.....(( لماذا لا يصرف راتب لطلاب جامعة قطر المواطنين )).....

[ضليع التبريد]

موضوع طرحته هنا قبل عامين وبالتحديد بتاريخ 2012/6/9م واكرره مره اخرى اليوم وساكرره


وهو ..... ((( لماذا لا يصرف راتب لطلاب جامعة قطر المواطنين ))) .....

هل طلاب وطالبات جامعة قطر المواطنين والمواطنات يمشي لهم راتب يساعدهم على أعباء ومصاريف الجامعة؟!!


لماذا لايعطونهم بعثه داخليه لكي يتدبرون شامل أمورهم من الأف إلى الياء أسوة بغيرهم من المبتعثين خارج البلاد؟!


فكلهم طلاب جامعة وأبناء وبنات الوطن ومحتاجين مصاريف تعينهم على تكاليف الحياه الجامعية والمصاريف متعدده وكثيرة

والله من وراء القصد.

[Rosso]

اتفق معاك
حتى طلاب المدينة التعليمية يمشيلهم راتب اما جامعة قطر لا

[JN000N]

الي اعرفه ان في حالات يصرف لهم راتب من الجامعه
مب الكل
يعني الي ظروفهم صعبه

[JN000N]

صححو لي اذا كنت غلطانه ..!

[فلتة زمانها]

في مساعدات ماليه لبعض الطلاب والطالبات
بس معظم البنات مب محتاجين رواتب
ماشاءالله الشنط والنعل الي يكشخون فيها تعادل راتب سنير مع اثر رجعي

[عازف]

اللي ما عنده اسهم ينصرف له،ويطلبون منك كشف اسهم،
هم أشوف مافي عدالة ،سوى محتاج وله موب محتاج مفروض ينصرف له،حالة حال البعثات

[راعي الدتسن]

لمعلوماتكم ان جامعة قطر تقدم المساعدات المالية للطلاب الاجانب..!!!!!!

أما للطالب القطري يشتررط احضار اثباتات من كل وزارات الدوله انك فقيررر وتستاهل المساعده..


الله كررريم

[ضليع التبريد]

اتفق معاك
حتى طلاب المدينة التعليمية يمشيلهم راتب اما جامعة قطر لا


طلاب المدينة التعليمية يمشيلهم راتب اما جامعة قطر لا

لماذا؟!! وين العدالة؟! كلهم عيال وبنات قطر ويستاهلون مثل غيرهم

مسئولية إدارة الجامعه ومديرتها !!

[khalid Qtr]

هناك مساعدات بمبلغ رمزي لبعض الطلاب القطريين شرط إثبات محدودية دخل الأسرة ، وقد طرح موضوع منح الطلاب القطريين مكافآت مالية شهرية في اجتماع المجلس التمثيلي الطلابي قبل شهرين تقريبا بحضور نائب رئيسة الجامعة لشؤون الطلاب ، وجرى نقاش طويل حول الأمر وفي الأخير - حسب علمي - رفض الأمر.

[طموحي عالي]

في لطلبه القطريين
لكن لازم يقدم مايثبت الحاجة

يعني ماشاء الله في ناس اعانه الجامعة عندهم شي لايذكر

[w.qatar]

الله يذكرها بالخير د.منى بنت سحيم اول ما غيروا النظام كانت تقول لنا طالبوا الجامعه بصرف الراتب
تقول على ايامهم يعطون كل الطلاب 500 ريال وكانت تفيد في طباعه اوراق وتغليف الابحاث و غيرها من طلبات الدكاتره

[أم محمد 90]

في مساعدات ماليه لبعض الطلاب والطالبات
بس معظم البنات مب محتاجين رواتب
ماشاءالله الشنط والنعل الي يكشخون فيها تعادل راتب سنير مع اثر رجعي

واو !!

كلام سليم وصحيح 100%

بس لا يغرج كله من عند اللي بالي بالج هههه

[أسد الجزيرة]

^^^

قصدج تقليد !!

[أم محمد 90]

^^^

قصدج تقليد !!

هههههه تقريباً

بس بعد ترا التقليد مب رخيص !! دايما فوق الخمسمية و الألف !

[Super Cool]

اي خير ان شاء الله...والله دلع!!!!

يعلمونك و يرزونك و تبيهم يدفعون لك بعد؟

ما تبي سيارة و مساج كل يوم و تذاكر بالمرة؟

[أسد الجزيرة]

الي يسمعك كأنك تروح الجامعة من بيتكم مشي مب كانه ابوك و لا امك تصرف عليك
غيرك محتاج الـ100 تفرق معاه

[حياة]

صراحه طلبات الجامعه مرهقه ماديا ومكلفه احنا مانبي مصرف لهم لشخصهم احنا نبي مصروف للاشياء اللي يطلبونها الدكاتره ولاوراق تخيلوا اوراق طباعه الرسم الهندسي ارخص ورقه200 ريال .. وعلى حسابنا احنا.. ويوم فكرنا نطلب راتب طلبوامن ولي الامر ورقه الراتب وكشف حساب ثلاث شهور وورقه من بورصه قطر ومن ادراه الاراضي ان ماعندك عقارات..والله هذي طلبات تعجيزيه وشدخل ولي الامر في طلبات الجامعه؟ حتى طابعه للورق ماجابوا لقسم الهندسه..!! انا بنتي شهريا فوق 2500 ريال بس للابحاث والديزاين وطباعه الورق هذا من غير الشرب والاكل لان تم في الجامعه من 7,5 الين 5 يوميا وطبعا بتتريق وتتغدا هذا يبي له من 1000 وحول ......والله على مااقول شهيد وحسبنا الله ونعم الوكيل..
وبالنسبه للاخت اللي تقول بعضهم موب محتاج ويلبسون ماركات وشدخل الكشخه في ان حنا نطلب راتب للمتطلبات الجامعيه المرهقه.. بنتي تكشخ وتلبس ومحتاجه يصرفون لها قيمه الخرايط والاوراق احنا الصراحه مش ملزومين ندفع في الكورس حدود 8000 ريال ع طلبات الدكاتره المفروض كل قسم عنده حساب وجدول للمتطلبات .. وسلامتكم..

[لبيبة]

اعتقد من حقهم ينصرف لهم، فعلا بعض الدكاترة لهم طلبات ترهق الطالب وترهق اسرته ماديا، ولكن يتم صرف رواتب لطلاب الجامعات الاخرى

وفي نفس الوقت لم يمانع المجلس الاعلى للتعليم في رفع رسوم المدارس الخاصة على القطريين دون المقيمين ويتكفل بدفعها عن الطالب القطري

فلماذا يكون الطالب في جامعة قطر غير مستحق لراتب يساعده على تكاليف دراسته الجامعية؟!

وكلنا نعرف انه لن تعجز الدولة ولن ترفض صرف هذه الرواتب لأبنائها طلاب جامعة قطر وقطر التي تصل مساعداتها وخيرها لكل مكان

لكن ادارة جامعة قطر هي اللي ترفض صرف الرواتب، لانكم شعب استحقاق وما تستاهلون

[Super Cool]

صراحه طلبات الجامعه مرهقه ماديا ومكلفه احنا مانبي مصرف لهم لشخصهم احنا نبي مصروف للاشياء اللي يطلبونها الدكاتره ولاوراق تخيلوا اوراق طباعه الرسم الهندسي ارخص ورقه200 ريال .. وعلى حسابنا احنا.. ويوم فكرنا نطلب راتب طلبوامن ولي الامر ورقه الراتب وكشف حساب ثلاث شهور وورقه من بورصه قطر ومن ادراه الاراضي ان ماعندك عقارات..والله هذي طلبات تعجيزيه وشدخل ولي الامر في طلبات الجامعه؟ حتى طابعه للورق ماجابوا لقسم الهندسه..!! انا بنتي شهريا فوق 2500 ريال بس للابحاث والديزاين وطباعه الورق هذا من غير الشرب والاكل لان تم في الجامعه من 7,5 الين 5 يوميا وطبعا بتتريق وتتغدا هذا يبي له من 1000 وحول ......والله على مااقول شهيد وحسبنا الله ونعم الوكيل..
وبالنسبه للاخت اللي تقول بعضهم موب محتاج ويلبسون ماركات وشدخل الكشخه في ان حنا نطلب راتب للمتطلبات الجامعيه المرهقه.. بنتي تكشخ وتلبس ومحتاجه يصرفون لها قيمه الخرايط والاوراق احنا الصراحه مش ملزومين ندفع في الكورس حدود 8000 ريال ع طلبات الدكاتره المفروض كل قسم عنده حساب وجدول للمتطلبات .. وسلامتكم..

عندها فلوس تكشخ و ما عندها فلوس تتعلم؟؟؟

ترى التعليم "إستثمار للمستقبل" بمعنى إدفع اليوم علشان تستلم باجر...تبي تستلم مستقبلاً بدون ما تستثمر اليوم ما يصير!!!

طلاب باقي الدل يدفعون اللي عيالكم يدفعونه أضعاف مضاعفة و أهاليهم ما يساعدونهم بريال واحد و الولد أو البنت منهم يشتغل
وظيفة و وظيفتين و ثلاث ويالله ييزون و انتوا عيالكم مواتر و ماركات و كل مصاريف معيشتهم مكفولة و بعد تتشكون...لا تعودون
عيالكم على الدلع و الدلال الزايد بكرة الواحد منهم يتعين و يصير ضعيف شخصية و 24 يتحندى يبي كل شي بالجاهز بدون ما يشتغل

[ضليع التبريد]

الله يذكرها بالخير د.منى بنت سحيم اول ما غيروا النظام كانت تقول لنا طالبوا الجامعه بصرف الراتب
تقول على ايامهم يعطون كل الطلاب 500 ريال وكانت تفيد في طباعه اوراق وتغليف الابحاث و غيرها من طلبات الدكاتره


شكراً على مشاركتك القيمة وهذا الكلام كان قبل ثلاثون عام فما بالك باليوم!

[حياة]

عندها فلوس تكشخ و ما عندها فلوس تتعلم؟؟؟

ترى التعليم "إستثمار للمستقبل" بمعنى إدفع اليوم علشان تستلم باجر...تبي تستلم مستقبلاً بدون ما تستثمر اليوم ما يصير!!!

طلاب باقي الدل يدفعون اللي عيالكم يدفعونه أضعاف مضاعفة و أهاليهم ما يساعدونهم بريال واحد و الولد أو البنت منهم يشتغل
وظيفة و وظيفتين و ثلاث ويالله ييزون و انتوا عيالكم مواتر و ماركات و كل مصاريف معيشتهم مكفولة و بعد تتشكون...لا تعودون
عيالكم على الدلع و الدلال الزايد بكرة الواحد منهم يتعين و يصير ضعيف شخصية و 24 يتحندى يبي كل شي بالجاهز بدون ما يشتغل





وانت ليش محتر ومتضايق ؟؟؟
لايكون يكشخون من حسابك ولا يركبون شي من سياراتك ؟؟ولا لاتكون اذا انصرفت لهم راتب بينخصم منك شي ولا بتأثر ع ميزانيتك بشي ؟؟
ولا محتر لانك مش قطري؟ وحده من الاثنين ...

[meme-93]

^

لنفرض قطري
لو عياله دخلوا الجامعه بتشوفينه يصارخ اهني ليش ماتنصرف رواتب نفس ماتنصرف لطلبة باقي الجامعات

[meme-93]

عندي اقتراح لو بيصرفون رواتب للقطريين

على كل ماده 500
يعني الي ياخذ اربع مواد يستلم 2000
والي ياخذ 6 مواد يستلم 3000
وبهـ الطريقه راح يشجع الطلاب ياخذون مواد اكثر ويتخرجون اسرع ويفيدون الدوله اسرع
وغير انه راح يشجع الي مب مكمل دراسته يدخل يكمل
دايما الي يشتغلون ومب مكملين خايفين يهدون شغلهم لان مافي مصرف وهالطريقه راح تحل المشكله

[Super Cool]

انا قطري و اعيد و اكرر....محد خرب عيالنا إلا الدلع و الدلال الزايد....تدلعون عيالكم و تبونهم يمسكون مناصب لين تخرجوا اشلون وهم مب حمل مسؤولية؟؟؟

ابي افهم واحد طول عمره يا دهينة لا تنكتين اشلون اثق فيه و أئمنه على مشاريع الدولة و على الملايين و المليارات!!

[Super Cool]

نقطة ثانية

الوالد الله يطول في عمره سوى معانا حركه يوم كنا صغار لين اليوم نشكره عليها والكل يثني عليها

على جيلنا كان الولد يخلص ثانوية ابوه يشتري له اي موتر يقزر فيه و يمشي له مصروفه لين يخلص جامعته
الوالد لين خلصنا الثانوية رفع يده و قال خلني اشوف صرت رجال والا بعدك...تعليمنا و مصاريفنا و شهاداتنا
و دراستنا و مصاريفنا و حتى مواترنا كلها احنى اللي رتبناها و سعينا لها بدون ما نشوف ريال واحد منه والحين
الحمد لله كلنا ماسكين مناصب و عندنا تجاراتنا الخاصة و كوننا أنفسنا و نربي عيالنا بنفس المبدأ

أما يا تمشيلي مصروف يا ما أدرس...هذا دلع و فسق

[يمامـة]

الجامعة في السابق كانت تصرف لكل طالب قطري راتب

ولكن ما ادري شلي صار امنعوا هالراتب وصارت عليها شروط
في الوقت اللي طلاب المدينة التعليمية تمشي لهم رواتب من المجلس
الأعلى للتعليم؟

هل لأن المجلس الأعلى للتعليم هو اللي يتكفل بدراستهم؟

بينما جامعة قطر هي اللي تتكفل بدراسة الطالب القطري؟

طيب ليش ما يفتحون الالتحاق لجامعة قطر للقطريين عن طريق المجلس؟

اقلها الطالب القطري يحصل راتب..

اشوف بصراحة هناك ظلم في التعامل مع الطلاب القطريين..

فالراتب للطالب الجامعي ما يخصه اذا كان ابوه عنده اسهم ولا ما عنده
هذا حق مكتسب للطلاب دام ان هناك طلاب اخرين يستلمون مثل هالراتب
في جامعات محسوبة على الدولة..

فالكل صار رجال اليوم .. سواء مشى راتب ولا ما مشى له راتب..

عيالنا درسوا في الجامعات وهم تمشي لهم رواتب من الجهة المتكلفة
في دراسته ،، فما يصير اليوم نقول لا تعطون الطالب الجامعي راتب واحنا نبيه
يصير ريال..

حلوة المادة في يد الطالب تخفف عن اعباء طلب الفلوس من هله..

[راعي الدتسن]

نقطة ثانية

الوالد الله يطول في عمره سوى معانا حركه يوم كنا صغار لين اليوم نشكره عليها والكل يثني عليها

على جيلنا كان الولد يخلص ثانوية ابوه يشتري له اي موتر يقزر فيه و يمشي له مصروفه لين يخلص جامعته
الوالد لين خلصنا الثانوية رفع يده و قال خلني اشوف صرت رجال والا بعدك...تعليمنا و مصاريفنا و شهاداتنا
و دراستنا و مصاريفنا و حتى مواترنا كلها احنى اللي رتبناها و سعينا لها بدون ما نشوف ريال واحد منه والحين
الحمد لله كلنا ماسكين مناصب و عندنا تجاراتنا الخاصة و كوننا أنفسنا و نربي عيالنا بنفس المبدأ

أما يا تمشيلي مصروف يا ما أدرس...هذا دلع و فسق


ياخي انت عجيب..!!
تبي الناس تصير مثلك.. ياخي ابوك ماعطاك سيارة وفلووس احنا اش علينا..مب لازم انت تصير قدوتنا ولا احنا ملزومين انصير مثلك..
فهمني ..اشلوون .. اشرح لي.. قدرت تشتري سياره واشلون قدرت تصرف على الجامعة وعلى نفسك..!!؟
بعدين الناس مستويات فيه اللي يقدر يدفع حق عياله وفي ناس ماتقدر..
المره تقولك مصاريف البنت توصل 8000 ريال وانت تقول اشلون تكشخ وتلبس..!!!!
حدث العاقل بما يعقل


حبيبي الغالي...
انا ذكرت هالمعلومه في بداية الموضوع.. جامعة قطر تدفع رسوم الجامعة للمقيمين الاجانب.. شالمانع اذا مشت راتب للطالب القطرررررررررري.
تحياتي

[العربية نت]

من حق الطالب على الجامعه صرف راتب له حتى يتخرج او لمدة 5 سنوات ايهما اسبق هذا برائيي فالجامعه متطلباتها كثيره من بحوث ودروس خصوصية وخلاف ذلك
اعتقد في جميع دول العالم يصرف راتب للطالب حتى الدول الفقيرة :)

[alsoq]

يقلون الحمدلله ان التعليم مجان

في امريكا لو شفت حلقت خواطر 10 كان عرفت اننا بخير

الطلاب اللي يتخرجون في امريكا يجلس فوق 25 سنة يدفع مصاريف التخرج

والدول العربيه الاخرى يبيع هدومه علشان يدخل ولده الجامعة

واحنا من اول ابتدائي للقبره محفول مكفول


قولوا الحمد لله

[فلتة زمانها]

واو !!

كلام سليم وصحيح 100%

بس لا يغرج كله من عند اللي بالي بالج هههه

هاهاهاهاها
انزين عيل وميزانية المدرسين بروحها يبيلها راتب
تصدقين مدرس الاقتصاد ساعدني في البروجكت خذ علي 2000 ريال
هذا ارخص مدرس :weeping:

[عنيــــد]

يستاهلون طلاب جامعة قطر راتب شهري يعينه على طلبات الجامعة ،، و هي في كثير من الاحوال مكلفة على العوائل ..

[الشاكوش]

يا جماعة ما نبي راتب 10000 ريال
2500 نعمة والله تسوي شغل للطالب
يعني لازم ابوي يكون فقير عشان استحق المكأفاة
افرض ابوي ما يعطيني او انا ما احب اطلبه

[ضليع التبريد]

يا جماعة ما نبي راتب 10000 ريال
2500 نعمة والله تسوي شغل للطالب
يعني لازم ابوي يكون فقير عشان استحق المكأفاة
افرض ابوي ما يعطيني او انا ما احب اطلبه


كل مصاريف الطلبة سواء في الخارج أو الداخل كلها نفس الشيء.

عدى السكن،، في الداخل يسكن مع أسرته وفي الخارج يدفع أجار السكن، فقط.. هذا هو الفرق،، سكن شقة غرفه وحده بروحه ولا شقة غرفتين مع شريك (روميت) بس فقط

[T A L A L]

-





موضوع مهم جداً وانا شخصياً راح اكون احد المطالبين والداعمين للشيء هذا ..
مو شرط أكون طالب ف جامعة قطر , بس انا شخصياً كنت طالب ف الجامعة !
واعرف ان الجامعة لها مصاريف وتبي اشياء كثير , الاوراق والابحاث وغيرها ..


والاخ السوبر والكول اللي ما ادري وش يبي صراحة :waiting: انت مش مؤيد صح ..
يا ليت ما تسمعنا رايك انا شخص احترم الراي الاخر بس لما تكون انت الوحيد المعارض !
ي اخي بالعقل زمنكم غير عن زمنا الحين انت تتكلم عن 10 سنوات وأكثر اذا موب 20 سنة ..
اذا كنت ابو عيال ما اعتقد بنسمع نفس كلامك اللي الحين من عيالك حتى لو مربيهم نفس الوالد !
ذاك الوقت غير والحين غير ! فرق السماء عن الارض الاسعار زادت وتضاعفت أضعاف االاضعاف ..


وللعلم ترى المصاريف ما تكون بس " كتب , أوراق " فيه أشياء ثانية من الاكل والبترول * الشباب *
انا اتكلم عن نفسي البترول بس شهرياً ما يقل عن 1000 ريال , لو باكل فالجامعة قول 10 فالاسبوع 50
فالشهر 200 ريال ومرات يتضاعف ذا كان فطور وغداء يعني قول 500 إلى 700 ريال للأكل :rolleyes2: !


حتى حذف الكورسات , اذكر مره اضطريت احذف كورس لظروف صحية ! خذوا علي 6000 ريال ..
ومرات تزيد لو كنت ماخذ مواد اكثر , وحتى لو عطيتهم العذر الطبي ما راح يكون كفيل انهم يلغون الغرامة !
انا مع الغرامة بس مو لهالدرجة المبالغ فيها صراحة , اسمع كلام الطلاب القدامى اللي من 10 و 20 سنة غير ..
ما كانوا يدفعون هالمبالغ كان كلي شيء بالمجان فيه امور كثيرة ترى ما ابي اتكلم بالتفصيل واطولها زيادة :rolleyes2: !


+


اللي يتكلمون عن " امريكا " والدول المتقدمة وان التعليم بفلوس وغيرها , هالدول مستغلة لشعوبها ..
ويا ليت لو بتقارنون دولة ب دولة , تكون هالدولتين من المستوى نفسه مو دولة غنية ب دولة فقيرة !
او دولة من العالم الاول ب دولة من العالم الثالث ! هالمقارنة راح تكون فاشلة جداً صراحة بلاش يعني ..


وبعدين موب من كثر الطلاب القطريين في الجامعة ! ترى هم الأقلية و 2500 أو 3000 ما تضر صراحة ..
الدول الخليجية طلها تمشي لطلابها رواتب واولهم السعودية اللي طلابها عشرات اضعاف القطريين :omen2: !




-

[ضليع التبريد]

-





موضوع مهم جداً وانا شخصياً راح اكون احد المطالبين والداعمين للشيء هذا ..
مو شرط أكون طالب ف جامعة قطر , بس انا شخصياً كنت طالب ف الجامعة !
واعرف ان الجامعة لها مصاريف وتبي اشياء كثير , الاوراق والابحاث وغيرها ..


والاخ السوبر والكول اللي ما ادري وش يبي صراحة :waiting: انت مش مؤيد صح ..
يا ليت ما تسمعنا رايك انا شخص احترم الراي الاخر بس لما تكون انت الوحيد المعارض !
ي اخي بالعقل زمنكم غير عن زمنا الحين انت تتكلم عن 10 سنوات وأكثر اذا موب 20 سنة ..
اذا كنت ابو عيال ما اعتقد بنسمع نفس كلامك اللي الحين من عيالك حتى لو مربيهم نفس الوالد !
ذاك الوقت غير والحين غير ! فرق السماء عن الارض الاسعار زادت وتضاعفت أضعاف االاضعاف ..


وللعلم ترى المصاريف ما تكون بس " كتب , أوراق " فيه أشياء ثانية من الاكل والبترول * الشباب *
انا اتكلم عن نفسي البترول بس شهرياً ما يقل عن 1000 ريال , لو باكل فالجامعة قول 10 فالاسبوع 50
فالشهر 200 ريال ومرات يتضاعف ذا كان فطور وغداء يعني قول 500 إلى 700 ريال للأكل :rolleyes2: !


حتى حذف الكورسات , اذكر مره اضطريت احذف كورس لظروف صحية ! خذوا علي 6000 ريال ..
ومرات تزيد لو كنت ماخذ مواد اكثر , وحتى لو عطيتهم العذر الطبي ما راح يكون كفيل انهم يلغون الغرامة !
انا مع الغرامة بس مو لهالدرجة المبالغ فيها صراحة , اسمع كلام الطلاب القدامى اللي من 10 و 20 سنة غير ..
ما كانوا يدفعون هالمبالغ كان كلي شيء بالمجان فيه امور كثيرة ترى ما ابي اتكلم بالتفصيل واطولها زيادة :rolleyes2: !


+


اللي يتكلمون عن " امريكا " والدول المتقدمة وان التعليم بفلوس وغيرها , هالدول مستغلة لشعوبها ..
ويا ليت لو بتقارنون دولة ب دولة , تكون هالدولتين من المستوى نفسه مو دولة غنية ب دولة فقيرة !
او دولة من العالم الاول ب دولة من العالم الثالث ! هالمقارنة راح تكون فاشلة جداً صراحة بلاش يعني ..


وبعدين موب من كثر الطلاب القطريين في الجامعة ! ترى هم الأقلية و 2500 أو 3000 ما تضر صراحة ..
الدول الخليجية طلها تمشي لطلابها رواتب واولهم السعودية اللي طلابها عشرات اضعاف القطريين :omen2: !




-


أكرر وزيد

كل مصاريف الطلبة سواء في الخارج أو الداخل كلها نفس الشيء.

عدى السكن،، في الداخل يسكن مع أسرته وفي الخارج يدفع أجار السكن، فقط.. هذا هو الفرق،، سكن شقة غرفه وحده بروحه ولا شقة غرفتين مع شريك (روميت) بس فقط

ومصاريف رهيبه لطالب أوطالبة في جامعة قطر ومبالك بالي عنده أكثر من طالب وطالبة، ياكثرهم الله يعينهم على المصاريف في زمن الغلاء الفاحش الغير طبيعي ويبارك لهم

لا بد من صرف رواتب لهم تعينهم وتكون مثل طلاب الي بالخارج عدا مصاريف السكن تخصم

70% من راتب الطالب الي في الخارج للداخل غير عن أشياء أخرى خلاف الراتب معروفه.....

[ضليع التبريد]

كلهم عيالنا وبناتنا مستحقين ويستاهلون

[غايه الطواش]

كل الطلاب يستحقون رواتب ونسميها مكافاه
اما الي يقول مايحتاجون او النات كشخه هاذي مالها داعي تنذكر
والله يزيد هل قطر من نعيمه

[جبر ال جبر]

انا اذكر لمن كنت طالب في الجامعه تنصرف لنا 500 في الشهر ويعطونا اياها كل 3 او 4 شهور مره وماكانت تسوى شي وفي ذاك الوقت من ظ،ظ¤ او ظ،ظ¤ سنه اما الحين اشوف المصاريف زادت ويليت ينصرف لكل طالب جامعي 3000 شهريا او يربطونها مع تقادير درجاته

[T A L A L]

-




بالضبط هذا هو :nice: الموضوع موب موضوع لبس وكشخة ترى !
هم يطالبون بالشيء هذا عشان مصاريف الجامعة من اوراق واكل وبس ..
ما يبون يكشخون على حساب الدولة ! بعدين 3000 بتكشخ حد الحين ؟
ما اظن صراحة تسوي شيء , حتى هال 3000 ما راح تكفي المصاريف ..
راح يضطرون يأخذون من اهلهم بس راح تسد شوي ولا واجد :omen2: !
الموضوع انه نخفف هم المصاريف على الطالب وما يحس انه عالة على هله ..
خصوصاً الشباب , تلقى بعضهم يطلع من الجامعة ويشتغل بسبب الشيء هذا !
ادري تقولون قوية بس بعضهم ظروفهم ما تسمح وتلقاه هو الولد الكبير او الولد الوحيد ..
مع ان بعضهم يكون متفوق اكاديمياً ومعدله فوق 3.5 بس الاعباء المالية تجبره ..


+


مثل ما ذكر احد الاعضاء فوق , ان الموضوع موب انه طالب واحد بس ..
بعضهم تلقى عنده 3 ولا 4 طلاب وخصوصاً البنات مصاريفهم تكون اكثر من الشباب ..
الموضوع متعب شوي وراح يكون الطالب عبء على اهله , وهالشيء موب زين !
لانه شوي شوي راح يضطرون يفكرون بالشغل وينسون الجامعة والمستقبل ..
الموضوع طويل ومعقد والنقاش فيه يطول , بس 3000 ريال مكافأة كفيلة تساعد ..




-

[العنيده]

على ايامنا من زماننننننننننننننننننننننننن كان ينصرف لنا مبلغ الحمدلله
وكنا ننتظره عشان نلبي طلبات الجامعه اعتقد كان طلب نقدمه وعقب يالله

الطالب محتاج لو مصروف بسيط متطلبات الدراسه ويثبت نفسه قبل التوظيف وبالعكس اتوقع بيعطيهم دافع
وانه يكمل دراسته لان الاغلبيه يطلعون من الجامعه عشان يشتغلون و يصرفون على نفسهم