لخبراء تايلاند (بوكيت )

[الدبلوماسي]

السلام عليكم
الي يعرف شي عن بوكيت من ناحيه الفنادق والاماكن السياحيه ياليت يفيدني
عدد الافراد 3 شباب
المده من تاريخ 28/06 الى 05/07

[Aaziz]

اعرف كل شي
غير الوجهة ابرك لك

[jajassim]

8 ليالي وايد عليها

والله يحفظك

[qatarman8008]

4 ليلي زين في بوكيت.. خذ لك ليومين رحلات بحرية مثل بيبي وجمس بوند..
وخذ لك يوم سفاري تور على بقيات ثم في الليل روح الفاتازي..
واليوم الرابع اجر لك تكسي يمشيك عالجزيرة كاملة من الى ويرويك كل المعالم والاسواق القديمة..
في اشياء كثير تقدر تسويها في بوكيت بتحصل المنشورات ومكاتب السياحة في كل مكان..

[الحياة الخالدة]

شلون من تاريخ 28/06 الى 05/07
يعني خلصت المدة

[توشيبا]

شلون من تاريخ 28/06 الى 05/07
يعني خلصت المدة

من ثمانيه وعشرين شهر سته الي خمسه شهر سبعه

[الحياة الخالدة]

من ثمانيه وعشرين شهر سته الي خمسه شهر سبعه

متى يعني السنة الياية ؟؟

[توشيبا]

متى يعني السنة الياية ؟؟

الرجال كيفه مغلط بالارقام

وعشانه بنرجع التقويم حق شهر ورا :waiting:

[وليف الشوق]

والله يااخي بوكيت حلوة وجوها غير معتدل ومرة مطر ومرة عواصف ومرة الجو عادي لكن نصيحه اخويه لوجه الله اذا بتروح اتق الله في نفسك وابعد عن جميع مايغضب المولى عزوجل وانت والنعم فيك من كلامك انك رجال قول وفعل وابيك تمثل بلدك خير تمثيل وروح هناك شارع العرب في فندق اسمه ( بليز ) نظيف ورخيص ويطل على كورنيش الشارع ولا تنسى تسوي انت وربعك برامج حلوة ورخيصه مثل الذهاب الى عدة جزر منها جزيرة بي بي وحسب البرنامج المتبع من قبل الشركة والتي تبدا الرحلة من الساعه الثامنه صباحا الى الساعه الخامسه مساء او شوف البرامج الترفيهيه اللي انت تحبها ان كانت جزر او شواطئ او جبال او حتى في الغابات ولا تنسى الشلالات !! وبالنسبة لنفسي ههههههههه ماخليت برنامج ماحجزته سواء في بوكيت او في شنغ ماي او في جزيرة كوساياما وللمرة الثانيه اذكرك بتقوى الله وتمثيل بلدك خير تمثيل واسعد نفسك وش ماخذين من هالدنيا دام كل شي قدامك حلال والبعد كل البعد عن الشبهات وتروح وترجع بالسلامه يااااااارب وسفره واقامه سعيدة

[قطريه ماركه]

اختيار مووفق
بوكيت حلووة اجواء الجزر و كوكونت و رحلات بحرية و سكوترات
ليش حسستوني انه اللي يروح هناك لازم نيته شينه
رحناها عائلة و الحمد لله كانت من احلى الرحلات بفضل الله

اللي يبي الحرام بيحصله حتى و هو في مكانه
استغفر الله و العياذ بالله

احفظ الله يحفظك في كل العاااااالم
بالنسبة للتاريخ غلط لانه خلاص صااار
و لا تنسى تروح عرض الفنتازيا شي خياااال :nice:

[قطريه ماركه]

صح و بالنسبه للشواطئ
المشهور هو باتونق بيتش و هو قلب بوكيت النابض بالحيويه

و الشاطئ اللي فيه المسلميين على كلامهم و هو اللي سكنااه و كان هادي و حلوو
هو بنق تاو

[الدبلوماسي]

والله يااخي بوكيت حلوة وجوها غير معتدل ومرة مطر ومرة عواصف ومرة الجو عادي لكن نصيحه اخويه لوجه الله اذا بتروح اتق الله في نفسك وابعد عن جميع مايغضب المولى عزوجل وانت والنعم فيك من كلامك انك رجال قول وفعل وابيك تمثل بلدك خير تمثيل وروح هناك شارع العرب في فندق اسمه ( بليز ) نظيف ورخيص ويطل على كورنيش الشارع ولا تنسى تسوي انت وربعك برامج حلوة ورخيصه مثل الذهاب الى عدة جزر منها جزيرة بي بي وحسب البرنامج المتبع من قبل الشركة والتي تبدا الرحلة من الساعه الثامنه صباحا الى الساعه الخامسه مساء او شوف البرامج الترفيهيه اللي انت تحبها ان كانت جزر او شواطئ او جبال او حتى في الغابات ولا تنسى الشلالات !! وبالنسبة لنفسي ههههههههه ماخليت برنامج ماحجزته سواء في بوكيت او في شنغ ماي او في جزيرة كوساياما وللمرة الثانيه اذكرك بتقوى الله وتمثيل بلدك خير تمثيل واسعد نفسك وش ماخذين من هالدنيا دام كل شي قدامك حلال والبعد كل البعد عن الشبهات وتروح وترجع بالسلامه يااااااارب وسفره واقامه سعيدة

جزاك الله خير على المعلومات ماقصرت يالغالي لا الحمدلله متقي الله ف كل شي انا عايش بروحي ف باريس بلد الفساد فوق 4سنوات ومتقي الله من الدوام للبيت ومن البيت للدوام بس سؤال ليش الي يروح تايلاند يروح تفكير الناس شوي بعيد ههههههههههه

[الدبلوماسي]

بخصوص التاريخ 28/7 الى 5/8

[الدبلوماسي]

اعرف كل شي
غير الوجهة ابرك لك
تنصحني ف وين ؟

[Aaziz]

تنصحني ف وين ؟

انت و جو ربعك و انت و ميزانيتك و الاختيارات كثيره .
مبدئيا الي موجود في تايلند موجود في ماليزيا ولكن في ماليزيا بشكل مقبول و اتكلم من باب مناظر خليعه و قله حيا .
شفت سيف باتونغ الي يمدحونه .. انا شخصيا مع ربعي اذونا الله يكرمك الجنس الثالث و انعرضت علي المخدرات و تحرش باليد غير القذاره في النظافه .

انصحك ب اندونيسيا مع اني مازرتها
الملديف زرتها و حلوه
جنوب افريقيا روعه

تايلند كل ما اتذكرها اتذكر انها بلد قذر ،، لامؤخزه يعني