هذا العدو اللعين بس ... مفيد احيانا

[بانغ بانغ]

قصدي عن الجوال .....

عشنا كل طفولتنا بدون جوال
عشنا بعض مراهقتنا بدون جوال


واحين

اتدش الحمام وانتوا بكرامة ... بالجوال
المستشفى + القهوة + المجلس + السيارة + غرفة العمليات + الطيارة + المسجد + الحلاق ...................... كل مكان اتدشه .. بالجوال ... اعنبوا حاطين لزقة فيران

لدرجة الزوج والزوجة والاولاد في غرفة وحدة وكل واحد امبقق عينه على الجوال ..

اعوذ بالله وايش الحل

هل ما عندنا ثقافة حمل الجوال او مرض او شنو بالضبط

[khalid525]

ازمه وبتعدي اخوي ههههه

[ya3coub]

ليست بثقافه ولكن صارت نوعا ما متطلب من متطلبات الحياة العصرية.

و عادة ما راح تخف ولا بتندثر حتى تأتي التكنلوجا بالي احسن منها.


انا أشوفه صديق اكثر من عدو بحيث تخيل نفسك على ايام الطفولة تلعب بالفريج و تأخرت الوالدة بتحاتيك عقبها بتلبس عباتها و بتطلع تدورك او بتركب السيارة و تدور عليك و انت لاهي باللعب بينما مع صديقك الجوال بتتصلك او ارجع البيت او وينك اوكي اخذ راحتك ولا تبطي

لنفرج بمرحلة المراهقة و بعد استلام السيارة الوالدة طلبت منك تروح بيت خالتك فالوكرة مثلا تجيب اغراض او تعطيها اغراض الللخ و بينما فالطريق صار تغير للمخطط بين الوالدة و خالتك تطق مشوار عالفاضي او تعيدة مرتين و ثلاث

بالعكس التلفون احسن شي حاليا صار بوقتنا تقدر تتصل بالشخص و تلقاه بأي لحظة وين ايام التلفونات الأرضية و فلان طلع من البيت و انطر عاد لين ما يجيك او البليب و انطر لين ما يرجع يتصل فيك.


الجوال احسن نعمة صارتلنا بعالما الحالي بحيث انه منافس للابتوب بتطور التكنلوجا خفو الناس الي يمشون بكمبيوتراتهم و اللابتوب.



اهو سلاح ذو حدين و كل واحد و استخداماته
و للأسف في من يستخدمه بالشر و الفسق بس الأغلبية مستفيدين منه. صحيح قطع بعض انماط التواصل التقليدية او ممكن كل افراد العائلة يكونون بنفس المكان و كلن لاهي بس بعد ايضا لما احد يطلع كل افراد العائلة يعرفون اخبار بعض بسبب هالتلفون و اخبار الجيران و العائلة بأكملها

[شيخ الديرة]

أفراد البيت قد تكون مقبولة على أعتبار كل واحد يشوف أو يقرأ اللي مهتم بيه, لكن لما تكون ضيف عند أحد أشوفها تجاهل وقلة أدب أنك عيونك مبقبقة بالموبايل, عليش جاي تبقبق عندي, روح بقبق بمكان أخر.

[حسن]

شوف هو مفيد بس للناس المتقدمه يعني دول العالم المتقدم
اما احنا دول العالم الثالث المتخلف
زادنا تخلفا وتفكك ودمارا وقس على ذالك جميع الاصعده
حوادث طرق طلاقات ابتزاز صور وفايات كوارث اجتماعيه نقل اشاعات
يعني استخدامنا له اسؤ من السئ
لما كنت بالمانيا وعلى حجم الكتله البشريه ماكنت اشوف استخدامهم في التلفون
الا نادرا جدا وان كثر تلفون واحد احنا الكثير يشيل بال3 والا4 يعني مجانين ناقصين
جنون

بس مافي امل تكلمنا ولا ماتكلمنا السيستم قديم

[كازانوفا]

والله ثم والله اساس الزحمه هي الموبايل وهذا اللى شفته بعيني اليووووووووووووووووووووم

[مختلفة عقليا]

السلام عليكم .,

والله كل شخص واستخدامه لهالجوال .,

علي فكره لولا الجوال ., ماعرفنا اعلوم الناس برع قطر .,

والعلاقات شبه منقطعه ., والزيارات بايالله .,

اللحين قاعده في البيت اعرف رفيجاتي شنو البسوا ووين بيرحون وشنو سواو ., ومنو عرست ومنو انجحت .,

وعرفنا حقائق عن دول وايد ., من تصوير مسرب في الجوال ., :nice:

والتويتر ., تواصل بالفكر لا محدود ., مع من ماتبي ,’ بينت لنا (( حقائق الناس )) وطرق تفكيرهم .,

ودعايات واعلام واعلان وبيع وشراء ., كله بالجوال ., :victory:

يعني قبل كانت ثقافتنا بحدود الفريج ,’ اللحين صارت الثقافه انتر ناشونيل .,

بس .,

الاستخدام لازم يكون طبيعي ,’ وصحيح .,

ويسلموو .,

[عثرة جواد]

السلام عليكم

هو من باب حلولانه فيه تواصل اجتماعي

ومن باب هوضرر لانه يشغل الانسان عم اشاء كثيره

بس الافضل يقنن ف البيت يعني انا مرتبه لهم وقت اسمه لمت العيله نقعدنلعب ويابعض
ونسولف نناقش امور
وف السياره اكثرشي السوالف

موضوع عجبني

[أم محمد 90]

أفراد البيت قد تكون مقبولة على أعتبار كل واحد يشوف أو يقرأ اللي مهتم بيه, لكن لما تكون ضيف عند أحد أشوفها تجاهل وقلة أدب أنك عيونك مبقبقة بالموبايل, عليش جاي تبقبق عندي, روح بقبق بمكان أخر.

ولا لين شخص من اصدقائك يحن عليك تطلعون ولما تطلعون يقضي نص الطلعة يطالع جواله ويضحك !!!!!!!