وين اقدم على وظيفة؟

[Qatar Perfume]

السلام عليكم..

ابي تقترحون علي بعض الاماكن اللي ممكن اقدر اقدم عليها غير الوزارات و يكون دوامهم لين 2

لاتقولون وزاره العمل مامنهم فايده و مايحدثون البيانات اللي عندهم..

انا خريجه بريطانيا و صار لي سنه ادور على شغل قدمت اماكن وايد و محد رد علي و اذا ردو قالو مافي شاغر ( بعد المقابله ) او مانبي جامعيين!!

و جزاكم الله خير

[عاشق العديد]

في مكان لكن دوامهم يخلص 3 ونص وما اضمن لح الوظيفه ولكن ان شاء الله خير

[Qatar Perfume]

في مكان لكن دوامهم يخلص 3 ونص وما اضمن لح الوظيفه ولكن ان شاء الله خير

ثلاث ونص صعبه

جزاك الله خير

[نفسي عزيزه]

الحياه صعبه وكلها واسطات وربي يعينج

[Right]

إنتي من البداية تتشرطين أن يكون نهاية الدوام للساعة 2 الظهر


إنتي بالأول حصلي وظيفة وبعدين يصير خير إن شاء الله

[Qatar Perfume]

الحياه صعبه وكلها واسطات وربي يعينج

اي كله واسطات

[Qatar Perfume]

إنتي من البداية تتشرطين أن يكون نهاية الدوام للساعة 2 الظهر


إنتي بالأول حصلي وظيفة وبعدين يصير خير إن شاء الله




من حق اي حد يشوف اللي يناسبه انا سالت اذا تعرفون مكان بهالمواصفات ولا لا :shy:

و فيه شروط ثانيه بعد :victory:

[lulu.90]

الحياه صعبه وكلها واسطات وربي يعينج

صدقت وبقوه

[عاشق العديد]

انا انصصحج بسدره
راتب مكان زين وفوق هذا كله عقدهم يرجع لقطر فونديشن
دوامهم يخلص 3 ونص
مري عليهم بكره هم يدورن موظفين قدمي وان شاء الله خير اشتغلي كاول شغله لج اذا حبيتيها كملي ماقدرتي تستحملين اطلعي يعني لو دوامج يخلص 2 مع زحمه تروحين البيت 3 ونص
اذا تطلعين من دوام 3 ونص توصلين البيت اربع نفس شي جربي

[Qatar Perfume]

انا انصصحج بسدره
راتب مكان زين وفوق هذا كله عقدهم يرجع لقطر فونديشن
دوامهم يخلص 3 ونص
مري عليهم بكره هم يدورن موظفين قدمي وان شاء الله خير اشتغلي كاول شغله لج اذا حبيتيها كملي ماقدرتي تستحملين اطلعي يعني لو دوامج يخلص 2 مع زحمه تروحين البيت 3 ونص
اذا تطلعين من دوام 3 ونص توصلين البيت اربع نفس شي جربي

قدمت في سدره و سويت مقابله و ماكلموني و عقب ظ£ شهور كلمني واحد قطري و ارسل لي ايميل على اساس اقدم امتحان عندهم بس رفضت بسبه ان دوامهم لين ظ£ ونص

[عاشق العديد]

قدمت في سدره و سويت مقابله و ماكلموني و عقب ظ£ شهور كلمني واحد قطري و ارسل لي ايميل على اساس اقدم امتحان عندهم بس رفضت بسبه ان دوامهم لين ظ£ ونص

اقدر اقولج انج فوتي فرصة عمرج
اذا تبين شغل عادي وكل همج الوقت مالج الا البلديه والله يسهل عليج

[Qatar Perfume]

اقدر اقولج انج فوتي فرصة عمرج
اذا تبين شغل عادي وكل همج الوقت مالج الا البلديه والله يسهل عليج

ههههه البلديه تسيب!! معروفين

ان شاء الله الخيره في ما اختاره الله

ما قصرت اخوي

[بوحارب]

الله يوفقك اختي

عاشق العديد سدره شغلهم مختلط؟؟

[LiL iNVe$ToR]

الحمدلله والشكر على النعمه ..

