ايفون 5

[Dmy Enabi]

مرحبا جميعا إخواني وخواتي

قبل شهر ونص شريت ايفون الذهبي من فيرجن وقبل كم يوم صكيت عليه باب السيارة طبعا الشاشة انكسرت والتلفون صار كيرف شوي من فوق وديته فيرجن قالوا مايتصلح وعقب قالوا بنطرشه دبي واليوم كلموني قالوا مايتصلح لانه مطعوج على قولة الموظف

عندكم فكرة شلون يتصلح وهل لي حق انهم يصلحونه طبعا عندي الفاتورة ًكلفني 11,000 الف ريال
ولا أودي محلات تلفونات
ياليت الي عنده خبرة يفيدني

دمتم برقي

[بوNasser]

انت وحظك

على كل حال، صعب انك تلزم الشركة بالتصليح، اذا فسروا الموضوع بأنه سوء استخدام لأنك صكيت عليه باب السيارة، يعني مب عطل فني يشمله الضمان. ويمكن فعلا صعب اصلاحه.

ايضا هناك ما يسمى (( اصلاح غير مجدي )) وهذا المقصود به ان قيمة الاصلاح الفعلية تقترب من سعر الجهاز بنسبة كبيرة. وهذا يصادفنا احيانا في العمل (خارج موضوع الاتصالات) ان تكون فاتورة الاصلاح تتجاوز 70 او 80 % من السعر الأصلي، فنختار شراء أجهزة جديدة أوفر لنا.

موفق بإذن الله.

[Right]

مرحبا جميعا إخواني وخواتي

قبل شهر ونص شريت ايفون الذهبي من فيرجن وقبل كم يوم صكيت عليه باب السيارة طبعا الشاشة انكسرت والتلفون صار كيرف شوي من فوق وديته فيرجن قالوا مايتصلح وعقب قالوا بنطرشه دبي واليوم كلموني قالوا مايتصلح لانه مطعوج على قولة الموظف

عندكم فكرة شلون يتصلح وهل لي حق انهم يصلحونه طبعا عندي الفاتورة ًكلفني 11,000 الف ريال
ولا أودي محلات تلفونات
ياليت الي عنده خبرة يفيدني

دمتم برقي





11 ألف ريال قيمة ايفون 5 !!

[بصمة قطرية]

أيفون و لا بورش..!!
و لا يمكن مطلي ذهب الأيفون

هاي يعتبر سوء استخدام
حتى التأمين ما يشمله ..

[عاشق العديد]

محلات الريان يبدلون لج شاشه ب 800 ريال مادري 700والامور طيبه

[Dmy Enabi]

مشكورين جميعا ماقصرتوا
احب أوضح انه ايفون 5 مطلي ذهب للي مستغرب
بجرب أبدل الشاشة اذا يصير
مشكورين جميعا

[Dmy Enabi]

حبيت أرفع الموضوع ممكن حد عنده راي يفيدني
تحياتي

[abuammar]

بالتوفيق

[ya3coub]

للأسف اذا انعوى

مو بالسهولة انه يتصلح

أخوي فرط الجوال من جيبه و اهو عالدراجة و للأسف وديناه دبي و قالو ما يتصلح خير شر

اذا الكمبيوتر لا يزال يتعرف على التلفون سحبي كلشي منه صور و ارقام و للأسف قطيه او خليه للذكرى و معوضة خير

ممكن يتصلح بس قيمة التصليح بتطلع غالية جدا جدا كأنج تركبين ايفون 5 من جد و جديد بيد العامل نفسه و ما راح يكون بنفس دقة المصنع و الأجهزة المستخدمة

[Dmy Enabi]

للأسف اذا انعوى

مو بالسهولة انه يتصلح

أخوي فرط الجوال من جيبه و اهو عالدراجة و للأسف وديناه دبي و قالو ما يتصلح خير شر

اذا الكمبيوتر لا يزال يتعرف على التلفون سحبي كلشي منه صور و ارقام و للأسف قطيه او خليه للذكرى و معوضة خير

ممكن يتصلح بس قيمة التصليح بتطلع غالية جدا جدا كأنج تركبين ايفون 5 من جد و جديد بيد العامل نفسه و ما راح يكون بنفس دقة المصنع و الأجهزة المستخدمة

مشكور أخي عالرد عندي أمل يتصلح لأن الجوال للحين يرن
تحياتي

[بوحارب]

انا شراي ب 1500

[Dmy Enabi]

:rolleyes2:
انا شراي ب 1500

مشكور أخوي بوحارب يا يتصلح ياينحط أنتيك

[الســيل]

السلاام عليكم

انا صارت لي نفس لحركة طاح جوالي من السلم المتحرك في الستي من فوق

انطعج من جنب وانكسرت الشاشه وديته ستار لنك رفض يستقبله كذلك فيرجن

المهم وديته محل في النصر ومحل في الغرافه ثنينهم قالو لي بنشيل المذر بورد ونركب لك علي جهاز ثاني كل شي يكون موجود في الجهاز الاول تلقاه في الجهاز الثاني

وقال هذاك خله عندنا ناخذ براغي منه


والله يوفقك

[بوحارب]

ب 1650 وش قلتي

[Dmy Enabi]

ب 1650 وش قلتي

أكيد لا من صجك هذا هدية مستحيل

[قطري vip]

وديه محل بالنصر اسمه كلمه ونص عند محمد بيصلحه لج بس اسحبي كل شي من علشان محد ياخذ منه شي والله يعوضه لو ماتصلح بس اكيد يتصلح مافي شي مستحيل

[قطري vip]

لو تبين الطبي القطع من امازون وبس تركيب يركبونه لج

[سعود80]

اختي ودي التليفون محل في الوكرة اسمه تكنولوجيا الدانة و هاي رقمهم 66700733
تغيير الشاشة عندهم 250 ريال و جربي ان شاء الله يفيدونج

الله يعوض عليج

[QATAR 77]

قصدج الجهاز انعوى من فوق اتوقع ما يتصلح لانه البدي انعوى الا اذا بتغيرينه

[Dmy Enabi]

تسلمون عالردود جاري البحث عن محل

[R 7 A L]

شدعوة
للحين ماصلحتيه صار لنا فوق شهر ننتظر
تكتبين لنا تجربتك وين صلحتيه و وبكم

مو مشكلة بننتظر
بس لازم تكتبين هنا بعد الانتهاء من ال repair

[Dmy Enabi]

شدعوة
للحين ماصلحتيه صار لنا فوق شهر ننتظر
تكتبين لنا تجربتك وين صلحتيه و وبكم

مو مشكلة بننتظر
بس لازم تكتبين هنا بعد الانتهاء من ال repair
مشكورين عالردود
أبشركم طول هالفترة كنت أنطر الجوال بعد ماطرشوه فيرجن لدبي وقالوا لي للأسف مايتصلح
وطبعا لأني كنت متأكده إنه بيتصلح خذته ووديته كذا محل وكلهم قالوا لي نفس الكلام
لين طحت على محل اسمه فينا فون في شارع النصر وصلحه بكل سهولة كلفني 550 ريال وشغال الجوال والأمور طيبة
جوفوا فيرجن وفرق التعامل تاخذ منهم جوال ب11 الف حتى مافي أي اهتمام ولا مسؤولية والمحل صلحه لي والله نفس اليوم
و repair على قولة رحال
حبيت أنقل لكم تجربتي
مشكورين كلكم
دمتم برقي

[Al Basha]

انا عندي نفس المشكلة ، البدي نفسه صار مب سيده ، هل راعي المحل صلح البدي ؟ هل استبدل شي ولا نفسه ؟!

[Dmy Enabi]

انا عندي نفس المشكلة ، البدي نفسه صار مب سيده ، هل راعي المحل صلح البدي ؟ هل استبدل شي ولا نفسه ؟!

لا ما صلحه يمكن لأنه جوالي مب وايد منعوي (مطعوج ) ماغير إلا الشاشة بس وكانت القطعة إلي فوق منكسره وثبتها إن شا الله بحط الصور قبل وبعد بتنصدمون من النتيجة

[بوحارب]

لو بايعته لي من البداية كان ريحتي بالج :)

[Dmy Enabi]

http://www.upimage.us/server/php/files/IMG_6902.JPG (http://upimage.us)
http://www.upimage.us/server/php/files/IMG_6903.JPG (http://upimage.us)
http://www.upimage.us/server/php/files/IMG_6904.JPG (http://upimage.us)
http://www.upimage.us/server/php/files/IMG_7263.JPG (http://upimage.us)
http://www.upimage.us/server/php/files/IMG_7264.JPG (http://upimage.us)
http://www.upimage.us/server/php/files/IMG_7265.JPG (http://upimage.us)

[Dmy Enabi]

جوفوا الصور وآسفة عالحجم وإلي يعرف يصغرها أكون شاكرة لكم

تحياتي

[الحياة الخالدة]

ما شاء الله .. النتيجة فتّاكة
الحمد لله على سلامته و عساها آخر الطيحات

[Al Basha]

نتيجة معقولة، ماشاء الله لا إله إلا الله، زين في ناس حرفيين بهالمستوى.
تتهنين بالجوال ان شاء الله، ويبعد عنكم الشر.

[العلياا]

الحمدلله ع سلامته

بسالج اختي هو معدل لج القولد من على الجنب والا ركب جديد ؟
وفرق اللون من على الجنب ووراء والا نفس الشي !

[مشـــــاعر]

.


ماشاء الله تباركك الله . .
إبصرآإحة كنه تلفون جديد مب هوو ماشاء الله !!

تتهنين فيه إن شآإلله . .

[Dmy Enabi]

ما شاء الله .. النتيجة فتّاكة
الحمد لله على سلامته و عساها آخر الطيحات
الله يسلمج اللهم آمين

[Dmy Enabi]

نتيجة معقولة، ماشاء الله لا إله إلا الله، زين في ناس حرفيين بهالمستوى.
تتهنين بالجوال ان شاء الله، ويبعد عنكم الشر.
بالفعل الريال شاطر اللهم امين

[Dmy Enabi]

الحمدلله ع سلامته

بسالج اختي هو معدل لج القولد من على الجنب والا ركب جديد ؟
وفرق اللون من على الجنب ووراء والا نفس الشي !

الله يسلمج أبد إختي مازخ إلي عالجنب واللون واحد ماتغير يمكن بس في التصوير مب واضح يعني الكفر الذهب كلش ماغيره

[Dmy Enabi]

.


ماشاء الله تباركك الله . .
إبصرآإحة كنه تلفون جديد مب هوو ماشاء الله !!

تتهنين فيه إن شآإلله . .
تسلمين إختي كلج ذوق

[Dmy Enabi]

لو بايعته لي من البداية كان ريحتي بالج :)

إلا قول حمدالله ماسمعت كلامك أشكره كنت بتنصب علي

[بوحارب]

إلا قول حمدالله ماسمعت كلامك أشكره كنت بتنصب علي

أوف كانت بتكون نصبه محترمة:)

يلا خيرها في غيرها هههه دعابه دعابه

مبروك التصليح وحاسبي عليه والله اجرمتي في حقه من قلب :(

[Dmy Enabi]

أوف كانت بتكون نصبه محترمة:)

يلا خيرها في غيرها هههه دعابه دعابه

مبروك التصليح وحاسبي عليه والله اجرمتي في حقه من قلب :(
مشكور أخوي على نياتكم ترزقون ههههه دوعابة دوعابة

[Dmy Enabi]

حبيت أرفع الموضوع للفائدة