معقولة ما عندك بطاقة السحب البنكية !!!

[فريج النجادة]

معقولة ما عندك بطاقة السحب البنكية !!!

انا استغرب كل ما دخلت المصرف اجد اعداد كبيرة جدآ

لسحب الاموال !!!

وانا جالس مع احدى مداراء للبنك يقول لي اغلب العملاء

ما عندهم بطاقة السحب

طيب ليش يا الطيب ما عندك بطاقة البنك

هل انت خايف تضيع فلوسك او تطير

ياريت تبين لنا وجهت نظرك؟

[عبدالعزيز 9]

ياخي كل واحد حر حتى في الامور الشخصيه تدخلتوا فيها!! الرجاء اغلاق الموضوع لانه مب هادف

[ولد العرب]

مثال عني انا

اوقف في طابور لاني ابي اسحب مبلغ كبير هل معناته ماعندي بطاقه

اوقف في الطابور ابي اودع مبلغ في حسابي وللعلم بنكي مافيه صرافه ايداع هل معناته ماعندي بطاقه
اوقف في الطابور اصرف شيك هل معناته ماعندي بطاقه

بالاختصار ماعليك من المدير وكلامه

[حسن]

البعض يحب يبصم ولو تسوي له مليون بطاقه

اذكر بعض البنوك علشان يتخلصون من المراجعه وحد الناس على استخدام البطاقه
اصدرو رسوم على شيكات اعتقد اقل من ال5000 ريال خبرك بو 500 وبو 1000 مسوين زحمه وفوضى
في البنوك
تم فتره هذا النظام وعقب الغى

الصراحه البطاقه نعمه انفعتنا بدونها بندوخ


بس السؤال هو في حد الحين يمشى بدون بطاقه بنك

:eek5:

[BoFahed]

لا اخوي وايد منهم شغاليين في محلات وشركات ويحطون الدخل اليومي

المفروض مثل بقية العالم المصرف يحط جهاز atm للايداع فقط

[abu m7md]

الاخوان ماقصروا في الردود ولو انه بعضها ناشف
عن نفسي احب الوقت واقدر معنى الوقت في المواعيد لانه يعتبر بالنسبه لي انا صدق الرجل معاي
اذكر مره طلبت من البنك انه يصدر لي بطاقة صراف ويحولها لستي سنتر استلمها هناك اقرب لبيتي واعتمدنا وكل شي تمام وقال لي خلال 3 ايام
مريت ثالث يوم على البنك قالوا الاصدار خلال اول ساعه انت مقدم عليها الطلب واستلامك في فرعك مب عندنا انا هني زعلت وتضايقت لانه الموظف الي احترمه قال لي كلمه انه بيرسلها لفرع الستي
عموما رفعت عليه التلفون وعطيته كم كلمه وحاول يظهر نفسه هو الصح وانا على غلط سكرت التلفون وجيته لين الفرع ورزلته هو ومديره وجدام العملاء وخليت البطاقه عندهم 3 شهور
تخيل 3 شهور بدون صرافه اي شي ابيه اروح للبنك اسحب
تدري كم وفرت 60 الف
60 الف خلال 3 شهور وانا مايجي 10 من الشهر او 15 من الشهر الا البطاقه فيها 1000 او حول هالمبلغ
فا مره ثانيه لاتسئل مدير البنك عن العملاء ليش ماعندهم صرافه ( اموح )

اخوك
ابومحمد

[بوحارب]

يمكن مرته ماخذه البطاقة هههههه

[مضارب دوسري]

لا اخوي وايد منهم شغاليين في محلات وشركات ويحطون الدخل اليومي

المفروض مثل بقية العالم المصرف يحط جهاز atm للايداع فقط

موجود ياخوي في كل فروع البنك

[alsoq]

كبار السن هم الاغلب في البنوك لانهم لا يعرفون استخدامها

اما اللي تحصلهم في البنوك فهم من يسحب مبالغ فوق 10000 او مراجع في موضوع معين

[مشتاقة لقطر]

اقول لك انا مثلا
عندي حساب ببنك ببطاقة
وحساب ببنك ثاني بدون بطاقة
اللي بالبطاقة يودع لي فيها المندوب المبالغ وقت احتاجها اقدر اسحبها
اما اللي بدون بطاقة يودع فيها مبلغ كل ماسمحت الفرصة وتجمع مبلغ زوين واعتبره توفير ماقدر العب فيه ولا اقدر اوصله .. الا للطوارئ ..
بس لي جيت قطر اروح للبنك اسحب اللي احتاجه للسفر او اي ظرف يبي مني مبلغ ..

[MAZEN37]

اصلا نظام البنوك نفسه هو الي مسوي زحمه
اجل مليون مراجع على موظفين ومرات موظف مادري البنوك خايفه تدفع مرتب موظف او 2 زياده
وثانيا شوف هالموقف صارلي من يومين في بنك قطر الوطني فرع ال شافي رحت الساعه 10 مساء لايداع شيكين شخصي بحسابي وزحمه موت وقسما بلله موظف واحد والمدير صاير مثل المجنون من الضغط عليه المهم قعدت انطر رقمي وجا رقمي بعد ساعه ونص بالضبط حاسبها والي مصبرني اني ماني مشغول المهم وصلت للموظف وقسما بلله شفقت عليه الرجال اعصابه خربانه من الضغط والهواش وووو قلتله الله يعينك وعطيته الشكين يودعهم بالحساب قام قالي ايداع الشيكات الصبح عاد انا هني عصبت ورحت للمدير قلتله ابسط حقوق المراجعين تعلمونه من باب البنك انه مافي ايداع شيكات علشان لا ينطر بالساعات وعقب بكل برود تقوله تعال بكره الصبح
انت قولي هذا بنك هذا بقاله وايد عليه

[ذكي جدااا]

الشيبان ماعندهم ولا يعرفون يستخدمونها

[باراكودا]

بس السؤال هو في حد الحين يمشى بدون بطاقه بنك

:eek5:

في محد غيره أقحطه .

[JN000N]

عادي اذا حسابين ف بنكين مثلا واحد عندك بطاقة تسحب منها
والثاني توفير ماتاخذ له بطاقه عشان ماتفسفسهم بسرعه خخخخ

[يمامـة]

اشوف ان هالشي خاص فيهم مالم تمنع البنوك تواجدهم هناك لسحب 500 ريال..

[بوحارب]

خالتو يمامه الخاص مقفول عندج حق ليش

هنالك رسالة في انتظارك ;)

[يمامـة]

خالتو يمامه الخاص مقفول عندج حق ليش

هنالك رسالة في انتظارك ;)

لأنك مب مضاف الى قائمة الاتصال

صبر اشوي بضيفك( يارب الرسالة فيها فلوس)

[بوحارب]

ههههههههههههههه