استفسار لاهل الخبرة جزاهم الله خير بخصوص الشيكات

[h9466]

اولا السلام عليكم جميعا ورحمة الله وبركاته...الحقيقة عندي سؤال صغير رحم الله والديكم وارجو من اللي عنده خبرة في هذا المجال انه يفيدنا ومأجور ان شاالله /سؤالي هو: عند اختي فيلا حابة تأجرها ووكلتني بـتأجيرها..ما هي احسن الطرق بحيث يضمن المالك ان ايجار عقاره سيستلمه كل اول شهر بحيث مايماطل المستأجر؟ وهل الشيكات اللي المالك ياخذها من المستأجر كفيلة بردع المسـتأجر في حال ماطل في الدفع...؟ وسامحوني على الاطالة...

[شموخ دائم]

,

,



مرحبا

عليكم السلام ورحمه الله

اخوي الكريم

مافي شي مضمون 100%

ولكن هناك امور تقلل من نسبه المشاكل لاقدر الله

اولها اختيار ( الزبون ) الي بيسكن البيت
لابد يكون شخص جيد وله ( وظيفه جيده ) مهندس طبيب محامي محاسب ... الخ وهو
موظف في شركه كبيره معروفه والافضل ان الشيكات تكون باسم ( شركته ) اذا شركه معروفه
غير عن الموظف في شركه صغيره ويعجز عن تسديد الايجار

عقد جيد وموضح فيه كل الشروط ومن اهم هذه الشروط
لايجوز له اعاده التاجير من الباطن او تاجير جزء من المكان

اذا في تكييف في الفيلا يذكر عدد المكيفات ونوعها وسنه الشراء ويوقع على ورقه عهده امانه
انه استلم المكيفات وبعد الاخلاء يتم التاكد من المكيفات وحالتهم

تاخذ 12 شيك بقيمه الايجار لمده سنه + شيك ضمان

على سبيل المثال الايجار 12 الف يدفع مقدم كل شهر
يعني لو سكن بدايه شهر 8 يدفع الايجار 1\8 \2014
وشيك واحد ضمان لاقدر الله في تخريب او شي مكسر بالفيلا
ويكون شيك الضمان بقيمه الايجار
يعني 12 الف هذا شيك ضمان ( بدون تاريخ )
مجموع الشيكات 13 شيك
12 شيك للسنه
وشيك واحد للضمان
هذا المتبع الان في سوق العقارات

نصائح عامه

1- لابد تقابل الشخص قبل الايجار وتحكم عليه من خلال هذا اللقاء
بعد الاستفسار منه عن وظيفته ومكان عمله وتتاكد من بطاقته الشخصيه
مذكور فيها اسم الشركه التي يعمل فيها ووظيفته
تاخذ صوره منها

2- تاخذ صوره من السجل التجاري للشركه والرخصه وقيد المنشاه
لان مذكور فيها اصحاب الشركه وعنوانهم

ولا تستعجل في الايجار مو شرط اول شخص يجينا نعطيه الفيلا
ولكن نعطي الفيلا للشخص القادر على السداد


ولكن مافي شي مضمون ولكنها توافيق من رب العالمين

ان شاء الله الاخوان والاخوات يفيدونك اكثر

,

,


اخوك

شموخ دائم

[h9466]

,

,



مرحبا

عليكم السلام ورحمه الله

اخوي الكريم

مافي شي مضمون 100%

ولكن هناك امور تقلل من نسبه المشاكل لاقدر الله

اولها اختيار ( الزبون ) الي بيسكن البيت
لابد يكون شخص جيد وله ( وظيفه جيده ) مهندس طبيب محامي محاسب ... الخ وهو
موظف في شركه كبيره معروفه والافضل ان الشيكات تكون باسم ( شركته ) اذا شركه معروفه
غير عن الموظف في شركه صغيره ويعجز عن تسديد الايجار

عقد جيد وموضح فيه كل الشروط ومن اهم هذه الشروط
لايجوز له اعاده التاجير من الباطن او تاجير جزء من المكان

اذا في تكييف في الفيلا يذكر عدد المكيفات ونوعها وسنه الشراء ويوقع على ورقه عهده امانه
انه استلم المكيفات وبعد الاخلاء يتم التاكد من المكيفات وحالتهم

تاخذ 12 شيك بقيمه الايجار لمده سنه + شيك ضمان

على سبيل المثال الايجار 12 الف يدفع مقدم كل شهر
يعني لو سكن بدايه شهر 8 يدفع الايجار 1\8 \2014
وشيك واحد ضمان لاقدر الله في تخريب او شي مكسر بالفيلا
ويكون شيك الضمان بقيمه الايجار
يعني 12 الف هذا شيك ضمان ( بدون تاريخ )
مجموع الشيكات 13 شيك
12 شيك للسنه
وشيك واحد للضمان
هذا المتبع الان في سوق العقارات

نصائح عامه

1- لابد تقابل الشخص قبل الايجار وتحكم عليه من خلال هذا اللقاء
بعد الاستفسار منه عن وظيفته ومكان عمله وتتاكد من بطاقته الشخصيه
مذكور فيها اسم الشركه التي يعمل فيها ووظيفته
تاخذ صوره منها

2- تاخذ صوره من السجل التجاري للشركه والرخصه وقيد المنشاه
لان مذكور فيها اصحاب الشركه وعنوانهم

ولا تستعجل في الايجار مو شرط اول شخص يجينا نعطيه الفيلا
ولكن نعطي الفيلا للشخص القادر على السداد


ولكن مافي شي مضمون ولكنها توافيق من رب العالمين

ان شاء الله الاخوان والاخوات يفيدونك اكثر

,

,


اخوك

شموخ دائم

الله يجزيك خير...اخوي العزيز شموخ دائم على داخليك الثرية والمفيدة جدا ...الحقيقة اللي طلب يستأجر الفيلا هو شخص قطري ويعمل في الجيش وهو على خلق لكن ماتعرف الايام ماذا تخبيء؟فما هي نصيحتك لنا في هذه الحالة...

[شموخ دائم]

,

,


مرحبا

امورك طيبه يارب

موفق ان شاء الله

الي اعرفه ان الجيش اذا كان رتبه يقدر ياخذ الفيلا والايجار يكون عن طريق ( الاسكان )
يعطونك 6 شهور مقدم

والله اعلم

,

,


اخوك

شموخ دائم

[ساس الوفا]

اضافة على كلام اخوي شموخ ( بحكم ان عندي شركة تطوير عقاري ) طبعا اول شي تركز في بنود العقد انها تكون صارمة في حالة عدم الوفا بالسداد او التخريب او استخدام العين المؤجرة لغير المتفق عليه في العقد وو .. الخ
بس اهم شي تسويه بعد التوقيع على العقد تاخذ ال 12 شيك وسيييده توديهم البنك اللي حسابك فيه وتودعهم ( والبنك بشكل شهري بيخصم من حسابة ويحول إلى حسابك ) بعيد عن الاحراجات وبعيد عن اي امور اخرى ، حتى بهالطريقة مايقدر يجي يحرجك ويقولك اصبر علي او ماعندي اهو يدري ان الشيك الراجع يخرب حسابة في البنك والشيك الراجع يعتبر جناية ( اصدار شيكات بدون رصيد بسوء نية ) وفي هالحال لو تكرر رجوع الشيك مرتين تقدر تفسخ العقد من ثاني جلسة في لجنة فض المنازعات ( ثاني جلسة يعني خلال شهر إلى 45 يوم )

العملية ترى بسيطة جدا


والله يوفقك

[h9466]

اضافة على كلام اخوي شموخ ( بحكم ان عندي شركة تطوير عقاري ) طبعا اول شي تركز في بنود العقد انها تكون صارمة في حالة عدم الوفا بالسداد او التخريب او استخدام العين المؤجرة لغير المتفق عليه في العقد وو .. الخ
بس اهم شي تسويه بعد التوقيع على العقد تاخذ ال 12 شيك وسيييده توديهم البنك اللي حسابك فيه وتودعهم ( والبنك بشكل شهري بيخصم من حسابة ويحول إلى حسابك ) بعيد عن الاحراجات وبعيد عن اي امور اخرى ، حتى بهالطريقة مايقدر يجي يحرجك ويقولك اصبر علي او ماعندي اهو يدري ان الشيك الراجع يخرب حسابة في البنك والشيك الراجع يعتبر جناية ( اصدار شيكات بدون رصيد بسوء نية ) وفي هالحال لو تكرر رجوع الشيك مرتين تقدر تفسخ العقد من ثاني جلسة في لجنة فض المنازعات ( ثاني جلسة يعني خلال شهر إلى 45 يوم )

العملية ترى بسيطة جدا


والله يوفقك

الله يجزيك خير ياخوي على نصيحتك القيمة جدا...
الحقيقة اتفقت معاه انه يكتي لي 12 شيك وافق لكن قال انا بكتب لك الشيكات لكن اول كل شهر بعطيك نقدي وباخذ منك شيك الشهر اللي دفعته نقدي ومافي داعي تصرف الشيكات من البنك..فايش رايك بالموضوع ؟