ظاهره حجز الصفوف الاولى في المساجد

[محمد11]

ظاهره حجز الصفوف الاولى في المساجد
السلام عليكم ورحمة الله وبركاته

تقبل الله طاعتكم والله يتقبل منا ومنكم صالح الاعمال والله يكتب لنا قيام ليلة القدر

الموضوع مثل ماهو باين في العنوان
ظاهر حجز الصفوف الاولى ف المسجد
هذا الشي يحس في خاطري وايد وانا لما اروح المسجد قبل صلاة القيام ب ساعتين اتفاجئ بوجود كراسي او مصاحف او هواتف او غتر ف الصفوف الاولى .. بدون وجود اصحاب هولاء الاغراض .. اتفاجئ بقدومهم قبل الصلاه ب دقائق معدوده مع الزحمة.الشديده. تحرم الشخص الثاني من الاجر الي جاي وياخذ الصلاة في هذا الصف ولانسى النيه طبعا والله يكتب لنا اجرها

قصتي ف العام الماضي ..
استعجلت في ليلة 27 رمضان بالذهاب للمسجد قبل صلاة القيام ب 3 ساعات ماشاء الله تفاجئة بوجود كراسي واغراض للحجوزات ف الصفوف الاولى بكميات كبيره .. قلت والمصلين الي موجودين قاعديت ف الصفووف الثانيه ..
انا قلت بروح اقعد مكان حد من هالاشخاص وبشوف رددة فعله…
ماقدرت اشوف ردة فعله لان تفاجئة ان الاخ وصل المسجد قبل الصلاه ب 3 دقايق تقريبا شافني بنظره واخذ كرسيه الخاص وتوكل على الله وصاحيه ايضا حذاي وصل المسجد قبل نص ساعه وكان حاجز المكان بجانبه كان بيكلمني يقوم لي قوم بس ماقدر سالني عن الكرسي الي كان موجود ..

للاسف ان اكثر الاشخاص الي يسون هذي الحركه ناس ناضجه وتخاف الله وكبار ف السن…
اتمنى ان هالظاهره تختفي في هذه العشر الاواخر ..

والله ماوراء القصد اي شي

[حسن]

مادري مالاحظت هذا الشي عندا فقط الى توافد الناس من مناطق اخري بسبب الامام
ولو الانر في يدي كان خليته يطول ونشوف من يصك بعدين
واضططرنا ان نصلي في الصندقه ابرك واخف من الزحمه

هذه موضه جديده كان ذكرت لنا وين هل المسجد والمنطقه
علشان نعرف ويعرف اخونك المشاهدين

وشكرا

[Aaziz]

مالهم حق نهائيا ،،، يحجز مكانه لو انه مثلا بيروح يجدد وضوئه او شي من هذا القبيل.
اما يحط اغراضه و يروح البيت لساعات هذا ماله حق بصراحه و اول مره اسمع بهالشي.

اعتقد وقف هذا التصرف مسؤوليه الامام او المؤذن. الشخص الي قايم على المسجد

[محمد11]

مادري مالاحظت هذا الشي عندا فقط الى توافد الناس من مناطق اخري بسبب الامام
ولو الانر في يدي كان خليته يطول ونشوف من يصك بعدين
واضططرنا ان نصلي في الصندقه ابرك واخف من الزحمه

هذه موضه جديده كان ذكرت لنا وين هل المسجد والمنطقه
علشان نعرف ويعرف اخونك المشاهدين

وشكرا

المسجد ماشاء الله سمعته طيبه ويعتبر من افضل المساجد ف الدوله
انا ماحبيت اذكر المسجد لهذا السبب ..
وللعلم كثير من زوار المنتدى واعضاء موجودين في هذا المسجد والحمدالله
وللعلم هذا الشي ايضا موجود ف الحرم في مكه لكن الاخوان المشرفين وانا شفتهم يتم ازاله ايي شي موجود بعد صلاة العصر ف مكه
لان يحجزون الاماكن الي تكون مواجه الكعبه انا اكلمك عن السطح

[" Snake "]

