استفسار عن لجنة تغيير الاسماء

[Eng. q6r]

السلام عليكم ورحمة الله وبركاته

عندي استفسار بخصوص لجنة تغيير الاسماء في الجوازات العامه

خلصت اجرائاتي مع المجلس الاعلى للصحه من اوراق واثباتات وطلب تغيير الاسم

قالو لي اوراقك اوصلت الادارة العامه للجوازات وعقب شهرين او شهر ونص وانا اتصل فيهم كل اسبوع

قالو لي طلبك تم الرفض عليه
كلمت الموظف اللي في البداله شالسبب طيب ؟ قال لي مب لازم تعرف السبب وماراح نقولك السبب
قلت له طيب اقدر اقابل حد من اللجنه او ضابط حد يقدر يفيدني يعني ؟ قال لي لا مايصير تقابل اي حد ؟
انزين شالاجرائات اللي مشيتو عليها ورفضتو !! لان اسمي الصراحه اي حد يسمعه ماراح يقول انه قطري !!
وذكرت الاسباب في الكتاب اللي ارسلته مع باقي الاوراق سبب التغيير
قلت له طيب اخوي اقدر اقدم مره ثانيه ؟ قال لي لا مايصير تقدم !!
انزين ليش ما يحق لي اعرف مع انه اسمي وانا راعي الطلب !! يحق لي اعرف الاسباب اللي خلتكم ترفضون التغيير ؟

اذا في حد يقدر يفيدني بهالموضوع شاسوي ؟ ولا اكلم منو بالضبط
لاني الصراحه من زماان وانا اراكض بخصوص هالموضوع
واخرتها ( طلبك تم رفضه ) !!

تحياتي

[طموحي عالي]

الظاهر والله اعلم ان اللي رد عليك كان معصب او متنرفز
لان مايصير مايقولون لك السبب

الله ييسرها من عنده ماعندي اي فكره عن الاجراءات

[Eng. q6r]

الظاهر والله اعلم ان اللي رد عليك كان معصب او متنرفز
لان مايصير مايقولون لك السبب

الله ييسرها من عنده ماعندي اي فكره عن الاجراءات

اللهم اميين
ان بغيتي الصج اختي لا اسلوب ولا معامله نفس الناس
حتى رده مختصر
لا
لا
لا

طيب فهمني اقنعني ليش لا
يقول لي مايصير ؟!!
مانقول غير الله كريم

[رهج السنابك]

اشدعوه!!
يعني هم الي يحددون بمزاجهم يمشون او يرفضون الطلب!! بصراحه توني ادري
انا من زمان افكر اغير اسمي لانه قديم توقعت الامور سهله!!

[بوحارب]

قبل 4 سنين قدمت على تغيير اسمي وتم الرفض

وقبل كم شهر قدمت مره 2 وتمت الموافقة خلال شهر

الاسم القديم كان نكبة من قلب بس معناه حلو :)

اللي يبي يعرف اسمي القديم يدفع 500


الله يعينك اخوي والظاهر تم الرفض لان اسمك عادي
ومب من الأسامي الغير مألوفه!

[Eng. q6r]

اشدعوه!!
يعني هم الي يحددون بمزاجهم يمشون او يرفضون الطلب!! بصراحه توني ادري
انا من زمان افكر اغير اسمي لانه قديم توقعت الامور سهله!!

والله الشيخة هاللي صار لي بالضبط معاهم
انصدمت من المعاملة والاسلوب

حتى السبب مايبون يقولونه لي ؟

الله المستعان بس

[Eng. q6r]

قبل 4 سنين قدمت على تغيير اسمي وتم الرفض

وقبل كم شهر قدمت مره 2 وتمت الموافقة خلال شهر

الاسم القديم كان نكبة من قلب بس معناه حلو :)

اللي يبي يعرف اسمي القديم يدفع 500


الله يعينك اخوي والظاهر تم الرفض لان اسمك عادي
ومب من الأسامي الغير مألوفه!

والله اخوي بو حارب لو تشوف اسمي عادي تقول لي الشيخ ابوك من وين جايب الاسم ههههههه
غير دارج بتاتا في المجتمع الخليجي مب بس القطري ههههه

المشكله قايل لي موظف الاستقبال (( اللي يتكلم من طرف خشمه ))
ان لا يصير تقدم مره ثانيه وما يصير تكلم المسؤول في اللجنة وما يصير تعرف شالسبب

انزين وصاحب الاسم مزهريه قدامك !!

