محل العازل جيو شيلد معيذر

[شيخ القبيلة]

السلام عليكم ورحمة الله وبركاته
الاخوان اعضاء المنتدى الكرام
بغيت استفسر عن محل جيو شيلد للعازل الحراري اللي في الشارع التجاري العام في معيذر جنب البريد
شرايكم فيه وفي شغلهم هل مرتب ؟
مع العلم انا بس كلمتهم في التلفون وقال لي ضمان مدى الحياة للعازل مايتغير
وجزاكم الله خير

[abu m7md]

تيتانيوم وبس
كل مواتر البيت منه
ومفعول ممتاز

[وحيد-الشوق]

جيوشيلد شركه عالميه لها فروع وايد في الخليج جربتهم مره ممتازين بس شغل الفنيين لك عليه شوي في التركيب

[عثرة جواد]

النهدي :ok:

[موظف ((حكومي]

انا مجرب سيارتيين عنده واحسن والله محل تركيب عازل انه اهو احسن من محيلات كثيره انا جربتها

[A-Alansari]

انا جربته حوالي سنه العازل على الموتر قبل مابيعه

بصراحه الكوالتي ممتاز وبتحس بفرق طبعا انا اتلكم عن النانو سيراميك مادري عن باقي النوعيات الي عندهم

بس المشكله لازم تشيك وراهم على طول لانه مرات تبقى فقاقيع هوى

والاخير نبه عليه يركب لك عازل على الفتحه فوق لانه مايركب اذا ماقلت له

واسعاره زينه مب غالي اخبر من كم شهر مريت عليه قالي بيركب لي على فورويل نانوسيراميك ب1500 ريال

حاول اذا رحت تتعامل مع الي شعره برتقالي بصراحه ماعرف اسمه

اما المصري تعامله خايس ومايمشي الا برشاوي عشان ينزل لك في السعر

بالتوفيق

[ya3coub]

صحيح

بس تأكد انه يحطلك اللزقه و الفاتورة تحطها بدرج السيارة

كضمان بعد سنتين احد الجامات بدا يتقشر فيها العازل من الزاوية رحتله و بدلي اياه علطول

كتعامل الادارة الجديدة ليست بنفس مستوى الإدارة او الموظفين القداما يعطلونك بالموعد إلا اذا وقفت على راسه و قلت له بكرة او باقرب وقت ممكن بدون ما تتعدى على موعد شخص ثاني

كمنتجات عالمية و معروفه جيو شيلد للأسف فالدوحة ما يسون عروض نفس حول العالم و خصوصا السعودية عندهم عروض حلوة على مدار السنة سوائا بولش او حماية او عازل


الزبدة توكل على الله

[شيخ القبيلة]

انا جربته حوالي سنه العازل على الموتر قبل مابيعه

بصراحه الكوالتي ممتاز وبتحس بفرق طبعا انا اتلكم عن النانو سيراميك مادري عن باقي النوعيات الي عندهم

بس المشكله لازم تشيك وراهم على طول لانه مرات تبقى فقاقيع هوى

والاخير نبه عليه يركب لك عازل على الفتحه فوق لانه مايركب اذا ماقلت له

واسعاره زينه مب غالي اخبر من كم شهر مريت عليه قالي بيركب لي على فورويل نانوسيراميك ب1500 ريال

حاول اذا رحت تتعامل مع الي شعره برتقالي بصراحه ماعرف اسمه

اما المصري تعامله خايس ومايمشي الا برشاوي عشان ينزل لك في السعر

بالتوفيق

جزاك الله خير على الافادة
الفقاقيع طلعت حق واحد اعرفه بعد مارجع البيت يقول فقاعة صغيرة في الشباك الامامي

[شيخ القبيلة]

صحيح

بس تأكد انه يحطلك اللزقه و الفاتورة تحطها بدرج السيارة

كضمان بعد سنتين احد الجامات بدا يتقشر فيها العازل من الزاوية رحتله و بدلي اياه علطول

كتعامل الادارة الجديدة ليست بنفس مستوى الإدارة او الموظفين القداما يعطلونك بالموعد إلا اذا وقفت على راسه و قلت له بكرة او باقرب وقت ممكن بدون ما تتعدى على موعد شخص ثاني

كمنتجات عالمية و معروفه جيو شيلد للأسف فالدوحة ما يسون عروض نفس حول العالم و خصوصا السعودية عندهم عروض حلوة على مدار السنة سوائا بولش او حماية او عازل


الزبدة توكل على الله

مشكور الشيخ وجزاك الله خير

[شيخ القبيلة]

شكرا ياموظف

[شيخ القبيلة]

جيوشيلد شركه عالميه لها فروع وايد في الخليج جربتهم مره ممتازين بس شغل الفنيين لك عليه شوي في التركيب

تسلم وحيد على الرد

[ANONYMOUS]

مافي اجابات فنيه

تعجبني في بعض المنتديات المهنيه الاجابات .. او الاجابات الفنيه ..