الحمدلله رب العالمين هذه الظاهره ماقد واجهتها او حتى شفتها
بس لو انا مكانك اقعد في الصف الأول وماعلي من احد لان مش من حقه انه يحجزه ويروح لمدة ساعات طويله وبعدها يجيك ويقولك قوم

[بوحارب]

ودك تاخذ ها لأغراض كلها وتحذفها برع المسيد

[alsoq]

ما فيه مسجد افضل من مسجد كلها بيوت الله

ولاهو زين انك تترك اقرب مسجد لك وتروح مسجد ابعد اقرب مسجد لك صل فيه وهذا خطاء يقع فيه البعض

المساجد كله بيوت الله سوى اكبر مسجد في الدوله الى اصغر مسجد بدوله

فا نصيحتي اقرب مسجد لك تصلي فيه

[بانغ بانغ]

المفروض هالشي يتغير لان معظم الأئمة قطريين ومحد كفوا يطول صوته او يتكلم

اما الوضع الحالي بنغال ويخافون من الشياب

[فيصل99]

هاذا الشي مايجوز ابد دامك جيت قبل اقعد فالمكان الي تبيه شل الغرض الموجود وقطه اخر شي
المعروف الصفوف الاولى للي يجي قبل .. مع اني شخصيا ماشفت هاي الشي قبل لو اشوف الص الاول محجوز ومافيه حد الاغراض ذي كلها بتلقاها اخر المسجد

[abu m7md]

الحمد لله الظاهره مب موجوده عندنا فالمسجد
لكن لي 3 سنوات اعتكف في المدينة المنوره بس السنه ماحصل لي نصيب
فالمدينة عادي تشوف صف كامل فيه غتر وستاند مصحف وكراسي حاجزينها لانهم يرقدون هناك

بس عندنا مافيه الامور هذي

وفعلا مثل ماذكرت الشي مرفوض بتاتا حتى لم يكن من تصرافت الرسول صلى الله عليه وسلم ولا الصحابه


ابو محمد

[محمد11]

الله يجزاكم خير على ردودكم الطيبه وفرحت ان مافي هالشي في بعض المساجد ..
حاليا انا ف المسجد .. شفت واحد تارك مفتاح وجوال ومسباح ومب موجود رحت عمدا الحين حطيت لي كرسي وقعد اقراء قراءن

http://im53.gulfup.com/rIGRF0.jpg (http://www.gulfup.com/?kTbUYT)

وحذاي ايضا واحد جالس وتارك عقاله في مكان فاضي ان حاجزه لشخص
والمكان الي حذاه ايضا اشوف ستاند للقراءن والقراءن مفتوح ومفتاح سياره
طبعا.صلاة.القيام باذن الله الساعه 11ونص

وان شاء الله راح اكلم.الشيخ بهذه النقطه وينبها للمصلين وايضا للمعتكفين ف المسجد

[@north_star@]

بصراحة اول مرة اسمع بهالشي وانت تصرفت صح انك قعدت بالمكان اللي تبغيه. ومعقول لهالدرجة وصلت عقول بعض الناس ولا حول ولا قوة الا بالله

[qatara]

كلمو الامام يبين لهم ولا حطو لغراض كلها على جنب وجلسو
في وين ذولي في بيت الله ولا في بيوتهم

وش البدع الجديده

[نيساني]

اخوي ،
ولاتهون تأكد من شيخ دين لاني سمعت قبل فتره انه مب لازم تكون في الصف الاول اذا كان وجودك في المسجد قبل العالم اهم شي النيه

فمثلاً اذا رحت المسجد بدري ورحت قعدت ورا صوب الكراسي او رجعت ورا عشان تتسند على الطوفه وتقرا قرآن ونيتك انك تصلي في الصف الاول وما صار نصيب يعني اكتمل السيد الاول فبإذن الله يكون لك اجر الصف الاول

وماعجبتني حركت الشيبان والله يعينكم

[مضارب دوسري]

اخوي ،
ولاتهون تأكد من شيخ دين لاني سمعت قبل فتره انه مب لازم تكون في الصف الاول اذا كان وجودك في المسجد قبل العالم اهم شي النيه