الله كريم يا يا خوي والحمدلله على كل حال

[برشلوني قطر]

والله اخوي بو حارب لو تشوف اسمي عادي تقول لي الشيخ ابوك من وين جايب الاسم ههههههه
غير دارج بتاتا في المجتمع الخليجي مب بس القطري ههههه

المشكله قايل لي موظف الاستقبال (( اللي يتكلم من طرف خشمه ))
ان لا يصير تقدم مره ثانيه وما يصير تكلم المسؤول في اللجنة وما يصير تعرف شالسبب

انزين وصاحب الاسم مزهريه قدامك !!

الله كريم يا يا خوي والحمدلله على كل حال


هههههههههههه ههههههههههه الله يقطع ابليسك. صج خلاك مزهريه ولا خاف


الله يعينك ياخوي. بس سؤال اخوي اتعرف اسامي ناس فاللجنه ؟؟


بوحارب 15 ريال والاسم ع الخاص ههههههههه

[بوحارب]

والله اخوي بو حارب لو تشوف اسمي عادي تقول لي الشيخ ابوك من وين جايب الاسم ههههههه
غير دارج بتاتا في المجتمع الخليجي مب بس القطري ههههه

المشكله قايل لي موظف الاستقبال (( اللي يتكلم من طرف خشمه ))
ان لا يصير تقدم مره ثانيه وما يصير تكلم المسؤول في اللجنة وما يصير تعرف شالسبب

انزين وصاحب الاسم مزهريه قدامك !!

الله كريم يا يا خوي والحمدلله على كل حال
ههههههههه عيل لو أقولك شنو كان اسمي بتقول شنو خوالك مصاروه ههههههه

اسم اللي بقولك وسوه

انطر عليهم شهرين او ثلاثة

وعقب قدم مره ثانية وعقب التقديم بأسبوع روح حق الجوازات

وبتحصل ضابط من المهندي اعتقد رائد او مقدم

اشرحله وضعك وقوله اسمي مسبب لي احراج ومب راكب على اسم العيال اذا كان عندك عيال

وقوله يا ريت تساعدني وان شاء أمورك في السليم


انا كلمته بهذا الأسلوب عقب ما قدمت المره الثانية

وقلت له عندي وضحه ونواف وعبدالرحمن واسمي مب راكب عليهم

وخلال اقل من شهر جاتني الموافقه ;)

الله يوفقك


هههههههههههه ههههههههههه الله يقطع ابليسك. صج خلاك مزهريه ولا خاف


الله يعينك ياخوي. بس سؤال اخوي اتعرف اسامي ناس فاللجنه ؟؟


بوحارب 15 ريال والاسم ع الخاص ههههههههه

ياخي 15 ما تأكل عيش

بس الاسم كان اسم مصري بحت ;)

[بوحارب]

بوحارب اتوقع اسمك كان مدحت ههههه

مدحت ولابس ترمبه < كلش مايوارج

منو سماكم هالاسامي خاطري اعرف


--/

انا كنت مفكره اغير اسمي لكن حسيت بتوهق لازم ارفق مع كل اوراقب وشهاداتي اثبات بتغيير الاسم حسيتها سالفه
غير جذي بالدوام خلاص الناس عارفتني بالفديم فجأه اقول لهم تغير بعد احراج

والحين اطرد الفكره من راسي بس بعد مرات اوسوس فيها


مدحت
قصدي بوحارب
قول لنا كيف امورك من عقب تغيير الاسم بين اهلك وزملائك واوراقك الثبوتيه وشهاداتك

بالعكس والله سهالات الأمور وتغيير الاسم ما يبيله أوراق وخرابيط

تعبين الطلب وسبب التغيير تكتبين سطر واحد بس مب لازم صفحة كاملة

أموري الحين سقراطية ومن قبل عادي والله وانا ماغيرته الا عشان عيالي بس ما يتعقدون اذا كبروا

ولا انا ما تفرق معاي اسم مصري اسم هندي اسم قطري كله واحد واهم شي الأخلاق ;)

بين الأهل للحين ينادوني بالاسم القديم وإذا نادوني باليديد يكون عبط واستهبال واطنازه يعني غشمره مالها داعي هههههه بس حلوة وخاصة لما تكون من شيبتي الله يحفظة

بين الربع خلاص كلهم ينادوني بالاسم الجديد

وفي الأوراق الثبوتية بعد عادي لانه يكون عندج شهادة مصدقة من الجوازات
مجرد ما تروحين اي مكان ودي معاج كتاب الجوازات الأصلي وصورة منه بس

وبيتم التغيير خلال دقايق

اما الشهادات خليتها على اسمي القديم وإذا بقدم على وظيفة برفق كتاب التغيير مال الجوازات معاهم وبس


ع العموم كلكم غلط والأسامي اللي ذكرتوها بعد غلط
وانا للحين عندي رأيي 500 ويجيك الاسم ع الخاص ;)

[لبيبة]

اعتذر عن الخروج عن الموضوع، وان شاء الله يقبلون طلبك ويغيرون لك الاسم

[غير البشر]

