لون العباية تهقون بيتغير

[بنت شرق]

من يراقب موديلات العباية والوانها يشوف بالفترة الاخيرة إنه تم ادخال الوان اضافية للعباية
فهل تتوقعون بعد فتره يتكنسل اللون الاسود ويكون لبنات الفقارى

[qatara]

اصبحت شبه ستاير ملونه وليست عبايات

العابيه للستر


لاكن تحولت للموديلات عمدا لجذب ولفت الانضار لصاحبتها

الا يتقون الله في انفسهم وفي فتن الرجال

وبعدها يقولون الرجال والرجال

الله المستعان

[نيساني]

الله يبعد عنا الفتن ماظهر منها وما بطن


والله اختي في هالزمن كل شي جايز الله المستعان وبخصوص العبايه السوده مب لبنات الفقارى بتكون ان شاء الله للعفيفات


وشكراً

[لبيبة]

العنوان عجيب

فكرت عن صابون غسيل، وقلت ليش مب في قسم الاستفسارات

على العموم

اللي يهمها دينها وتخاف ربها

بتتمسك بعباتها بالشكل اللي يرضي الله (لا تصف ولا تشف)

ولا همها حتى لو كل وحدة قطت عباتها وتخلت عن حشمتها او اتخذت العباية للزينة والزهو

[abu m7md]

اسف اختي بنت الشرق
وينهم العبايات
اذكر فيه سنة 1996 العبايه السوده وسيعه
وفي 2002 اذكر العبايه المخصره
والحين اشوف عبايات حسافه نقول عليها عبايهالعبايه تستر لبس الزينه للمرأه
الحين تطلع البنت وملابسها الداخليه عليها وفوقها عباية اكشخ من ملابسها

انصدمت وانا اتشرى في كارفور الاند مارك
مرت جدامي البنت والفتحه الي جدام للعباية وريلها تطلع ولا ماعليها شي يستر اريولها
على طول قلت يالله سترك
لاحد يقول مستحيل والي مب مصدق بعطيه عيوني يركبها جم يوم ويرجعها لانه فيها ميوري تخزين سعه سنوات للمواقف الحلوه :)



ابو محمد

[العلياا]

العنوان عجيب

فكرت عن صابون غسيل، وقلت ليش مب في قسم الاستفسارات

على العموم

اللي يهمها دينها وتخاف ربها

بتتمسك بعباتها بالشكل اللي يرضي الله (لا تصف ولا تشف)

ولا همها حتى لو كل وحدة قطت عباتها وتخلت عن حشمتها او اتخذت العباية للزينة والزهو



حبيت ردج بصراحة

اما بالنسبة للموضوع بالاخص العنوان انا اعتقد والعلم عند الله
ان فعلاً بيجي اليوم اللي ما راح نشوف فيه عباية لونها اسود

هالفترة خصوصا انصحج روحي احدى المعارض النسائية
والله يشيب شعر راسج والطامة الكبرى ان اللي ادخلوا الالوان للعبايات
هم الحريم اللي اصلا ما يلبسون عبايات

وشكراً :)

[مشتاقة لقطر]

ايه للاسف صار هالشي
رحت معرض بالامارات شفت المصممات
كل وحدة لابسة بيج وبني وغيره من الالوان ومفتوحة طبعا العبايات
على اساس عبايات
وقلدوهم باقي المصممات بعد ماخلو لو قماش ما سووه عباية

[مشـــــاعر]

اصبحت شبه ستاير ملونه وليست عبايات

العابيه للستر


لاكن تحولت للموديلات عمدا لجذب ولفت الانضار لصاحبتها

الا يتقون الله في انفسهم وفي فتن الرجال

وبعدها يقولون الرجال والرجال

الله المستعان

وهآإي آإلصج لو عندهآإ رجآل ماكان سمح لهآإ بهآإلخرابيط . .
لكن وين آإلرجآإل آإلحين ؟؟ نآإدرين إللي يخآإفون على شوفآإتهم . .