ناس مب لاقيه شغل ..وناس تجيهم الفرص وقاعدين يتشرطون.

الحمدلله والشكر

[Right]

من حق اي حد يشوف اللي يناسبه انا سالت اذا تعرفون مكان بهالمواصفات ولا لا :shy:

و فيه شروط ثانيه بعد :victory:




خطابة مو وظيفة :nice:

[abuammar]

بالتوفيق والله يرزقك

[ya3coub]

شنو تخصصج الشيخه !!! هاي اولا

2 ) قلتي البلدية تسيب كوني اول الموظفات الي تعطين صورة واضحه للإنظباط و قومي باداء عملج و صلحي الغلط بإلتزامج بالنهاية انتي تخدمين بلادج و المفروض انج تفكرين انج تصلحين الأخطاء الي موجودة اذا تقدرين


انتي بس طلبتي وظيفه و تخلصين 2 ونص ولا كملتي باقي شروطج

الأخوة و الأخوات يعطونج الحلول الي ممكن يعرفونها

[Qatar Perfume]

الله يوفقك اختي

عاشق العديد سدره شغلهم مختلط؟؟

اللهم امين و الجميع يا رب

سدره اي مختلط

[Qatar Perfume]

الحمدلله والشكر على النعمه ..

ناس مب لاقيه شغل ..وناس تجيهم الفرص وقاعدين يتشرطون.

الحمدلله والشكر

اخوي الواحد مب من اول عرض وظيفه بيوافق لازم يشوف اللي يناسبه صح ولا لا! و اصلا ماجاني عرض عشان ارفضه

انا وحده مابي ارجع البيت عقب زوجي ولا ابي اكون مقصره معاه

جزاك الله خير

[Qatar Perfume]

خطابة مو وظيفة :nice:





هههههههه لا وين اهم شي وظيفة مناسبه كل اللي ابيه دوام بالكثير لين ظ¢ ونص و راتب احسن من الحكومه

[Qatar Perfume]

بالتوفيق والله يرزقك

الجميع ان شاء الله


شنو تخصصج الشيخه !!! هاي اولا

2 ) قلتي البلدية تسيب كوني اول الموظفات الي تعطين صورة واضحه للإنظباط و قومي باداء عملج و صلحي الغلط بإلتزامج بالنهاية انتي تخدمين بلادج و المفروض انج تفكرين انج تصلحين الأخطاء الي موجودة اذا تقدرين


انتي بس طلبتي وظيفه و تخلصين 2 ونص ولا كملتي باقي شروطج

الأخوة و الأخوات يعطونج الحلول الي ممكن يعرفونها

تخصصي International Business and Communication

البلديه مب داشه راسي من اسمع الاسم اتخيل عمال المبيدات الحشريه :rolleyes2:

الشروط :وظيفة بالكثير لين ثنتين ونص و راتب احسن من الحكومه :shy:

[بو الجوري]

انا وحده مابي ارجع البيت عقب زوجي ولا ابي اكون مقصره معاه

جزاك الله خير

الصراحه أرفعلج القبعه http://www.cheesebuerger.de/images/midi/froehlich/a033.gif < إعتبريها قبعه مرفوعه ههههههههه


الله يوفقج وتلاقين الوظيفه اللي تناسبج :victory:

[Qatar Perfume]

الصراحه أرفعلج القبعه http://www.cheesebuerger.de/images/midi/froehlich/a033.gif < إعتبريها قبعه مرفوعه ههههههههه



الله يوفقج وتلاقين الوظيفه اللي تناسبج :victory:


جزاك الله خير اخوي

[JN000N]

قدمتي ف الداخليه؟

[Qatar Perfume]

قدمتي ف الداخليه؟

لا والله لان اللي اعرفه لهم شروط خاصه بالعمر اظن اقل من 24 وانا 29

[JN000N]

