المساعد الشخصي الرقمي

مشاهدة النسخة كاملة : كيف امنع ابنائي من السهر ؟



الجنوبي
13-07-2014, 12:30 PM
بمجرد انتهاء الامتحانات ، عيالي قاموا يسهرون لين الصبح ،
ليلهم نهار ونهارهم ليل
حاولت معاهم بالنصح بالطيب بالشدة وبالعنف منعت منهم كل شي ، مافي فايدة ابداااً
حاولت اني امنعهم من رقاد العصر علشان يتعدل رقادهم ، بعد مافي فايدة
لازم يسهرون حتى لو مافيه شي بعد يسهرون !
والله اني عجزت معاهم

ابي اعرف هل عندكم نفس النظام ؟ وشالحل معاهم ؟

جزاكم الله خير

Aaziz
13-07-2014, 12:34 PM
اقتراح من عندي والله اعلم .. اصبر عليهم لين عقب رمضان
و اوعدهم بسفره .. و بعد العيد خذ العايله 3 ايام للعمره بالسياره ،، في السفره بيعتفس نومهم بزياده و بيصير مظبوط .
وفي العمره حاول توعيهم بدري و سو جوله سياحيه في الهدى و غيره تكون الصباح بدري .
و اذا رديت الدوحه حط قانون صارم و تابعه انهم لازم مثلا 9 واعيين

هذا والله اعلم

ضوى
13-07-2014, 12:44 PM
بصراحة هالاجازة عفست جدولهم بالمرة ، هذا انا عيالي يسهرون لين عقب صلاة الفجر يردون ينامون لين صلاة الظهر ويردون ينامون لين صلاة العصر وخلاص من عقب صلاة العصر قاعدين لين صلاة الفجر ، هذا جدول رمضان بالايام العادية حتى بالاجازة مايطولون لين 12 حدهم وبزيادة بعد ، اما شنهو الحل معاهم فعلى الاغلب لانه رمضان الليل قصير مافي وقت بين التراويح والسحور فالناس كلها تنطر صلاة الفجر وبعدها تنام وتريح واتوقع عيالك بعد الاجازة بيتضبط يومهم خاصة اذا سحبت كل شي من تحت ايدهم

بيرق_المجد
13-07-2014, 01:00 PM
عندنا وعندكم خير crazy رمضان الجدول مفتوح على مصراعيه يسرحون ويمرحون بعد العيد لازم تشوفين لهم نادي السباحه او الفروسيه اقل شي تغطين وقت الفراغ عندهم والله يصلحم جميع مدوخينا الله يسامحك يالمجلس الاعلى اجازه قدام رمضان بيومين من تعب الاختبارات الى سهر ليالي رمضان:omen2:

طير حوران
13-07-2014, 01:04 PM
بصلاة جميع الاوقات في المسجد

ضوى
13-07-2014, 01:05 PM
بصلاة جميع الاوقات في المسجد

والله يا طير حوران عيالي كل الصلوات بالمسجد ولله الحمد لكن السهر صار عادة عندهم برمضان

حمد 2002
13-07-2014, 01:08 PM
الكبار يسهرون فما بالكم بالصغار ؟!!

السهر عادي مدامهم ماشين بالسليم وماعليهم كلام ..

طير حوران
13-07-2014, 01:13 PM
والله يا طير حوران عيالي كل الصلوات بالمسجد ولله الحمد لكن السهر صار عادة عندهم برمضان

هلا والله اختي العزيزه/ضوى

الابناء اللذين يؤدون جميع الاوقات في المسجد تأكدي انه مع الاستمرار على ذلك فاءنهم بعد رمضان سيعمل ذلك على تغيير النظام لديهم

اما ان كان السؤال محدد بشهر رمضان فالوضع طبيعي ومقبول الى صلاة الفجر

abu m7md
13-07-2014, 01:26 PM
كم اعمارهم

MAZEN37
13-07-2014, 02:00 PM
مشكل سيم سيم
عموما انا مطنش لين عقب العيد

عثرة جواد
13-07-2014, 02:08 PM
انا بعد عيالي يسهرون

بس انا حطيت لهم جدول فيه قرائة قران صلاة حفظ سورة تبارك يقعدون ع النت

ع شان جي يرقدون بعد الصلاة الحمدلله

Rashid554
13-07-2014, 02:21 PM
في رمضان السهر مسموح لين الساعه 4:30 هذا الطبيعي حتى الموظفين

الجنوبي
14-07-2014, 08:56 AM
الله يكون بالعون ، الظاهر انها مشكلة عند الجميع ، وماادري شنهي المتعة فالسهر ، الله يهدينا ويهديهم

كلام ساخر
14-07-2014, 09:09 AM
اهم شي يصلون في المسجد
ويقرون قران
ويصلون التراويح
عقب العيد يصير خير
وعلى فكرة المتعة عند الاطفال والمراهقين غير عن الكبار
لكن شلون نوجه هالشي بشكل ايجابي

طبيب قطري
14-07-2014, 09:58 AM
انا بعد عيالي يسهرون

بس انا حطيت لهم جدول فيه قرائة قران صلاة حفظ سورة تبارك يقعدون ع النت

ع شان جي يرقدون بعد الصلاة الحمدلله

ماشاءالله هذي التربيه السليمه..

عثرة جواد
14-07-2014, 01:52 PM
ماشاءالله هذي التربيه السليمه..


ماعليك زود اخوي

abuammar
14-07-2014, 06:22 PM
اظن هذا الوضع حاليا عند الجميع المهم يحافظون على الصلاه وقراءة القران فى هذا الشهر الكريم
وبعد رمضان بيتغير الوضع ان شاء الله

alsoq
14-07-2014, 09:05 PM
اقطع الواير لس في البيت:)

منابر خالده
14-07-2014, 09:52 PM
الوضع عادي في شهر رمضان

alsenator
15-07-2014, 02:17 AM
خذها مني كل ما شفت نومهم اخترب حاول تفصل المكيف في النهار حتى لو من الكهرب الرئيسي وشغلة في الليل


وابشر بالنتايج

بوحارب
15-07-2014, 02:42 AM
هذا الحال عليه اغلب البيوت في قطر اثناء الإجازات السنوية ورمضان

الامر عادي وممتع ;)

kuwari
15-07-2014, 05:04 AM
صلاه المسجد وثاني شي انك ما تسهر وطف النت والتلفزيون وشيل عنهم وساءل التكونولوجيا

umhend
15-07-2014, 05:20 AM
اذا تبيهم ينامون طف كل شي عنهم وخذ كل شي من يدهم بيتقلبون وبينامون واذا تبيهم يصحون طف المكيفات شوي وبيتقاحصون من الحر
وبعد رمظان انديه ونشاطات والله يحفظهم هالعيال ويبلعنا فيهم

أسد الجزيرة
15-07-2014, 07:53 AM
طرشهم بيت جدتهم :cool:

7llo
15-07-2014, 10:00 AM
نصيحه ودهم مسبح ولا بحر وخلهم يتسبحون ساعه ونص ساعتين وانت انزل تسبح معاهم وشوف عقب بيرجعون البيت بياكلون وطخخخ رقاد لين ثاني يوم ههههههههههه

غايه الطواش
15-07-2014, 10:05 AM
نصيحه ودهم مسبح ولا بحر وخلهم يتسبحون ساعه ونص ساعتين وانت انزل تسبح معاهم وشوف عقب بيرجعون البيت بياكلون وطخخخ رقاد لين ثاني يوم ههههههههههه

اما في هاذي صدقت احسن وسيله لتعديل النوم

حسن
15-07-2014, 10:14 AM
اما في هاذي صدقت احسن وسيله لتعديل النوم

شدعوه

وش سالفه ذا النوم هل قطر جوها اصبح ملوث ؟
وايد يشتكون من النوم ؟

الله يفكنا من المشاكل النفسيه في المستقبل

اتوقع كل بيت في واحد ولا اثنين

:)

غايه الطواش
15-07-2014, 10:39 AM
خليت كل الردود نقزت على ردي !!

حسن
15-07-2014, 10:45 AM
خليت كل الردود نقزت على ردي !!

السموحه

:)

هل الايام عصبيتي زايده من واحد ناضلني يناقله حمد

حقك علي

عديها هل المره علشان عشره المؤسسين

:)

عثرة جواد
15-07-2014, 11:13 AM
هههههههه

الحلول كلها ارهابيه ليش

keep calm
19-07-2014, 12:41 AM
المسائلة كلها طاقه لابد ان تستهلك خلال النهار والموضوع منتهي أسئلني ايام الخدمة الوطنية كنت أنام 9 المسا بسبب الإجهاد وانا ما أتذكر في حياتي أني نمت 9 أصلا عليك وعلى برنامج في العديد من الأنشطة الحركية يرضاه بحر ومنهالقبيل