[Locale]

لا ماراح يتغير لونها

لكن اتوقع ان ماراح يكون فيه عبايه اصلا

[كاتم الاسرار]

الله المستعان في بعضهم ما ودهم العبايات والله

الله يستر عليهم

[رهج السنابك]

بهالوقت انا اطالب واتمنى ان البنات مايلبسون عبايات كلش

[qatara]

وهآإي آإلصج لو عندهآإ رجآل ماكان سمح لهآإ بهآإلخرابيط . .
لكن وين آإلرجآإل آإلحين ؟؟ نآإدرين إللي يخآإفون على شوفآإتهم . .

القانون كفل لها الحريه الشخصيه والمساواه
بعضهم حتا لو تلبس ثوب عادي مش مساوواه

[JN000N]

سالفة عبايات ملونه كلش مادشت مزاجي
بس ف دولً مجاوره بدو يسوون عبايات كامله لون غير الاسود
طبعا رفيجتي مصممه عبايات قلتبها انتي ناويه تسوين نفسهم؟ قالت لا العبايه مهما صارت كشخه وتغيرت مايتغير لونها الاسود ولا يتغير مفهوم الستر فيها وانا كقطريه اطلع عبايات للمحتمع القطري ابرز فيه الهوية القطريه مادخل عليها اشيا شاذه
ويوم قلتلها لو خسرتي؟ قالت مابخسر لان الي يبي الستر والكشخه بيعرف يختار اما الي لابسه عبايه عشان موضه وكشخه وماهمها الحجاب والستر معروف شبتختار

[@ بوفيصل@]

بهالوقت انا اطالب واتمنى ان البنات مايلبسون عبايات كلش

ممكن توضحين اختي سبب هذي المطالبه ؟؟؟

[يمامـة]

بهالوقت انا اطالب واتمنى ان البنات مايلبسون عبايات كلش

اشكال العبايات مع موضة الترقيع اللي صايرة فيها تذكرني ابشت شيبوب
المرقع .. افقدوا العباية هيبتها وكرامتها ( وايد جرحوها المسكينة ورزلوا فيها)

وفي الأخير اتفق مع لبيبة اللي بتراعي ربها بالفعل ما بترزل
في عمرها ولا في العباية اللي تلبسها..

[يمامـة]

ممكن توضحين اختي سبب هذي المطالبه ؟؟؟

لأنها بشكلها الحالي لا تعتبر عباية

يعني اللي حولت عبايتها عن مسارها الصحيح افضل لها لا تلبسها كلش

عبي العصاقيل تبان من تحتها
وعبي مرقعة
وعبي قصيرة تقول مالت بنت في سن البلوغ
ولها سنتين تلبسها لين قصرت عليها..

وعذرا جاوبت عنها ..

[@ بوفيصل@]

لأنها بشكلها الحالي لا تعتبر عباية

يعني اللي حولت عبايتها عن مسارها الصحيح افضل لها لا تلبسها كلش

عبي العصاقيل تبان من تحتها
وعبي مرقعة
وعبي قصيرة تقول مالت بنت في سن البلوغ
ولها سنتين تلبسها لين قصرت عليها..

وعذرا جاوبت عنها ..
كفيتي ووفيتي الله يرضى عليج
لاني كنت اتمنى ان الاخت الفاضله توضح نقطتها عشان ماتنفهم غلط ويتم الهجوم عليها والدخول في النوايا
انا كنت عارف مقصدها لكن حبيت انها توضح اكثر

[يمامـة]

كفيتي ووفيتي الله يرضى عليج
لاني كنت اتمنى ان الاخت الفاضله توضح نقطتها عشان ماتنفهم غلط ويتم الهجوم عليها والدخول في النوايا
انا كنت عارف مقصدها لكن حبيت انها توضح اكثر

ويرضى على الجميع آمين..

عذرا للمرة الثانية لأني اعرف تفكيرها فجاوبت عنها..

[الجوهرة الثمينة]

,

حلاة العبايه ساده وواسعه ماتفصل الجسم ، الوحده فينا لو اهلها اسمحوا لها بحرية اللبس المفروض تحكم ضميرها

لأنها تثير غرائز الرجال وهالشي هي المحاسبه عنه امام ربها ... ياليت مصمماتنا يعيدون موديل العبايه الواسعه وبدون الوان ويراعون الله في هالبنات

[khalid525]

مع الزمن اتوقع يتغير اللون

[Dana’1]

من سنة الطبعة والناس تتلفع بالأبيض أؤ الأسود وأحيان يدخل الأخضر والذهبي :)
المشكلة مو باللون أبدا....المشكلة بالموديل
يعني لو شفت عباية سودا سواد الكحل..لكن ضييقة أو تصف ما تحتة ...وإلا عباية لونها كحلي أو بني بس واااسعة ما تشف ولا تصف ما تحتة أيهم أفضل؟

[Ţĥę őήę]

ادخال الألوان موضة مثل غيرها بتختفي بعد فترة مثلها مثل موضة عبارات الفراشة والدانتيل وغيره....

[رهج السنابك]

ويرضى على الجميع آمين..

عذرا للمرة الثانية لأني اعرف تفكيرها فجاوبت عنها..

يالبى الي فاهمتني
جوتييييم:shy: >اذا خريجة ادبي فرنسي بتعرفينها

[حسن]

العباية اصلا في الاندثار خلال السنوات من 5 إلى 10
وهذا شي طبيعي نظرا لانفتاح المجتمع على الثقافات الاخري
ولنا بالكويت مثل

الله
مسئله وقت فقط

[حمد 2002]

العباية اصلا في الاندثار خلال السنوات من 5 إلى 10
وهذا شي طبيعي نظرا لانفتاح المجتمع على الثقافات الاخري
ولنا بالكويت مثل

الله
مسئله وقت فقط

وهل الثوب الرجالي بيندثر كذلك ؟

[حسن]

وهل الثوب الرجالي بيندثر كذلك ؟

سؤال عظيم يااخوي حمد
الثوب اتوقع لا في الفتره الحاليه يعني ال20 سنه جايه
بخصوص هناك ضغط من قبل المجلس بالالتزام بالثوب في المدارس القطريه
وهذا شي طيب ويحسب الى الامير
ولا كان الحين 80% من ملابس طلبه المدارس بناطلين وعلى حسب المناطق
خبرك التغير دائما يكون من الوسط وثم ينتقل الى الاطراف

الى اذا حلت الكارثه ياحمد

[الكاسر007]

الله المستعان

[النهار]

سؤال عظيم يااخوي حمد
الثوب اتوقع لا في الفتره الحاليه يعني ال20 سنه جايه
بخصوص هناك ضغط من قبل المجلس بالالتزام بالثوب في المدارس القطريه
وهذا شي طيب ويحسب الى الامير
ولا كان الحين 80% من ملابس طلبه المدارس بناطلين وعلى حسب المناطق
خبرك التغير دائما يكون من الوسط وثم ينتقل الى الاطراف

الى اذا حلت الكارثه ياحمد

انا مادري ليش اموت في لعبة كرة الطائره ههههههههههههههههههههه

[غزلان]

مايهم اللون كثر مايهم انها تكون ساتره ووسيعه

[Rosso]

اهم شي تستر

[بومحمد911]

في بعض البنات عبايتها يبي لها عباية تستر عليها الله يهديهم ويصلحهم اذا شفت بنت لابسه عبايه مخصره وفيها الوان القوس قزح وطالعه السوق تااكد ان وراها واحد ماتت عنده الغيره

[Qatar Perfume]

العباية في الاصل مب سودا ... فلو تغير لونها ما اشوف فيها شي المهم انها ساتره..

تذكرت هالبيت..

قل للمليحة بالخمار الاسود ... ماذا فعلت بناسك متعبد

سالفه هالبيت ان كان فيه تاجر راح للمدينة المنوره يبيع عبايات او ذاك الوقت اسمه الخمار و كان ملون المهم ان البضاعه خلصت و مابقى الا اللون الاسود..

جاه الشاعر و قال له انا باخليك تبيع اللون الاسود و قال هالبيت.. قل للمليحة بالخمار الاسود ... ماذا فعلت بناسك متعبد

من عقب ما سمعو النسوان هالبيت شرو اللون الاسود..

[خزامئ]

الون مش مهم
المهم اتكون ساتره
ياما شفنا عبايه سودا
بس ابعد ماتكون من الستر اتقول فستان

[Rider]

العباءة الملونة ليست عباية شرعيه هي للجذب

[qatara]

الخلاصه العبايه للستر وليست للاستعراض ومن لونتها او زركشتها
اوخصرتها ستجذب الانضار فهي اثمه في الناس ونفسها
فلبس الشخص يعطي انطباع عن شخصيته

والله يهدي المكابرات ويستر على اخواتنا
وبناتنا القطريات وغير القطريات على كل مسلمه موحده

[حسن]

الحين هناك عبايات كانها بشوت للنسوان ومطرزه بالزري ماتفرق بينها وبين البشت
الى متى السكوت يارجال

اخر مايميزك البشت وفصلو مثله ايش بقى عاد
باقي ثيابنا وغترنا وعقلنا

نسخه للمدعو حمد = بوشهاب


:telephone:

[عثرة جواد]

مساء الخير

انا حابه اعرف هل ورد ف الأثر ان العبائه لازم تكون سوداء

ام ورد لستر

[Qatar Perfume]

الحين هناك عبايات كانها بشوت للنسوان ومطرزه بالزري ماتفرق بينها وبين البشت
الى متى السكوت يارجال

اخر مايميزك البشت وفصلو مثله ايش بقى عاد
باقي ثيابنا وغترنا وعقلنا

نسخه للمدعو حمد = بوشهاب


:telephone:

عبايه البشت اصلا تراثيه حريم اول لين اكشخو البسو عبايه مطرزه نفس البشت فلا تستغرب

[qatara]

مساء الخير

انا حابه اعرف هل ورد ف الأثر ان العبائه لازم تكون سوداء

ام ورد لستر


للستر لما تكون سودا وفضفاضه فهي للستر
ولما تكون مخصره و مزركشه فهي لجذب النظر


ولكي نقطع الشك باليقين تفضلي

http://www.qatarshares.com/vb/showthread.php?589245-حكم-لبس-العباءات-المزركشة-والمخصّرة-واللماعة-وحكم-بيعها؟&p=9657667#post9657667

[يمامـة]

يالبى الي فاهمتني
جوتييييم:shy: >اذا خريجة ادبي فرنسي بتعرفينها

جو سوي ديزوليه ... اكس كوزيه موا
للأسف مب خريجة فرنسي ولا ادبي كنت فاشلة في العلمي :shy:

لكن عندي في البيت اللي يدرسون لغات واستعين فيهم في هاللغة
واذا استصعب علي شي مسيووو جوجل واقف بجانبي في كل خطواتي
مغسي بكو ارسطو:shy:

[يمامـة]

مايبيلها اثر فب الفطره والبديهه يعرف ان

للستر لما تكون سودا وفضفاضه فهي للستر
ولما تكون مخصره و مزركشه فهي لجذب النظر

مايبيلها فهلوه

اتفق معاك ..

المشكلة الحين مب في اللون الموحد للعباية
تلقى الأسود ودخل عليه الوان واشكال وفي الأخير يقولون لك
المشكلة مب في اللون....................> دام انه ملفت فهو طلع من شباك الستر..

[qatara]

اتفق معاك ..

المشكلة الحين مب في اللون الموحد للعباية
تلقى الأسود ودخل عليه الوان واشكال وفي الأخير يقولون لك
المشكلة مب في اللون....................> دام انه ملفت فهو طلع من شباك الستر..

تفضلي
http://www.qatarshares.com/vb/showthread.php?589245-حكم-لبس-العباءات-المزركشة-والمخصّرة-واللماعة-وحكم-بيعها؟&p=9657667#post9657667

[ابن قطر]

الافضل يتغير لاي لون فاتح لان اللون الاسود ثبت يقلل فيتامين د بالجسم

[عثرة جواد]

للستر لما تكون سودا وفضفاضه فهي للستر
ولما تكون مخصره و مزركشه فهي لجذب النظر


ولكي نقطع الشك باليقين تفضلي

http://www.qatarshares.com/vb/showthread.php?589245-حكم-لبس-العباءات-المزركشة-والمخصّرة-واللماعة-وحكم-بيعها؟&p=9657667#post9657667

العبائه الضيقه او المخصره هاي الحرام ..
(ولا يبدين زينتهن إلا ما ظهر منها )

بس لوفيها الاوان لم يرد فيها

[أم محمد 90]

ذكرتيني يوم كنت بالامارات

قامو يلبسون عباية (كحلية كااااااااااااااااااااااااااااملة) ,

عموماً هو يرجع للوازع الديني + التربية + اهتمام الاهل ,

البنت اذا مالقت حد يقولها لا وعيب وحرام وانتبهي بتكمل فالطريج الغلط .,

بس بعد من وجهة نظري ( حرية شخصية) انا لا مرت بنت قدامي لابسة عباية اوفر , ما اعلق يمكن لاني تعودت هالمناظر ف الجامعة .




(عباية كل بنت تحدد شنهي تربيتها واخلاقها للعلم بس )

[دااانة قطر]

دخلت الالوان فيها ويمكن تتحول لعباءه ملونه بالكامل



اسف اختي بنت الشرق
وينهم العبايات
اذكر فيه سنة 1996 العبايه السوده وسيعه
وفي 2002 اذكر العبايه المخصره
والحين اشوف عبايات حسافه نقول عليها عبايهالعبايه تستر لبس الزينه للمرأه
الحين تطلع البنت وملابسها الداخليه عليها وفوقها عباية اكشخ من ملابسها

انصدمت وانا اتشرى في كارفور الاند مارك
مرت جدامي البنت والفتحه الي جدام للعباية وريلها تطلع ولا ماعليها شي يستر اريولها
على طول قلت يالله سترك
لاحد يقول مستحيل والي مب مصدق بعطيه عيوني يركبها جم يوم ويرجعها لانه فيها ميوري تخزين سعه سنوات للمواقف الحلوه :)



ابو محمد



للاسف كلاامك صحيح

[qrt_trading]

مش مهم لون العباية المهم الشكل والتفصيل لما تكون واسعة وفيها اشوي تطريز عن العين والخاطر هذي مسموح فيها بنظري ومستقبلا بإذن واحد احد باسمح فيها لبناتي بس الضيقة والمخصره واللوان ريش الطاووس فيها لا وإذا سووها باخبزهم عدل، اخر مره جربت ارجع للعباية الساده اللي مثل الجلابيه او الثوب امسكره والرقبه مستوره يعني مش الفتحه اللي مثل حرف ال v لها أبه والكم حطيت فيه استيك علشان ما يرتفع وحطيت لي مخابي في كل صوب وعجبني الموضوع حريه والله ممكن لين اتروحين السوق ولا جمعيه على السريع اتحطين جوالج وبوكج في المخابي وتقطين الشنطه في السيارة وتمشين صراحه يحس الواحد انه خفيف بدون الشنطه.

[Dmy Enabi]

الأصل في اللباس الستر وليس اللون
مايهم تغير اللون ولا لا

[العنيده]

مع التغيررات كل شي جايز والله المستعان

[غايه الطواش]

العبايه لبس خليجي
لان وايد دول مسلمه سواء عربيه او غيرها حريممهم ما يلبسون عبي
الأصل البس الواسع الغير ملفت

[um.7moody]

هو تغيير لونها اصلاً الحين العبايه صار لونها رمادي وبيج و كحلي وبني وإلا عبايه شفافه وبطانتها ملونه

بذمتكم هاذي عبايه وإلا جلابيه