ممكن احسن عياده لعلاج الاكزيما للرضع

[الاستاندر]

السلام عليكم
ابي احسن عياده لعلاج اكزيما الرضع بنتي عمرها اربع شهور ولاعبه فيها الاكزيما مشوهتها جربنا عيادات مستشفى حمد كله ادويتهم كرتازون من نوقف عنه يرجع والمشكله هاليومين زايد بشكل فضيع اتمنى تساعدوني
والي مايعرف دعوه لها بالشفاء الله يجزاكم خير

[وليف الشوق]

حياك الله اخوي الاستاندر وكل عام وانت بخير ومبارك عليك ماتبقى من الشهر وبالنسبة للاكزيما لازم يكون عندك فكرة انه مرض في الجلد وعوارضه كثيرة ويلعوز المريض سواء كان صغير او كبير ولازم تعرف ان ماله علاج حتى لو رحت لمستشفيات العالم وان مرض الاكزيما ممكن يروح من الطفل في سن الخامس او السادس او السابع من عمره او يستمر الى مالا نهاية وقبل البحث عن العلاج لازم تتأقلم مع طبيعه المرض وبما ان طفلك صغير لايفقه معنى المرض من هذي اللحظه يجب عليك استخدام واستعمال الادويه او الكريمات التي تقلل من حدة المرض واتباع كافة التعليمات والارشادات لعدم زيادة المرض وانا من واقع تجربة ويشهد الله ليس بدعاية يجب فورا اخذه للدكتور خالد البياري بالقرب من الخدمات الطبيه للقيادة العامه والمبنى اول مبنى على مدخل الخدمات الطبيه الطابق الارضي فهذا الدكتور هو من يقوم بمساعدتك في التقليل من عوارض هذا المرض وهدوئه والابتعاد عن الهيجان الذي حصل للطفل ومن بين هذه الارشادات يجب عليك استعمال بعض الملابس للطفل والتي لا تقوم او تزيد من حدة المرض كذلك الدوام على استعمال بعض الكريمات التي تبعد الطفل عن الجفاف وهذي الكريمات يحددها اي دكتور بشرط ان بعض الكريمات قد يؤذي الطفل من حرارة الكريم ونصيحه حسب ماسمعته ان الرقيه الشرعيه لمرض الازكيما سوف ينتهي تماما" بشرط الدوام المتكرر للرقيه الشرعيه ولعدة جلسات
واسال الله تعالى ان يشفي مريضكم يااارب
اخوكم : وليف الشوق

[عصير بو نص]

الله يشفي بنتك مثل ماذكر العضو وليف الشوق ان الاكزيما مالها علاج نهائي وممكن تروح لما تكبر ï»·ن ولدي نفس الشي من كان رضيع وهو مع الاكزيما والحين عمره ست سنوات ومازالت هالاكزيما رايحه وجايه وعن نفسي أحس العلاجات اللي يعطيه إياه الدكتور فهد الباكر تناسبه وايد وأهم شي الترطيب الدايم للجسم
وماتشوف شر إن شاء الله

[qatari 111]

الله يعينك .. ولدي نفس حلة بنتك من يوم وهو رضيع .. اهم شي الام ماتاكل اشياء تسبب حساسيه للبنت مثل البرتقال والمنجا والكرز والسمك والبهارات .. لانه يأثر عليها وقت الرضاعه الطبيعيه .ز وعليك بكريمات الترطيب 4مرات اقل شي يوميا وكريمات مضاده للالتهابات مرتين فاليوم .. واستخدام صابون او شامبو للحساسيه ينباع فالصيدليه .. والابتعاد عن زيت وكريمات الاطفال ناسي اسمه اعتقد جونسون جربته على ولدي زادت فيه الحساسيه .

[aljaber1]

الله يشفيها ويعافيها وتشوف شر
احسن ترطيب للاكزيما الفازلين
بس ماعرف بالنسبة الصغار
لابد ان تسئل مختص

[الصغيره]

يمكن الحليب ما ناسبها انتبهي

لابد ان تعرضيها على طبيب تغذيه اول وتسوي لها فحص حساسيه الحليب

[الاستاندر]

ماقصرتوا وعساكم على القوه
بس للحين محد عطاني اسامي عيادات او دكاتره ههههههههه
ومعظم الاشياء الي قلتوها مستمر عليها ونفس الشي

[تأملات]

افضل دكاترة الجلد في قطر
عيادة فهد الباكر
مركز الدكتور حسن العبد الله
عن تجربة فهد هو الأفضل للاكزيما
ملاحظة الكرتزون جزء من العلاج. فلا تتردد فيه
الرقية الشرعية ممتازة جدا
ملاحظة امراض الحساسية ما لها علاج نهائي لكن الوقائية مهمة. انتبه لنوعية اكل البنت
ما تشوفون شر

[Alshoog84]

مرحبا اخوي

ودها للدكتور خالد شابون ف عياده الدوحه ممتاز عن تجربه اكزيما ولدي

وماتشوف شر ان شاء الله

[qatara]

فيه تجربه سابقه بمثل هلموضوع

تجنبي الشاي الاحمر والقهوه خلال فنره الرضاعه كلها


وخذو لها ماي بحر سبحوها بماي بحر


والله يشافيها

[kuwari]

جرب دكتور غازي عيادته عند خلف مرمر اسطنبول بن عمران