تأخير النتائج يا المجلس الأعلى غير مبرر !!!!

[مشاكل]

عيالنا لين الحين ماطلعت نتايجهم
وصار لهم اكثر من 8 ايام ولين الحين مافي اي مؤشرات عن قرب النتايج !!

ليش التعقيد والتأخير ،، ومعيشينا في برزخ من الضغط النفسي لنا ولعيالنا

السنة اللي طافت تأخرت النتايج اسبوعين وقلنا يمكن في غلط بيتم تداركه ،،، لكن اشوف هالسنة نفس السيناريو يتكرر !!!

والمشكلة لو بنقول نتايج ثانوية عامه بنقول معليش ،،، لكن ابتدائي واعدادي !!! ليش كل هالتأخير ؟!
وليش مايخلون التصحيح فالمدارس ؟؟؟ واذا يبغون النزاهة في التصحيح يخلون كل مدرسة تصحح امتحانات المدرسة الثانية !!!


كفاية حراااام كفاية حراااام كفاية حراااام كفاية حرااااام

[مرتبش]

كفاية تعقيد
عقدوا الطلاب واهلهم

[حسن]

مشاكل ومرتبش

ورا بعض الله يستر

الظاهر يااخوان هناك ولاده متعسره والفج مال القرقور اكبر من الهامور

شنسوي وبعدين تعالو ياجماعه الخير ليش تتحندون بتطلع يعني بتطلع
واحنا ورانا حاجه والله انا لوتطلع اخر يوم من الاجازه عادي يعني وش يهمني

المهم العيال ينجحون

[دااانة قطر]

الله يستر

[حسن]

الله يستر

دونت وروري لاتحاتين

انشاء الله ناجحين وباميتاز بس الجماعه محتارين ويبون يمسكون العالم
علشان تقر
صدقوني المؤشرات اللي اشوفها كلها تقول جذي

عاد نبي توزيع سحاحير بيبسي الغرشه العوده
مثل الول

:victory:

[مشاكل]

ياحسن شكل عيالك شطار ماشالله تبارك الله
عيالي انا ولاواحد منهم طلع علي للأسف
علشان جذيه انا على اعصابي :discuss:

[حسن]

ياحسن شكل عيالك شطار ماشالله تبارك الله
عيالي انا ولاواحد منهم طلع علي للأسف
علشان جذيه انا على اعصابي :discuss:

والله يامشاكل مهب شطار وان مذاكرتهم الحين كلها مده بسيطه
ماتتعدى النصف سااعه يرجعون التقويمات ويقلون لنا زين
واحنا عاد ماندري الله اعلم بس امتحان الاجتماعيات يقولون صعب
وامتحان الشريعه
وماندري الله يعلم
ولكن انا متابع لهم اول باول وهناك تقارير الاختبارات اللي توصلنا وانتابع
وقتنا هذا اللي مايتابع بيضيع وبعدين هم يحتاجون درجات قليله
المشكله ان الكثير كان استهتر فيها وفي الاختبارات الوطنيه وكانت النتائج سيئه
اهم شي مستواهم منذ بدايه العالم واختبارتهم ونتائجها

ان شاالله ناجحين وبينجحون لا تخاف انا عندي معلومات
عاد الى اللي متيس من اول يوم هذا اغسل يدك منه ضحيه اهمال

[دااانة قطر]

دونت وروري لاتحاتين

انشاء الله ناجحين وباميتاز بس الجماعه محتارين ويبون يمسكون العالم
علشان تقر
صدقوني المؤشرات اللي اشوفها كلها تقول جذي

عاد نبي توزيع سحاحير بيبسي الغرشه العوده
مثل الول

:victory:

الله كريم
الحمدلله ماسكات أي تذمر من الاختبارات لكن التأخير يذكرني. بفيلم العام
أتمنى استنتاجك صح

[ebo90]

مب قالوا نسبه النجاح ظ©ظ*بالميه ؟ ولا انا غلطان

[حسن]

الله كريم
الحمدلله ماسكات أي تذمر من الاختبارات لكن التأخير يذكرني. بفيلم العام
أتمنى استنتاجك صح


شوفي هناك تاخير لان قاعدين صححون صح ويرصدون الدرجات ويشفون النسب
ويحاولون يعيدون التصحيح علشان يرفعون نسبه النجاح
وبعدين يدخلون الدرجات في السيستم والسيستم سيفتح من قبل وزاره التربيه ويغلق
مهب على طول والتاكيد عليها علشان الاخطاء
المشكله المجلس حذر بشكل كبير كله بخصوص صياح البشمرقه واللوياجرقا في وطني الحبيب
صباح الخير
هذا خل المجلس يتخبط مليون مره يسمع كلام جهله

بس صدقوني ايش المشكله انا ابي اعرف ليش شالين همها الى هذه الدرجه
واحنا الحين رمضان وانشائ الله ماتطلع لو اخر 8 بعد الحمدلله انا مهل اجنبي
يبي يسافر

بتطلع بتطلع وما الصبح بقريب

[طبيب قطري]

بالتوفيق للجميع ان شاءالله

[ضوى]

ايه والله يا مشاكل هالنتايج ماتبي تظهر ، لا واللي يقهرك المدارس سوت حفلات التخرج لثالث اعدادي سادس ابتدائي والثانوية العامة ، اشلون يعني وعلى اي اساس ؟!

عموما هالاسبوع اكيد بتظهر بما انه اخر يوم دوام للمدرسين والاداريين

[ضوى]

واحتمال والعياذ بالله انه يكون فيه رسوب وايد ويبون على نهاية وقت الدوام تطلع النتايج عشان مايكون فيه تظلم واستفسار وخرابيط ويعيشون القهر والحسرة بعيد الشر ياااارب مثل ماصار العام اللي نكدوا على العالم رمضان والعيد حسبي الله ونعم الوكيل

[milan]

ايه والله يا مشاكل هالنتايج ماتبي تظهر ، لا واللي يقهرك المدارس سوت حفلات التخرج لثالث اعدادي سادس ابتدائي والثانوية العامة ، اشلون يعني وعلى اي اساس ؟!

عموما هالاسبوع اكيد بتظهر بما انه اخر يوم دوام للمدرسين والاداريين
بعض المدارس اللي سوت حفلات تخرج بناء على نتايج الطلاب المتفوقين في اختبارات التقييمات الثلاث

بالتوفيق لجميع الطلاب

[حسن]

بعض المدارس اللي سوت حفلات تخرج بناء على نتايج الطلاب المتفوقين في اختبارات التقييمات الثلاث

بالتوفيق لجميع الطلاب

بشرك الله بالخير

اناولدي سولها احتفال تخرج من الابتدائيه وانشاء الله يكون ناجح
نبي نوزع بيبسي غراش حق الناجحين

[عابر سبيل]

https://c2.staticflickr.com/4/3499/5691847891_16f630287f.jpg

[العربية نت]

الي في الابتدائية جاتني رسالة من المدرسة ان الاستلام بكره ان شاء الله :)

[Dana’1]

واحتمال والعياذ بالله انه يكون فيه رسوب وايد ويبون على نهاية وقت الدوام تطلع النتايج عشان مايكون فيه تظلم واستفسار وخرابيط ويعيشون القهر والحسرة بعيد الشر ياااارب مثل ماصار العام اللي نكدوا على العالم رمضان والعيد حسبي الله ونعم الوكيل

لا حبيبتي ضوى اكتبي غير هالكلام بليز :(
تحطيييم من قلب

[Q ابو تركي Q]

التاخير طبيعي خلصوا الخميس ومواد ماخلصت تصحيح كل مادة تاخذ لها يومين او ثلاثة وغير بعض الامتحانات اتخلص الساعةة12 وبعدين المدرسة اتشكل لجنة تراجع اوراق

الامتحانات مع اوراق الرصد لتاكد عدم وجود خطأ اثناء الرصد يبيلها ايام

وعقب يطرشونة المجلس علشان يعتمد

[ضوى]

لا حبيبتي ضوى اكتبي غير هالكلام بليز :(
تحطيييم من قلب

اسفة حبيبتي بس والله تذكرت العام واللي صار وانحرق قلبي على اللي عادوا السنة وماكان لاولياء الامور اي متنفس بعد ماسكرت المدارس
ياااارب ياااارب يااااارب يفرح قلوبنا كلنا ونشوف الفرحة والرضا في عيون عيالنا ياااااارب ويرزقهم قد تعبهم وجهدهم وسهرهم اللهم امين امين امين

[Dana’1]

اسفة حبيبتي بس والله تذكرت العام واللي صار وانحرق قلبي على اللي عادوا السنة وماكان لاولياء الامور اي متنفس بعد ماسكرت المدارس
ياااارب ياااارب يااااارب يفرح قلوبنا كلنا ونشوف الفرحة والرضا في عيون عيالنا ياااااارب ويرزقهم قد تعبهم وجهدهم وسهرهم اللهم امين امين امين
آمين يارب العالمين
لا تعتذرين حبيبتي...(فيس نفس عميييييق)

صادقة سياستهم غلط *غلط... والله المستعان

يعني لنفرض احد راسب متى الدور الثاني؟! متى يمديهم يذاكرون

[قطريه ماركه]

صح وايييد تاخرت النتايج

الله المستعاان

[T A L A L]

-





كل تأخيرة فيها خيرة ! بعدين خلوهم ياخذون راحتهم ..
عشان ما يكون فيه اي اغلاط , لانهم لو خلصوا بسرعه !
بتقولون اي مصححين بسرعه بسرعه واكيد فيه غلط وتصير مشاكل ..
خلهم ياخذون راحتهم فالتصحيح وإن شاء الله الكل ناجح ومتفوق ..


بعدين ترى هذي نتائج تختم مشوار 12 سنة تعب واجتهاد !
ف لازم ياخذون راحتهم فيها صبرتوا هالشهور والسنين خلاص هانت ..
والله يوفق الجميع ويفرحكم يارب * امين يارب العالمين *





-

[moonبنتnight]

ليش تأخير في اعلان النتائج جميع المراحيل يا مجلس الأعلى التعليم ؟
ناس قاعدة على أعصابها .. رحموهم الله يرحمك دنيا وآخر ..
تم تقديم فترة الامتحان لأجل شهر رمضان .. وأخذتم فترة طويلة التصحيح ؟؟
ليش تأخير .. أصاب ناس قلق شديد وخاصة الأمهات بسبب تأخير وحتى والا اعلان يطمئنهم .. وتلفونات المجلس والمدارس ما احد يشيلها ..
اكثر المدرسات تصحيح يقولون طلاب وأيد عليهم دور ثاني ..
خايفين من حنت أولياء الأمور قلتوا نطلعها اخر أسبوع ونأخذ اجازة وريح رأسنا من قرقرتهم ..

[العنيده]

للحين ماطلعوها غريبه

ان شاء الله خير مع هالتاخير :secret:

[مشاكل]

المشكله ان هناك بعض العايلات اللي عندها من العيال المتخصصين في زراعة القرون لوالديهم
،،، قلوبهم معلقة بين صدورهم وافواههم ،،، ينتظرون النتيجة ،،، والمصيبة اللي راسب ماعنده وقت يدرس والامتحانات بعد العيد مباشرة !!! ششششششش هالنكد ؟

[ضوى]

الله يطمن قلوبنا جميعا يااااارب ويفرحنا ويسعدنا

[العنيده]

الله يعين ان شاء الله
ويكون تاخيرهم خير للطلاب يارب

[مشاكل]

وبخصوص اللي مرتب اموره للسفر من العيد وطالع ،،، انتبهوا ترى الامتحانات بعد العيد مباشرة

نصيحة لحد يستعجل ،، انطروا النتايج وعقب احجزوا حق السفر ،،، وهذا وجهي اذا حصلتوا حجز ههههه

[ابوعلي]

ليش تأخير في اعلان النتائج جميع المراحيل يا مجلس الأعلى التعليم ؟
ناس قاعدة على أعصابها .. رحموهم الله يرحمك دنيا وآخر ..
تم تقديم فترة الامتحان لأجل شهر رمضان .. وأخذتم فترة طويلة التصحيح ؟؟
ليش تأخير .. أصاب ناس قلق شديد وخاصة الأمهات بسبب تأخير وحتى والا اعلان يطمئنهم .. وتلفونات المجلس والمدارس ما احد يشيلها ..
اكثر المدرسات تصحيح يقولون طلاب وأيد عليهم دور ثاني ..
خايفين من حنت أولياء الأمور قلتوا نطلعها اخر أسبوع ونأخذ اجازة وريح رأسنا من قرقرتهم ..

عذرا اختي لدمج الموضوع مع موضوع اخونا مشاكل حيث ان الموضوعين نفس المضمون ولكن تم تعديل العنوان

[ابوعلي]

الله يعينا مع هالتاخير وبصراحة ماحجزت والسبب انتظارنا للنتايج وعسى المانع خير لعيالنا

[الحاقول]

مَصائِبُ قَوْمٍ عِندَ قَوْمٍ فَوَائِدُ.
المستفيد الاول من تأخر النتائج هوالطيران القطري
حيث كلما تأخر الشخص عن حجز تذاكره كلما ارتفعت اسعار التذاكر

[moonبنتnight]

يحجزون بس عشان يشفون مطار الجديد ...
انا قول يحطون تذاكر حق زيارة المطار ويوفرون علينا تذاكر سفر ...

[مشاكل]

عذرا اختي لدمج الموضوع مع موضوع اخونا مشاكل حيث ان الموضوعين نفس المضمون ولكن تم تعديل العنوان
ههههههههه انا اخبر الفرع يعود للأصل ،،، شلون جيه شفطت موضوعي وحقنته في موضوع مون :anger1:

ترى اتغشمر :omen2:
الله يعطيك العافية اخوي بوعلي

[مشاكل]

يحجزون بس عشان يشفون مطار الجديد ...
انا قول يحطون تذاكر حق زيارة المطار ويوفرون علينا تذاكر سفر ...

ونتي عبالج انتي الوحيدة اللي تسافرين !!
الحين حتى شباب نجمه وبوهامور وصلوا لاس فيجاس

[moonبنتnight]

التاخير طبيعي خلصوا الخميس ومواد ماخلصت تصحيح كل مادة تاخذ لها يومين او ثلاثة وغير بعض الامتحانات اتخلص الساعةة12 وبعدين المدرسة اتشكل لجنة تراجع اوراق

الامتحانات مع اوراق الرصد لتاكد عدم وجود خطأ اثناء الرصد يبيلها ايام

وعقب يطرشونة المجلس علشان يعتمد

مدرسين خلصوا تصحيح من زمان ورفعوها على موقع المجلس والمجلس آخذا اوراق الامتحانات يشيك عليها .. والمدرسين قاعدين يصفون إجازاتهم العارضة ..

[ابوعلي]

ههههههههه انا اخبر الفرع يعود للأصل ،،، شلون جيه شفطت موضوعي وحقنته في موضوع مون :anger1:

ترى اتغشمر :omen2:
الله يعطيك العافية اخوي بوعلي

بس العنوان ياخوي ارضاء لقوارير:victory:

[moonبنتnight]

عذرا اختي لدمج الموضوع مع موضوع اخونا مشاكل حيث ان الموضوعين نفس المضمون ولكن تم تعديل العنوان

الله يعطيك العافية اخوي ..

[مشاكل]

بس العنوان ياخوي ارضاء لقوارير:victory:

ههههههه طول عمرك حكيم يابوعلي ،،، بس اهم شي البيت باسمي :victory:

[دنيا الاسهم]

التاخير عشان مايريحون المدرسات والاداريات وعشان محد يغيب ومسببين قلق للعالم
اذا عرفتوا من يدير المجلس الاعمى بتعرفون من السبب

[حسن]

-





كل تأخيرة فيها خيرة ! بعدين خلوهم ياخذون راحتهم ..
عشان ما يكون فيه اي اغلاط , لانهم لو خلصوا بسرعه !
بتقولون اي مصححين بسرعه بسرعه واكيد فيه غلط وتصير مشاكل ..
خلهم ياخذون راحتهم فالتصحيح وإن شاء الله الكل ناجح ومتفوق ..


بعدين ترى هذي نتائج تختم مشوار 12 سنة تعب واجتهاد !
ف لازم ياخذون راحتهم فيها صبرتوا هالشهور والسنين خلاص هانت ..
والله يوفق الجميع ويفرحكم يارب * امين يارب العالمين *





-



فعلا صدقت والله العظيم البلاء في هل اللي طايرين الناس مستخفه على الشرده
عشرين موضوع عن النتائج وعقب مثل ماذكرت يلمون المجلس وسقطو عيالهم الكسالى
المفروض المجلس يتخذ سياسه البلدوزر يشيل مايوقف

[يمامـة]

حسبي الله على ابليسكم
حسستوني ان بنتي راسبة من كثر ما تحاتون..

الله يستر بس..