ترا والله جد اعرف اسمه القديم والجديد
بس مب قايل حق حد

الاستقراطيه بخصوص الخمس ميه اكيد يعني :shy:



اخوي راعي الموضوع السموحه يا الشيخ طلعنا عن الموضوع بس والله شدني موضوع بوحارب


ولاني طلعت برع الموضوع ان شاء الله
بحاول مع موضوعك لو ربي قدرني اني اساعدك بشي ابشر من عيوني
من بكره ان شاء الله احاول بالموضوع
والله يطتب الي فيه الخير

واذا تقدر تجيب لي حد من الاسماء من في اللجنه يكون افضل على الخاص

[ضوى]

غريب والله

اشلون يرفضون تغير الاسم ؟؟؟وبدون ابداء اي أسباب

[Eng. q6r]

الموضوع كان استفسار وخذا منحنى اخر ههههههه
عيل لو منزل موضوع (( اتحداك تعرف اسمي )) احس بيتثبت الموضوع من كثر الردود

اخوي غير البشر والله لا خلوني اقابل حد من اللجنة ولا غيره اقولك الموظف يقول لي ماراح نقولك السبب ولا راح ندخلك عند ضابط ولا حتى تقدر تقدم مره ثانيه
ليش هالاسلوب والنظام التعسفي منهم يعني شبيصير لو غيرت اسمي !! واسمي الاول بس مب اسم ابوي ويدي ويد يدي ويد يد يد يد يد يد ... لويس التاسع عشر !!
ماقول غير الله فوق والله العالم ليش ابي اغير اسمي
نظرة المجتمع لاسمي الصراحه نظرة مقززه و غير الطنازه اللي مالها اول ولا تالي يعني بالاخير تعقدت !! هههههههه

اختي ضوى شكرا على مشاركتج بس والله حالي من حالج ماعرف شالسبب ولا يبون يقولون لي شالسبب وحتى لو اسمي عبدالخالق ولا عبدالكريم ولا من هالاسامي بالعكس ماراح اغير اسمي

الا لان اسمي الصراحه يفششششل بالقو احس ابوي مسميني هالاسم وكان راقد قدام مكتب الممرضه هههههه

الله كريم وربي يكون بالعون
تحياتي

[أسد الجزيرة]

ممكن نعرف اسمك

[Eng. q6r]

اتحفظ بالاجابه يا اخوي اسد الجزيرة

لان لو قلت الاسم عادي نص شبكة الاسهم القطرية تقول اووه ولد فلان هههههه

لان ليومك هاي والله ما لقيت واحد نفس اسمي !!
تخيل لاي درجه
لدرجه ان اذا طرو اسمي الاول ف مجلس على طول يعرفون انه انا ؟ هههههه

ع العموم انطر واشوف اذا حد يقدر يفيدني بهالموضوع

وربك كريم

[توشيبا]

اخوي صاحب الموضوع

لجنه تغير الاسامي مادري ايش وضعهم

مره رفيجي غير اسمه ورفضو وطلب يقابل اللجنه

يوم المقابله شرح لهم الاسباب

قالو له طيب عطنا اي اسم تبغي قال لهم اسم والله نسيت شنو اختار

المهم قالو له لا

الرجال انصدم قال طيب عطوني اي اسم من عندكم

عطوه اسم عبد العزيز

وللحين مستانس فيه احسن من اسمه القديم كانه اسم مصري سباك

[لـبـيـه]

اتحفظ بالاجابه يا اخوي اسد الجزيرة

لان لو قلت الاسم عادي نص شبكة الاسهم القطرية تقول اووه ولد فلان هههههه

لان ليومك هاي والله ما لقيت واحد نفس اسمي !!
تخيل لاي درجه
لدرجه ان اذا طرو اسمي الاول ف مجلس على طول يعرفون انه انا ؟ هههههه

ع العموم انطر واشوف اذا حد يقدر يفيدني بهالموضوع

وربك كريم

السلام عليكم ورحمة الله وبركاته

شف من مقرر اللجنه او الضابط المسؤول وقت رفض الطلب (واتوقع هو معروف )واذا طلع اجازه قدم مره ثانيه وان شاء الله بيتم القبول جرب وبتدعيلي

[VX.R]

غريبه !!
عادل غير اسمه لسعود ، وعلاء صار حمد ، وعوض صار فيصل ، وانت رفضوا طلبك ؟؟؟

عموما

حاول تقدم في وقت ثاني ، بشرط يكون الجو مهيئ ، يعني غيم وبراد .

