شبـاب قطـر لايستحقـون الـزواج

[Wolf 91]

السلام عليكم ورحمه الله وبركاته

كما هو واضح في العنوان .. شباب قطر لايستحقون الزواج

انا لا احبذ الذهاب للمجالس والجلوس مع الشباب كثر ما أني اقعد فالبيت مع الوالد والوالدة

ولكن في الفترة الأخيرة وتقريبا من 6 شهور وبعد عودتي من الدراسة فالخارج قررت الذهاب للمجلس وشفت شي ادهشني ( تقريباً نص اللي فالمجلس متزوجين)

بسرد لكم قصص حقيقيه ومن واقع آلييم.
القصة الأولى
تتصل عليه زوجته الساعة العاشرة ليلاً وطلع ان ولده تعبان الرد يكون (طيب وين الدريول خليه يوديج المستشفى انا الحين مشغول لا خلصت بمرج)
تتصل عليه بعد ساعه الولد رقدوه فالطواري الرد يكون (قلت لج لاخلصت الشغل بجيج) لا حياه لمن تنادي

والرجال لا عنده شغل ولا حاجه ويلعب ورقــه (جوكر), ساعه , ساعتين, ولا قام اتصلت عليه ورخصو الولد الرد يكون (اها زين رخصوه)
المرأه تحتاج احد معاها مش لانها ماتقدر تتحمل بالعكس تقدر تتحمل اكثر منا ولكن تحتاج رجل معاها حتى يطمئن قلبها ويحسسها بالأمان و انهم عائله واحده متعاونه ومتماسكه

اغلبيه اللي يتصلون عليهم حريم اسمعهم يقولون هالجملة ((اشفيك انا الحين فالمجلس مع الشباب خل الدريول يوديك)) يكلمون حريمهم بصيغه رجل عشان ياحرمه افهمي وسكري
واغلبيتهم مايردون قدامنا طبعا يخجلون يطلعون برع ويصارخون على زوجاتهم

الشباب اغلبهم فالشغل من الصبح لين الظهر عقبها يردون البيت ينامون وعلى المغربيه اشوفهم فالمجلس لين الواحده صباحاً
هنا تقربت منهم واحد واحد لاني دريت انهم متزوجين فصادني فضول حبيت اعرف شسالفه وين حريمهم عنهم
القصه الثانية
سئلت واحد يبني بيته يقول من تزوجت وزوجتي مشاء الله عليها تعرف كل شي قلت له شلون تعرف كل شي يقول سلمت لها بنيان البيت وافتكيت ودام هي تشتغل خليتها هي تدفع الباقي دام هي اللي بتسكن فيه (قاعد يفوشر الحين ان زوجته تعرف كل حاجه)
القصه الثالثه
وشيء اخير جاني واحد وقالي جوالي البلاك بيري معلق شوفه لي ,, اخذته وتعبثت فيه وكان لازم امسح جميع المحادثات فوافق اني امسحهم وبتديت امسح جميع المحادثات
وبالغلط زوجته اكتبت له وعلى طول انفتحت المحادثه على الشاشه وجات عيني على الكلام ( ادري انه غلط مني والمفروض اسكر المحادثه على طول )
المحادثه كانت على النحو التالي : صباح الخير , شخبارك حبيبي انشاء الله بخير , اليوم انا حجزت مطعم ومسويه لك سبرايز لاتردني هالمره تكفى , ويينك ليش تقرا وماترد !! , طيب قولي اذا اي ولا لا , اذا ماتبي مطعم بس خلنا ندور بالسياره من زمان ماطلعنا ويا بعض )
ورده كان على النحو التالي : ههههه مشغول مب فاضي
ومسكينه تمت تكلم نفسها ويقرا ومايرد
والله العظيم لو اكتب من اليوم لين باجر سوالف تشيب الراس !!!

انعدم دور الرجل فالمجتمع , زوجاتكم لهم حق عليكم , وجودنا حولهم يشعرهم بالامان يشعرهم ان في احد معاهم وحولهم نطالب بحقوقنا واحنا مقصرين ,,

طبعا انا مااقصد احد فالمنتدى ,, واتمنى من كل متزوج يفكر فالموضوع عدل وعلى كل رجل مقدم على الزواج تحمل المسؤولية

انا لا اقصد جميع شباب قطر ولكن الاغلب ,, واتمنى عدم التهجم
تحياتي

[مختلفة عقليا]

السلام عليكم .,

هاي موب شباب قطر ., هاي بنات ., :nice:

والله الشباب اللي جيه ., ماعرف ليش حريمهم ساكتين ومعطينهم ويه .,

الريال متي ما حس ان مرته وراه ., شرد ., ومتي ما حس انها يدامه لحقها .,

او نستغرب ان في خيانه !!

يسلموو .,

[Wolf 91]

السلام عليكم .,

هاي موب شباب قطر ., هاي بنات ., :nice:

والله الشباب اللي جيه ., ماعرف ليش حريمهم ساكتين ومعطينهم ويه .,

الريال متي ما حس ان مرته وراه ., شرد ., ومتي ما حس انها يدامه لحقها .,

او نستغرب ان في خيانه !!

يسلموو .,

ساكته لانها ماتبي تخرب بيتها ,, وحتى ماتنحرم من عيالها

[حفيد الأنصار]

مدري اخووي بس احس هذه فئة معينه ومش كثيره
والغالبية فيهم الخير ان شاء الله

[JN000N]

لااا يبه صل عالنبي واذكر الله


شبابنا فيهم الخير والبركة

لاتعمم
صح في الشين وفي الزين

لكن في شباب والنعم فيهم وفي تربيتهم
هذي الي لين خذ بنت الناس يخاف عليها ويحبها ومايقصر معاها بشي

انا مب قايله عن شباب من هلي عشان مانحاز لهم مع ان فيهم نوعية الي كله ف الميالس

لكن شفت موظفين وموظفات
وبعضهم شباب نحسد حريمهم عليهم
وموظفات والا حريم ف البيوت ماشتغلو لكن يشكرون ف ريايلهم
مب نوع الي تشكر ف ريلها وهو من جنبه لاا

