كيف استثمر مبلغ 200 الف ريال في الاسهم؟ ممكن نصايحكم؟

[Q-tr]

السلام عليكم ورحمة الله وبركاته... مبارك عليكم الشهر وعسى الله يتقبل طاعتكم!!!

عندي مبلغ 200 الف ريال ابي استثمرها في البورصه لمدة 6 شهر ألين توزيع الارباح... في ايش ممكن تنصحوني؟ اشرايكم بشركة قطر وعمان؟ الاسهم من ناحية العائد مقارنة بالسعر اشوف جيد نوعا ما؟ واذا شريت تنصحوني ابيع قبل توزيع الارباح ع اساس ان السهم بيرتفع؟ او استلم الشيك؟ وعقب ابيع؟

شنو الشركات اللي تنصحوني فيها وليش؟

يارب هالموضوع يكون فاتحة خير والكل يستفيد منه

الحمد لله الذي بنعمته تتم الصالحات

[الإمارات]

بسم الله الرحمن الرحيم

السلام عليكم ورحمة الله وبركاته

نصيحة لوجه الله تعالى .. استثمر في الشركات النقية ..

عندك سهم الريان .. تقدر تشتري بكره .. و له اهداف ممتازة ..

و القرار الاول و الاخير يرجع لك ..

و الله الموفق ..

[بوجبر]

سوق الاسهم فية مكسب وفية خسارة

دلع نفسك بفلوسك وأستأنس فيها أحسن من يلطشها غيرك ويتهنا فيها

[(بوطلال)]

ماعليك ياخوي من كلام المحبطين السوق فيه خير كثير وربح فيه من عرف يشتري السهم المناسب في الوقت المناسب والكثير ضيع فرصة تحقيق ارباح كبيره وهم محلك سر يحبطونك في الطلوع ويحبطونك في النزول !
. ارشح لك اسهم الرعايه او الدوليه او مزايا او المتحده شركات ارباحها ممتازه وعوائدها ممتازه ومتوقع لها صعود ممتاز .قسم المبلغ على الاربع شركات وربي يوفقك.

[زقرتي ومزاجي]

ماعليك ياخوي من كلام المحبطين السوق فيه خير كثير وربح فيه من عرف يشتري السهم المناسب في الوقت المناسب والكثير ضيع فرصة تحقيق ارباح كبيره وهم محلك سر يحبطونك في الطلوع ويحبطونك في النزول !
. ارشح لك اسهم الرعايه او الدوليه او مزايا او المتحده شركات ارباحها ممتازه وعوائدها ممتازه ومتوقع لها صعود ممتاز .قسم المبلغ على الاربع شركات وربي يوفقك.




عز الله انك صادق

[بوسعود1122]

تشتري سهم وفي لمح البصر ينزل و تخسر مبلغ محترم ،، البورصه مالها أمان انا لو مكانك اشتري ارقام سيارات ابرك ،، والاختيار لك

[مشتاقة لقطر]

ادخل قسم التحليل الفني والاساسي
وكل سهم له موضوع
البنوك الاسلامية لها مستقبل مضمون باذن الله
وكمن شركة نقية بعد ينصحون فيها
اذا انت جديد عالاسهم تفضل موضوع اخونا انالايزر (المؤشر العام )
وراقب معانا يوميا وش ينصحون به
والمحللين كل يوم ينصحون باسهم معينة للاستثمار
انصحك انت تقرر شتاخذ من خلال تعمقك بمواضيع المنتدى
والله يكتب لك الرزق الوفير

[السندان]

انت قلت ست شهور وهالمده فيها خير كثير بإذن الله على رأي كل المحللين وكان الاختلاف او الغير أكيد هل هذي الموجه b اوa وفي كل الأحوال بتكون ربحان بحول الله وعليك بالأسهم النقية .. تابع محللين المنتدى وفالك طيب وبالتوفيق

[معماري قطري]

رايي تنوع بحدود 3 إِلى 4 أَسهم .. عندك الخليج الدولية مرشحة للإِرتفاع السريع وعندك الريان وعندك المصرف والدولي .. كلها هذا وقتها وبتربح بحدود 10% في فترة وجيزة فما بالك في ست شهور .. في يومين سوقنا ارتفع 7.5% ومن أَول السنة في حدود 20% والخير بإِذن الله جاي .. وإِحتمال الكوارث والهبوط دوم بعد موجود .. ونتمنى من الله التوفيق

[مخطط قطري]

الاسهم الي ذكرتوها فيها خير بس من 6 شهور هالاسهم كانت تتداول بنصف سعرها الحالي يعني بعد 6 شهور ماينعرف وين بتكون ولكن اؤيد تقسيم المبلغ على اكثر من شركه وموفق خير

[QtrGate]

إذا للحين ماشريت
عندك الرعاية والمحظور وناقلات
اقتنصهم بأسعار مناسبة

الرعاية بكره إعلانها ممكن تدخل اليوم بس سعرها مرتفع
المحظور سعره مناسب لتوزيعه
ناقلات متوقع لها نمو جيد نهاية السنه