والله يحقق مطلبك

[نتفـه]

هالحركه صارت لما واحد من الاهل بغى يغير اسمه وناحسو ورفضو بدون ابداء الاسباب بتاتا !!!!!
راجع قال ليش انزين ؟؟ ويصير نقدم مره ثانيه قالو بعد لاء !!!
زقعد بعد يمكن 3 او 4 سنوات علشان يغير الاسم وبعد رفضو رفضا قاطعا !!!
ما ينعرف لهم ذيلا .. الواحد اسمه ويتحكمون فيه بعد !
الله يعينك .. واذا قدرت تبدل الاسم قول لي خل اقول للي متلته من اهلي مسكين ههههه ..

[لاجل QT]

يصير اضيف الى اسم بنتي ال ..قبل اسمها؟

[العلياا]

يصير اضيف الى اسم بنتي ال ..قبل اسمها؟

انا كنت ابي اضيفه بس قالوا لي هي نفس اجراءات تغيير الاسم
يعني سالفه طويله

[لبيبة]

يصير اضيف الى اسم بنتي ال ..قبل اسمها؟




المفروض اي يصير

[غير البشر]

مرحبا اخوي
عيدك مبارك كل عام وانت بخير


انا وعدتك ان شاء الله اشوف لك حل حق موضوعك

والحمدلله حاليا خذ موافقه مبدئيه بتغير اسمك
وان شاء الله بعد اجازه العيد نخلص الموضوع

انا بكره مسافر اتمنى بعد اجازه العيد ترسل لي رساله خاصه
وان شاء الله ابشر بسعدك

ربي يسهل االامور ان شاء الله :nice:

[Eng. q6r]

مرحبا اخوي
عيدك مبارك كل عام وانت بخير


انا وعدتك ان شاء الله اشوف لك حل حق موضوعك

والحمدلله حاليا خذ موافقه مبدئيه بتغير اسمك
وان شاء الله بعد اجازه العيد نخلص الموضوع

انا بكره مسافر اتمنى بعد اجازه العيد ترسل لي رساله خاصه
وان شاء الله ابشر بسعدك

ربي يسهل االامور ان شاء الله :nice:

علينا وعليك يتبارك
وارحم الله والديك بس السؤال نفداك اشلون خذيت موافقه مبدئيه بتغيير اسمي وانت للحين ما تعرفه ؟
مافهمت شالاجرائات اللي اتخذتها من صوبك عشان تغير اسمي بدون ماتعرفه ؟

وبيض الله ويهك

[Eng. q6r]

وماقدر ارسل رسالة خاصة لاني للحين ما تعديت ال 50 مشاركة ههههه

[(Sara)]

ههههههههههههههههههههههه أنا اعرف اسم بوحارب القديم والجديد :nice:

واااايد بنات غيرو اسمهم بدون رفض ولا تحقيق
ان شاء الله يتحقق اللي خاطرك فيه ويتغير اسمك

[المحاميه]

بوحارب يالمصري شكان اسمك
عبدالباسط

الله ييسر امورك اخوي وايد ناس يتضررون من اساميهم المفروض اللجنه تراعي هالشي اذا كان الامر جدي

وغير البشر ماقصرت :nice: جزاك الله خير

[غير البشر]

علينا وعليك يتبارك
وارحم الله والديك بس السؤال نفداك اشلون خذيت موافقه مبدئيه بتغيير اسمي وانت للحين ما تعرفه ؟
مافهمت شالاجرائات اللي اتخذتها من صوبك عشان تغير اسمي بدون ماتعرفه ؟

وبيض الله ويهك


ووجهك ابيض يا الشيخ
اخذت موافقه مبدئيه بدون ماعرف اسمك
بس كلمت الجماعه وقلت لهم الموضوع وقالو ان شاء الله خير
يعني الزبده مهما يكون اسمك ماتفرق ان شاء الله

وقالو بعد العيد كلمنا نرتب له الامور
والله يكتب الي فيه الخير

ورقمي على الخاص عندك للتواصل :victory:

[غير البشر]

بوحارب يالمصري شكان اسمك
عبدالباسط

الله ييسر امورك اخوي وايد ناس يتضررون من اساميهم المفروض اللجنه تراعي هالشي اذا كان الامر جدي

وغير البشر ماقصرت :nice: جزاك الله خير


ويجزاج بمثله ان شاء الله يا محاميتنا :nice:

[Eng. q6r]

اخوي غير البشر قاعد انطر ردك فديت خشمك بخصوص موضوع الاسم ولاتهون
وارحم الله والديك وما قصرت

[غير البشر]

اخوي غير البشر قاعد انطر ردك فديت خشمك بخصوص موضوع الاسم ولاتهون
وارحم الله والديك وما قصرت



ياهلا ومرحبا الشيخ
والله ماوصلني شي منك

ارسل لي مسج ماعليك امر
وانا بتصل فيك :nice: