بعيدا عن النفاق والرياء ... من يـ \تقبل ان يـ\تتزوج ويـ\تعيش في بيت ابوه \ ابوها ؟؟

[المخلب]

السلام عليكم

سؤالي يحتاج الى صراحه تامه واجابه البنت او الرجل تكون اجابه عن قناعه شخصيه ..!


لو تقدمت لخطبه فتاه وتم الموافقه عليك ولكن بشرط :

(( الشرط بناخذه من الطرفين وليس من طرف واحد فقط ! ))

>> لوكنتي بنت <<

الشرط يقول ( من ام المعرس وابوه ) : ان بنتكم وولدنا يعيشونا عندنا بالبيت ! - بيت ابو المعرس - "بسطح ! بملحق ! بغرفه ! بخيمه ! .. المهم عندنا "

>> لو كنت ولد <<

الشرط يقول ( من ام العروس وابوها ) : ان ولدكم وبنتنا يعيشون عندنا بالبيت ! -بيت ابو العروس -"بسطح ! بملحق ! بغرفه ! بخيمه ! .. المهم عندنا "


فهل ستوافق \ توافقين على الشرط ؟ام ماذا ستفعل \ تفعلين ؟

[ابوعلي]

يعطيك العافيه اخوي المخلب على الموضوع :strong

السؤال مش لنا :court:

احنا راحت علينا:eek3:

بس اعرف واحد سكن مع اهل زوجته حوالي 10 سنوات (( طبعا الحين نقل لبيته الجديد ))

[rashid-1]

أنا أشوف عيب على الرجال يسكن في بيت أهل زوجته واللي يرضى أنه يعيش في بيت أهل زوجته يهين كرامته

اللي يصير الحين ان الرجال يسكن زوجته في بيت اهله سواء بملحق او غيره لين يوقف على رجله ويخلص بيته وكل المده سنتين او ثلاث وانا اشوف هالمده فتره بسيطه لازم تحتملها الزوجه وماتضغط على زوجها عشان تسكن في بيت ايجار

[M.D.Luffy]

والله انا ماعندي مااااااااااااانع بيت ابو العروس ابو العريس المهم اعيش مبسووووووووووووووووووووووووووووووووووووووووط

[M O 7 A M M E D]

تسلم اخوي المخلب على الموضوع ..

العروس لازم تجي في بيت ابوالمعرس لين ما المعرس يكون نفسه ويبني له بيت ..

لانه لو المعرس راح وسكن عند ابو العروس احس انه نزل من قيمته ..

[بوخالد2]

والله انا عادي عندي بس في بيت ابو المعرس صعبه في بيت ابو العرووس صعبه شوى مافي سنع وحياه ولا شسالفه بعد :mad:

وحتى لو اعيش 10 سنوات عادي يالغالي 00 لانه صعبه حد يطلع وياجر مثلا كل شي غالي ههه اذبوحونا من الاجار :eek3: ويسلموووووووو ع الموضوع الجميل

[المخلب]

يعطيك العافيه اخوي المخلب على الموضوع :strong

السؤال مش لنا :court:

احنا راحت علينا:eek3:

بس اعرف واحد سكن مع اهل زوجته حوالي 10 سنوات (( طبعا الحين نقل لبيته الجديد ))


الله 10 سنين :D :funny: شكله مصيف هناك قال رحمني عمي من الأجار :eek2:

شكرا على الاضافه ..

بس ماقلت رايك ؟؟ انت توافق ولالا !؟

[قطري مغامر]

اذا ابو العروس متكفل في كل شي حتى يغطي الاكتتابات ما عندي اي مانع :dance :dance :dance :dance

[khaldoon]

سؤال حلو من شخص احلى و مميز ويقدم كل جديد

بالنسبه لي راحت علينا مثل ما قال اخونا العزيز ابو علي لاني متزوج ولله الحمد من زمان
بس انا لا اقبل الا السكن ببيت منفصل عن اهلي واهلها تفاديا للمشاكل

[ღ llvlliss ღ]

إقامة الزوج في بيت أهل زوجته .. شغله عاديه إذا كانت البنت وحيدة أهلها .. ومافيها اي عيب بالعكس أهل زوجته كسبوه كإبن لهم غير إنه راح يقوم فيهم ..

وإقامة الزوجــة في بيت أهل زوجها مافيها أي مشكلة إذا كان البيت كبير .. ولها قسم خاص .. وأهله ناس طيبين ..

في الأول والأخير يعتمد على الي يتفق عليه الزوجيـن ..

تسلم اخوي على الموضوع .. والله يعطيـك العافيـــة ..

وعســاك على القــوة ..

[المخلب]

أنا أشوف عيب على الرجال يسكن في بيت أهل زوجته واللي يرضى أنه يعيش في بيت أهل زوجته يهين كرامته

اللي يصير الحين ان الرجال يسكن زوجته في بيت اهله سواء بملحق او غيره لين يوقف على رجله ويخلص بيته وكل المده سنتين او ثلاث وانا اشوف هالمده فتره بسيطه لازم تحتملها الزوجه وماتضغط على زوجها عشان تسكن في بيت ايجار


زين لو اهلها اشرطوا عليك شبتسوي ؟؟ :deal:

[السديم]

السلام عليكم ورحمة الله وبركاته ،،

موضوع جميل اخوي وطرح مميز ..
والله انا اللي اشوفه ان الولد اذا ماكانت عنده امكانية في بداية حياته يقعد في بيت ابوه بقسم مستقل يضمن له ولزوجته الاستقلاليه .. الى ان يوقف على رجوله ويكون نفسه ..

لكن مش من المقبول عرفيا سكن الزوج في بيت اهل زوجته .. الا طبعا لتواجد اسباب منها مرض الزوجه وبحاجة لرعاية امها او تكون وحيدة اهلها او او او .. الخ

دمتم بود :)

اختكم / سديم

[القانوني]

اذا كان الرجل لايستطيع ان يفتح بيت في اول بداية عرسه

فمن حقه ان تقبل زوجته بالسكن مع أهله


ام سكن الزوج مع اهل زوجته فعني غير متقبلها

[ضوى]

السلام عليكم

موضوع وايد حلو ويستحق التوقف عنده ، بالنسبة لي تزوجت وسكنت ببيت اهله سنين طويلة وبعدها سكنت ببيت اهلي معاه لمدة سنة لظروف خاصة ، والحمد لله انا متفهمة وهو متفهم بيت اهله بيت اهلي المهم نفوسنا تكون صافية ونقية ، المجتمع اكيد ما يتقبل فكرة ان الزوج يتم ببيت اهل زوجته ، اما وجود الزوجة ببيت اهل زوجها فهي طبيعية ومنطقية جدا ، اعرف واحدة صار لها متزوجة 7 سنين وقاعدة ببيت اهلها مع زوجها وعيالها ويوم اقول لها ليش ما يقعدج ببيت اهله تقول لا ما ابي مشاكل ، ومثل ما نوهت في البداية اهم شئ التفاهم بين الزوجين وكل شئ بعد هذا مقدور عليه .
وتحياتي

[ابوعلي]

الله 10 سنين :D :funny: شكله مصيف هناك قال رحمني عمي من الأجار :eek2:

شكرا على الاضافه ..

بس ماقلت رايك ؟؟ انت توافق ولالا !؟

بالنسبة لي ما احب اسكن عند اهل الزوجه لأني سكنت اسبوع وتضايقت:eek3: لأني كنت

اتقيد في الدخول والخروج من البيت

ولكن احب ان ولدي او بنتي اذا تزوجوا يكونون عندي:dance

[المخلب]

السلام عليكم ورحمة الله وبركاته ،،

موضوع جميل اخوي وطرح مميز ..
والله انا اللي اشوفه ان الولد اذا ماكانت عنده امكانية في بداية حياته يقعد في بيت ابوه بقسم مستقل يضمن له ولزوجته الاستقلاليه .. الى ان يوقف على رجوله ويكون نفسه ..

لكن مش من المقبول عرفيا سكن الزوج في بيت اهل زوجته .. الا طبعا لتواجد اسباب منها مرض الزوجه وبحاجة لرعاية امها او تكون وحيدة اهلها او او او .. الخ

دمتم بود :)

اختكم / سديم


شكرا على التعليق المفيد :nice:

[المخلب]

اذا كان الرجل لايستطيع ان يفتح بيت في اول بداية عرسه

فمن حقه ان تقبل زوجته بالسكن مع أهله


ام سكن الزوج مع اهل زوجته فعني غير متقبلها


زين لو اصروا عليك !! شبتسوي ؟

[المخلب]

السلام عليكم

موضوع وايد حلو ويستحق التوقف عنده ، بالنسبة لي تزوجت وسكنت ببيت اهله سنين طويلة وبعدها سكنت ببيت اهلي معاه لمدة سنة لظروف خاصة ، والحمد لله انا متفهمة وهو متفهم بيت اهله بيت اهلي المهم نفوسنا تكون صافية ونقية ، المجتمع اكيد ما يتقبل فكرة ان الزوج يتم ببيت اهل زوجته ، اما وجود الزوجة ببيت اهل زوجها فهي طبيعية ومنطقية جدا ، اعرف واحدة صار لها متزوجة 7 سنين وقاعدة ببيت اهلها مع زوجها وعيالها ويوم اقول لها ليش ما يقعدج ببيت اهله تقول لا ما ابي مشاكل ، ومثل ما نوهت في البداية اهم شئ التفاهم بين الزوجين وكل شئ بعد هذا مقدور عليه .
وتحياتي


كلام جميل واسعدني اني اقرا قصه من تجربه حقيقيه :)

الله يوفقك

[المخلب]

بالنسبة لي ما احب اسكن عند اهل الزوجه لأني سكنت اسبوع وتضايقت:eek3: لأني كنت

اتقيد في الدخول والخروج من البيت

ولكن احب ان ولدي او بنتي اذا تزوجوا يكونون عندي:dance


اهااا omen شكرا على النصيحه وسرد التجربه ! ..

[لمت داون111]

طبعا والمتعارف عليه بعاداتنا وتقاليدنا عيب اني اقعد في بيت العروس .. وبصراحه اشوفها قله ادب بنظرتي :)

بس بالاخير يعتمد علي ظروف الاسرتين ويمكن مثل ماقالت احد العضوات انه جايز تكون البنت وحيده والدينها وهم كبار بالسن هذي رغبتهم ومايبون يطلعون من بيتهم وألخ وألخ

بس طبعا مايكون هناك استغلال من طرف المعرس :)

وكل شي تحدده المواقف

ويعطيكم العافيه علي النقاش الرائع :)

[غزلان]

انا افضل السكن في منزل منفصل عن الأهل بعيدا عن المشاكل

شكرا

[المخلب]

طبعا والمتعارف عليه بعاداتنا وتقاليدنا عيب اني اقعد في بيت العروس .. وبصراحه اشوفها قله ادب بنظرتي :)

بس بالاخير يعتمد علي ظروف الاسرتين ويمكن مثل ماقالت احد العضوات انه جايز تكون البنت وحيده والدينها وهم كبار بالسن هذي رغبتهم ومايبون يطلعون من بيتهم وألخ وألخ

بس طبعا مايكون هناك استغلال من طرف المعرس :)

وكل شي تحدده المواقف

ويعطيكم العافيه علي النقاش الرائع :)


زين ماتعتقد اخوي لمت داون .. ان يعني زوجتك في بيت هلك ! بتحس بحرج !! يعني تبي تكشف شعرها ماتقدر خوانك بالبيت (( مو محللين عليها ! )) صح وله ؟؟

[المخلب]

انا افضل السكن في منزل منفصل عن الأهل بعيدا عن المشاكل

شكرا


هلا والله بالاخت غزالان ..

يعني اعتقادك ان البنت لين اسكنت ببيت اهل زوجها مشاكل تجيها ؟:looking:

[وطن]

:con2:

لو صار اني بتزوج

يستحيل أقعد ببيت أهله

الا في حالة وحده بس
لو هو وحيد أهله وماعندهم غيره
في هالحالة ماراح أخليه يترك امه وابوه عشااني
لا بنقعد معاهم وبحطهم بعيوني ان شاء الله "عاد ان شاء الله مايطلعون متسلطين وابتلش" omen

لكن لو عنده اخوان وخوات
يستحيل أقعد وسطهم

مو عشان المشاكل
ان شاء الله مافي مشاكل
بس عشان الواحد ياخذ راحته
ببيته :dance


واذا يبي يقعد في بيتنا
حياه الله .... :nice:

[لمت داون111]

زين ماتعتقد اخوي لمت داون .. ان يعني زوجتك في بيت هلك ! بتحس بحرج !! يعني تبي تكشف شعرها ماتقدر خوانك بالبيت (( مو محللين عليها ! )) صح وله ؟؟
في ذي صحيح بتكون صعبه شوي عليها وانا نفسي عانيت هالمشكله مع زوجات اخوي بالبدايه ( طبعا هالكلام من فتره ) وقعدو عندنا كم سنه والله داخل طالع عيوني دايما بالارض وقلت قعداتي مع اهلي بالصاله وعقب الله وفقهم والحمدلله وشرو بيوت

والحمدلله مرتاحين في بيوتهم والله يوفقهم وبصراحه اسلوبهم عجبني ولازم يكون هناك صبر وتعاون في بدايه الزواج من الطرفين عشان يستقرون عقب

مايصير تصعد الدرج مره وحده ولا شرايك اخوي المخلب ؟؟ :)

[وطن]

مشكوور اخوي

تسلم :)

[بوحمد1]

والله الوحده تعيش مع زوجه وين ميكون اهم الأتفاق بين الأثنين

[المخلب]

:con2:

لو صار اني بتزوج

يستحيل أقعد ببيت أهله

الا في حالة وحده بس
لو هو وحيد أهله وماعندهم غيره
في هالحالة ماراح أخليه يترك امه وابوه عشااني
لا بنقعد معاهم وبحطهم بعيوني ان شاء الله "عاد ان شاء الله مايطلعون متسلطين وابتلش" omen

لكن لو عنده اخوان وخوات
يستحيل أقعد وسطهم

مو عشان المشاكل
ان شاء الله مافي مشاكل
بس عشان الواحد ياخذ راحته
ببيته :dance


واذا يبي يقعد في بيتنا
حياه الله .... :nice:

الله يزوجك قلي آمين omen ..

واشكرك على الاضافه الروعه :nice:

[المخلب]

في ذي صحيح بتكون صعبه شوي عليها وانا نفسي عانيت هالمشكله مع زوجات اخوي بالبدايه ( طبعا هالكلام من فتره ) وقعدو عندنا كم سنه والله داخل طالع عيوني دايما بالارض وقلت قعداتي مع اهلي بالصاله وعقب الله وفقهم والحمدلله وشرو بيوت

والحمدلله مرتاحين في بيوتهم والله يوفقهم وبصراحه اسلوبهم عجبني ولازم يكون هناك صبر وتعاون في بدايه الزواج من الطرفين عشان يستقرون عقب

مايصير تصعد الدرج مره وحده ولا شرايك اخوي المخلب ؟؟ :)


الله يكون بعونك :shy: ..

بس والله اوكي الواحد يتعلم من اخوانه علشان المستقبل :eek2: ..

صحييح الدرج ماينصعد مره وحده .. تيكت ايزي :funny:

شكرا لك :)

[المخلب]

والله الوحده تعيش مع زوجه وين ميكون اهم الأتفاق بين الأثنين


عدل .. :nice:

يالله ماقصرت على الاضافه :)