فمثلاً اذا رحت المسجد بدري ورحت قعدت ورا صوب الكراسي او رجعت ورا عشان تتسند على الطوفه وتقرا قرآن ونيتك انك تصلي في الصف الاول وما صار نصيب يعني اكتمل السيد الاول فبإذن الله يكون لك اجر الصف الاول

وماعجبتني حركت الشيبان والله يعينكم

بعض الشيبان والشباب ايضا للاسف مب متفقه فالدين
على باله اذا راح الصفوف الاولى بيكون له اجر نفس اللي جاي قبل
وتتكرر هالحركات حتى ف صلاة الجمعه
يجي مع الاقامه
ويشق الصفوف يبي يروح قدام هذا غير اذا شاف له واحد اسيوي قاله ارجع ورى هههههههخ

[مضارب دوسري]

ومره ف صلاة الجمعه
فالعزيزيه
كان المسجد ماشاء الله ممتلي ع الاخر
الى درجة سكروا البيبان عشان الناس تقعد
وواحد جاي متاخر قعد يخبط فالابواب ويزاعق حتى الخطيب قطع الخطبه مستغرب في النهايه طلع شاب عمره فال 20 سنه لا وداش معصب ما يبي يكلم احد ويقوم الهنود عشان يقعد مكانهم

[محمد11]

من نص ساعه مخلصين القيام الحمدالله
نسال الله القبول والمغفره والثبات

وثاني شي الحمدالله الشيخ بين ال 4 ركعات وضح هالامر بمايخص حجز الاماكن
جزاه الله خير

[مشاكل]

انا مالاحظت هالظاهرة في كل مساجد فريجنا
وان كانت موجودة ،،، ف ان كان من يحجز الصفوف الامامية من الشيّاب فلهم السمع والطاعة وكل الاحترام والتقدير

[محمد11]

اخوي ،
ولاتهون تأكد من شيخ دين لاني سمعت قبل فتره انه مب لازم تكون في الصف الاول اذا كان وجودك في المسجد قبل العالم اهم شي النيه

فمثلاً اذا رحت المسجد بدري ورحت قعدت ورا صوب الكراسي او رجعت ورا عشان تتسند على الطوفه وتقرا قرآن ونيتك انك تصلي في الصف الاول وما صار نصيب يعني اكتمل السيد الاول فبإذن الله يكون لك اجر الصف الاول

وماعجبتني حركت الشيبان والله يعينكم
صح صادق في كلامك
لكن المشكله ف الاشخاص الي يسون هالحركة الصبيانيه
والي هو الحجز..
انا اخبر سالت شيخ
ذكرلي حديث ما اذكره
لكن كان في ان هذا الشخص يزني شخص هذا المكان بمعنى هذا
والله العالم ماذكر هالحديث

[محمد11]

انا مالاحظت هالظاهرة في كل مساجد فريجنا
وان كانت موجودة ،،، ف ان كان من يحجز الصفوف الامامية من الشيّاب فلهم السمع والطاعة وكل الاحترام والتقدير

احنا ماتكلمنا عن الشياب جزاك الله خير
الموضوع ليس الاحترام والتقدير
الموضوع هل يجوز او لا
او يصلي طول السنه في نفس المكان
انا عمي الله يحفظه كان امام مسجد نفس والدي الله يرحمه
طول السنه نفس المكان مب احسن له حد يقعد مكانه او في كرسيه

[محاسب]

المسجد لمن سبق، فلا يجوز لأحد أن يحجز مكانا في المسجد، ولهذا قال النبي صلى الله عليه وسلم: ((لو يعلم الناس ما في النداء والصف الأول ثم لم يجدوا إلا أن يستهموا عليه لاستهموا))[1] أي : لاقترعوا، فحجزه أمر لا يجوز وغصب للمكان ولا حق لمن غصبه، فالسابق أولى منه وأحق به حتى يتقدم الناس إلى الصلاة بأنفسهم. والناس في الجنائز يكونون خلف الإمام والجنائز يتسامح في صفوفها لما روى أبو داود والترمذي وابن ماجه رحمهم الله عن مالك بن هبيرة رضي الله عنه عن النبي صلى الله عليه وسلم أنه قال: ((ما من مسلم يموت فيصلي عليه ثلاثة صفوف من المسلمين إلا أوجب))[2]، ولهذا كان مالك المذكور رضي الله عنه إذا استقل الجماعة جعلهم ثلاثة صفوف ولو كانت غير تامة. [1] رواه البخاري في (الأذان) برقم (615)، ومسلم في (الصلاة) برقم (437). [2] رواه أبو داود في (الجنائز) برقم (3166). نشرت في ( مجلة الدعوة ) ، العدد ( 1564 ) ، في 19 / 6 / 1417 هـ - مجموع فتاوى و مقالات متنوعة الجزء الثاني

[qatarman8008]

طبعا الحل مو شيل وقط.. يعني عالجت الغلط بالغلط..
الحل انه يقوم امام المسجد او احد المشايخ ويتكلم ويوضح عدم جواز هذا التصرف..
المسجد والصف الاول للي يوصل قبل ولا يجوز ان تحجز وتسد عالمصلين وتحرمهم اجر الصف الاول..

[باراكودا]

المفروض الاوقاف تتحرك قبل ماتستفحل هذه الظاهرة ترسل تعميم للمساجد
لمنع الحجز ومصادرة أدوات الحجز وأرسالها للجمعيات الخيرية .

[جوال 11]

لا تكثر كلام معاهم شيل اي شئ في المكان وصل وخله يبحث له عن مكان صارت المساجد مثل مواقف السيارات

[أم هشام]

للاسف هاالظاهرة موجوده .. من زمان كنت اشوف بنات و سيدات تحجز مكان لصديقتها او قريبتها بالصفوف الاولى و احنا اللي جايين قبل بنكون بالصفوف التالية
ولو وقفتي قدام بتقلك عفوا المكان للفلانه ... !!
و من بعدها صرت اصلي بالبيت ابركلي و اريحلي نفسيا
و الله هالشي ما بجوز و بالعكس بيأثموا عليه بدل ما يؤجروا

[ANONYMOUS]

اهم شي لايحجز قدام المكيف

[محمد11]

الحمدالله كلمت الامام والامام ماقصر وتكلم قدام كل.المصلين

[كيلو حديد]

بيوت الله وليست بيوت اباءهم

خذ مكانك وخلهم يولون
قليلين الأدب مع الله قبل أن يكونوا قليلين أدب مع الناس

خذ مكانك وما عليك منهم ، هالشيء شفته بالمسجد الحرام
هؤلاء مفكرين القبول بالسبق للصفوف بطريقتهم الحمقى

حتى مساجد الله حولوها اقطاعيات .. مدري كيف يصلي وهو في قنعاته يحس انه احق بالمكان
ما يتذكر الشيطان لعنه الله يوم يقول أنا خير منه .

[كيلو حديد]

ومره ف صلاة الجمعه
فالعزيزيه
كان المسجد ماشاء الله ممتلي ع الاخر
الى درجة سكروا البيبان عشان الناس تقعد
وواحد جاي متاخر قعد يخبط فالابواب ويزاعق حتى الخطيب قطع الخطبه مستغرب في النهايه طلع شاب عمره فال 20 سنه لا وداش معصب ما يبي يكلم احد ويقوم الهنود عشان يقعد مكانهم

الله يهديه لربما أتت تلك اللحظة التي يأخذ فيها الهندي مكانه من الجنه

فيأخذ هذا من حسناته وهذا من حسناته

الله المستعان

[khalid525]

ههههه مفروض يسوون حجز عن طريق النت

[يمامـة]

الله يهديهم..

يجب التنبيه على المصلين من خلال الامام او الخطيب او شيخ دين يحضر الى المساجد
وتوعية الناس بأن المسيد لمن يدخل اولا وليس لمن يحجز اولا..

[محمد11]

للاسف
لازال موضوع الحجز مستمر وبكثره
هداهم الله

[حفيد الأنصار]

المفروض يدفعون ثمن تاخرهم
اللي يبغى الصف الاول يبكر بالحضور

[آلصآحب آلجديد]

كلم الأمام بعد الصلاه يقول لهم هالحركه صحيحه ولا غلط ،،،

[العنيده]

التنبيه يكون من الامام قبل الصلاه
والله يهداهم ان شاء الله ..