هل طيران القطريه منع الطياريين من الطيران فوق هذي الدول ولا

[فاهم وساكت]

بعد ماتم اسقاط الطياره الماليزيه من قبل الارهابيين كنت اتابع الاخبار ولاحظت كم شغله

قريت بان فيه " تحذير" فقط من قبل الجهات المتخصصه في السلامه والامن .. بالطيران فوق اوكرانيا بما انها صايره ساحة حرب

وتم ذكر الطيران الاوربي والبريطاني والامريكي حضر السفر فوق هذي الاماكن

واذا ماخاب ظني كل طيران بكيفه " بما انه مجرد تحذير " وهذا الي صار مع الماليزيه بانهم طارو فوق اوكرانيا

الحين سؤالي هل طيران القطريه مانع السفر فوق اي دوله فيها حرب او جماعات ارهابيه؟

وكان سبب دخول الطياره الماليزيه اوكرانيا " لان المسافه بتكون اقصر= الطياره بتحرق بترول اقل" فانت احسبها لو كل الطيارات بدت تقطع مسافه اطول لانها ماتقدر تدخل هالاماكن " بيخسرون مبالغ كبيره والوقت بيكون اطول يعني بتكون فيه خساير للشركه "

اتمنى احد يفيدنا بالاجراءات الي ياخذونها ؟

[محمد أبوشيخة]

نعم اخوي الطيران القطري غير مسار جميع رحلاته اللي تمر فوق البلدان اللي فيها مشاكل

في رحلة لي لتركيا لاحظت تغير مسار الرحلة من فوق السعوديا وبعدين سوريا تغيرت وصارت تروح من صوب الكويت.........


جزاهم الله خير

[Dana’1]

http://ar.flightaware.com

هذا الموقع لتتبع الرحلات ومسارها للقطرية ولغيرها

[أسد الجزيرة]

ما اعتقد ممكن صاروخ يوصا ارتفاع 30 الف قدم و يطيح طيارة الا اذا كان صاروخ متطور بيد روسيا

[captin]

من المعروف أن هناك مسارات جوية محددة من قبل منظمة الطيران المدني الدولية بالتعاون
مع الدول يتم على ضوئها تحديد مسارات الرحلات الجوية لشركات الطيران والارتفاعات
لكل رحلة احيانا نشوف على شاشة الرادار مجموعة طائرات في نقطة واحدة فوق بعض
لكن الارتفاعات تختلف .
بالنسبة للخطوط الجوية القطرية مثلها مثل باقي الشركات تلتزم بالمسارات والارتفاعات المحددة لرحلاتها

http://www.flightradar24.com/32.78,53.59/5

من الملاحظ ان أكثر منطقة عليها ازدحام بالنسبة للرحلات المغادرة من منطقة الخليج الى اوروبا وامريكا
هي منطقة فوق العراق . انا عندي برنامج فلايت ريدار 24 واتابع عليه الحركة باستمرار
راح نشوف معظم الحركة الى الغرب لشركات الطيران الخليجية الثلاث القطرية الاتحاد الامارات وبعض
شركات الطيران الاوروبية مثل البريطانية والالمانية وكي ال ام وغيرهم ومتركزة فوق العراق باتجاه تركيا.

[وليف الشوق]

نعم اخوي الطيران القطري غير مسار جميع رحلاته اللي تمر فوق البلدان اللي فيها مشاكل

في رحلة لي لتركيا لاحظت تغير مسار الرحلة من فوق السعوديا وبعدين سوريا تغيرت وصارت تروح من صوب الكويت.........


جزاهم الله خير

ياخوي سفراتي لتركيا دايم يكون مسارها من فوق الكويت العزيزه وماقد مره رحت تركيا من فوق السعوديه

[باراكودا]

ياخوي سفراتي لتركيا دايم يكون مسارها من فوق الكويت العزيزه وماقد مره رحت تركيا من فوق السعوديه

أنا كنسلت سفرتي لتركيا من الخوف لازم تمر على العراق اوسوريا
وكنسلت الاردن من الخوف لقرب مفاعل ديمونة وكنسلت مصر بسبب السيسي ودبي بسبب الحر
والمغرب بسبب المرور فوق ليبيا وأسيا بسبب الرطوبة وأوروبا بسبب العنصرية وأمريكا وأستراليا بسبب طول المسافة
محتار وين أصيف هذى السنة .
مالي غير سوق واقف مشاهد المراوح .

[ya3coub]

من سنين و القطرية تبدل رحلاتها اعتمادا على الدول و اوضاعها

سوائا بالترانزيت و تغير دول الترانزيت او بالدايركت و تغير المسار

صحيح مو بيدهم بس الموافقه تجي من الطيران المدني الي عن طريهم ينسقون مع هيئة الطيران الدولي "مدني" و على اساسها مسار الرحلات تتبدل خلال اسبوع بالكثير اذا لم تخالف او على مقربة من مسار رحلات اخرى

[حفيد الأنصار]

نعم اخوي الطيران القطري غير مسار جميع رحلاته اللي تمر فوق البلدان اللي فيها مشاكل

في رحلة لي لتركيا لاحظت تغير مسار الرحلة من فوق السعوديا وبعدين سوريا تغيرت وصارت تروح من صوب الكويت.........


جزاهم الله خير



كم ساعة من الدوحة الى اسطنبول ؟