ايي صح
والعمر كله حبيبتي
فالبنوك؟

[Qatar Perfume]

ايي صح
والعمر كله حبيبتي
فالبنوك؟



قدمت بروه و الريان صارت مقابله في الريان و ماردو علي

دخلت موقع الداخليه لقيت وظيفه مافيها شرط للعمر :shy: و الله يجيب اللي فيه الخير

[JN000N]

ان شاء الله الله يكتب لج الخير يارب

[Qatar Perfume]

ان شاء الله الله يكتب لج الخير يارب

جزاج الله خير و ماقصرتي اختي

[رهج السنابك]

قدمي بمستشفى حمد

المجلس الاعلى للقضاء

الوزارات كلها لين 2

سهيل سات

تلفزيون قطر

جمعيه السكري

جمعيه حقوق الانسان

وكاله الانباء

الجزيره

شوفي فودافون موقعهم فيه وظايف واطلبي بارت تايم اذا يصير

[عازف]

السلام عليكم..

ابي تقترحون علي بعض الاماكن اللي ممكن اقدر اقدم عليها غير الوزارات و يكون دوامهم لين 2

لاتقولون وزاره العمل مامنهم فايده و مايحدثون البيانات اللي عندهم..

انا خريجه بريطانيا و صار لي سنه ادور على شغل قدمت اماكن وايد و محد رد علي و اذا ردو قالو مافي شاغر ( بعد المقابله ) او مانبي جامعيين!!

و جزاكم الله خير

المؤسسة العامة للحي الثقافي "كتارا" والله يوفقج

[Qatar Perfume]

قدمي بمستشفى حمد

المجلس الاعلى للقضاء

الوزارات كلها لين 2

سهيل سات

تلفزيون قطر

جمعيه السكري

جمعيه حقوق الانسان

وكاله الانباء

الجزيره

شوفي فودافون موقعهم فيه وظايف واطلبي بارت تايم اذا يصير

جزاج الله خير .. سهيل سات جربت موقعهم مايصير اقدم الظاهر فيه خلل.. الجزيره قدمت و ماردو علي .. حقوق الانسان مافيه رابط للتوظيف

[Qatar Perfume]

المؤسسة العامة للحي الثقافي "كتارا" والله يوفقج


بجرب و جزاك الله خير

[Qatar Perfume]

للرفع

[دايموند]

قدمي ع بنوك اسلاميه

انزين استفسار وين مكان سدره ؟
وحد فيكم عنده ايميل اقدم عليه؟

[Qatar Perfume]

قدمي ع بنوك اسلاميه

انزين استفسار وين مكان سدره ؟
وحد فيكم عنده ايميل اقدم عليه؟

قدمت و محد رد!!

اختي سدرة تقدرين تقدمين من الموقع مالهم ،، و مكانهم عند البنك التجاري مجابل البريد

[احلى دنياااا]

روحي هيئة المتاحف يبون قطريين وبيفتتحون اكثر من متحف خلال السنوات القادمه وياخذون من الحين

[Qatar Perfume]

روحي هيئة المتاحف يبون قطريين وبيفتتحون اكثر من متحف خلال السنوات القادمه وياخذون من الحين

قدمت يمكن 4 مرات عندهم و لا في رد :weeping:

[..عاشق قطر..]

وزارة التنمية الادارية

[Qatar Perfume]

وزارة التنمية الادارية

حتى موقع ماعندهم عشان اقدم :eek5:

[..عاشق قطر..]

حتى موقع ماعندهم عشان اقدم :eek5:

اختي وش تبين بالمواقع

انا رحت من نفسي وقدمت بوزارة التنمية وقبلوني

صارلي 3 شهور الحين والحمدالله

[..عاشق قطر..]

يفضل تروحين من نفسج تقدمين

المواقع ماينفع لاني حاولت ومافي فايده

[رهج السنابك]

بصراحه اهنيج وايد اماكن قدمتي فيها



اممممم خلينا نفكر بعد

اشرايج بالجيش او امن الدوله هههه لالا اضحك
قدمتي في مجلس الشورى؟
الديوان الاميري
مجلس الوزراء؟
الخارجيه
كهرماء
مركز العوين
وزاره الاوقاف
مركز الانماء الاجتماعي
المدارس

[رهج السنابك]

عاشق وين مكانهم
وشلون بيئه العمل هل مرتاح او لا
ومتى يخلص دوامهم
وكم يعطون الخريج الجديد

[Qatar Perfume]

يفضل تروحين من نفسج تقدمين

المواقع ماينفع لاني حاولت ومافي فايده

ان شاء الله بروح لهم

[Qatar Perfume]

بصراحه اهنيج وايد اماكن قدمتي فيها



اممممم خلينا نفكر بعد

اشرايج بالجيش او امن الدوله هههه لالا اضحك
قدمتي في مجلس الشورى؟
الديوان الاميري
مجلس الوزراء؟
الخارجيه
كهرماء
مركز العوين
وزاره الاوقاف
مركز الانماء الاجتماعي
المدارس

مجلس الشورى مادري ان يوظفون!!

الديوان الاميري قدمت بس قالو لي التوظيف باوامر عليا

مجلس الوزراء قدمت و قالو لي بصراحه مانبي جامعيين :anger1:

كهرماء قدمت ماجاني رد منهم..

الخارجيه كلمتهم امس و واحد قالي شوي و باتصل ولا اتصل :rolleyes2:

الاوقاف مافكر فيهم

العوين مادري ما احب هالسوالف مخدرات و ادمان

المدارس مافكرت فيهم بجرب ليش لا

جزاج الله خير

[مــاي ورد]

الله يعينا انا وياج على نفس السفينة

[Qatar Perfume]

الله يعينا انا وياج على نفس السفينة

الله يوفق الجميع :)

[غـيـد]

ما انصحج تشتغلين في مدرسه وجربي تقدمين في البنك المركزي عندهم مميزات للموظفين

بس يحاسبونج على التأخير بالدقيقه كأنهم جهه عسكريه :nop:

والله يوفقج اختي

[Qatar Perfume]

ما انصحج تشتغلين في مدرسه وجربي تقدمين في البنك المركزي عندهم مميزات للموظفين

بس يحاسبونج على التأخير بالدقيقه كأنهم جهه عسكريه :nop:

والله يوفقج اختي


اول ماشفت ردج دخلت الموقع مافي شواغر وظيفية

جزاج الله خير

[Dmy Enabi]

هلا أختي انا نزلت موضوع في نفس القسم تواصلي عالخاص اذا حابه

[ريتويت]

انا انصصحج بسدره
راتب مكان زين وفوق هذا كله عقدهم يرجع لقطر فونديشن
دوامهم يخلص 3 ونص
مري عليهم بكره هم يدورن موظفين قدمي وان شاء الله خير اشتغلي كاول شغله لج اذا حبيتيها كملي ماقدرتي تستحملين اطلعي يعني لو دوامج يخلص 2 مع زحمه تروحين البيت 3 ونص
اذا تطلعين من دوام 3 ونص توصلين البيت اربع نفس شي جربي

قطر فاونديشن اكتشفت ان التوظيف فيها بالواااااسطه والي عنده واسطه وماعنده خبره ولاخريج بيشتغل فكيو اف .. مادري يعني انا شسوي حلم حياتي اشتغل هناك بس محد يبي يرد ليييييش!!!

[Qatar Perfume]

قطر فاونديشن اكتشفت ان التوظيف فيها بالواااااسطه والي عنده واسطه وماعنده خبره ولاخريج بيشتغل فكيو اف .. مادري يعني انا شسوي حلم حياتي اشتغل هناك بس محد يبي يرد ليييييش!!!

و مب رادين عليج .. يمكن قدمت على اربع وظايف عندهم و محد رد مافي امل.. :rolleyes2: