((((((( عليّ الطلاق بالثلاث انك ما تدفع ))))))

[عاهد بن علي]

مساكم الله بالخير
ياجماعة الخير كثر اللغو بكلمة ( عليّ الطلاق ) بين الناس لدرجة اللامبالاه .
خذوا هالسالفه :
دخلوا عليّ شخصين اجاويد محترمين ، اشترى الاول منهم بضاعه بقيمة ( 100 ) ريال فقط !!!!!!!
عند الدفع حلف الثاني وطلق زوجته بالثلاث انه يدفع المبلغ بدل صديقه ، رفض الاول وحلف وطلق بالثلاث بأن هو الي يدفع المبلغ !!!!! وصارت النشبه بينهم .
المهم اني ما خليت احد منهم يدفع ، قلت روحوا اسالوا الشرع وارجعوا مره ثانيه عسى الله يحلها بينكم ، طلعوا من المحل وكل واحد متحسف ومتوهق .
اتمنى من القراء ابداء النصح والرأي لمثل هؤلاء الاجواد .

[ودي أكون]

لا حول ولا قوة الا بالله العلي العظيم

[ANONYMOUS]

وش بايع لهم مخدارات ههههه

[qatara]

بعضهم خلص كل الحلفات ماخلا حلفه

وحتا الطلاق استخدمه كن الطلاق عنده اعظم من اسم الله والحلف باسم الله
والحلف بغير الله شرك والعياذ بالله


الله يتوب علينا وعليهم

[عاهد بن علي]

لا حول ولا قوة الا بالله العلي العظيم

عسى الله يهديهم

[عاهد بن علي]

وش بايع لهم مخدارات ههههه
هههههههههههههههههه
لا مكسرات ههههه

[عاهد بن علي]

بعضهم خلص كل الحلفات ماخلا حلفه

باقي الطلاق يحلف به


الله يتوب علينا وعليهم
اللهم آمين يا تاج راسي

[فلتة زمانها]

حركات شيبان هاهاهاها

[عاهد بن علي]

حركات شيبان هاهاهاها

المشكله ( يا استاذه ) فلته
بعضهم اعزب يحلف بالطلاق !!!!!!
لانه تعود يسمع ابوه وعمه واخوه الكبير ينطق بالطلاق دائمآ امامه بالمجالس

[alsoq]

انا عن نفسي بدون ما يحلف يقول بدفع اخليه يدفع ولا ازيد في الكلام
لو قلت لا راح يحلف وانت تحلف واحد منكم بيخسر

فا الحل مجرد يقول عندي خله

[شموخ دائم]

,

,


مرحبا

بسيط الموضوع بجيبون شخص ثالث يدفع
:)

شكرا على الموضوع
العرب مشهورين بالكرم وهذه خصله طيبه
والحمدالله ما زال الناس متمسكين فيها بفضل من الله

ومن الخطاء استخدام الطلاق في امور الحياه اليوميه
هذه عادات قديمه غير مستحبه
ومن المفروض المجتمع تجاوزها من زمان

ان شاء الله تختفي هذه الكلمه ( الطلاق )
ويبقى ( الكرم ) بينا الى الابد

,

,

اخوك


شموخ دائم

[الزعفراني]

هههههههههههههههههه
لا مكسرات ههههه

شالانواع اللي عندك ؟
وعل كم الكيلو ؟

[عاشق العديد]

اذا كذا نظظامك اخوي عاهد باخذ منك طير بلاش

[نورالهدى]

مساكم الله بالخير
ياجماعة الخير كثر اللغو بكلمة ( عليّ الطلاق ) بين الناس لدرجة اللامبالاه .
خذوا هالسالفه :
دخلوا عليّ شخصين اجاويد محترمين ، اشترى الاول منهم بضاعه بقيمة ( 100 ) ريال فقط !!!!!!!
عند الدفع حلف الثاني وطلق زوجته بالثلاث انه يدفع المبلغ بدل صديقه ، رفض الاول وحلف وطلق بالثلاث بأن هو الي يدفع المبلغ !!!!! وصارت النشبه بينهم .
المهم اني ما خليت احد منهم يدفع ، قلت روحوا اسالوا الشرع وارجعوا مره ثانيه عسى الله يحلها بينكم ، طلعوا من المحل وكل واحد متحسف ومتوهق .
اتمنى من القراء ابداء النصح والرأي لمثل هؤلاء الاجواد .

شكلك إنت وهجتهم كنت خليتهم الاثنين يدفعون وياخذون بضاعه في المبلغ ولا خليت يمين الطلاق يقع

نشوف رأي الشرع

إن شاء الله ماحد طلق

بفرض إن البضاعه إصلا ما بيعت

الله يستر

[نورالهدى]

مساكم الله بالخير
ياجماعة الخير كثر اللغو بكلمة ( عليّ الطلاق ) بين الناس لدرجة اللامبالاه .
خذوا هالسالفه :
دخلوا عليّ شخصين اجاويد محترمين ، اشترى الاول منهم بضاعه بقيمة ( 100 ) ريال فقط !!!!!!!
عند الدفع حلف الثاني وطلق زوجته بالثلاث انه يدفع المبلغ بدل صديقه ، رفض الاول وحلف وطلق بالثلاث بأن هو الي يدفع المبلغ !!!!! وصارت النشبه بينهم .
المهم اني ما خليت احد منهم يدفع ، قلت روحوا اسالوا الشرع وارجعوا مره ثانيه عسى الله يحلها بينكم ، طلعوا من المحل وكل واحد متحسف ومتوهق .
اتمنى من القراء ابداء النصح والرأي لمثل هؤلاء الاجواد .

شكلك إنت وهجتهم كنت خليتهم الاثنين يدفعون وياخذون بضاعه في المبلغ ولا خليت يمين الطلاق يقع

نشوف رأي الشرع

إن شاء الله ماحد طلق

بفرض إن البضاعه إصلا ما بيعت

الله يستر

[وحيد-الشوق]

مب صاحييين وياشينها من جمله البعض حق الهياط مافي احسن منهم :)

[توشيبا]

بضاعه ولا برقع طير 100 ريال ضارب في الاسعار ؟

[غايه الطواش]

نسخه الى عاهد بن علي :)

[شبح الصمت]

بوعلي اخوي الغالي

شكلك بايع عليهم ذاك الطير الزين الي من تشوفه العين خلاص تدمنه


عالعموم انت بيض الله وجهك ما قصرت قلت لهم يسألون آهل العلم في الي دار بينهم ..

وما احب هالكلمة كلش

بس في ناس خلاص ما تقدر تستغني عنها

لانه مثل التكفي وزود واخس وادمر بس الله يهدي الجميع

[موظف ((حكومي]

هههههههههههههههههههههههههههه ع طاري طلاق

سنه من السنين دخلت انا ومطوع لمطعم وطلقت ان ادفع العشى وقال لي بدم بارد طلق

ويعدها حلف ماعاد اطلق

[قطريه ماركه]

استغفر الله

و اذا الله كتبها عنده و صارت زوجته حرااام عليه !!
عادي عنده يعيش باقي الدهر مع وحده محرمه عليه و هو في باله انها حلااال عليه !!!

[نور الحور]

للحين مو مستوعبة إن فيه ناس يسوونها !

الوعي بالدين زاد .. والعقول تفتحت .. وللحين فيه ناس بهالطريقة ؟

مالقيتوا إلا هالزوجة المسكينة تدللون فيها على كرمكم ؟

شذنبها وشذنب البيت ينهدم بسبة دقة صدر ماصخة .. ولا استعراض للكرم الحاتمي !!

نبي راي الدين في هالحالة .. ما أعتقد تدخل طرف ثالث ينفع .. لأن كل واحد كانت نيته في الحلف ان هو يدفع ..


أظن الحل إنهم يخلون بضاعة عاهد تبور ولا يشترون أساساً ..:taunt:

لأن الحلف كان مرتبط بالدفع لبضاعة معينة.. :secret: