هل عطور متجر حميد الماركات اصلية ؟!

[Q ابو تركي Q]

هل عطور متجر حميد الماركات اصلية لانها نص السعر مقارنة بالعطور نفسها في غاليري وسيفور وغيرة

ابي اشتري بس متردد يمكن مغشوش او يحضرونة من دبي وليست بجودة الاصلي ؟؟

حد يفسر لنا الامر اتوكل واشتري ولا شسالفة

[MS.TOMA]

الله اعلم بس يقولون انها تعبئتها من دبي
بس اكيد مب نفس اللي بمحلات باري وسيفوا و....الخ من محلات
بس النادر تحصله اهناك اللي خلص من السوق تحصله شلون مادري
بس اتحصلونه هناك لان من اكثر من سنه انا خذيت من عندهم عطر وانا راده من دبي ..
واسالوو عنه قلت والله لمتد اديشن مادري اذا بتحصلونه انا خذيته من المطار
اكتشفت انه مادش الدوحه الا عقب سنه
لكل انا حصلته في حميد قبل لا ينزل عندنا

[خذاني الشوق]

والله انا شايفه فواتير الصالون الازرق عنده شاري بمبلغ وقدره ويبيعونه بالصالون الازرق دبل نهبه

[Rider]

صدقني العطور الي عند معظم المحلات اصلية وانا شايف الفواتير يشترون من البيت الحديث والصالون الازرق لكن إجار المحل يختلف يعني محل في مجمع تجاري غير عن محل في سوق واقف ولا مجمع عادي

[Q ابو تركي Q]

راعي محل قالي احنا انجيبة من دبي يعني نفهم انة تعبئة دبي يعني مب اصلي

ونسبة التركيز اقل حتي لاحظت لون العطر وقوتة غير

والله الواحد يدفع زيادة اشوي علي الاصلي ولا يقعد يتشكك في عطر اشتراه من محلات حميد اصلي ولا مب اصلي

[سميسمة كافيه]

اي نعم اختي العطورات اصلية لانه ياخذ من الصالون الازرق والسلام العطورات وبما اني كنت شغال مدير مالي بالصالون الازرق لمدة 4 سنوات اشهد ان الفواتير كانت تطلع من عندي باسم متجر حميد
لكن السر انه ياخذ كميات كبيرة بسعر التكفة ويبيع بارباح بسيطة لكن الصالون الازرق والبيت الحديث والسلام يبيعون بسعر اغلى 100% علشان يغطون تكاليفهم من ايجارات .............الخ
لكن نفس المنتج ونفس الماركة

[حلاة الروح]

والله ياخوي انا مجرب تركيز العطر تعبان والريحه خفيفه انت جرب خذ اي عطر من عنده وروح هاي لاند او محل من هالمحلات فالمجمعات واخذ نفس العطر وبتعرف الفرق انا مجرب

[$الملياردير$]

والله ان احس ان العملية لنا نفسية .... دائماً نحب اللي غالي والرخيص نظريا مب زين ...بس ليش ماندري

[qatar711]

لا ليست أصلية حسب تجربتي
كان فيه عطر أسمة كاستوم انقطع من السوق
اضطريت اشتري من عند حميد وأخذت كمية بسبب الحاجة الماسة
لما فتحت العلب لقيت التغليف الداخلي مختلف تماماً عن الأصلي
بعدها بسنة رجعت العطورات وإذا هي مثل قبل بعكس عطورات حميد