اشسالفة سايق للتنازل وخادمه للتنازل

[مزاااجي]

السلام عليكم ... ياجماعه انا ملاحظ ان بعض الي يعرضون تنازل عن سايق وخادمه للتنازل ويطلبون مبالغ خياليه استغلاليين بشكل مايليق باهل قطر الا اذا كانو فعلا مش من هل قطر .. قاعدين يتاجرون بالبشر بشكل بشع ويستغلون جهل بعض الناس وحاجة البعض الاخر ,, كله ولا السايق والخادم والطباخ نعرف ان يتم استقدامهم مجانا .. ويجي من يعرض ( انسان) للتنازل مقابل 10 الاف او مبلغ معين .. وكانه عارض قطعة زل ولا قسيمة اشتراك ( اذا انت جايب هالانسان للعمل شغله واذا مستغني عنه اترك له الخيار واذا جايبه تتاجر به هذا امر مرفوض وحرام ولايجوز واذا خادمه واستغنيت عنها ردها لهلها او ع الاقل سلمها مكتب )... قطر وهلها بخير وناس طيبين ويبذلون الطيب والفعل الطيب واهل كرم .. ماختلفنا منهم اصحاب تجاره بس مش بهالصوره ... فعلا عادة دخيله واعتبرها غير محموده .. والبعض يحط الاعلان والتواصل على الخاص .. والله اعلم بالنوايا ماحط بذمتي لكن تعلن عن سايق او خاده والتواصل على الخاص ليييييييش؟؟؟؟؟؟؟!!!!

[قطر ديلر]

السايق انا معاك فيه لانه مايكلفه شي لما يجيبه
بس الخادمه يدفع عليها 16 الف عشان يجيبها والخدم عندهم حركات جديده بعد ماتعدي فترة الثلاث شهور الي مسموح فيها ترجعها وتستبدلها ماتشتغل ولا تقول انا مب مرتاحه في البيت وتضيع عليك فلوسك فتظطر تشوف حد ياخذها عشان تجيب غيرها

انا تبهدلت مع الخدم ويشهد الله دفعنا مبالغ خياليه من كثر مابدلنا لين ربي وفقنا مع خدم سنعين ولله الحمد

[abu m7md]

اشكرك اخوي مزااجي
فيه بعضهم يبالغ فالسعر

لكن الحين وصل سعر لاستقدام الى 14 الف
فانا كا رجل ابي استبدل او مثل ماتفضل اخوي قطر ديلر
اجيبها بسعر وتتم عندي كم شهر بعدين تقول ماابي اشتغل
عاد ماقدر اذا بسوي لها تنازل بطلب 6 الاف جي انا مب مستفيد شي لانه انا نطرتها لين ما تجي وبالاخير اطلع خسسران من الحالتين .

تقبل مروري

[OM_OMAR_QATAR]

اي يدفعون " خلّووو" ...

[ريتويت]

السايق انا معاك فيه لانه مايكلفه شي لما يجيبه
بس الخادمه يدفع عليها 16 الف عشان يجيبها والخدم عندهم حركات جديده بعد ماتعدي فترة الثلاث شهور الي مسموح فيها ترجعها وتستبدلها ماتشتغل ولا تقول انا مب مرتاحه في البيت وتضيع عليك فلوسك فتظطر تشوف حد ياخذها عشان تجيب غيرها

انا تبهدلت مع الخدم ويشهد الله دفعنا مبالغ خياليه من كثر مابدلنا لين ربي وفقنا مع خدم سنعين ولله الحمد

اي والله الخدم يستهبلون عبالهم نسوي لهم كل شي ببلاش لا وعقب الثلاث شهور تطلع البلاوي الا مريضه الا زوجها مدري اخوها توفي الا الشغل واجد عليها .. الحين مكاتب الاستقدام عالاقل عالاقل بتدفع عشر الاف لها وبالاخير تقول ماخذينها تجاره لو هي فيها عله شبنسوي؟؟؟؟؟؟؟؟؟؟ ولامحتاج الخدامه لان البيت فيه عيله كبيره ورمضان وعيال وسالفه شالحل شنسوي لا والله محتاجينهم ولو في خدامه للتنازل بهالمبلغ بدفع وباخذها لان محتاجه لها

وبالنسبه للتواصل عالخاص فانا اقوول انه يعتبر سوء ظن بالناس فالشخص السيئ يظن بالناس السوء وبيدور علي عيوبهم وبيشوفهم نفس نظرته وكيف هو يتصرف
أما المؤمن الصالح فالعكس صحيح تماما بينظر بها بعين صالحة ونفس طيبة للناس ويبحث لهم عن الأعذارويظن بهم الخير


تحياتي

[بو سالم]

الغلا صار في كل شي مب بس الخدم وكله بسبب نزول الدولار من كم سنه والريال القطري مرتبط وياه ونزل سعره اكثر من النص علشان كذي اللي بعشر صار بعشرين والسيارات الاوربية واليابانيه زادت الضعف وبس الامريكي اللي سعره مناسب لانه بالدولار وفي بلدهم مستقره الاسعار لان ما يستوردون الا شي بسيط

[USB]

أخوي صاحب الموضوع لو كنت مجرب إنك تطلب خادمه هالأيام ما كنت كتبت هالكلام..!! تخيل لو إنك طلبت خادمه و دفعت فيها مبلغ و قدره و إنتظرتها بين شهر و شهرين و ثلاث لين توصل و تخلص فحوصاتها و تتعب على تعليمها شغل البيت وتالي تضطر لأي سبب إنك تستغني عنها بعد كم شهر هل بتتنازل عنها ببلاش..؟! شي طبيعي إنك بتطلب مبلغ للتنازل لأنك أساساً دافع للمكتب عشان تطلبها.. السالفه مالها علاقه بتجارة البشر مثل ما إنت متصور.. وبخصوص السعر محد يجبر أحد على شي المنتديات موجوده و مكاتب الخدم موجوده وكل واحد يختار إللي يناسب ظروفه.

[fantasy]

اخوي الله يهداك انت تصور اهل قطر كأنهم ملائكه و فيهم فعليا اردى الناس, الحقيقة و الواقع انه من اهل قطر او لا يوجد هذا الشي كفايه مخلين اهل قطر ملائكه يباه كل الناس سواسيه ومافي داعي نظلم ناس عن ناس
على فكره انا قطري بس اعرف اهل ديرتي عدل و ردي هذا مش انتقاد يالغالي بس مجرد توضيح
تحياتي للجميع والله يعينا على ارتفاع الاسعار في كل شي

[بونواف78]

الله المستعان

[مزاااجي]

اخوي الله يهداك انت تصور اهل قطر كأنهم ملائكه و فيهم فعليا اردى الناس, الحقيقة و الواقع انه من اهل قطر او لا يوجد هذا الشي كفايه مخلين اهل قطر ملائكه يباه كل الناس سواسيه ومافي داعي نظلم ناس عن ناس
على فكره انا قطري بس اعرف اهل ديرتي عدل و ردي هذا مش انتقاد يالغالي بس مجرد توضيح
تحياتي للجميع والله يعينا على ارتفاع الاسعار في كل شي

كلامك وجهة نظر ولكن على قطع يميني مايفعل هالامور قطري من صلب قطري بطن وظهر بغض النظر عن موضوع الخادمات لان الواحد خسر عليها ويحاول ( يعوض) شي من خسارته ... وعلى فكرة وانا اخوك القطري ماقول انه من الملائكه لكن انه شهم وراعي نخوه وطيبه ويرفع نفسه عن صغائر وسفاهة الامور ويشهد له كل من تعامل معه والناس فيهم الطيب موجود لكن القطري ابن البلد الحر تميز بهالطباع مع التحفظ بان لكل قاعده شواذ .... لكن يتستقدم واحد من مساكين العالم الظعيفه سايق ولا طباخ ولا خادم ولا راعي ويجي يعرضه للبيع مايسويها ابن البلد

[lulu.90]

كلامك وجهة نظر ولكن على قطع يميني مايفعل هالامور قطري من صلب قطري بطن وظهر بغض النظر عن موضوع الخادمات لان الواحد خسر عليها ويحاول ( يعوض) شي من خسارته ... وعلى فكرة وانا اخوك القطري ماقول انه من الملائكه لكن انه شهم وراعي نخوه وطيبه ويرفع نفسه عن صغائر وسفاهة الامور ويشهد له كل من تعامل معه والناس فيهم الطيب موجود لكن القطري ابن البلد الحر تميز بهالطباع مع التحفظ بان لكل قاعده شواذ .... لكن يتستقدم واحد من مساكين العالم الظعيفه سايق ولا طباخ ولا خادم ولا راعي ويجي يعرضه للبيع مايسويها ابن البلد

صـــــدقــــت

[Diwan]

انا سواها معاي قطري :)

مستغرب والله او جهل فيك !!
وشلون سوها فيج قطري ؟؟
اول شي عمري ماسمعت عن هندي للبيع ؟؟
لان الرجال من اسياء على افى من شيل وببلاش اجونكم ..

فقط الخدامات ..
واعتقد الاعضاء بينو ليش يعرضونهم للبيع ومعهم حق ونص ولكن بشرط عدم الكذب اذا فيها عله ..
وللاسف اللي يقول عن اهل بلاده خلتوهم ملائكه ومادري ايش ..ماعتقد انه قطري اصيل اللي يحقر اهله مافيه خير بنفسه ..

واللهم اني صائم ..

[lulu.90]

[B][FONT=Arial Black][SIZE=4][COLOR="#4B0082"]
مستغرب والله او جهل فيك !!
وشلون سوها فيج قطري ؟؟
اول شي عمري ماسمعت عن هندي للبيع ؟؟
لان الرجال من اسياء على افى من شيل وببلاش اجونكم ..

فقط الخدامات ..
واعتقد الاعضاء بينو ليش يعرضونهم للبيع ومعهم حق ونص ولكن بشرط عدم الكذب اذا فيها عله ..
وللاسف اللي يقول عن اهل بلاده خلتوهم ملائكه ومادري ايش ..ماعتقد انه قطري اصيل اللي يحقر اهله مافيه خير بنفسه ..

واللهم اني صائم ..
-------------------------------------

[Diwan]

اخووي .. انا اقصد من الحوار اللي صار .. احنا ما نشتري ونبيع .. هو تنازل ... ونفس ما قلت هم وضحو الاسباب .. والاسباب واضحه ومقتنعه وهاي حق .. فانا ارد عليه نفس الرد ... هو يقول مستحيل قطري ...وانا خذت تنازل من قطري .. عموما ماحد حقر احد ومافي حق لاي انسان يحقر من اي انسان اخر لو من اي جنسية او اي فئة انسانية اخرى الا لو كان اهو حقير اصلا .. مش عارفه كيف وصلتك هالمعلومه من كلامي ... عموما الحمدالله على كل شي .. واخوي شكلك فهمت غلط كلامي .. وبعدين الموضوع كان المفروض يكون مجرد اكثر المفروض الواحد يتكلم ع المبدأ نفسه بدون
قطري واجنبي .. بس شنقول ... الله كبير
واللهم اني صائمه ..

لا والله اختي ..
شكلج انتي اللي كاتبه غلط !!

انتي قطري باع لج خادم او سايق او طباخ او راعي !؟

او تتكلمين عن خدامه !

اذا كنتي تتكلمين عن خدامه شوفي ردج للاخ وبتعرفين انج غلطانه ..
تحياتي

[lulu.90]

لا والله اختي ..
شكلج انتي اللي كاتبه غلط !!

انتي قطري باع لج خادم او سايق او طباخ او راعي !؟

او تتكلمين عن خدامه !

اذا كنتي تتكلمين عن خدامه شوفي ردج للاخ وبتعرفين انج غلطانه ..
تحياتي

اسفه اخووي والله صدقت ... السموووحه

انا قصدي تنازل ما انتبهت على اخر شي كتبه ... معليش الصيام والسهر ... سووووري ..

[Diwan]

للعلم السائق للنقل الكفاله

وانا مااريد اقطع رزقه والتنازل مجانا لله

وهذي عينه من اهل قطر اللي مش غريبه عليهم وشي اصلا متعلق فينا ولكن حسستوني ان دنيا تغيرت ..

[Diwan]

اسفه اخووي والله صدقت ... السموووحه

انا قصدي تنازل ما انتبهت على اخر شي كتبه ... معليش الصيام والسهر ... سووووري ..

عادي اختي وحصل خير ..
واتمنى تكرما منج تعدلين ردج اللي ينرفز (ابتسامه)

[lulu.90]

عادي اختي وحصل خير ..
واتمنى تكرما منج تعدلين ردج اللي ينرفز (ابتسامه)

صــار .. ومره ثانية .. حقك علي .. والسموحه ..

وما يحتاج تجيب دليل .. أنا اجيبلك مليون دليل على اخلاق اهل قطر ومحد يقدر يقول غير هالكلام ..

بس انا اكره تحديد فئات معينه في بعض المواضيع الللي مالها دخل ومتسرعه عادة في ردودي

اختك .. lulu.90

[alfahad1]

يمكن تقصد اللي تمت سنتين وتبي تنتقل لبيت ثاني هنا اشوف انه ماله داعي انه يطلب مبلغ كبير

[روح قطري]

بالتوفيق ان شاء الله

[عضو قديم]

السلام عليكم ... ياجماعه انا ملاحظ ان بعض الي يعرضون تنازل عن سايق وخادمه للتنازل ويطلبون مبالغ خياليه استغلاليين بشكل مايليق باهل قطر الا اذا كانو فعلا مش من هل قطر .. قاعدين يتاجرون بالبشر بشكل بشع ويستغلون جهل بعض الناس وحاجة البعض الاخر ,, كله ولا السايق والخادم والطباخ نعرف ان يتم استقدامهم مجانا .. ويجي من يعرض ( انسان) للتنازل مقابل 10 الاف او مبلغ معين .. وكانه عارض قطعة زل ولا قسيمة اشتراك ( اذا انت جايب هالانسان للعمل شغله واذا مستغني عنه اترك له الخيار واذا جايبه تتاجر به هذا امر مرفوض وحرام ولايجوز واذا خادمه واستغنيت عنها ردها لهلها او ع الاقل سلمها مكتب )... قطر وهلها بخير وناس طيبين ويبذلون الطيب والفعل الطيب واهل كرم .. ماختلفنا منهم اصحاب تجاره بس مش بهالصوره ... فعلا عادة دخيله واعتبرها غير محموده .. والبعض يحط الاعلان والتواصل على الخاص .. والله اعلم بالنوايا ماحط بذمتي لكن تعلن عن سايق او خاده والتواصل على الخاص ليييييييش؟؟؟؟؟؟؟!!!!

السالفة ومافيها ياطويل العمر ان البعض يجيب الخدم بفيزا زيارة ويتاجر فيها بمبالغ تقارب اسعار المكاتب بس بدون ضمان ولا اقامة وانت بكيفك تحويلها اقامة وانت وحظك

[فارس قطر]

تجارة مربحة يعتمدها بعض ضعاف النفوس لارزق الحرام

[@P!nK@]

على فكره بس
للناس اللي تقول الدريول ابلاش
الدريول اذا من المكتب تدفعون عليه 3500
وفي مكاتب 3500 + التذكره
واذا عن طريق اشخاص نفس الشي بعد ياخذون فايدتهم
غير رسوم الاقامه
وغير الرسوم اللي ياخذها المكتب لو هو مودي الدريول حق الفحص الطبي
وغير فلوس تعليم السواقة
ماتوقع كل هالاشياء ابلاش
والدريول يجي جاهز على طول يسوق
اللي عنده دريول ابلاش بدون لا ادفع ولا شي من المبالغ اللي ذكرتها
الحين بنقل كفالته

[venum]

بخصوص اللي يقول حرم ومدري شنو

لو جايب خدامة ومكلفه عليك 16 الف وماتبي تشتغل عندك لاي سبب ساعتها اذا تنازلت عنها ببلاش تكلم واتركو عنكم الهياط

[qtri80]

بخصوص اللي يقول حرم ومدري شنو

لو جايب خدامة ومكلفه عليك 16 الف وماتبي تشتغل عندك لاي سبب ساعتها اذا تنازلت عنها ببلاش تكلم واتركو عنكم الهياط

اي والله هههههههههههههههههههههه
جبت فلبينيه وكلفتني13 الف من الالف الى الياى
بعد 3 شهور الا 10 ايام اكتشفت انها مريضه نفسيا وتاخذ حبوب مهدئه والله بالصدفه
ام الاعيال لقت في غرفتها حبه خذناها وسألنا عنها اتضح لنا انها مسكنه نفسيا :rolleyes2:

المهم الحبوب خلصت من عندها طلعت تسوي اشياء غريبه :eek5:
المهم رجعناها المكتب عفست لهم مكتبهم وطيروها الطب النفسي :omg:

في هالحاله من يستحمل الخساره ؟؟ ,, انا طبعا خذت نص الي دفعته للمكتب :rolleyes2:
بلا نخوه بلا خرابيط وابشركم انا قطري من صلب قطري ,, وياما ناس خسرو اكثر مني هالفلوس من بيردها لهم ؟؟

تحياتي
:victory:

[وحيد-الشوق]

الاخوان الي يقولون القطري مايسويها طيب شرايكم في بعض اصحاب الكروش التجار عندنا يجيب لك الف عامل ويدخلهم قطر ويقوله عطني كل سنة المبلغ الفلاني والفيزا طبعا دفع حسابها مقدما العامل المسكين :)

[abo sarah]

الاخوان الي يقولون القطري مايسويها طيب شرايكم في بعض اصحاب الكروش التجار عندنا يجيب لك الف عامل ويدخلهم قطر ويقوله عطني كل سنة المبلغ الفلاني والفيزا طبعا دفع حسابها مقدما العامل المسكين :)

صدقت. وانا. شايفت هالكلام بعينى قطرين بيبيعوا فيز للعمال ويتركوهم يشتغلوا برا براحتهم وياخدون عليهم فايدة سنوية.
كل بلد فيها الصالح. والطالح ومش معنى ان الصالحين كتير يبقى مفيش طالحين

وفى بينقلوا العمال على كفالتهم ويتركوهم مقابل فايدة سنوية

وفى بينقلوا كفالة العمال ويعطوهم سجل تجارى ولهم نسبة على كل عقد. بيتعمل. ونسبة سنوية من الربح