The Master
13-07-2014, 06:28 AM
http://ae7m.com/blog/wp-content/uploads/2014/07/capt_ali82-763255605854202299_26639345.jpeg
في احد المجالس...يجتمع فيه اربع اشخاص او خمسه...يزيدون او ينقصون واحد...ضحك ومزح وسوالف...كرة قدم دين مسلسلات افلام سياسة...مواضيع يتكلمون عنها من خلال وجودهم...
اوشششش اوشششش..لحظة شباب...طول طول عالتلفزيون شوي...شوف شوف مب هذي الرقاصه "فلانه"...هااا ايييي صح صح هذي هي...اشعندها طالعه ف الأخبار...
"وقد صرحت الفنانة "فلانه" ب انها ستقوم كا عادتها كل سنه ب توفير موائد الرحمن للصائمين..."
قطع الخبر ضحكه استهزاء بصوت عالي...وتلاها...مابقت الا هذي ...ربي ماراح يتقبل منها...ف كيف الناس اتروح وتاكل عندها...
وواحد ثاني يقول...اي والله ذاك اليوم امسوين معاها لقاء بالتلفزيون واتقول انها دايما تقرا قرآن واتصلي...في الحديث من صلاته لم تنهاه عن المنكر فا لاصلاة له"
وختمها الثالث...وهذا اشدهم تدينا...وقال هالأشكال عالة عالمجتمع ويجب محاربتها لأنها اتأثر عالمجتمع...وتقود الناس للحرام...واتخرب اعيالنا...
كان هناك شخص من بينهم...ماتلكم وماعلق...ف اثار فضولهم...اسالوه ...ها بوفلان...وش رايك؟ ترضى هالاشكال اتسوي خير وهي ترتكب الحرام؟
بوفلان اخذ نفس عميق...لعلمه ان اللي بيطلع من فمه...ماراح يمر مرور الكرام...وقال "أنا اشوف انه شي طيب...ويبشر ب الخير...واتمنى انها اتزيد من هذه الاعمال"
عيون تبققت...حلوج اوسعت...حواجب انقزت...
وكلهم بصوت واحد..."وشووووووووووووو..."
قال لهم..هدوا هدوا شوي...وباقول وجهة نظري...يمكن توصلكم الفكره...
كلامي للأول...
اتقول ان ربي ماراح يتقبل منها...مع احترامي لشخصك...وانت من عشان تتكلم مكان الله؟
ربي هو الحاكم...وهو الامر وهو الناهي...ف محد يعلم هل تم قبوله ام لا...
انت الحين لما اتروح اتصلي...هل تعلم ان ربي قبل صلاتك او لا؟...طبعا لا...العلم عند الله...
كل ماعليك هو الاجتهاد ف العمل...واخلاص النيه لله سبحانه...
اما عن الناس اللي كيف انها تقبل تاكل عندها...امممم لاتظن ان الناس كلها مثلي ومثلك في نعمه وخير...وعندها اللي يكفيهم وزود...ملايين مب لاقيه تاكل...ف الظروف تحكم...
وهناك ايضا امور انت لاتعلمها...وهي ان من وين جابت المال اللي اطعمت فيه الناس؟...هل هو حلال ام حرام...
والكلام اللي يجب ان يوصل للثاني...
اولا هذا مش حديث...باطل...وانما مثل يقال بين الناس...بناء ع الآيه في القرأن "ان الصلاة تنهى عن الفحشاء والمنكر"
وعن ان الرقاصة اتصلي وتقرا قرآن...اممممم هل اتشوف ان هذا شي سيئ؟
بالنسبه لي اشوف شي جدا طيب وجميل...ويبشر بالخير...لأن هذا دليل انها واعيه...وفيها بعض من الإيمان...
انا معاك ان العمل اللي هي اتسويه غلط وحرام...لكن هذا لايعفينا احنا ك بشر...
هذا احنا انغلط ونذنب ونعصي...وانصلي ونقرا قرآن ونذكر ربنا...ف هل هذا يعني ان احنا لنا الحق وهي لا ؟
وليه اتكذبها؟...هل انت تدري وش يصير في حياتها؟...وهل شققت عن قلبها؟
اشيا كثيره نقدر نحسن الظن فيها وانفكر فيها ب ايجابيه ونعذر الناس...لكن مشكلتنا دايما مانفكر الا بسوء الظن...