لحين الناس فيهم خير والدنيا بخير
يمكن هالتجارب الي شفتها خلتك تاخذ موقف


بس عندي سوال
الحين محادثة رفيجك طلعت وفتحتها والمفروض ع كلامك ماتفتحها وتمسح او تعطيه الجوال
هالكلام كله قريته! بعد مب سطر ولا سطرين
قريت شكتبت وشرد عليها وشردت عليه
الصراحه اعتبرها لقافة وقلة ذوق منك

[Wolf 91]

لااا يبه صل عالنبي واذكر الله


شبابنا فيهم الخير والبركة

لاتعمم
صح في الشين وفي الزين

لكن في شباب والنعم فيهم وفي تربيتهم
هذي الي لين خذ بنت الناس يخاف عليها ويحبها ومايقصر معاها بشي

انا مب قايله عن شباب من هلي عشان مانحاز لهم مع ان فيهم نوعية الي كله ف الميالس

لكن شفت موظفين وموظفات
وبعضهم شباب نحسد حريمهم عليهم
وموظفات والا حريم ف البيوت ماشتغلو لكن يشكرون ف ريايلهم
مب نوع الي تشكر ف ريلها وهو من جنبه لاا

لحين الناس فيهم خير والدنيا بخير
يمكن هالتجارب الي شفتها خلتك تاخذ موقف


بس عندي سوال
الحين محادثة رفيجك طلعت وفتحتها والمفروض ع كلامك ماتفتحها وتمسح او تعطيه الجوال
هالكلام كله قريته! بعد مب سطر ولا سطرين
قريت شكتبت وشرد عليها وشردت عليه
الصراحه اعتبرها لقافة وقلة ذوق منك

الشيخه لو قريتي لين الاخير بتلقين اني ماعممت انا قلت فئه معينه

وجواله كان هاي البلاك بيري شاشته مثل الايفون وتقدرين تقولين فضول

[المستريح]

كل بلد وكل مكان فيه الزين والشين انت عميت كل الشباب مب معلق على الموضوع بس وش الهدف من الموضوع انا اعرف المنتدى له اهداف وموضوعك تشجع البنات مايتزوجون شباب قطر الله يهدينى ويهديك انشاء الله

[عثرة جواد]

اخوي>> لقد أسمعت لو ناديت حيا.. ولكن لا حياة لمن تنادي <<

الله يهديهم ويصلحهم

والي يقهربعدين يقولون ليش ف عقوق اوانحرافات
موضوع موفق

[JN000N]

الشيخه لو قريتي لين الاخير بتلقين اني ماعممت انا قلت فئه معينه

وجواله كان هاي البلاك بيري شاشته مثل الايفون وتقدرين تقولين فضول

انت قلت الاغلب
وهم مش الاغلب
هات دليل انهم الاغلي او هات نسبة رسميه انهم الاغلب

والصراحه فضولك!
يحطك واحد من الشباب الي تمنع البنات انهم يتزوجونهم
لان مهما كان الفضول فالانسان في حد يخليه يوقف عنده
خاصه لين صار شي بين صديق وزوجته
(خصوصيات)

يمكن ماييعجبك كلامي
بس لو تتعلم ماتطالع هالاشيا الي تصير بين المتزوجين يكون افضل
وابدا بنفسك ك شاب قطري ان انت ماتكون فيك السلبيات الي شفتها ف غيرك

[Rider]

الي يبدي ربعه وجلساته على اهل بيته هذا مافيه خير

[Wolf 91]

انت قلت الاغلب
وهم مش الاغلب
هات دليل انهم الاغلي او هات نسبة رسميه انهم الاغلب

والصراحه فضولك!
يحطك واحد من الشباب الي تمنع البنات انهم يتزوجونهم
لان مهما كان الفضول فالانسان في حد يخليه يوقف عنده
خاصه لين صار شي بين صديق وزوجته
(خصوصيات)

يمكن ماييعجبك كلامي
بس لو تتعلم ماتطالع هالاشيا الي تصير بين المتزوجين يكون افضل
وابدا بنفسك ك شاب قطري ان انت ماتكون فيك السلبيات الي شفتها ف غيرك

لو جبتي عدد شباب قطر وعدد بنات قطر راح اجيب لج النسبه اللي تبينها
انا مامنعت البنات من الزواج ابداً ,, اتمنى الستر لكل بنت

الموضوع للشباب اللي ناسي بيته وعياله .. ماقلت يابنات لاتتزوجون

وانتي خليتي كل حاجه وانتبهتي للجوال , اعتقد الموضوع واضح

[JN000N]

صح الموضوع واضح

بس انا اتكلم من كل الجوانب الي تكلمت عنها
كل نقطه تذكرها وحتى موضوع الجوال هو اهم شي صار لانك وقتها تعديت حدودك ولازم تعترف انك غلطان

اولا مب اي شي ينشاف نقول انها ظاهره ونكتب فيها
ليش ننشرها
شباب الله يهديهم ويصلحهم

زين عندي سؤال
هل نصحت حد فيهم؟ هل تكلمت انت!
انت تعرف ان هالشي غلط
مسكت واحد فيهم ع صوب ونصحته؟ طبعا لا
بس الاسهل انك اتيي تفتح الموضوع وتحط عنوانه ( شباب قطر لايستحقون الزواج)

[ولد العرب]

حياك عندي مجلسي بتشوف مايقارب 20 شخص اطلق شنب
والله يخليك لا تعمم بليز
اللي شفته 3 ولا 4
اهل قطر والله انهم يبيضون الوجه

[Wolf 91]

صح الموضوع واضح

بس انا اتكلم من كل الجوانب الي تكلمت عنها
كل نقطه تذكرها وحتى موضوع الجوال هو اهم شي صار لانك وقتها تعديت حدودك ولازم تعترف انك غلطان

اولا مب اي شي ينشاف نقول انها ظاهره ونكتب فيها
ليش ننشرها
شباب الله يهديهم ويصلحهم

زين عندي سؤال
هل نصحت حد فيهم؟ هل تكلمت انت!
انت تعرف ان هالشي غلط
مسكت واحد فيهم ع صوب ونصحته؟ طبعا لا
بس الاسهل انك اتيي تفتح الموضوع وتحط عنوانه ( شباب قطر لايستحقون الزواج)

اعترفت اني يوم قريت المحادثه وقلت هاي غلط , وكتبت ان هالشي غلط قبل لاتقولين

وثاني شي نصحتهم كلهم وعطيتهم محاضره , وعطيتهم في وجهم يلا قوموا عيالكم ينطرونك ماعندكم بيت

ومايصير تحكمين وتقولين اني مانصحتهم وجاي تفتح موضوع :victory:

[عاشق العديد]

انزين ايش الي ترجوه من كتابة الموضوع ?

[Wolf 91]

حياك عندي مجلسي بتشوف مايقارب 20 شخص اطلق شنب
والله يخليك لا تعمم بليز
اللي شفته 3 ولا 4
اهل قطر والله انهم يبيضون الوجه

الله يحيك
وماعممت قلت فئه منهم فديت خشمك

[Wolf 91]

انزين ايش الي ترجوه من كتابة الموضوع ?

اللي ارجوه من كتابه هالموضوع , مانشجعهم على ذا الشي وننصحهم

وهالتجمعات فالمجالس هي اللي مسببه هذا كله , هالمجالس لها وقت معين

[محاسب]

اخوي ........ لاشك في أنك تحب الخير .. وانتقادك نابع من حرصك ع تصحيح الخطأ
لكن أختلف معاك في العنوان ...الدال ع التعميم المطلق
وأتفق معاك ..أن في نسبه واضحه من فئة الشباب لايقومون بدورهم
...ويتهربون من المسئوليه ويهملون
لــــــــــــــــــــــــــكن سؤالي :
1-كم مجلس حضرت فيه وشاهدة ؟؟
2-هل كل مجالس أهلنا لعب ورق؟؟
3- هل كل شبابنا ملتزمين بحضور المجالس وسهر؟؟
أعتقد من حبك للخير بالغة في العنوان

[عاشق العديد]

اللي ارجوه من كتابه هالموضوع , مانشجعهم على ذا الشي وننصحهم

وهالتجمعات فالمجالس هي اللي مسببه هذا كله , هالمجالس لها وقت معين

وين تبيه يقعد فكوفي شوب ولا الاند يتمشئ اذكر الله بس مب عشان ربعك كذا جيت تطالب الجميع يهدون مجالسهم وتبي تنصح النصيحه وجه لوجه افضل من منتدئ

[محاسب]

وأدعو الله أنه يهدي الجميع ويصلح أحوالنا

[q6ri_vip]

انا ماشفت هالشي ولا قد مره سمعت بالعكس
أخذ الاعلوم من اللي أخاويهم
مره كنت مسافر لدبي مع الربع وراعي الموتر اللي جايبه لدبي جاه تلفون ان بنته اتبعت وودوها للطوارئ قرر بعدها ان انوصله المطار وخلى موتره رنج الجديد وسافر لدوحة يتطمن ع بنته وثاني يوم رد لنا
موسم التخييم واتعرف الويكند وش أتصير فيه من فعاليات طالعين بالبقي يوم الجمعه العصاري نفس الشي واحد من الربع اللي معانا وصل له مسج وقال لنا ردوني عند الموتر عندي شغل ضروري مع الاهل
نزلناه وقلنا له الله يحفظك ورد لنا عقب المغرب ما طول يعني
والله والنعم في شبابنا مابهم قصور واللي يقصر مع زوجته أهي ماعرفت تكسبه ووفرت له اللي يبي اخذها مني
(( لو تمسح انك قريت مسج رفيجك بالغط أشوف أفضل لك لأن حتى لو قريت والله عيب أقول واعترف بالغط الواحد يستر ع نفسه ))

[Wolf 91]

اخوي ........ لاشك في أنك تحب الخير .. وانتقادك نابع من حرصك ع تصحيح الخطأ
لكن أختلف معاك في العنوان ...الدال ع التعميم المطلق
وأتفق معاك ..أن في نسبه واضحه من فئة الشباب لايقومون بدورهم
...ويتهربون من المسئوليه ويهملون
لــــــــــــــــــــــــــكن سؤالي :
1-كم مجلس حضرت فيه وشاهدة ؟؟
2-هل كل مجالس أهلنا لعب ورق؟؟
3- هل كل شبابنا ملتزمين بحضور المجالس وسهر؟؟
أعتقد من حبك للخير بالغة في العنوان

اسلوبك جميل ,, ويشهد الله اني ماكتبت هالموضوع الا وانا ابي الخير
حضرت مجلسين , والمجالس الثانيه بلايستيشن واغلبهم على التلفونات
اهل المجالس معروفين ووجوهم ماتتغير

[نتفـه]

وين اللي يغردون ان البنات مب كفو للزواج !!!
يللا خذو :)

للاسف هاي اللي صاير .. ويزعلون من غلاء المهور بعد :) !

[Wolf 91]

وين تبيه يقعد فكوفي شوب ولا الاند يتمشئ اذكر الله بس مب عشان ربعك كذا جيت تطالب الجميع يهدون مجالسهم وتبي تنصح النصيحه وجه لوجه افضل من منتدئ

ماطالبت انهم يقعدون فالكوفي شوب او اللاند
طالبت الجلوس مع الزوجه والعيال ,, هم لهم حق علينا

[طبيب قطري]

بخصوص اول قصه هذي فعلا صارت جدامي ! ليكون انا وانت بنفس المجلس وماندري!!!

[Wolf 91]

انا ماشفت هالشي ولا قد مره سمعت بالعكس
أخذ الاعلوم من اللي أخاويهم
مره كنت مسافر لدبي مع الربع وراعي الموتر اللي جايبه لدبي جاه تلفون ان بنته اتبعت وودوها للطوارئ قرر بعدها ان انوصله المطار وخلى موتره رنج الجديد وسافر لدوحة يتطمن ع بنته وثاني يوم رد لنا
موسم التخييم واتعرف الويكند وش أتصير فيه من فعاليات طالعين بالبقي يوم الجمعه العصاري نفس الشي واحد من الربع اللي معانا وصل له مسج وقال لنا ردوني عند الموتر عندي شغل ضروري مع الاهل
نزلناه وقلنا له الله يحفظك ورد لنا عقب المغرب ما طول يعني
والله والنعم في شبابنا مابهم قصور واللي يقصر مع زوجته أهي ماعرفت تكسبه ووفرت له اللي يبي اخذها مني
(( لو تمسح انك قريت مسج رفيجك بالغط أشوف أفضل لك لأن حتى لو قريت والله عيب أقول واعترف بالغط الواحد يستر ع نفسه ))

في منهم الزين ,, وفي منهم النوعيه اللي انا ذكرتها فالموضوع
مراح امسح اي شي ,, لان مب عيب اني اذكر غلطي واتعلم منه ,, الغلط اني استمر فيه

[Aaziz]

الاعتدال مطلوب
والاتكالية مرفوضه

قريت اول قصه و وقف قراءة
طبعا انا مع الزوج الي يهتم بعايلته على اكمل وجه .. ولكن فيه جانب لازم ننتبه له .
دواماتنا اليوم و همومنا تختلف عن دواماتنا قبل 10 سنين .
فينا ناس يطلع من الدوام كانه طالع من غرفه العمليات ،، يبي يهج يبي يرفه عن نفسه ،، الجانب الترفيهي مهم للاستمرار .
ولكن لا يصل الى الاتكالية ،، فمثلا اول قصه يخلي الدريول يوصلهم المستشفى وهو يروح لهم هناك .

[jassim_007]

اسلوبك جميل ,, ويشهد الله اني ماكتبت هالموضوع الا وانا ابي الخير
حضرت مجلسين , والمجالس الثانيه بلايستيشن واغلبهم على التلفونات
اهل المجالس معروفين ووجوهم ماتتغير

هممم من كلامك احس انك تحت ال24 سنه و ربعك الي متزوجين صغار بالسن و بالنسبة لي اشوف شي طبيعي ما يعطون اهتمام لحريمهم لانهم تزوجو بسن "غير مناسب للزواج"

[وليف الشوق]

آآآآآآآآآآآآآآآآآآآآه قلبي ويشهد الله قتلتني كلمة (( شباب قطر )) يااخي الفاضل تكفى ثم تكفى تكفى هالكلمة ابعدها عنك ولا تنطقها وتمنيت انك تقول (( الشباب او المتزوجين او حتى الشياب )) لكن كلمة شباب قطر هذي الكلمة احط عندها الف خط احمر ! يعني جات على الزواج والمتزوجين ؟ شباب قطر فيهم الخير والعفه والكرامه والشهامه وشباب قطر اهما الشباب اللي يشهد الله انهم رجال قول وفعل ولهم مواقف كثيرة وانت تعرف التجارب السابقه اللي تم الاكتال عليهم في الداخل / الخارج !! وبعدين تعال اقولك اذا الزوجه تتصل في زوجها وقت القعده مع ربعه وش تبي فيه بالضبط دام انه مستانس ؟ ياخي موفر لها سايق ومصروف ومااعتقد محتاجه شي وثاني شي من واقع تجارب كثيرة اعرفها عندي شباب والله ثم والله ثم والله حتى الجمعيه لما يروح لها تلقى 600000 الف مكالمة من زوجاتهم ( وين رايح ومن وين جاي وكم تقعد ومتى ترجع وكن يبيلك وكم وكم وكم وكم )) يااااااااااااخي ارحموا من مافي الارض يرحمكم من في السماء

[يمامـة]

في اللي يبدون ربعهم وووناستهم على هل بيوتهم وفي اللي يبدون اهاليهم
وفي اللي ما بن ذيه وذيه..

مب غلط الشاب يروح يقعد مع ربعه في الوقت اللي المفروض اللي يقوم بأهل بيته
والنماذج المذكورة في الموضوع ما تخص الشباب القطريين فقط هذي افة منتشرة
في الكثير من الرجال حول العالم ..

[أخت الكل]

الحمد لله والشكر من جد موضوع ينرفز أخوي ولا كملته

الغلط مو منهم الغلط من الحريم انفسهم

دام انها شافت زوجها مو كفو مسئوليه ليش ما صرفت السايق وخلته يبتلش بيته وعياله

[sweet qatar]

أتمنى الأمثلة الي ذكرتها تكون دافع لك لرسم حياة جميلة قايمة على التعاون بينك وبين شريكة حياتك :o

والله يهدي شباب المسلمين ويصلح حالهم

للي رفض الموضوع وشاف انه تحامل على الشباب القطري

ذوقوا من الكاس الي كل يوم نشرب منها في المنتدى
ما اتشمت استغفر الله :o

[امـ حمد]

الحمد لله شبابنا فيهم الخير ويطيع زوجته ومايطلع الا وياها وعياله
وفي نفس ماقلت اخوي لايبالي بزوجنه ولا بعياله وكل المسؤوليه على الزوجه المسكينه
الله يهدي جميع الشباب يارب ويصلح حالهم

[abdalla]

هذه الفئه من الشباب موجوده في كل البلدان المشكله بعض الشباب الله يهداهم يعتقد انه لما يجيب سواق انتهى من مسؤلية البيت ما يعرف ان اي زوجه تحب تكون مع زوجها دايما وتحس بالامان بجنبه الزوجه اللي تاخذ ابنها ولا بنتها للمستشفى ما في شي يخوفها لان البلد امان والحمدلله ولكن تحب ان يكون الاب موجود لتطمأن ويطمأن الابن او الابنه بوجود الوالد. لكن للامانه معظم الشباب فيهم خير وبركه وما يقصرون في اهل بيتهم.

[عضو قديم]

السلام عليكم ورحمه الله وبركاته

كما هو واضح في العنوان .. شباب قطر لايستحقون الزواج

انا لا احبذ الذهاب للمجالس والجلوس مع الشباب كثر ما أني اقعد فالبيت مع الوالد والوالدة

ولكن في الفترة الأخيرة وتقريبا من 6 شهور وبعد عودتي من الدراسة فالخارج قررت الذهاب للمجلس وشفت شي ادهشني ( تقريباً نص اللي فالمجلس متزوجين)

بسرد لكم قصص حقيقيه ومن واقع آلييم.
القصة الأولى
تتصل عليه زوجته الساعة العاشرة ليلاً وطلع ان ولده تعبان الرد يكون (طيب وين الدريول خليه يوديج المستشفى انا الحين مشغول لا خلصت بمرج)
تتصل عليه بعد ساعه الولد رقدوه فالطواري الرد يكون (قلت لج لاخلصت الشغل بجيج) لا حياه لمن تنادي

والرجال لا عنده شغل ولا حاجه ويلعب ورقــه (جوكر), ساعه , ساعتين, ولا قام اتصلت عليه ورخصو الولد الرد يكون (اها زين رخصوه)
المرأه تحتاج احد معاها مش لانها ماتقدر تتحمل بالعكس تقدر تتحمل اكثر منا ولكن تحتاج رجل معاها حتى يطمئن قلبها ويحسسها بالأمان و انهم عائله واحده متعاونه ومتماسكه

اغلبيه اللي يتصلون عليهم حريم اسمعهم يقولون هالجملة ((اشفيك انا الحين فالمجلس مع الشباب خل الدريول يوديك)) يكلمون حريمهم بصيغه رجل عشان ياحرمه افهمي وسكري
واغلبيتهم مايردون قدامنا طبعا يخجلون يطلعون برع ويصارخون على زوجاتهم

الشباب اغلبهم فالشغل من الصبح لين الظهر عقبها يردون البيت ينامون وعلى المغربيه اشوفهم فالمجلس لين الواحده صباحاً
هنا تقربت منهم واحد واحد لاني دريت انهم متزوجين فصادني فضول حبيت اعرف شسالفه وين حريمهم عنهم
القصه الثانية
سئلت واحد يبني بيته يقول من تزوجت وزوجتي مشاء الله عليها تعرف كل شي قلت له شلون تعرف كل شي يقول سلمت لها بنيان البيت وافتكيت ودام هي تشتغل خليتها هي تدفع الباقي دام هي اللي بتسكن فيه (قاعد يفوشر الحين ان زوجته تعرف كل حاجه)
القصه الثالثه
وشيء اخير جاني واحد وقالي جوالي البلاك بيري معلق شوفه لي ,, اخذته وتعبثت فيه وكان لازم امسح جميع المحادثات فوافق اني امسحهم وبتديت امسح جميع المحادثات
وبالغلط زوجته اكتبت له وعلى طول انفتحت المحادثه على الشاشه وجات عيني على الكلام ( ادري انه غلط مني والمفروض اسكر المحادثه على طول )
المحادثه كانت على النحو التالي : صباح الخير , شخبارك حبيبي انشاء الله بخير , اليوم انا حجزت مطعم ومسويه لك سبرايز لاتردني هالمره تكفى , ويينك ليش تقرا وماترد !! , طيب قولي اذا اي ولا لا , اذا ماتبي مطعم بس خلنا ندور بالسياره من زمان ماطلعنا ويا بعض )
ورده كان على النحو التالي : ههههه مشغول مب فاضي
ومسكينه تمت تكلم نفسها ويقرا ومايرد
والله العظيم لو اكتب من اليوم لين باجر سوالف تشيب الراس !!!

انعدم دور الرجل فالمجتمع , زوجاتكم لهم حق عليكم , وجودنا حولهم يشعرهم بالامان يشعرهم ان في احد معاهم وحولهم نطالب بحقوقنا واحنا مقصرين ,,

طبعا انا مااقصد احد فالمنتدى ,, واتمنى من كل متزوج يفكر فالموضوع عدل وعلى كل رجل مقدم على الزواج تحمل المسؤولية

انا لا اقصد جميع شباب قطر ولكن الاغلب ,, واتمنى عدم التهجم
تحياتي

اخوي مع احترامي الشديد انت ينطبق عليك مثل ((من راقب الناس ،، مات هماً))
بخصوص القصة الاولى اشلون سمعت المحادثة هل كان رفيجك حاط المكالمة على السماعه الخارجية وكل اللي بالمجلس سمع وانت من ضمنهم وبناء عليه كتبت قصة رفيجك !!!؟ او كنت تعلم بالغيب ؟؟؟؟ ماضنتي تعلم بالغيب ،،،،المهم

بخصوص القصة اثانية اشك في مصادقيتها لانها في سياق الموضوع تعتبر حشو كلام يعني كلام فارغ والا من المستحيل حد يتكلم عن اهله بهذا الاسلوب السوقي ((المايع )) الا اذا كانوا رفجانك من نفس هالنوعيه كلهم ،،،،، مشكلة والله ،،، المهم

بخصوص القصة الثالثة ماشاءالله عليك ماخليت شي بالمحادثة ماذكرتها وحتى ردود الزوج بعد قريتها شكل رفيجك يثق فيك وايد لدرجة يسلمك جهازه اليلاك بيري علشان بالفيت (تمسح المسجات) وانت مركلس ،،،،، انعدمت الثقة ياقدعان

اخوي انا ما اعرفك ولا بيني وبينك معرفة ولكن انتقد اسلوبك فقط فا ياريت يتسع صدرك لهذا النقد علشان تختار مواضيعك ويكون لها هدف مب نسخ من مواضيع قديمة من منتديات واتيي تلصق هنا عفوا احترم عقولنا والسلام ختام وتقبل تحيتي لك

[طلعة الروح]

نتمنى نشوف الانسان الموزون السوي، لا هو اللي سكانه مرته ولا اللي عديم المسؤولية بالمرة.

[QATAR 77]

نصيحة غير ربعك ربعك ما فيهم خير

[قطريه ماركه]

الله يهديهم و يصلحهم

[qatara]

ساعه وساعه

ولنا ضاهر الامور


يمكنه لاعنه قفده في البيت والي طلع شوي يفرج عن ضيقته
مطاردته حتا في هلساعتين الي طلع يفرج
همه عن عمد وتلكك وهو ادرا ببيته واهله.

لاتعلمون بكيد بعضهن عظيم

وهم في ذمته وهو المحاسب امام الله فهل
هل جعلنا من انفسنا ارباب فوق الرب والعياذ بالله
هو وهي محاسبون امام الله الذي يعلم بضاهر الامور وباطنها
كيف نحاسب اي رجل في امانه اعطاها الله له ولسنا نحن

البيوت اسرار ياناس لاتحكمون بضاهر الامور

ودعو الخلق للخالق

[qatara]

نتمنى نشوف الانسان الموزون السوي، لا هو اللي سكانه مرته ولا اللي عديم المسؤولية بالمرة.

لما كان شرع كان ماقلتي هو الحاصل
في ضل التدخلات ببيت الرجل من كل جهه مستحيل

[alsoq]

وليش ععمت على شباب كلهم في العنوان

الحمد لله اغلب الشباب يجيه تلفون من اهله على طول يستأذن ويروح ونادر ما اتحصل احد يتاخر على اهله

فا انت جزاك الله خير لم تتطلع على شباب قطر كلهم حتى تحكم على قعدتك بمجلس

[العلياا]

لطفاً اخواني واعيال خالتي واعيال عمي مو من هالنوع يعني تقدر نقول انها فئة بسيط لا تعمم
ثانياً نصيحة من اخت لاخوها شوف لك رجال تقعد معاهم
وعندي الشباب اللي يقعدون فالمجالس ابرك من هاللي يدورون فالشوارع


وشكراً

[khalid525]

مدري احس بعض الردود تذكرك بالمثل "اللي على راسة بطحة "
انتقد اخوي ما عليك من حد ،ملينا من تصوير ان مجتمعنا ملائكي
اذا كل الشباب عندنا شقردية والبعض بس هم الشاذين عن القاعدة عيل ابي اعرف نسبة 40% طلاق هذي لتكون جايه قضاء وقدر .

[ضوى]

الاخ خالد ، قطعا الزواج والطلاق قضاء وقدر ، والشاهد انه من اركان الايمان الايمان بالقدر شره وخيره الزواج خير وهو قدر والطلاق شر وهو قدر ، وكلاهما مقدرين من رب العالمين فكل مايحدث هوًقضاء وقدر فكيف تستهزأ بهذا !؟

[لاجل QT]

ليش الهجوم على راعي الموضوع ..ليش التهرب من الواقع


الزواج اصبح مجرد انتاج يحمل اسم ابو فلان ..

اغلبية رجالنا من هالفئة ..وتوجد فئة ادمر من اللى ذكرهم صاحب الموضوع

انا اعمل في مجتمع حريمي مابي احلف بس ولا وحدة متزوجة سعيدة او مرتاحة مع زوجوها غير قصص الخيانة ..يداومون مساكين والحزن في عيونهم

ياكثر اسناذناتهم حق عيالهم ..وابوهم ياسهران مع ال ...او مهب فاضي ..راقد او في كوفي او في مطعم

رفقا بالقوارير

اللى مايتبع سنة نبينا في الزواج لايتزوج ويكتسب اثام اكثر

وصلت المعاناه للعيال بعض طالباتى يقولون انا ماشوف ابوي يمر شهر ولا اشوفة.. مع ان موجود في البيت كلة سهران..!!!


نتمنى ان الله يهدي هالفئة

[قــ502ـطرالعز]

انـــــــا اقـــول تـــغير المــجلس الـي تــروحله ابـرك ولاتحـكم على شبـاب قطـر كلـهم بعدين انت ماتحب قعده المجالس ويوم بديت تروح طبيت في مجلس تعبان هههههههههههههه الله يعينك لا لا دور شوف المجالس الي فيها شباب قطر الي فيهم خير في اهلهم وفي غير اهلهم ....:victory:

[الفهد1]

لا اله الا الله

[شبح الصمت]

والله ونعم في ربعي الله يخليهم لاهاليهم ولنا ..

ما قد شفت نفس هالنوعية المتحجره الي ما تهمه أسرته وبالتحديد على فذلة كبودهم

الخير موجود والشر موجود

وما اقولك مافي شباب ما يردون على آهاليهم على انهم مذكر

المهم أنا أقول غير المجلس الي تروح له ولو تبي بدليك على مجالس فيها شباب من خيرة الشباب ينحطون على يمناك وفيهم خير وخير كثير لاهاليهم ولربعهم ولك ولنا وللجميع ..


الله يوفقك ياخوي

[معمول تمر]

مدري احس بعض الردود تذكرك بالمثل "اللي على راسة بطحة "
انتقد اخوي ما عليك من حد ،ملينا من تصوير ان مجتمعنا ملائكي
اذا كل الشباب عندنا شقردية والبعض بس هم الشاذين عن القاعدة عيل ابي اعرف نسبة 40% طلاق هذي لتكون جايه قضاء وقدر .



واعليه قامووا عليه على موضوع انتقده ... ليش ما تشوفون الموضوع بموضوعية وتعترفون انه موجود بالواقع واغلب الحريم مب الكل ولكن الاغللللللللللللللب يعانونه ... عيل موضوع ارتفاع نسب الطلاق والاحصائيات الي رجونا فيها من شنو يايه .. من العدم !!!!!
بس فالحيييين تدعون المثاليييييييية وشباب قطر مافي احسن منهم ومدري شنو

الله يهديكم بس :(

[w.qatar]

بعض الشباب للاسف المجلس عندهم حش و لعب و سخافه ولا فيه شي من علوم الرجال

من وجهة نظري المجلس اللي مافيه شيبان و كبار سن اعتبره جنقل زون مصغر لشباب بعقول اطفال

غير ربعك ترا الصاحب ساحب و شوف مجلس رجال صدق بتعرف الفرق بين الرجال و اشباه الرجال

[شبح الصمت]

سبحان الله

البعض يشوف على الي حوله ما فيهم خير ويعمم على الجميع ..

الله يهدينا ويهدي الجميع ..

كلنا فينا نواقص والكامل وجه الكريم ..

الله يرحمنا برحمته

[نفسي عزيزه]

من تابع الناس مات هما

[نفسي عزيزه]

سبحان الله

البعض يشوف على الي حوله ما فيهم خير ويعمم على الجميع ..

الله يهدينا ويهدي الجميع ..

كلنا فينا نواقص والكامل وجه الكريم ..

الله يرحمنا برحمته

صح لسانك

صدقت

[شبح الصمت]

صح لسانك

صدقت

صح بدنك

[حسن]

شوف ياخوك في كل مكان تلقى التقصير ومن جميع الاطراف
وهذا شي نشوفه ونلاحظه

وانت حكمت حكمك بانفعال ماشفت انت احنا ماندري عنه
مع العلم والواقع الملموس والمحسوس والمشاهد عكس ذالك
وضع الزوج الحالي فقير مسكين مطيع اكثر من طاعه الحمار لصاحبه
مانقول الكل مثل حكمك لا الظليمه شينه لاوالله نقول تقريبا الغالبيه الساحقه وليست العظمي

*****
والله لو مايهموني ماتكلمت وفتحت موضوع عنهم

بس حنا لو بنتكلم وبنتناقش وبنقول وبينبح صوتنا مراح نحل شي ,, هي على التربيه

يوم تطرحون الموضوع هني ترا تزيدون هالاشياء

****
انا اتكلم معاك عن مواضيع ثانيه مثل ( السواقه البحر والرقص فالسياره ) وش بنستفيد او وش بيدنا حتى نحل هالموضوع ...

****

انا قايل فوق ((((ومن تكلم في عرض الناس الدنيا بدور فيه وبيجون له ناس يتكلمون في عرضه)))))

هي تربيه وحسن خلق ودين

****
حمد انا من المتابعين لك وأنت خصوصاً مواضيعك كلها تهجم على الحريم

****
السلام عليكم ورحمه الله وبركاته

خذت لفه في المنتدى وشفت الهجوم الغير مبرر على الحريم ,,

أبغي اعرف هل بيزيدنا هالهجوم شي ,, للعلم ((((( الرسول وصانا على النساء )))))


وشكرا

[الحياة الخالدة]

شوف ياخوك في كل مكان تلقى التقصير ومن جميع الاطراف
وهذا شي نشوفه ونلاحظه

وانت حكمت حكمك بانفعال ماشفت انت احنا ماندري عنه
مع العلم والواقع الملموس والمحسوس والمشاهد عكس ذالك
وضع الزوج الحالي فقير مسكين مطيع اكثر من طاعه الحمار لصاحبه
مانقول الكل مثل حكمك لا الظليمه شينه لاوالله نقول تقريبا الغالبيه الساحقه وليست العظمي

*****
والله لو مايهموني ماتكلمت وفتحت موضوع عنهم

بس حنا لو بنتكلم وبنتناقش وبنقول وبينبح صوتنا مراح نحل شي ,, هي على التربيه

يوم تطرحون الموضوع هني ترا تزيدون هالاشياء

****
انا اتكلم معاك عن مواضيع ثانيه مثل ( السواقه البحر والرقص فالسياره ) وش بنستفيد او وش بيدنا حتى نحل هالموضوع ...

****

انا قايل فوق ((((ومن تكلم في عرض الناس الدنيا بدور فيه وبيجون له ناس يتكلمون في عرضه)))))

هي تربيه وحسن خلق ودين

****
حمد انا من المتابعين لك وأنت خصوصاً مواضيعك كلها تهجم على الحريم

****
السلام عليكم ورحمه الله وبركاته

خذت لفه في المنتدى وشفت الهجوم الغير مبرر على الحريم ,,

أبغي اعرف هل بيزيدنا هالهجوم شي ,, للعلم ((((( الرسول وصانا على النساء )))))


وشكرا

حسن شفيك .. انت مضيع و الا شنو ؟

[QATAR 77]

شكله الصوم مأثر عليه

[حسن]

حسن شفيك .. انت مضيع و الا شنو ؟

لا يالحياه

اللي فوق ردي واللي تحت ردود الاخ صاحب الموضوع

والموضوع Reaction

بس هذه الزبده

[sweet qatar]

لا يالحياه

اللي فوق ردي واللي تحت ردود الاخ صاحب الموضوع

والموضوع Reaction

بس هذه الزبده

عليك نووووور رياكشن

عشان تعرفون ان الطرح لما يكون جارح و شرس علي الطرف الآخر

بتكون ردة الفعل مساوية له في القوة وبعكس الاتجاه


عساك اقتنعت ياحسن انكم تحتاجون لتجديد خطابكم التوعوي التحذيري !!!!

[Right]

أتوقع أنك أخطأت بإختيارك المجلس ونوعية من فيه ،

لذلك بنيت حكمك على غير حق



أتمنى منك مستقبلاً أن تختار وتجلس في مجالس رجال فيها العلوم الطيبة والسنعة ،

مو لعب ورقة وخرابيط ، وسوالف حريم !!

[Aaziz]

http://www.clipartbest.com/cliparts/pT5/rXg/pT5rXgpTB.jpeg

[أم محمد 90]

اخوي ,

أول شي بارك الله فيك ,,

انا فاهمة وجهة نظرك , وياما انا مسكت جوال كم بنت من رفيجاتي المعرسات الا اعدل لها نك أو اضبط صورة او انزل برنامج وياما انفتحت محادثات بالغلط وشفت شلون الاجحاف من رياييلهم .

بس طرحت موضوع , ليتك ماذكرت أي شي عن نفسك تدري ليش

لان الحين 90% من الاعضاء بيتركون (جوهر الموضوع) وبيقعدون يحللون شخصيتك !

بس لانك فتحت الجوال وأدري انه بالغلط خصوصا الجوالات اللمس . !!



ف ربي يعينك ..!

كلنا عارفين ان في نسبة كبيرة كبيرة كبيرة من الشباب يتزوجون وهم مب مستعدين للزواج !!!

[البيروني]

اكثر شيء مفيد بالموضوع ان الواحد المفروض مايعطي جواله لاي شخص او يثق فيه ويآتمنه عشان مايجسس عليه

اما عن التعميم فهو غلط

[العنيده]

الله يصلح هالنوعيه ان شاء الله ,,
وواقع مانقدر نقول لا بس ان شاء الله كميه بسيطه وتتعدل باذن الله ..

جزاك الله خير اخوي

[S S]

يعني كل البنات قد المسؤوليه وكفو زواج شي عادي انك اتحصل من الطرفين الي امقصر ماجات على جنسيه او فئه

[حسن]

عليك نووووور رياكشن

عشان تعرفون ان الطرح لما يكون جارح و شرس علي الطرف الآخر

بتكون ردة الفعل مساوية له في القوة وبعكس الاتجاه


عساك اقتنعت ياحسن انكم تحتاجون لتجديد خطابكم التوعوي التحذيري !!!!

( رحم الله امرئ أهدى إلي عيوبي)
:deal:
كم مره وكم مره
نغير ونغير ونواكب التغير مع الحدث
ونحاول نتعامل مع جميع البشر بكل احترام وتقدير
ونتقبل الراي والراي الاخر ولو اختلفنا من يحب الثاني اكثر
:)
مره نصيب ومره نخيب لانا بشر والله يغفر زلات البشر
:(
( انما الاعمال بالنيات وان لكل إمرئ مانوى)
:victory:

لانقبل الاهانه ولانقبل الاسائه لاي حد ولانقبل التبلي علينا ايظا

ونقبل الحقيقه ونكره الكذب ونحب الرجال ونكره اشباه الرجال
ونحب ان نكون صادقين مع الله ومع انفسنا ومع الجميع
ونكره المنافقين والكذابين والطبالين والمرواغين
نحب الشجاعه نكره الجبناء نحب المكاشفه ونكره الاقنعه
(من المؤمنين رجال صدقوا ما عاهدوا الله عليه)

:app2:

نقبل العقل والمنطق نكره التزيف والتحريف
ومع ذالك لانحتكر راي حد كلن في راسه يعرف خلاصه
وبالعكس من يطلب وضع الحدود والقوانين هم اول من اخترقوها
وضربت لك الامثله في الرد للناس لعلهم يتفكرون
من كان من يطلب في التدخل بحريات وتصرفات الناس امس
اصبح اليوم يناقض مايكتبه اليوم
:(
قلنا لكم حنا بشر نزل والخالق يغفر

:victory:

نحن اهلها

يعيش الشعب
يسقط الجبناء

:victory:

[طبيب قطري]

( رحم الله امرئ أهدى إلي عيوبي)
:deal:
كم مره وكم مره
نغير ونغير ونواكب التغير مع الحدث
ونحاول نتعامل مع جميع البشر بكل احترام وتقدير
ونتقبل الراي والراي الاخر ولو اختلفنا من يحب الثاني اكثر
:)
مره نصيب ومره نخيب لانا بشر والله يغفر زلات البشر
:(
( انما الاعمال بالنيات وان لكل إمرئ مانوى)
:victory:

لانقبل الاهانه ولانقبل الاسائه لاي حد ولانقبل التبلي علينا ايظا

ونقبل الحقيقه ونكره الكذب ونحب الرجال ونكره اشباه الرجال
ونحب ان نكون صادقين مع الله ومع انفسنا ومع الجميع
ونكره المنافقين والكذابين والطبالين والمرواغين
نحب الشجاعه نكره الجبناء نحب المكاشفه ونكره الاقنعه
(من المؤمنين رجال صدقوا ما عاهدوا الله عليه)

:app2:

نقبل العقل والمنطق نكره التزيف والتحريف
ومع ذالك لانحتكر راي حد كلن في راسه يعرف خلاصه
وبالعكس من يطلب وضع الحدود والقوانين هم اول من اخترقوها
وضربت لك الامثله في الرد للناس لعلهم يتفكرون
من كان من يطلب في التدخل بحريات وتصرفات الناس امس
اصبح اليوم يناقض مايكتبه اليوم
:(
قلنا لكم حنا بشر نزل والخالق يغفر

:victory:

نحن اهلها

يعيش الشعب
يسقط الجبناء

:victory:

:nice: +1

[Qt.1]

اذا كل واحد قاعد في مجلس وايسولف عن بيته وحياته الشخصيه قدام الكل !! فعلى الدنيا السلام !!

[رهج السنابك]

فيه وفيه

[بوحارب]

اتفق معاك بعض الشباب مهملين ومب كفو للزواج

واحد من الشباب ماخذ وحده لها منصب كبير ومتعلمة
وهو والله حتى فراشه وايد علبه

مسكينة البنت قعدت معاه شهرين ورجعت بيتهم لانه مب كفو للزواج

لو كان عنوان الموضوع غير كان الموضوع بيكون احلى :) لانه التعميم مصيبة

ومن الأفضل انك تنصح الشباب بدال الكتابه في المنتدى
لانه هنا مب محصل الا ردود من بنات مراهقات :( وشباب متمللين نفسي ;)

ومره ثانية لاتتجسس على ربعك وأمورهم الخاصة لان هالشي بيرجع لك في المستقبل:)

تحياتي وأتمنى تتقبل نقدي



اذا كل واحد قاعد في مجلس وايسولف عن بيته وحياته الشخصيه قدام الكل !! فعلى الدنيا السلام !!

والله انك صادق يابوعبدالله

المصيبة بعض الشباب صار كلامهم كله عن أمورهم الشخصية!!!

عيب والله عيب

[الجوهرة الثمينة]

,

مراهقاات :omg:

انا مادري انت متى بتحترمناا ...

[venum]

هذولا ربعك

ولاتعمم شباب قطر فيهم الخير والحمدلله بعضهم عمره 23 وشايل بيته وعياله واهله ورجال ينشد فيه الظهر