ارتفاع 167نقطة بسيولة 669 مليون توقعاتكم الأربعاء 09-07-2014

[السد العالمي]

اغلاق بورصة قطر اليوم الثلاثاء 2014/07/08

المؤشر: 12,549,28

التغير : 167.07+ (1.35%)

الحجم: 20,900,316

السيولة : 669,359,135

عدد الصفقات : 8,448

الرجاء من المشاركين ابداء توقعاتكم ووجهات نظركم الخاصة في تداولات جلسة

الأربعــاء الموافق 09-07-2014

مع خالص الشكر والتقدير لكل المشاركين و تمنياتي للجميع بالتوفيق

[السد العالمي]

يـــــا رب إستجـب

لأمهـات جميـع من بالمنتـدى بكـل دعـاء هـن يـدعيـن وأسعـد قلـوبهـن بكـل أمـر هـن يـرجـونـه وأجعـل السكينـة فـي قلـوبهـن

[جاسوس قطر]

يـــــا رب إستجـب

لأمهـات جميـع من بالمنتـدى بكـل دعـاء هـن يـدعيـن وأسعـد قلـوبهـن بكـل أمـر هـن يـرجـونـه وأجعـل السكينـة فـي قلـوبهـن


اللهم امين

[atiq]

الحمدلله اغلاق ممتاز ولو كان العشم فوق 12600

تداول الوطني وارتفاعه يدل على نتايجة الليلة

نتامل خير

ازدان عادت من جديد
مزايا اخترقت 18 والعين على 19

المصرف والدولي وبروة الصعود درجة درجة

الرعاية بلسم في الصعود

ودام عادت للواجهة بارتفاعها اليوم

الاسلامية القابضة خيبت ظن الكثيرين والضغط كان واضح جدا جدا

الريان دربك خضر

[بوجبر]

قصف للأسهم المرتفع سعرها وشراء للأسهم الرخيصة


مبروك لملاك الاسهم الرابحة

[Qatar dealer]

تداول اليوم ممتاز ولكن لم يستطع تجاوز مستوى 12600 واكتفى بملامسته كأعلى سعر

يفضل بكره نرى صعود اكبر وتجاوز 12600 والاغلاق الاسبوعي فوق هذا المستوى يعطينا باذن الله اهداف جيده

[(بوطلال)]

تداول مفرح ومتزن وطال الارتفاع جميع الشركات تقريبا . مبروك للرابح

[كبير المتداولين]

الوطني اليوم راح يدفع السوق او يخليه مستقر

والتوقعات بين 5 الى 10 % نسبه النمو

نتابع اليوم

[الإمارات]

بسم الله الرحمن الرحيم

السلام عليكم ورحمة الله و بركاتة

الحمدالله على الأرتفاع القوي ،، و كل شكر لأخوان المحللين و شكر خاص للبرفيسور " أنلايزر / بو ناصر " الله يحفظه .. :nice:

بإنتظار اعلان الوطني ،،

مستغرب من كمية البيع اللي صار في أزدان ،، كان بالإمكان لمت أب ،، قدر الله و ما شاء فعل ،، :)

تتداول قريب 6 مليون ونص سهم ،، بكره أن شاء الله احتمال بيدخل في خانة 25.00 ،، كم راح يكون وقته قيمة التتداول .. :telephone:

نصيحة لوجه الله ،، اللي فيكم يفكر يشتري أو بيع يروح قسم تحليل الفني و ياخذ راي اخوان المحللين و يشوف الدعوم و المقاومات .. " لا تتداول عشوائي أو بالتوقعاتك الخاصة "

و الله الموفق ..

[عضو مشاكس]

قصف للأسهم المرتفع سعرها وشراء للأسهم الرخيصة


مبروك لملاك الاسهم الرابحة
وين القصف ماسفناه ؟ اغلب الاسهم قريبة من اعلى سعر اليوم
بوجبر شكلك اتابع سوق ثاني او لليحن نايم
ياعووووووووووووو بوجبر فاتك ربح اكثر من 20% من ادنى سعر وانت لليحن شاير في الذهب

[Anas_G]

وين القصف ماسفناه ؟ اغلب الاسهم قريبة من اعلى سعر اليوم
بوجبر شكلك اتابع سوق ثاني او لليحن نايم
ياعووووووووووووو بوجبر فاتك ربح اكثر من 20% من ادنى سعر وانت لليحن شاير في الذهب

الاخ بو جبر ما يحب الاسهم وكله متشائم ويفضل اي استثمار عن الاسهم ودايما المحفظه كاش ماادري ليش يتابع الاسهم

[مارشلاجو]

وكيف تشوفون فودافون

[عضو مشاكس]

وكيف تشوفون فودافون

توني شايفها سعرها 18.32

[Qatar dealer]

بسم الله الرحمن الرحيم

السلام عليكم ورحمة الله و بركاتة

الحمدالله على الأرتفاع القوي ،، و كل شكر لأخوان المحللين و شكر خاص للبرفيسور " أنلايزر / بو ناصر " الله يحفظه .. :nice:

بإنتظار اعلان الوطني ،،

مستغرب من كمية البيع اللي صار في أزدان ،، كان بالإمكان لمت أب ،، قدر الله و ما شاء فعل ،، :)

تتداول قريب 6 مليون ونص سهم ،، بكره أن شاء الله احتمال بيدخل في خانة 25.00 ،، كم راح يكون وقته قيمة التتداول .. :telephone:

نصيحة لوجه الله ،، اللي فيكم يفكر يشتري أو بيع يروح قسم تحليل الفني و ياخذ راي اخوان المحللين و يشوف الدعوم و المقاومات .. " لا تتداول عشوائي أو بالتوقعاتك الخاصة "

و الله الموفق ..

ازدان وصل للهدف وهو 24 ووصل ل 23.99
وعنده مقاومه قويه عند هالمستوى في حال تجاوز راح نشوف انطلاقه لل 25 ثم مستويات اعلى في حال حافظ على تجاوز المقاومات

اما بالنسبه للمؤشر فبتجاوز 12600ندخل باذن الله في الايجابيه

[(بوطلال)]

السوق يبيله قلب وتفكير متزن يوازن بين الاندفاع والتردد.

[الإمارات]

ارتفاع صافي أرباح "QNB" بـ 7% الى 5 مليار ريال بنهاية النصف الأول - http://www.mubasher.info/TDWL/news/2567321/-

[Qatar dealer]

السوق يبيله قلب وتفكير متزن يوازن بين الاندفاع والتردد.

حكم جداً ممتازه في ادارة وضبط النفس خلال التداول

تسلم بارك الله فيك على النصيحه

[الإمارات]

أمير قطر يناقش موازنة مشاريع مونديال 2022 - http://www.mubasher.info/TDWL/news/2567006/-

[atiq]

ارتفاع صافي أرباح "QNB" بـ 7% الى 5 مليار ريال بنهاية النصف الأول - http://www.mubasher.info/TDWL/news/2567321/-

مشكور يالامارات على الخبر

قلنا لكم اخبار ايجابية

[دربوه]

لازلت انتظر القاع ^_^

يازين النوم زيناه سلام

[Abu Reem]

الحمد لله ..على الارتداد القوي...

ولكن لابد من التوازن الان....

السوق لا يجب ان نغفل ان امامه في رايي منطقيتين مهمين جدا....الاولى في رايي كما على الشارت 12500 تقريبا...وهي قد نخترقها غدا مع بعض الصعوبة

وبالتالي سنجد ارتفاع لمعظم الاسهم كما حدث اليوم...

اما المنطقة الاصعب والاهم والتي لن أقتنع بعودة الايجابية للسوق الا بعد اختراقها والتداول اعلاه لمدة اسبوع على الاقل هي منطقة (بين 12680 -12700)

- لذلك وارد جدا ان يواجه السوق صعوبة بعض الشيء في تخطة الممنقطة رقم 2 وهي 12680 وقد يعود من عندها للاسفل....ليختبر منطقة الارتداد مرة اخرى..

هذا والله اعلم


توقف السوق كثيرا اليوم عند 12500 ...ظل يحوم حولها...صعودا وهبوطا بنقاط قليلة....ثم اخترقها وثبت...فترة طويلة فوقها وبدأت السيولة بالازدياد......لذلك استطيع الاطئنان قليلا...لكي نواصل غدا باذن الله الى 12700...ولو السوق تفاعل اكثر مع اعلان الوطني قد يزيد الى 12750...وهنا...اتوقع صعوبة في الاختراق...لذلك قد يتراجع السوق من عندها او من قبلها.....

عموما تداول اليوم جيد....واذا وصلنا غدا للمستويات المذكورة عند 12700 وتراجع بعدها السوق فقد يكون هذا منطقيا لانها مناطق مقاومة تمتد الى 12750..وذلك للارتكاز على دعوم اقل..ومن ثم معاودة الانطلاق فهذا سيكون جيد.....والفيصل في هذا هو السيولة......

- مازال الارتفاع الحاصل ارتداد...متوقع....والوسطية مطلوبة في هذه الفترة..حتى نرى وضوح في الشراء وازدياد في السيولة...

- انخفاض اخر التداول ...ليس سيئا..بل هو لمواصلة الارتفاع غدا باذن الله....

- وظهر بوضوح ان الرغبة في الشراء اتجهت اليومين الماضيين واليوم ايضا الى الاسهم ذات الاسعار القليلة...وغالبا ستتجه معظمها الى مناطق الدعوم التي كسرت من قبل....وهي معروفة ...(مثال : مزايا...19 ريال ) وكان الدعم الهام الذي كسر.وبالتالي قد يتوجه السهم لها غدا لاختبار هذا الدعم الذي تحول الى مقاومة

مبروك للرابحين...والله الموفق

[atiq]

لازلت انتظر القاع ^_^

يازين النوم زيناه سلام

ويازين الربح زيناة

وانت شاري تحت 11800 والحين الموشر 12500

ياهو ربح

[العساس]

قالوها اخوانا المحللين

الخير بقبال

اعتقد فعلا سوقنا يخطو خطى صحيحة نحو 16000 نقطة

[العساس]

:victory:

[العساس]

دقت ساعة 16000 نقطة

الى الامام

[السد العالمي]

السوق يبيله قلب وتفكير متزن يوازن بين الاندفاع والتردد.

يا سلام عليك ، جبت الخلاصة وطبعاً كل هذا يعني التوكل على الله والحمدالله رب العالمين

[السد العالمي]

ويازين الربح زيناة

وانت شاري تحت 11800 والحين الموشر 12500

ياهو ربح

والاحلى شاري الريان 46 وبروه 38

[السد العالمي]

دقت ساعة 16000 نقطة

الى الامام

والحذر بعض الشيء مطلوب ، لا نكثر في التفائل ولا نكثر في التشائم

كلامي مب معناته ان ما راح نشوف ال 16000 هالشيء عند رب العالمين

[سلوى حسن]

المؤشر12,655.35 وبعدين 12,731.35 وبعدين 12,872.05

الدعوم 12,420.50 وبعدين 12,259.94 وبعدين 12,163.88

الريان المقاومه 52.70 وبعدين53.50وبعدين 54.30

الدعم 51.70وبعدين 51.30. وبعدين 50.80


التجاري المقاومه 66.70 وبعدين 67,90وبعدين 68,90

الدعم 65.50وبعدين 65وبعدين64,50



المصرف المقاومه 97.40 وبعدين 98,10 وبعدين 100.50

الدعم 95.70 وبعدين 95 وبعدين 94,30


بنك الدوحة المقاومه 58.70وبعدين 59.50 وبعدين60.80

الدعم57.10. وبعدين56.70وبعدين 56.20


الخليجي المقاومه 22.50 وبعدين 23.20وبعدين 23.80

الدعم 22. وبعدين 21.80وبعدين21,20


الدولي المقاومه 86.50وبعدين87.10وبعدين89.90

الدعم 84,60وبعدين 84وبعدين 82.40



الوطني المقاومه177,20 وبعدين 179.10 وبعدين 181.30

الدعم 174 وبعدين 172.50 وبعدين 170.50


الاهلي المقاومه 52.70 وبعدين 53.30 وبعدين54,50

الدعم 51.20 وبعدين 50,50وبعدين49,80

قطر للتامين المقاومه 83.90وبعدين 85.50وبعدين 87.10

الدعم 82 وبعدين 81.10وبعدين 79.40


الاسلامية للتامين المقاومه78.70 وبعدين79.80وبعدين 81

الدعم 77.30. وبعدين 76.70وبعدين 76



التكافلي المقاومه 44.20 وبعدين45.60 وبعدين 56.70

الدعم 43 وبعدين 42.50.. وبعدين 42


الدوحة للتامين المقاومه 25.70 وبعدين26.30وبعدين 27

الدعم25.10وبعدين 24,80 وبعدين24.60



العامة للتامين المقاومه 46.80 وبعدين 47.90 وبعدين, 49.30

الدعم 45.60 وبعدين, 45 وبعدين 44.40

مسيعيد المقاومه 32.40 وبعدين 33.10, وبعدين 34

الدعم31.80 وبعدين31.50 وبعدين 31.20


صناعات المقاومه 178.30 وبعدين 181.50 وبعدين 185.70

الدعم 175.50وبعدين 174,50 وبعدين 172,


المستثمرين المقاومه58 وبعدين 59.40 وبعدين61.10

الدعم 56وبعدين55,50 وبعدين55


الاسمنت المقاومه 137.90وبعدين139.70 وبعدين141.70

الدعم 136. وبعدين134,60 وبعدين 132.40



الطبية المقاومه 14.70 وبعدين 15,وبعدين15,30

الدعم14.40 وبعدين 14.20,وبعدين13.40


التحويليه المقاومه46,70 وبعدين48.30وبعدي 50

الدعم 45.50وبعدين45وبعدين44,50


زاد المقاومه81.50وبعدين82.30 وبعدين84.20

الدعم 79.60 وبعدين79 وبعدين78.40



كيوتل المقاومه131.40 وبعدين134 وبعدين137.10

الدعم129.50 وبعدين129وبعدين127.50


فودافون المقاومه 18.60وبعدين 19.10 وبعدين 19.80

الدعم 18.10 وبعدين 17.90 وبعدين 17.50



بروة المقاومه 40.10 وبعدين41.20 وبعدين42.70

الدعم39.20 وبعدين38.80, وبعدين38.50


المتحدة المقاومه 25,20 وبعدين25.80 وبعدين26.50

الدعم 24,60وبعدين 24.10 ,وبعدين 23.80


مزايا المقاومه 18.60. وبعدين 19.10 وبعدين 19.80

الدعم 18.10 وبعدين18.80. وبعدين 17.60


ناقلات المقاومه 22.50 وبعدين 22.90وبعدين 23,60

الدعم 21.80 وبعدين 21.50 وبعدين 21.20

الملاحة 95,60وبعدين 97,40وبعدين 99,50

الدعم 94 وبعدين 92.50. وبعدين 90.50


الدوليه 102.60وبعدين 103.70وبعدين105.70

الدعم 100 وبعدين 98.40. وبعدين 96.10


كهرباء وماء المقاومه183.90 وبعدين186.10 وبعدين 188.50

الدعم 182.10 وبعدين180وبعدين178.40



قطر للوقود المقاومه214.60وبعدين216.70 وبعدين219.70

الدعم 212 وبعدين210.90 وبعدين209.10


ودام المقاومه 54,60وبعدين 55.40 وبعدين56.50

الدعم 53.40 وبعدين53 وبعدين 52.60




الميرة المقاومه177.70 وبعدين 179.30 وبعدين182

الدعم 174.30 وبعدين 173.20 ,وبعدين 172,


الرعاية المقاومه 88.80وبعدين90.50وبعدين92.20

الدعم86.50 وبعدين85.20وبعدين 83.30

الاجارة المقاومه 31,50 وبعدين 32.30 ,وبعدين 33.20

الدعم 30,70وبعدين 30.50وبعدين 30



قطر وعمان المقاومه 15.20وبعدين 15.50وبعدين 15.80

الدعم 14.70وبعدين 14.50 وبعدين 14.30



دلاله المقاومه 54,50 وبعدين55.80 وبعدين 57.20

الدعم 53.30 وبعدين52.70وبعدين52



الاسلامية المقاومه 70.30 وبعدين71.20 وبعدين 73

الدعم 68.70وبعدين68.30وبعدين67.50



السلام المقاومه18.70 وبعدين 19.10. وبعدين19.70

الدعم 18.20 وبعدين18 وبعدين17.80

مخازن المقاومه 48.50 وبعدين 49. وبعدين49.50

الدعم 47.50 وبعدين 47.20 وبعدين 46,80


السينما المقاومه 53,80 وبعدين55وبعدين55.70

الدعم 52,20 وبعدين 51,70 وبعدين51,10



اعمال المقاومه 16.90 وبعدين 17.20 وبعدين 17.90

الدعم 16.40 وبعدين16.20وبعدين15.90


مجمع المناعي المقاومه 111.80 وبعدين114.20 وبعدين 117,

الدعم 109.80 وبعدين109وبعدين 107.20




ازدان المقاومه24 وبعدين24.80 وبعدين 25.70

الدعم 23.20 وبعدين23وبعدين 22.30

[سلوى حسن]

باذن الله صعود مستمر
ويعطيك العافية يا صاحب الموضوع

[السد العالمي]

للتـذكيــر

غداً الأربعاء الموافق 09-07-2014 الاعلان عن البيانات المالية للشركات التالية :

المجموعة الاسلامية القابضة

البنك الأهلي

بالتوفيق لملاك السهمين

[الوسيط العقاري]

المؤشر القطري يعود للارتفاع بعد تراجع دام جلستين .. وترقب كبير للنتائج النصف سنوية

07 يوليو, 2014 01:42 م

المصدر: خاص مباشر

كتب - محمود جمال
سجل مؤشر البورصة القطرية بنهاية جلسة الاثنين ارتفاعا بعد تراجع فى جلستين متتاليتن ، حيث صعد المؤشر العام 0.39% ليغلق اليوم عند 12382.21 نقطة مقارنة باغلاق الأحد عند 12333.54نقطة .
وقال " ابراهيم الفيلكاوي " مستشار التحليل الفني للأسواق المال العربية والعالمية لـ مباشر :"ماحدث اليوم رجوع الإيجابية للسوق القطري بعد جلستين متتاليتين من جني الأرباح الطفيف ".
وأوضح الفيلكاوي لـــ "مباشر" :" بأن أسهم الخدمات والتأمين وأسهم الاتصالات والصناعات المحرك الرئيسي لارتفاع المؤشر اليوم ".
وارتفع مؤشر قطاع الخدمات بـ 1.44%، مع صعود سهم "السلام" بنسبة 5.5% و"السينما" بنسبة 5.05% وسهم "إزدان" بنسبة 3.05%.
كما صعد مؤشر قطاع التأمين بـ 1.23%، مع ارتفاع سهم "قطر للتأمين" بنسبة 1.8% و"الإسلامية للتأمين" بنسبة 0.6%.
وارتفع أيضا قطاع الاتصالات بـ 1.01%، وذلك بعد ان ارتفع سهم "أوريدو" بـ 1.09% وفودافون قطر بنسبة 0.73%.
كما ارتفع مؤشر قطاع الصناعة بـ 0.67% مع ارتفاع سهم "أعمال" بنسبة 2.04% وصناعات قطر القائد بنسبة 0.86% .
وشهدت قيم التداول اليوم تراجعا حيث بلغت 261.75 مليون ريال مقابل 361.22 مليون ريال، فيما جري التداول على 6.52 مليون سهم مقابل 6.80 مليون سهم.
واكد الفيلكاوي "أن الايجابيه بدأت فى الرجوع للبورصة القطرية ، مصيفا بأن السوق به كثير من الفرص الاستثمارية وإن كانت أزمة الثقة لا تزال تخيم على أداء السوق وتحجب السيولة عن قاعات التداول".
مشيرا فى نهاية حديثه بأن اختراق المؤشر لمستوى الـ 12400 إيجابي وسوف يستهدف بعدها مستوى المقاومة عند 13200 و 13400 نقطة وذلك مالم يتم كسر الدعم 12200.
وقالو خبراء بأن المستثمرين بالسوق القطري يعولون على نتائج الشركات النصف سنوية التي سوف تعلن عنها الشركات بداية من الأسبوع الجاري وحتى نهاية الشهر الحالي، في إعطاء دفعة قوية لاستعادة البورصة جزءًا من نشاطها المعهود والذي فقدته منذ بداية الشهر الماضي على غير المتوقع.

[مضارب دوسري]

السوق يبيله قلب وتفكير متزن يوازن بين الاندفاع والتردد.

حكم يا بو طلال

[مضارب دوسري]

الف مبرووووووووك ارتفاع اليوم
اليوم الاسهم الصغيره غنت خارج السرب
وشرينا سهم للاستثمار اليوم

[بوجبر]

الاخ بو جبر ما يحب الاسهم وكله متشائم ويفضل اي استثمار عن الاسهم ودايما المحفظه كاش ماادري ليش يتابع الاسهم


عندي اسهم في شركة مسيعيد للقصر ياريت اقدر أبيع وافتك:telephone:

[السد العالمي]

رجال أعمال: توقعات بزيادة الاستثمارات الاجنبية في السوق القطرية مع موافقة الشورى على إعفاء الأجانب من ضريبة الدخل

المصدر تويتر جريدة العرب.

[roma27]

عندي اسهم في شركة مسيعيد للقصر ياريت اقدر أبيع وافتك:telephone:

بؤ جبر بسك تشاؤم

[ربيعة]

متفائلين من قلب اذا كان حال السوق في رمضان كذا
ما بالك بعد رمضان وبعد الاجازة
موفقين

[مضارب دوسري]

يا اخوان اللي يشوف السوق مافيه ثقه او ما يستاهل الاسعار الحاليه
ليش يتابع السوق ؟
كل شخص يتابع اللي يهمه
شي طبييييييعي
الواحد اللي خارج السوق بيقعد يذم ويطلع عيوب الدنيا فالسوق
واللي فالسوق بيقعد يمدح فالسوق
فالنهايه هذه قناعات
والمنتدى ماشاء الله شامل الاسواق والتجارات والعقارات وكل شي
ف كل واحد يتابع المكان اللي يريحه بعيد عن انا اشوف وانا اعتقد
ويقعد يكتب كلام لم يحصل !

السوق يعتمد على التحليل الفني والاساسي
ف كيف بعضو يقول انا اشوف واعتقد
ويكتب كلام عكس ما يكتبه المهتمين بالتحليل الفني والاساسي !!!!

كلنا هنا نريد ان نفيد ونستفيد كلن على حد معرفته وعلمه

[atiq]

يا اخوان اللي يشوف السوق مافيه ثقه او ما يستاهل الاسعار الحاليه
ليش يتابع السوق ؟
كل شخص يتابع اللي يهمه
شي طبييييييعي
الواحد اللي خارج السوق بيقعد يذم ويطلع عيوب الدنيا فالسوق
واللي فالسوق بيقعد يمدح فالسوق
فالنهايه هذه قناعات
والمنتدى ماشاء الله شامل الاسواق والتجارات والعقارات وكل شي
ف كل واحد يتابع المكان اللي يريحه بعيد عن انا اشوف وانا اعتقد
ويقعد يكتب كلام لم يحصل !

السوق يعتمد على التحليل الفني والاساسي
ف كيف بعضو يقول انا اشوف واعتقد
ويكتب كلام عكس ما يكتبه المهتمين بالتحليل الفني والاساسي !!!!

كلنا هنا نريد ان نفيد ونستفيد كلن على حد معرفته وعلمه

ماقصرت يامضارب دوسري وكلامك عين العقل وعندي إضافة ياخوي على نقطة التحليل . ياريت أن الأعضاء يتكلفون على أنفسهم ويرجعون إلى مواضيع التحليل ويستفسرون . انا اشوف اعضاء وايد عندهم قصور من هذه الناحية . ترى الأسهم تجارتكم وحلالكم وكل يباري حلاله والله يرزق الجميع

[ابن البيطار]

من ينتظر القاع يبحث عن استثمار اخر لامواله لانه سينتظر طويلا بدون فائده ويكفي ان ضيع 1000نقطع تقريبا وهو ينتظر.

[بوجبر]

وين القصف ماسفناه ؟ اغلب الاسهم قريبة من اعلى سعر اليوم
بوجبر شكلك اتابع سوق ثاني او لليحن نايم
ياعووووووووووووو بوجبر فاتك ربح اكثر من 20% من ادنى سعر وانت لليحن شاير في الذهب

راجع نسب أمس واليوم وبتعرف

الا ماقلت لي اخبارك مع ناقلات!!!

[Abu Reem]

يا اخوان اللي يشوف السوق مافيه ثقه او ما يستاهل الاسعار الحاليه
ليش يتابع السوق ؟
كل شخص يتابع اللي يهمه
شي طبييييييعي
الواحد اللي خارج السوق بيقعد يذم ويطلع عيوب الدنيا فالسوق
واللي فالسوق بيقعد يمدح فالسوق
فالنهايه هذه قناعات
والمنتدى ماشاء الله شامل الاسواق والتجارات والعقارات وكل شي
ف كل واحد يتابع المكان اللي يريحه بعيد عن انا اشوف وانا اعتقد
ويقعد يكتب كلام لم يحصل !

السوق يعتمد على التحليل الفني والاساسي
ف كيف بعضو يقول انا اشوف واعتقد
ويكتب كلام عكس ما يكتبه المهتمين بالتحليل الفني والاساسي !!!!

كلنا هنا نريد ان نفيد ونستفيد كلن على حد معرفته وعلمه



:app2:

[دربوه]

اخوي ابن بيطار وعتيق

فعلا فاتنا هالارتداد ولكن

فوات ربح خير من خساره مؤلمه

انتوا حاليا تحاولون تستردون بعض خسايركم

بينما انا بفضل الله كنت انام فما اخسر ^_^

سالت محللين ايام الانهيار ادخل

كلهم نصحوني لا وكانوا متشائمين

لدرجة انه في واحد توقع ريان يجرب 32

مع هالتشاؤم كان صعب ادخل للامانه

ولو اني فكرت بجديه ادخل ازدان

ب 18.3

الحمدلله حاليا انطر الفرص الانسب للدخول

عقب شفت اسعار الاسبوع اللي طاف

صعب ادخل على هالاسعار الا بدخول خاطف

اجل 5000 سهم اخر تداول اليوم تطيح بروه ل 39.5 عقب كانت 39.95

وتبيني ادخل وانا اشوف شح الطلب

كلنا نعرف ان الانهيار اللي صار كان سهل

وباقل عدد من الاسهم وهم الارتفاع الصاروخي

باقل المبالغ صار

عكس قبل طلبات كبيره وعروض كبيره سيوله قويه تطمنك ^_^

[ابن البيطار]

لا ياخوي دربوه خلك برى السوق لانك ضيعت الفرصه الي كانت قبل ايام لما كان المؤشر 11600 . لله الحمد فقط من الصعود الاخير تم تحقيق اكثر من 20% ربح .السوق مثل ماقالوا يحتاج الى قلب والطمع الزايد مهلكه في الحالتين سواء الي ينطر القاع ويتوقع ارقام مبالغ فيها او الي يمسك ومايبيع في عز تضخم الاسعار.

[دربوه]

صدقت اخوي ابن البيطار فاتتنا فرصه

الله ماكتبها لنا اللهم لك الحمد

بس صدقني البورصه كلها فرص

وانا لهالشي اكتفي بالابتعاد علشان ماتورط

وادخل وعقب يجنون ارباحهم على راسي ^_^

[atiq]

الله يوفقك يادربوه

أكثر المحللين يحذر من المرحلة الحالية

لكن المتابعة اليومية للتحليل مطلوبة للمضارب أما المستثمر ماعليه خوف


والمحللين بارك الله فيهم مب مقصرين أبد

تابعهم وفالك طيب

[بوجبر]

مطلعين مزايا بيع سريع اليوم

هذا حال السوق يوجد فية رابح وخاسر

[الحـ قطر ــب]

يا جماعه

اللي برع السوق للحين عنده فرصه يدخل

12000 رقم اتوقع وعلى كلام محللين كبار رقم ممكن مانشوفه خلال هالشهرين

تابع سهمك بكل يومي وان شاء الله ماتكون خسران

والمحللين الحمدلله والله يجزاهم خير مامقصرين معانا بشي

احلى تحيه لمحللين المنتدى :victory:

[مضارب دوسري]

مطلعين مزايا بيع سريع اليوم

هذا حال السوق يوجد فية رابح وخاسر

على فكره السهم اعطى اشارة دخول ؟
انت شرايك يا بو جبر ؟

[مضارب دوسري]

اليوم السهم اعطى أشارة الدخول الأمن للمضاربين كما نوهنا عنها من قبل أكثرمن مره ( ولله الحمد والفضل والمنه ) بعد ماأعطى السهم اشارة الدخول حقق السهم الهدف الأول

للمضارب الأسبوعى ( بالمللى ) ولله الحمد .. :)

http://www10.0zz0.com/2014/07/08/18/140308794.png

وهذا الشارت للتذكير بباقي الأهداف ( للمضارب الأسبوعي )

http://www10.0zz0.com/2014/07/08/18/159998274.jpg

معلومه للى ماعنده خلفيه عن الدعم والمقاومه

( أذا السعر صعد فوق الرقم يصبح الرقم المذكور في الشارت مقاومه للسهم واذا السعر نزل تحت الرقم يعتبر الرقم المذكور في الشارت دعم للسهم ) وهكذا

وايضآآ مبـ ـ ـ روك للمضارب اليومي الى أخذ بالتوصيه اللى جاته ( ولم يتردد بالدخول ) رغم ان السهم كان في مسار هابط ..



وهكذا اليوم تحققت جميع أهداف المضارب اليومي السابقه ( والحمدلله )

هذا والله أعلى وأعلم

استودعكم الله الذي لاتضيع ودائعه

( وراح أدخل اذا لقيت وقت ) أن شاءالله

:)
وهذا تحليل شير غوست اختراق 18.05 والاغلاق يعتبر تغير للمسار
ويعتبر دخول امن للمضاربين
يا اخوان انتوا مسؤولون امام الله عن اي كلمه تكتبونها
والله لا املك فالسهم حاليا
ولكن يا بو جبر الله يجزاك خير انت عضو مؤسس ولست بالجديد في عالم الاسهم
فلا يجوز ان نرمي ونقول هذا سلبي وهذا ايجابي حسب المزاج
عندك تحليل فني سلبي للسهم وضحه لنا او انقله لنا
او تحليل اساسي بالنسبه للارباح او ما الى ذلك
او خبر تم الاعلان عنه
مب بس تعال وقول هذا ايجابي وهذا سلبي

[مضارب دوسري]

ازدان وصل للهدف وهو 24 ووصل ل 23.99
وعنده مقاومه قويه عند هالمستوى في حال تجاوز راح نشوف انطلاقه لل 25 ثم مستويات اعلى في حال حافظ على تجاوز المقاومات

اما بالنسبه للمؤشر فبتجاوز 12600ندخل باذن الله في الايجابيه

جزاك الله خير

[مضارب دوسري]

توقف السوق كثيرا اليوم عند 12500 ...ظل يحوم حولها...صعودا وهبوطا بنقاط قليلة....ثم اخترقها وثبت...فترة طويلة فوقها وبدأت السيولة بالازدياد......لذلك استطيع الاطئنان قليلا...لكي نواصل غدا باذن الله الى 12700...ولو السوق تفاعل اكثر مع اعلان الوطني قد يزيد الى 12750...وهنا...اتوقع صعوبة في الاختراق...لذلك قد يتراجع السوق من عندها او من قبلها.....

عموما تداول اليوم جيد....واذا وصلنا غدا للمستويات المذكورة عند 12700 وتراجع بعدها السوق فقد يكون هذا منطقيا لانها مناطق مقاومة تمتد الى 12750..وذلك للارتكاز على دعوم اقل..ومن ثم معاودة الانطلاق فهذا سيكون جيد.....والفيصل في هذا هو السيولة......

- مازال الارتفاع الحاصل ارتداد...متوقع....والوسطية مطلوبة في هذه الفترة..حتى نرى وضوح في الشراء وازدياد في السيولة...

- انخفاض اخر التداول ...ليس سيئا..بل هو لمواصلة الارتفاع غدا باذن الله....

- وظهر بوضوح ان الرغبة في الشراء اتجهت اليومين الماضيين واليوم ايضا الى الاسهم ذات الاسعار القليلة...وغالبا ستتجه معظمها الى مناطق الدعوم التي كسرت من قبل....وهي معروفة ...(مثال : مزايا...19 ريال ) وكان الدعم الهام الذي كسر.وبالتالي قد يتوجه السهم لها غدا لاختبار هذا الدعم الذي تحول الى مقاومة

مبروك للرابحين...والله الموفق

جزاك الله خير يا بو ريم

[دربوه]

الله يوفقك يادربوه

أكثر المحللين يحذر من المرحلة الحالية

لكن المتابعة اليومية للتحليل مطلوبة للمضارب أما المستثمر ماعليه خوف


والمحللين بارك الله فيهم مب مقصرين أبد

تابعهم وفالك طيب

ويوفقك اخوي عتيق

صدقني اتابع بشكل يومي

بس الانهيار اللي صار ماتوقعه اكبر محلل

علشان هالشي ايا كان التحليل للصانع راي اخر

انا استغرب من اللي يضايقه تشاؤمنا

ترى ما صار هالشي الا عقب انضربنا ^_^

[مضارب دوسري]

ويوفقك اخوي عتيق

صدقني اتابع بشكل يومي

بس الانهيار اللي صار ماتوقعه اكبر محلل

علشان هالشي ايا كان التحليل للصانع راي اخر

انا استغرب من اللي يضايقه تشاؤمنا

ترى ما صار هالشي الا عقب انضربنا ^_^

بخصوص الصانع كلامه يختلف عن التحليل اوافقك فيها في شركه وحده بس
وهي ازدان
ولكن في بقية الاسهم ما شفنا اسهم تخالف التحليل بالعكس
الصانع اكبر همه هو التحليل الفني

[دربوه]

اخوي مضارب

الانهيار اللي صار من فتره محد توقعه

من توقع مصرف يوصل 80.2

من توقع دولي 77

[عضو مشاكس]

راجع نسب أمس واليوم وبتعرف

الا ماقلت لي اخبارك مع ناقلات!!!
راجعت النسب اليوم دخول قوي من المحافظ المحلية والاجنبية عبل وين القصف !
الناقلات 22 اليوم
حاسس باحساسك بوجبر بعد ماطلع السوق 1000نقطة الكاش ملك عندك اكيد
الا كم سعر الذهب اليوم ؟

[مضارب دوسري]

اخوي مضارب

الانهيار اللي صار من فتره محد توقعه

من توقع مصرف يوصل 80.2

من توقع دولي 77

دش قسم التحليل وبتلقى
الموضوع مب موضوع توقعات
محلل مثلا شاف السهم على سبيل المثال بسعر 95 مثلا
كتب تحليل دعوم السهم الفلاني 92 بعدها 88 بعدها 80 واذا مارتد من 80 معناها بيجرب الدعم 72
قام السهم كسر كل الدعوم وصل ال 80 وارتد !

جاك واحد شايف ان السوق هبط زياده شرى على 80
ودربوه حاط رجل على رجل ينطر ال 72
ارتد من 80 راح 95
ودربوه للحين ينطر ال 72

هذا هو الوضع اللي حصل

نفس الشي احد المحللين مثلا ذكر ان السهم الفلاني رايح فوق
مقاوماته 70 بعدها 74 وعقبها بيروح للهدف 82
واذا اغلق فوق ال 84 فالهدف الثاني 93 مثلا
قام السهم ارتفع لين 84 ونزل !!!

هذا هو التحليل الفني ياخوي
وانا ادعوك اذا تبي تشوف هالتحاليل تزور قسم التحليل الفني والمواضيع كثيره
والمحللين ماكانوا مقصرين
ارجع لتحاليل ذيك الفتره وبتشوف

ذيك الفتره الله يسلمك كان الناس تشتري وانت وبوجبر تنتظرون القاع
ويوم الارتفاع 700 نقطه
بو جبر ندم ان ماشترى والله يعوضه ان شاء الله خير
وانت قلت ان الفلوس صارت اخر همك وانك ف شهر رمضان متفرغ للعباده بعيدا عن السوق
فالله يجزاك خير

[بحر شرق]

ما شاء الله عليك يا مضارب دوسري ..:victory:

الله يوفق الجميع

[الوسيط العقاري]

اعمال - ناقلات - ازدان

سيقولون كلمتهم في تداول اليوم ..