اما بخصوص المجتمع...وانها اتأثر على عيالنا...
تبغي اتغير المنكر...بيدك بلسانك ...في هالوقت غالبا مالك الا قلبك...
هذا طبعا موضوع كبير...وله عوامل كثيرة...
بس اللي اقدر اقوله لك...
تربيتك...هي الأهم...وهي الأولى...
لما اتربي عيالك صح...واتفهمهم الصح من الغلط وهم صغار...واتبين لهم الفرق بين هذا الطريق وذاك...والأهم تذكر الأسباب...ليه هذا الطريق صح...وليه هذا الطريق غلط...
لأن اذا بتتبع طريقة الأولين واللي يتبعونها الكثير حاليا...وهي انك اتقول "لاااا"...بدون لاتذكر الاسباب والمبررات...صدقني ماراح توصل لشي...وكأنك ماسويت شي...وعيالنا ماراح يميزون هذا او ذاك...مجرد ابهاتنا قالوا لا...وخلاص...ف التأسيس غلط...
بيشوف الرقاصة...بينبهر...ويمكن يجرفه التيار،،،طبيعتنا ك بشر فينا فضول...انحب انشوف وانجرب...لكن اذا اساسك صح...مرده بيرجع للصواب...وهذي سياستي ف الحياة...ومؤمن بها...
وحبيت اذكركم...
عن قصة الرجل اللي قتل 99 نفس...ولما راح لشيخ دين وقال له ابغي اتوب وانا قتلت 99 نفس...
قال له مالك توبه
قام وقتله وكمل مئة نفس...
وبعدها راح حق عالم دين اخر...وقال له اني قتلت مئه نفس وابغي اتوب...قال له ومن يحول بينك وبين التوبه...
والقصة انتوا عارفين التكمله...
القصد ان اي ذنب اعظم بعد الشرك من قتل النفس...مع ذلك اراد التوبه...ويبغي يرجع الى الله...ولما ذهب للراهب الاول...عظم ذنبه وماشاف الخير اللي الرجل يبغيه وهو التوبه...وحكم عليه من ذنوبه...ف قال له مالك توبه...
عكس الراهب الثاني...اللي ميز الخير في قلب الرجل...ونصحه...ولعلمه ان لايغفر الذنوب الا الله...مش احنا البشر اللي نحكم...وانقرر...
القصد من هذا الموضوع...
الإبتعاد عن الحكم عالبشر بمجرد رؤيتنا لتصرفاتهم او اعمالهم...وفرض احكام بالجنة والنار...
بتقول هذا تصرف خاطئ...وحرام...ك فعل...اتفق معاك...وبس
اما الباقي بيد رب العالمين...
وعشان ما اطيل عليكم...
حديث الرسول عليه الصلاة والسلام...
[ إن أحدكم ليعمل بعمل أهل الجنة حتى ما يكون بينه وبينها ذراع فيسبق عليه الكتاب فيعمل بعمل أهل النار فيدخلها ..
وإن أحدكم ليعمل بعمل أهل النار حتى ما يكون بينه وبينها ذراع فيسبق عليه الكتاب فيعمل بعمل أهل الجنة فيدخلها ]
المقصود بالحديث بالمختصر...هو ناس اتشوفهم يعملون عمل صالح...قدامك...لكنه رياء وسمعه...ومنهم المجاهدين والعلماء...
ف انت ك شخص اتشوفهم اتقول هذول في الجنه...وهم في النار...
عكس بعض البشر اللي يكون عملهم حرام...وانت اتشوف انهم هالكين لامحاله في جهنم...لكن قبل لايموتون يتوبون بفضل من الله ف يقبل الله توبتهم فيكونوا في الجنه برحمة من الله...
وانهيها ب قصة البغي اللتي سقت كلب يلهث من العطش...ف غفر الله لها ورحمها وادخلها الجنه...
ولاتحقرن من المعروف شيئا...سبحان الله ماتدري يمكن هذا العمل قد يقربك لله تعالى...ورضاه...
السموحة عالإطاله...
واتمنى ان فكرتي اوصلت...
اخوكم علي...
ملاحظة..."الموضوع اخد منكم 4 دقايق قراءة..."
في احد المجالس...يجتمع فيه اربع اشخاص او خمسه...يزيدون او ينقصون واحد...ضحك ومزح وسوالف...كرة قدم دين مسلسلات افلام سياسة...مواضيع يتكلمون عنها من خلال وجودهم...
اوشششش اوشششش..لحظة شباب...طول طول عالتلفزيون شوي...شوف شوف مب هذي الرقاصه "فلانه"...هااا ايييي صح صح هذي هي...اشعندها طالعه ف الأخبار...
"وقد صرحت الفنانة "فلانه" ب انها ستقوم كا عادتها كل سنه ب توفير موائد الرحمن للصائمين..."
قطع الخبر ضحكه استهزاء بصوت عالي...وتلاها...مابقت الا هذي ...ربي ماراح يتقبل منها...ف كيف الناس اتروح وتاكل عندها...
وواحد ثاني يقول...اي والله ذاك اليوم امسوين معاها لقاء بالتلفزيون واتقول انها دايما تقرا قرآن واتصلي...في الحديث من صلاته لم تنهاه عن المنكر فا لاصلاة له"
وختمها الثالث...وهذا اشدهم تدينا...وقال هالأشكال عالة عالمجتمع ويجب محاربتها لأنها اتأثر عالمجتمع...وتقود الناس للحرام...واتخرب اعيالنا...
كان هناك شخص من بينهم...ماتلكم وماعلق...ف اثار فضولهم...اسالوه ...ها بوفلان...وش رايك؟ ترضى هالاشكال اتسوي خير وهي ترتكب الحرام؟
بوفلان اخذ نفس عميق...لعلمه ان اللي بيطلع من فمه...ماراح يمر مرور الكرام...وقال "أنا اشوف انه شي طيب...ويبشر ب الخير...واتمنى انها اتزيد من هذه الاعمال"
عيون تبققت...حلوج اوسعت...حواجب انقزت...
وكلهم بصوت واحد..."وشووووووووووووو..."
قال لهم..هدوا هدوا شوي...وباقول وجهة نظري...يمكن توصلكم الفكره...
كلامي للأول...
اتقول ان ربي ماراح يتقبل منها...مع احترامي لشخصك...وانت من عشان تتكلم مكان الله؟
ربي هو الحاكم...وهو الامر وهو الناهي...ف محد يعلم هل تم قبوله ام لا...
انت الحين لما اتروح اتصلي...هل تعلم ان ربي قبل صلاتك او لا؟...طبعا لا...العلم عند الله...
كل ماعليك هو الاجتهاد ف العمل...واخلاص النيه لله سبحانه...
اما عن الناس اللي كيف انها تقبل تاكل عندها...امممم لاتظن ان الناس كلها مثلي ومثلك في نعمه وخير...وعندها اللي يكفيهم وزود...ملايين مب لاقيه تاكل...ف الظروف تحكم...
وهناك ايضا امور انت لاتعلمها...وهي ان من وين جابت المال اللي اطعمت فيه الناس؟...هل هو حلال ام حرام...
والكلام اللي يجب ان يوصل للثاني...
اولا هذا مش حديث...باطل...وانما مثل يقال بين الناس...بناء ع الآيه في القرأن "ان الصلاة تنهى عن الفحشاء والمنكر"
وعن ان الرقاصة اتصلي وتقرا قرآن...اممممم هل اتشوف ان هذا شي سيئ؟
بالنسبه لي اشوف شي جدا طيب وجميل...ويبشر بالخير...لأن هذا دليل انها واعيه...وفيها بعض من الإيمان...
انا معاك ان العمل اللي هي اتسويه غلط وحرام...لكن هذا لايعفينا احنا ك بشر...
هذا احنا انغلط ونذنب ونعصي...وانصلي ونقرا قرآن ونذكر ربنا...ف هل هذا يعني ان احنا لنا الحق وهي لا ؟
وليه اتكذبها؟...هل انت تدري وش يصير في حياتها؟...وهل شققت عن قلبها؟
اشيا كثيره نقدر نحسن الظن فيها وانفكر فيها ب ايجابيه ونعذر الناس...لكن مشكلتنا دايما مانفكر الا بسوء الظن...
اما بخصوص المجتمع...وانها اتأثر على عيالنا...
تبغي اتغير المنكر...بيدك بلسانك ...في هالوقت غالبا مالك الا قلبك...
هذا طبعا موضوع كبير...وله عوامل كثيرة...
بس اللي اقدر اقوله لك...
تربيتك...هي الأهم...وهي الأولى...
لما اتربي عيالك صح...واتفهمهم الصح من الغلط وهم صغار...واتبين لهم الفرق بين هذا الطريق وذاك...والأهم تذكر الأسباب...ليه هذا الطريق صح...وليه هذا الطريق غلط...
لأن اذا بتتبع طريقة الأولين واللي يتبعونها الكثير حاليا...وهي انك اتقول "لاااا"...بدون لاتذكر الاسباب والمبررات...صدقني ماراح توصل لشي...وكأنك ماسويت شي...وعيالنا ماراح يميزون هذا او ذاك...مجرد ابهاتنا قالوا لا...وخلاص...ف التأسيس غلط...
بيشوف الرقاصة...بينبهر...ويمكن يجرفه التيار،،،طبيعتنا ك بشر فينا فضول...انحب انشوف وانجرب...لكن اذا اساسك صح...مرده بيرجع للصواب...وهذي سياستي ف الحياة...ومؤمن بها...
وحبيت اذكركم...
عن قصة الرجل اللي قتل 99 نفس...ولما راح لشيخ دين وقال له ابغي اتوب وانا قتلت 99 نفس...
قال له مالك توبه
قام وقتله وكمل مئة نفس...
وبعدها راح حق عالم دين اخر...وقال له اني قتلت مئه نفس وابغي اتوب...قال له ومن يحول بينك وبين التوبه...
والقصة انتوا عارفين التكمله...
القصد ان اي ذنب اعظم بعد الشرك من قتل النفس...مع ذلك اراد التوبه...ويبغي يرجع الى الله...ولما ذهب للراهب الاول...عظم ذنبه وماشاف الخير اللي الرجل يبغيه وهو التوبه...وحكم عليه من ذنوبه...ف قال له مالك توبه...
عكس الراهب الثاني...اللي ميز الخير في قلب الرجل...ونصحه...ولعلمه ان لايغفر الذنوب الا الله...مش احنا البشر اللي نحكم...وانقرر...
القصد من هذا الموضوع...
الإبتعاد عن الحكم عالبشر بمجرد رؤيتنا لتصرفاتهم او اعمالهم...وفرض احكام بالجنة والنار...
بتقول هذا تصرف خاطئ...وحرام...ك فعل...اتفق معاك...وبس
اما الباقي بيد رب العالمين...
وعشان ما اطيل عليكم...
حديث الرسول عليه الصلاة والسلام...
[ إن أحدكم ليعمل بعمل أهل الجنة حتى ما يكون بينه وبينها ذراع فيسبق عليه الكتاب فيعمل بعمل أهل النار فيدخلها ..
وإن أحدكم ليعمل بعمل أهل النار حتى ما يكون بينه وبينها ذراع فيسبق عليه الكتاب فيعمل بعمل أهل الجنة فيدخلها ]
المقصود بالحديث بالمختصر...هو ناس اتشوفهم يعملون عمل صالح...قدامك...لكنه رياء وسمعه...ومنهم المجاهدين والعلماء...
ف انت ك شخص اتشوفهم اتقول هذول في الجنه...وهم في النار...
عكس بعض البشر اللي يكون عملهم حرام...وانت اتشوف انهم هالكين لامحاله في جهنم...لكن قبل لايموتون يتوبون بفضل من الله ف يقبل الله توبتهم فيكونوا في الجنه برحمة من الله...
وانهيها ب قصة البغي اللتي سقت كلب يلهث من العطش...ف غفر الله لها ورحمها وادخلها الجنه...
ولاتحقرن من المعروف شيئا...سبحان الله ماتدري يمكن هذا العمل قد يقربك لله تعالى...ورضاه...
السموحة عالإطاله...
واتمنى ان فكرتي اوصلت...
اخوكم علي...
ملاحظة..."الموضوع اخد منكم 4 دقايق قراءة..."