطَانِ فِيْ طَلَبِ العُلَى =وسافِرْ ففي الأَسْفَارِ خَمْسُ فَوَائِـدِ

تَفَرُّجُ هَـمٍّ، واكتِسَـابُ مَعِيْشَـةٍ =وَعِلْمٌ ، وآدابٌ، وصُحْبَـةُ مَاجِـدِ

[مختلفة عقليا]

السلام عليكم .,

انا مو ضد السفر ,’ بالعكس في السفر تقدر تغرس كل القيم والافكار اللي تبيها .,

وتغيير للنفسية ., وفهم للمواضيع بطريقة مختلفه ., والطفل اللي يسافر اذكي من اللي قاعد في نفس الدولة ., واكثر جراءة واعتماد علي النفس .,

بس شنو يعني (( سفر )) !!

لو هو بيروح عشان يقعد في الكوفي والشوارع المعروفة ,’ ما يحتاي ودوه كتارا واللولوه في الشتا .,

بس لو السفره تثقيفيه وتعليميه وترفيهيه ,’ نعم مع وبالقوو .,

والشي الاخير يا حمد ., انا مو مع ان ثقافة الطفل تصير الصيف يعني السفر

بس واقعيا ., شنو بيسوي طول 3 اشهر شنهو الشي اليديد ؟؟ نفس الناس ونفس الاماكن بس اختلفت الطريقة !!

ويسلموو .,

[مساهمة]

اخوي الله يسلمك شدخل براءة الطفل في سفره لاوربا مع هله ! :eek5:

بيغير جوو ويفرغ طاقته .. بيشوف شغلات يديده وبيكتسب منها خبره .. وكفايه ان في السفر غالبا الاهل والعيال يكونون مع بعض من الصبح لين الليل

هذي بحد ذاتها ميزه ..

يعطييك العافيه

[نور الحور]

هههههههههههههههه

بدت إبداعات حمد الرمضانية والصيفية تهل ..

الطفل في بعض الحالات رفيق والديه .. يعني ممكن تكون السفرة عائلية للترفيه عن الجميع ..

لكنها ليست مختصة بالطفل فقط ..

ممكن يكون جدول السفرة فيه تمشيات وروحات وجيات للكبار .. وزيارة للألعاب والترفيه للصغار ..

وحتى لو كان بيبي رضيع .. فهو مع والديه يعني وين بيخلونه ؟

فيه سفرات ثانية ممكن تخصص بالكامل للطفل نفسه اما بغرض الترفيه فقط أو التعليم واكتساب الخبرة

مع اني أشوف إن الترفيه هو وسيلة جيدة للتثقيف .. اللحين أسلوب التعليم باللعب هو الطاغي في العالم يا حمد ..

وصار العلم والثقافة واكتساب المهارات يتم بالترفيه

[عثرة جواد]

ياسلام ياحمد مواضيعك كلها ف الصميم

انا مع السفرلوهومرتب له ومدروس صح

بس لوهومجردسفروعبث والخرابيط الي تصير والياهل يلقط وحنا ماندري لا واااالف لا

وياليت يكون عندنا مراكزصيفيه حقيقيه مب مركزصيفي بس اسم

[توشيبا]

نفسنا يوم كنا صغار كل خميس وجمعه او اجازه سنويه

نروح لي ابوي يالله ودنا البر

مالت علينا هذا قدرنا بر وركض ورا الضبان والناس واصله اخر الدنيا

[وحيد-الشوق]

موضوعك غريب ياحمد ههههههههه

صج السفر صرف ومخاسير بس يكفي توسع صدرك وتسانس في الدوحة ضغطك يرتفع من الشوراع والزحمه وسواقه الهنود :)

[ضوى]

وليش السفر مايصير الا لاوروبا ؟؟ العالم قاعدة تسافرة كل مكان ليش حصرته باوروبا !!

وبعدين السفر فايدة للجميع وتغير جو ، سنة دراسية طويلة اروح الزمهم بجدول اخر ، السفر فيه تحرر من القيود من الجدول من الوقت من كل شي الا الصلاة والاخلاق ،

[شيخ الديرة]

الكثير من من الأطفال الحين من يخلصون الامتحانات يقولون حق أهلهم وين بنسافر
هل هذه ثقافة نغرسها بالأطفال ؟!!

طفل في قمة البراءة وش عرفه بالسفر وأوربا !!


أخر شهر في المدارس ما عندهم حديث غير وين راح تصيفون السنة. وأول شهر السنة الدراسية القادمة كلها تتباهى وصور وهدايا السفرة اللي فاتت.

يتعلمون من أقرانهم, ويطالبون.

[طبيب قطري]

ايش اعددنا حق عيالنا شنهي الانشطه الموجودة

هل هناك معاهد أو دورات تعليمية سواء تثقيفية
أو تدريبات قتاليه مثل الكراتيه ولا الجودو ولا التكوندو ولا الملاكمة
بدال نشر ثقافة السفر منذ الصغر بدون أي هدف يذكر
صرف مبالغ بدون اي فائده تذكر
الكثير من من الأطفال الحين من يخلصون الامتحانات يقولون حق أهلهم وين بنسافر
هل هذه ثقافة نغرسها بالأطفال ؟!!

طفل في قمة البراءة وش عرفه بالسفر وأوربا !!
هل هذه ثقافه نغرسها فيهم وين التعليم والتدريب والتطوير
وتعليمهم على الادخار وين ووين ؟!! وشنهي الثقافه اللي بيستدفيدون منها
في السفر
على السفور منذ الصغر مثلا !!


بالتوفيق ..

حمد عجبني موضوعك ، كانك كنت معانا بالمجلس امس كنا نتكلم بنفس الموضوع! اتفقنا بالاخير ان الاطفال هم وسيلة للضغط على الاب حتى يسافر! تمللنا يابابا مافي مكان نروحه يابابا نبي نسافر يابابا ! :secret:

[حسن]

موضوعك ياحمد في الصميم فعلا ايش الهدف وين صحبه ماجد وولا تتعلم هذا الكلام لا ينطبق على مجتمعنا
بالذات
البيئات مختلفه
تصدق ياحمد نفس الشي عيالي يوم خلو الامتحانات قالو وين بتدوينا
قلت لهم ليش قال كل اللي في الصف يسولوفون عن سفرهم وبيروحون لندن وفرنسا
تخيل يابوشهاب اطفال في الابتدائيه هذه القيم اللي درست لهم من قبل امهاتهم
وتقولون تبون جيل واعي ومثقف
اائبئا قابلوني
وانا احيانا اعاتب الدوله لعدم انشائها مراكز تخصصيه ولا معاهد
علشان نقدر نغرس ونعلمهم شوي بدال مانتشكى عن التعليم فاشل
لكن للاسف هناك ضغط كبير وخصوصا بعد زياده الرواتب اللي غيرت المجتمع 180 درجه
للاسف الى الاسؤا في كل شي
فلوس فلوس فلوس
حسسبنا الله ونعم الوكيل
ولكن لاتنسى ياحمد قايلك مايتغيرون الى اذا حلت الكارثه

حمد موضوعك هذا لا يلقى قبول عن النساء جميعا

خلاص عرفت السبب

قال يتعلمون يتثقفون زاد اشوف الثقافه عندنا وين واصله
كفايه نفاق تطبيل

[ضوى]

اخوي الله يسلمك شدخل براءة الطفل في سفره لاوربا مع هله ! :eek5:

بيغير جوو ويفرغ طاقته .. بيشوف شغلات يديده وبيكتسب منها خبره .. وكفايه ان في السفر غالبا الاهل والعيال يكونون مع بعض من الصبح لين الليل

هذي بحد ذاتها ميزه ..

يعطييك العافيه

لج حق تستغربين

ياحلو السفر وطاريه والله

[حسن]

أخر شهر في المدارس ما عندهم حديث غير وين راح تصيفون السنة. وأول شهر السنة الدراسية القادمة كلها تتباهى وصور وهدايا السفرة اللي فاتت.

يتعلمون من أقرانهم, ويطالبون.