عندنا ركب وماعليك .. المحل الفلاني افضل... الخ

خل نشوف بعض الاجابات من منتدى اخر .. عن الحمايه والتظليل ..




أما بالنسبة للعازل الحراري ( التظليل )
كثير من الشركات في السعودية يقولون نسب حرارة عالية وغير صحيحة إطلاقاً
مثل محل يقول هالعازل يعزل 75 %
والثاني يعزل 90 %
وبالحقيقة والواقع لا يوجد عازل يستخدم للسيارات يعزل فوق 70 %
وأيضاً على حسب معرفتي لا يباع في السعودية
وهذا النوع من العازل موجود لدى V-KOOL
واسمه VK-30
وأقوى عازل رأيته على حسب مواقع الشركات الأمريكية
بالمرتبة الأولىويباع هنا أيضاً لدى في كول هو VK-40 ونسبة عزله للحرارة 65 %
ويأتي بالمرتبة الثانية كريستال لاين لدى 3M واسم التظليل CR40 ونسبة عزله للحرارة 60 %
ويأتي بالمرتبة الثالثة جيوشيلد واسم التظليل GEO 30 ونسبة عزله للحرارة 60 %

ملاحظة: كثير من الأشخاص انتقدو تظليل كريستال لاين وأنه لا يستحق المبلغ العالي
والسبب ان كريستال لاين نسبة إنعكاسه لأشعة الشمس 7 %
أما في كول نسبة انعكاسه لأشعة الشمس 10 %
أما جيوشيلد نسبة إنعكاس الشمس 13 % وهي أعلى نسبة وأقوى انعكاس

نسبة الانعكاس هي كل ما زاد الرقم كل ما صار العازل مثل المرايا وأيضاً يزداد قوووة عزله

بالنسبة لـ في كول و 3 M مبالغين بأسعار العوازل التي بالأعلى
وأنسبهم جيوشيلد مقارنة بأسعارهم الخيالية وفرق العزل البسيط

وإذا عندك استفسار عن العوازل بتفصيل أكثر وأكبر عطني خبر
عذراً على الإطالة





بخصوص حماية الواجهة ترى كل شركات العازل الحراري موجود لديها هذه الخدمة
ولكن لازم تعرف ان غالبية الشركات يستخدمون نوعين فقط من الحماية
الأول : فنتشر شيلد
الثاني : 3M

يعني كل الشركات المعروفة بالعازل الحراري والحماية مستحيل يكون منتج الحماية خاص فيها وأنها تكون من مصنعها
لأن اللي أعرفه ان أمريكا يوجد فيها ثلاث مصانع كبرى لإنتاج الحماية
وأفضلها بالترتيب
1- إكس بل ، X-pel
2- فنتشر شيلد ، ventcher sheild
3- 3M

طبعا الشركة الوحيدة اللي تستخدم منتج Xpel هي جيوشيلد وسابقاً نانو سكن قبل اغلاقه
وعلى حسب إطلاعي ونظرتي في سوق العوازل ان افضل عازل حماية امريكي هو x pel
وتأكيداً لكلامي انا دخلت موقعهم بالانترنت بأمريكا واخترت كامل الكبوت وكامل الرفارف لسيارة لكزس is 2014
وطلع سعرهـ بــ 1130 دولار ،، بالريال السعودي 4240 ريال

والحماية القياسية ثلث الكبوت ثلث الرفارف بـ 380 دولار،، وبالسعودي بـ 1425 ريال
بينما حماية 3M تباع بالخارج بحوالي 800 ريال

بالمختصر ان منتج X-bel اغلى من 3M بحوالي الضعف تقريباً بأمريكا
وبالحالة هاذي الأكيد ان افضل حماية هي اكس بل





ارقام ونسب و انواع وبحث في الشركات .. يعني بيركب .. وهو يعرف وش بيركب ..

طبعا هذا اقتباس.. وليس نصيحه لتركيب..

شخصيا ماعندي اي فكره

[jassas]

كتجربه العازل انصح فيه بس التركيب جدا تعبان ومراح يعجبك