اخواني وخواتي تنبيه هااااااام

[بيرق_المجد]

هذي قصتي والله ياناس بمجرد خروجي من البيت أنا وزوجي فى يوم الأحد بعد المغرب كنت معزومة وتركت اولادي وبناتي في البيت وبمجرد خروجي من البيت وقبل أن نبعد اتصلت بنتي تقول وحدة تضرب الباب بقوه والجرس وردت بنتي من سماعة الباب فقالت لها حرمة أفتحي الباب بسرعة معي ولدي تعبان الله يعافيك وبنتي رفضت فصارت تدعي وتقول لومكاني حسيتي فيني واتصلت بنتي بالجوال على أبوها ورجعنا للبيت بسرعه وللاسف أول ماوقفنا عند الباب وجدنا حرمه لابسه عبايه على الرأس وقفاز مامعها أي طفل وعندها سيارة فان لون أبيضً ونقابها واسع أشك أنه من الجنسيات العربية لما وصل زوجي عندها سالها كيف أقدر أخدمك ؟
قالت وهي مرتبكه أنت مين قال أنا صاحب البيت قالت له أنا كوفيره . قال لها كيف كوفيره وانتي تستنجدين وتقولين معي طفل تعبان ...
والله يا أخواني انها أخرجت عصى وضربت بها رأس زوجي كم ضربه و راحت تركض نحو السياره الفان بسرعه ،،،،
الأن زوجي يرقد في غرفة الإنعاش فى مستشفى الاهلي فاقد للوعي وبعد الحادثه بيوم تبين لنا عن طريق الشرطه أنه يوجد كم بلاغ من عوائل تستغيث يوجد عصابه وبدون أن نعرف من هم ...
حبيت أبلغكم تنبهون أطفالكم لايفتحون لأحد مايعرفونه وعلموا الشغالات لايفتحون لأحد مايعرفونه ..
أنتبهوا وخاصة فترات الصباح التي لايوجد فيها رجال .

الحادث صارلي شخصيا والحمدلله ان أولادي مافتحوا

أختكم في الله / عبير
من حي العزيزيه بالدوحة
الله يحفض قطر من كل مكروه

[العلياا]

وصلني من شوي :(

الله يحفظ الجميع

[jassim69]

ههههه اخبر اهل قطر يقولون فريج يمكن تطورو
ههه يمكن الاخت غلطت تبي تكتب عبير الجندي

[فقط قطر]

هذي السالفة في السعودية....حي العزيزية بالسعودية

[لاجل QT]

خرعتونا

الوسواس اشتغل

[بو الجوري]

الله يحفظ عيالنـا سواء القصه فالسعوديه أو الهند

[بيرق_المجد]

ههههه اخبر اهل قطر يقولون فريج يمكن تطورو
ههه يمكن الاخت غلطت تبي تكتب عبير الجندي



مصلحت البلد وهل قطر تهم كل مواطن ومقيم ياليت تشارك بدون تعليق على الاسماء شكلك نايم في العسل

[رهج السنابك]

بيرق المجد انتي صاحبه القصه ام منقوله؟

[jassim69]

مصلحت البلد وهل قطر تهم كل مواطن ومقيم ياليت تشارك بدون تعليق على الاسماء شكلك نايم في العسل

الله يهديك اشارك في اشاعه ياإإإإإ

[بيرق_المجد]

بيرق المجد انتي صاحبه القصه ام منقوله؟

منقول

[Aaziz]

الله يهديك اشارك في اشاعه ياإإإإإ

اللهم انا صائمون

[حسن]

الله اعلم بالقصه هذه رغم ان القصه باسم عبير العطيه
جايتني بالواتس اب واشك في مصداقيتها نهائيا انها في قطر
ولكن مايمنع ان تنشر للحرص والاهتمام فقط والحذر والتذكير

وشكرا

[يمامـة]

المشكلة مكتوب مستشفى الأهلي..

يعني مستشفى الأهلي في السعودية؟

[عثرة جواد]

للتوضيح القصه صارت ف السعوديه

تم سوال المستشفى ونكرالكلام المذكور

لايجوزالكذب حتى لومازح


رمضان كريم

[عثرة جواد]

للتوضيح القصه صارت ف السعوديه

تم سوال المستشفى ونكرالكلام المذكور

لايجوزالكذب حتى لومازح


رمضان كريم

[حسن]

المشكلة مكتوب مستشفى الأهلي..

يعني مستشفى الأهلي في السعودية؟


ياليمامه انا اشك بمصداقيتها بكبرها اساسا من حيث الواقعه والاسماء
وانا ذكرت تصلح للعظه يعني تسر ماتضر
مهب كل شي بس ينتشر في الواتس اب حقيقه

لان القروب اللي معاي كانو كلهم من اللي اللي يعين
ماسكين كراعين ومافصل الدوله

هاهاهاها

ماشوف حد فيهم اكد الخبر


لا وابشرك الحين واحد منهم رد قال لاتنشرون الاشاعه يالربع

يعني اتمنى من المشرفين حذف الموضوع
او اعاده صياغته بطريقه قصه قد تحدث

:telephone:

[يمامـة]

ياليمامه انا اشك بمصداقيتها بكبرها اساسا من حيث الواقعه والاسماء
وانا ذكرت تصلح للعظه يعني تسر ماتضر
مهب كل شي بس ينتشر في الواتس اب حقيقه

لان القروب اللي معاي كانو كلهم من اللي اللي يعين
ماسكين كراعين ومافصل الدوله

هاهاهاها

ماشوف حد فيهم اكد الخبر

يا حليلهم اللي عندي في الواتساب جبرتهم ينحطون على السايلنت
الا ثنتين للحين فيهم نفس ومب مستسلمين كلش..

فما توصلني مثل هالأخبار كلش..

ومثلما قلت السالفة فيها إن وبعض الناس خيالهم واسع في التأليف يا بوعلي..

[الحياة الخالدة]

لسنا متأكدين من صحة القصة .. و إن كانت حقيقية فلسنا متأكدين من مكان حدوثها
نأخذها للتنبيـــــه و أخذ الحذر بصفة عامـــــة
جزاك الله خير يا صاحب الموضوع
و نكتفي بهذا القدر