شركة كيوجت والدوامات في الشهر الكريم

[math~story]

السلام عليكم ورحمة الله وبركاته....
أخواني في هذا الشهر الكريم لفت انتباهي وضع شركة كيوجت لوقود الطائرات
حيث تضغط على الموظفين في هذا الشهر مما يجعل البعض منهم يفطروا في نهار
رمضان فهل هذا يعقل؟
بالإضافة الى انه لا يوجد بدل امان للموظفين(سيفتي).حيث ان البعض منهم لديه
اسرة واطفال.....
الا يوجد رقابة لمثل هذه الشركات ؟من المسؤول؟
أتمنى النظر في امر هذه الشركة...
والكراف الذي يكرف به الموظفين....
خاصة وان هذه الشركة في دوله خليجية مسلمة عربية

[احب قطر]

في قانون لعدد ساعات العمل خلال شهر رمضان ، وإذا اي شركة تخالفه ممكن اي موظف يروح يشتكي في إدارة العمل

[kuwari]

في قانون لعدد ساعات العمل خلال شهر رمضان ، وإذا اي شركة تخالفه ممكن اي موظف يروح يشتكي في إدارة العمل

صحيح كلامك اخوي لازم يشتكي في ادارة العمل او تستحمل الدوام ،،،،

[بوحارب]

اللي يداومون بنظام الشفتات ما يشملهم نظام ساعات العمل المحدد من الدولة

[بوحارب]

اما بالنسبة لعلاوة السيفتي انصح بالتوجة لأدارة العمل وتقديم شكوى

[ya3coub]

الي أعرفه مو كل الشركات لها ساعات عمل محددة

و خصوصا الي عندهم شفتات او طبيعه عملهم سايت

سوائا بالبترول او الإنشائات او الشرطة او حتى اماكن اخرى

هاذي طبيعه عملهم و ما اعتقد انه احد بهالزمن ما يقدر يشتغل و يصوم صحيح الحرارة و التعب شديد خصوصا بالشمس و الحر << فالسايت عندنا توصل الحرارة 51 تحت الأرض و الرطوبة عالية

بس ما اعتقد انه سبب مقنع لهم انهم يفطرون

عندي بالشركة الأغلب غير مسلمين و الساعه 12 ريحة الأكل بالمكان كله
و في اجانب بعد "مسلمين اسم" يفطرون لأنهم موب ملتزمين و ليس لأن الشغل متعب

الله يكون بعونكم أخوي و ما بقى شي من رمضان عليك بالصبر

[mmQ6r]

عليكم السلام ورحمة الله وبركاته ..
أدري أن الموضوع من فترة .. بس برد من باب إحقاق الحق ..

الشباب اللي في الشركة ربعنا خاصة اللي يعملون بوظيفة تزويد الطائرات واللي أغلب ضغط الشغل عليهم .. يعطيهم ألف عافية على الجهود اللي يقدمونها
لكن مسألة أن الشغل في رمضان لا يطاق لدرجة الافطار فهذي صعبة أصدقها .. تبي تقنعني أن فوق 200 موظف يفطرون في رمضان !

أظن أنها مسألة ذمة الشخص ومدى صدقه مع ربه !
وأخوي ya3coub كلامه خير دليل ، قالك توصل درجة الحرارة 51 ويصوم ..!

أما موضوع بدل السيفتي .. السبب اللي أنت حاطه مب مقنع " عندهم عائلات واطفال" مادري شدخل هاي فهاي !
ع العموم اقتراح مثل هذا ليش ما تتوجه فيه لإدارة الشركة .. الكل يعرف أن إدارة الشركة إدارة حكيمة وتهتم بموظفينها وسلامتهم وتقدر ظروف البعض بقدر المستطاع !
أو إنك رحت قدمت لهم هالاقتراح او اقتراح ثاني و ارفضوه وهاجموك ؟!!

هذي طبيعة العمل بنظام الشفتات ، وفي رمضان عدد ساعات العمل 5 ساعات واللي يزيد عنها ينحسب " أوفر تايم" صح أو لا ؟!!!
اذا صح فمعناته أنكم ماخذين حقوقكم ..

اذا الواحد حصل تقصير من إدارته يروح يكلمهم وينبههم واذا ماحصل الجواب الشافي أو الاجراء المناسب، له الحق يتوجه للجهات المعنية ..
كلن يتعب في شغله لاجل اللقمة الحلال .. والله يعين الجميع ..

تحياتي ..