صدقت ياشيخ الديره
العمليه كله مهايط نسوان وزبو وتقليد صدقني
وللاسف يغرسون مبادى سيئه في الاطفال
ولا طفل مايعرف الا غير مصاصه ولا كافي
الله يرحم لبن بوخرايط مال الحسى الول كان مافوقه فوق يجيبونه الناس صوغه

مهب الحين مايبون الا كيس زباله هاروتز

عشتو ياام هلول


ولع

[الحياة الخالدة]

خلهم يسافرون دام الله منعم عليهم .. شيقعدهم في هالحر و الرطوبة .. شبعانين منها طول السنة
و اللي ما عنده الله يرزقه

[ضوى]

خلهم يسافرون دام الله منعم عليهم .. شيقعدهم في هالحر و الرطوبة .. شبعانين منها طول السنة
و اللي ما عنده الله يرزقه

هذا هو الكلام العدل ، الله منعم علي اقعد عيالي في الحر واقول عشان اربيهم على التحمل كلام فارغ ، دام عندي والله ماخلي شي بخاطرهم بالف فيهم العالم كله

[حسن]

خلهم يسافرون دام الله منعم عليهم .. شيقعدهم في هالحر و الرطوبة .. شبعانين منها طول السنة
و اللي ما عنده الله يرزقه


اي والله يالحياه الخالده كفايه عليهم وعلينا هل المدارس ود وجيب
وامتحانات
دام عندنا فلوس نسافر ونطرب عمرنا واذا نبي شي بعد الديوان مايقصر يسفر العالم
في الصيف شكثر
اساسا الدوله بكبرها اجازه ولا حد ولا مسؤل في قطر ولا وزير
تذاكرهم من الديوان والهمجه

اي والله وش يقعديني اشاهد البنقاليه هنيه

ووووووع

السنه باروح المانيا ياحمد وباخليك هني مع الضبان

هاهاهاها

قال اقعد اقعد انت بروحك مع البنقال

[يمامـة]

للأسف هالإجازة ما في وقت لأي انشطة ابدا..

يا دوب خلصوا المدرسة دخلنا على رمضان..
ورمضاننا يومه طويييل وليله قصير
يا دوب يصلون التراويح ووصلنا تسع ونص ،، وين بتحذف هاليهال مع الزحمة اللي
تخنق العالم في الشوارع؟

فمن جذيه احسن نشاط سويناه هو المشي قبل الفطور وعقب التراويح
اقلها الجسم يستفيد من هالنشاط..

اما بخصوص السفر ،، الاطفال بشكل عام يكونون مرافقين لذويهم
يعني الأب لما يقرر يسفر عياله اكيد يكون هناك هدف من السفر هذا
اقلها ترويح عن النفس ،، وعقب يعتمد على جدول السفر والاماكن اللي بيزورونها..

شخصيا ناوية ان شاءالله عقب ما يرد الصغير من السفر عقب العيد اشوف له جدول
محترم من تعليم لغة فرنسية و كاراتيه ومنتل ماث ان الله راد..

احب استغلال الصيف في انشطة يكتسب فيها مهارات جديدة..

[يمامـة]

اي والله يالحياه الخالده كفايه عليهم وعلينا هل المدارس ود وجيب
وامتحانات
دام عندنا فلوس نسافر ونطرب عمرنا واذا نبي شي بعد الديوان مايقصر يسفر العالم
في الصيف شكثر
اساسا الدوله بكبرها اجازه ولا حد ولا مسؤل في قطر ولا وزير
تذاكرهم من الديوان والهمجه

اي والله وش يقعديني اشاهد البنقاليه هنيه

ووووووع

السنه باروح المانيا ياحمد وباخليك هني مع الضبان

هاهاهاها

قال اقعد اقعد انت بروحك مع البنقال

اوبيه توني ادري ان الديوان يصرف حق السفر d :

بو علي ترى ما يمنع ان الطفل يسافر ويروحون له عن نفسه
وان ما سافر هالطفل ،، ياليت يستفيد من اجازاته في انشطة ترويحية
يعني شاليهات طلعات تجمعات تغير له من الروتين اللي عاشه طووول السنة الدراسية..

[Rosso]

الي متربي صح وعاقل مستحيل يخترب
لكن الي تربيته اي كلام اكيد بيصيع

[طبيب قطري]

صدقت ياشيخ الديره
العمليه كله مهايط نسوان وزبو وتقليد صدقني
وللاسف يغرسون مبادى سيئه في الاطفال
ولا طفل مايعرف الا غير مصاصه ولا كافي
الله يرحم لبن بوخرايط مال الحسى الول كان مافوقه فوق يجيبونه الناس صوغه

مهب الحين مايبون الا كيس زباله هاروتز

عشتو ياام هلول


ولع

+1 :nice:

[حسن]

اوبيه توني ادري ان الديوان يصرف حق السفر d :

بو علي ترى ما يمنع ان الطفل يسافر ويروحون له عن نفسه
وان ما سافر هالطفل ،، ياليت يستفيد من اجازاته في انشطة ترويحية
يعني شاليهات طلعات تجمعات تغير له من الروتين اللي عاشه طووول السنة الدراسية..

ماشاء الله عليك ياليمامه انتي اللي مهتمه بتعليم عيالك صح
مااعتقد في قطر حد مثلك

استفدت منك وايد بس المشكله انتي ماتسافرين يعني هذا هو الاساس
علشان جذي ولدك قلتي بيرجع وعقب تشوفينله مني ولا مناك
مهب عيالنا روحه على البمبر بالسناسين

مايبون الى السفر

[احب قطر]

اعتقد افضل وقت للأطفال والأسرة بشكل عام هي فترة السفر ، لان الأب في اجازة ، الام في اجازة ، يقومون وينامون نفس الوقت ، يقضون مع بعض كامل الوقت ، يتكلمون ويتناقشون في كل شي ، وبعدين المهايط حسب اللي يربون عيالهم عليه ، اللي بيهايط بيهايط سواء بسفر او غير سفر ، وكل إنسان حسب مايربي عياله عليه

[غير البشر]

متابع :shy:

[الحياة الخالدة]

متابع :shy:

انت بالذات لازم تقول رايـــــــك

[غير البشر]

انت بالذات لازم تقول رايـــــــك



وش تبيني اقول يا حياه المنتدى كله ههههههه

الاعيال لهم وقت الحمدلله في مسابقات القرأن الكريم وندخلهم نشاطات كثيره طول السنه
غير مراكز تعليم الرياضيات وحتى المركز الثقافي دخلناهم الحمدلله

يعني مايسافرون مثلا :omen2:

شهر 4 راحو باريس
وبعد العيد ميونخ + فيينا

لهم يحق يغيرون جو :nice:

[معماري قطري]

هههههههههههههههه

بدت إبداعات حمد الرمضانية والصيفية تهل ..

الطفل في بعض الحالات رفيق والديه .. يعني ممكن تكون السفرة عائلية للترفيه عن الجميع ..

لكنها ليست مختصة بالطفل فقط ..

ممكن يكون جدول السفرة فيه تمشيات وروحات وجيات للكبار .. وزيارة للألعاب والترفيه للصغار ..

وحتى لو كان بيبي رضيع .. فهو مع والديه يعني وين بيخلونه ؟

فيه سفرات ثانية ممكن تخصص بالكامل للطفل نفسه اما بغرض الترفيه فقط أو التعليم واكتساب الخبرة

مع اني أشوف إن الترفيه هو وسيلة جيدة للتثقيف .. اللحين أسلوب التعليم باللعب هو الطاغي في العالم يا حمد ..

وصار العلم والثقافة واكتساب المهارات يتم بالترفيه

انا دخلت الموضوع بالغلط بس علشان عنوانه شوي استفزني .. يعني طفل عنده معلومات عن السفر والبلدان غير بريء .. يا اخوي هذا طفل مثقف وشايف خير والسفر طبع العرب من قديم الزمان .. رحلة الشتاء والصيف وأَسواق العرب الموسمية .. وفتوحات العرب والمسلمين ووصولهم لبلدان العالم.

ما علينا .. حبيت أَبارك للأُخت نور الحور بالنيو لوك .. بس صورة البنت ومكتوب لونوا حياتكم بالشغف صراحة حاولت اعرف كم لون فيها وتعبت :)

[شبح الصمت]

متابع من بعيد

[نشميّه]

:eek5:

السفر صار مهايط نسوان وزبو؟

الناس طول عمرها تسافر واهلنا يسافرون من الستينات وابهاتنا الكبار من الخمسينات عرفوا لندن وغيرها!
مالوم البعض لين شاف السفر بمفهومه, لانه عمره ماسافر .. يمكن من ثقافة بيئته اللي كان عندها السفر منقود وعيب
ولا الناس ماتهون عليهم البيزه! مستخسر يونس هله ويدفع تذاكر وسكن ويحاسبهم على الاكل والتشري حتى لو مكتفي وغني!
الناس اجناس.. اللي من هم صغار سافروا عرفوا ثقافات الشعوب وادبهم وفنهم وتعلمنا اللغات الحمدلله!
ودوا عيالكم مساكين خل تفتح افقهم وتزداد معرفتهم! لاتلومون عيالكم اذا صاروا جاهلين ويحسون بالنقص
والناس قاعده تقول لندن كلها هيلق وكجره؟ ترى ماكانت جذي لين اللي " ماكانوا يعرفون السفر وعمرهم ماركبوا الطياره"
راحوا لندن وتفاجؤوا مساكين صادتهم culture shock !

المهم صفوا النيّه وسفروا عيالكم وسافروا .. غيروا جو واللي يبي المهايط يدله واللي يبي يسافر سفره حلوه يعرف!
كل رد في هالموضوع يمثل صاحبه.. واللي ماسافر بليز لايحكم على تجربه مايعرفها ...

[ضوى]

:eek5:

السفر صار مهايط نسوان وزبو؟

الناس طول عمرها تسافر واهلنا يسافرون من الستينات وابهاتنا الكبار من الخمسينات عرفوا لندن وغيرها!
مالوم البعض لين شاف السفر بمفهومه, لانه عمره ماسافر .. يمكن من ثقافة بيئته اللي كان عندها السفر منقود وعيب
ولا الناس ماتهون عليهم البيزه! مستخسر يونس هله ويدفع تذاكر وسكن ويحاسبهم على الاكل والتشري حتى لو مكتفي وغني!
الناس اجناس.. اللي من هم صغار سافروا عرفوا ثقافات الشعوب وادبهم وفنهم وتعلمنا اللغات الحمدلله!
ودوا عيالكم مساكين خل تفتح افقهم وتزداد معرفتهم! لاتلومون عيالكم اذا صاروا جاهلين ويحسون بالنقص
والناس قاعده تقول لندن كلها هيلق وكجره؟ ترى ماكانت جذي لين اللي " ماكانوا يعرفون السفر وعمرهم ماركبوا الطياره"
راحوا لندن وتفاجؤوا مساكين صادتهم culture shock !

المهم صفوا النيّه وسفروا عيالكم وسافروا .. غيروا جو واللي يبي المهايط يدله واللي يبي يسافر سفره حلوه يعرف!
كل رد في هالموضوع يمثل صاحبه.. واللي ماسافر بليز لايحكم على تجربه مايعرفها ...
:nice::nice::nice:

[أم محمد 90]

انا اقول الواحد لا يكتب فيما لا يعرف ,

يعني اللي ماعنده عيال لا يجي يتكلم عن شلون تربية العيال ..!

والسلام عليكم

[حسن]

ياحمد السفر مطلوب للترويح عن النفس وخصوصا عندنا نسبه الأمراض النفسيه عاليه
وهذا يساعد على تخغيفها
ولاتنسى الرواتب العالية الحمدلله تخلي الواحد يرفه عن نفسه
بس ماتكون زرعها كثافة في نفس الطفل منذ الصغر
هذا المبدأ جدا مرفوض في علوم التربيه
ولكن بحكم انا من دول العالم الثالث فاشي طبيعي الثقافه التعليمية تكون منحدره
وقيس على ذالك مواضيع التعليم ومواضيع الخادمات وأبناء الوطن

شكراً

[طبيب قطري]

شسالفه ياحسن ليش غيرت رايك !

[قهوة الضحى]

ياحمد السفر مطلوب للترويح عن النفس وخصوصا عندنا نسبه الأمراض النفسيه عاليه
وهذا يساعد على تخغيفها
ولاتنسى الرواتب العالية الحمدلله تخلي الواحد يرفه عن نفسه
بس ماتكون زرعها كثافة في نفس الطفل منذ الصغر
هذا المبدأ جدا مرفوض في علوم التربيه
ولكن بحكم انا من دول العالم الثالث فاشي طبيعي الثقافه التعليمية تكون منحدره
وقيس على ذالك مواضيع التعليم ومواضيع الخادمات وأبناء الوطن

شكراً

كم رأي لك بالموضوع وكل راي مناقض للثاني :omen2: