قبل بدء العام الجديد لابد من وقفة ومحاسبة لمدرسة المها الخاص

[دنيا الاسهم]

،



،


،
باختصار هذا ما حدث ايام الاختبارات في مدرسة المها الخاصة
- هل معقولة بعض اولياء الامور يحضرون اختبار ابنائهم في اللجنة ويكونون مثل المراقبين واللي نقل هذا الكلام طلاب الصف اللي موجود فية ولي الامر يقول (ولي امر الطالب يدور على طاولة ابنة ويشوف ايش قاعد يكتب الى ان انتهى من الاختبار)
-بعض الطلاب الراسبين يتم تقديم اختبار لهم ثاني يوم او بعد فترة وجيزة يتم الاتصال بهم واخبارهم بالحضور وتقديم الاختبار
- عند مقابلة مدير المدرسة وهو من جنسية عربية وعند مقابلتة للاستفسار عن طلب اوراق اجابات الطالب الراسب لا يتجاوب مع اولياء الامور ولا يعطيهم الاجابة شافية ،، لم يقدر تعب سنة وقلق اولياء الامور والاحباط الذي اصابهم عند علمهم بالنتيجة ورسوب ابنائهم
- مشرف القسم يهدد الطلاب وهو هندي الجنسية من شهرين اذا لم تخرجوا من المدرسة سوف ارسبكم جميعا ( يعني مبيتين النية مسبقا مع المدير ) هذا الكلام منقول من الطلاب نفسهم وفي صف من الصفوف
- بعض الطلاب لديهم اوراق الاختبار نهاية العام !!
- من جهة اخرى في المدارس الحكومية المستقلة ياخذ الاجنبي كامل حقوقة من مواصلات وتعليم واي استفسار والمدير والنواب والمعلمين والاداريين تحت امرة واي شي ما يعجبة البية يركض يشتكي للمجلس الاعلى ،، اللي اغلبة للاسف من نفس جنسيتة ويتصلون في المدير يقومون بالاجابة على كامل اسئلتة
- لكن المدارس الخاصة مانعرف من نكلم ولما نواجة المدير ما يرد او يرد اجابات مختصرة وغير كافية يعني لما تقول ابي اشوف اوراق اخر العام لابني ومتاكدين من مستواة وابني شاطر وشلون رسب وانا متاكدة انة بينجح خاصة انا نجح في منتصف الفصل يقول ممنوع طيب ليش ممنوع مانعرف من اللي منع هالشي ،، يتصرفون من غير لا حسيب ولا رقيب
- بعض المواد ماعندهم فيها مدرسين او مدرسات ،، يعني بنت اختي تقول قعدنا شهرين ماعندنا مدرسة انجليزي
- موضوع الرحلات والتخييم وغيرة والضحك على الاهالي من موضوع الدفع والمبالغ المالية الكبيرة الي تحصل عليها بالمقابل لا يوجد مردود من الناحية العلمية او ما الفائدة من ذهاب الى رويال بلازاوجنقل زون وفيلاجيو لان اخر السنة لما يرسب الطالب بيلومون الاهل طيب هذة المدارس من يحاسبها لما يضعف مستواة :shy:
-نتمنى من الاستاذ الفاضل مدير المدارس الخاصة النظر في موضوع المدارس الخاصة والمحاسبة والمراقبة للمدير وما يدور داخل المدرسة حتى لا يضيع تعب اولياء الامور والطلاب

للاسف المدارس الخاصة ومدرسة المها تغرد خارج السرب
للاسف تطفيش متعمد للقطريين من المدارس الخاصة

ان اصبت فمن الله وان اخطات فمن نفسي ومن الشيطان

[دنيا الاسهم]

:shy:

[سهم ماينزل]

المدير غير متعاون ابداً ومقابلته للناس بطريقة سيئة جداً واغلب الموظفين الجدد من جنسيته والمدرسة في انهيار فقررت اطلع ولدي ووديته اكاديمية قطر للقادة رغم انهم بينزلونه مرحلة بسبب ان منهجهم امريكي ومنهج المها بريطاني قلت خله ينزل ولا يضيع في هذه المدرسة الفاشلة وسبب فشلها المدير والموظفين الجدد ولا يتواصلون مع اولياء الامور لا وولدي يايب لي رحلة لفيلاجيو قبل الاختبارات بعشرة ايام قلت له يا ولدي اذا هم ميانين احنا فينا عقل

وللحق ان مدرسة المها بنات ممتاز وافضل من البنين مليون مرة

[يمامـة]

اكتب كل كلامك هذا و روح صوب مكتب المدارس الخاصة وقدم شكوتك يا اخوي
و وصل صوتك على الله يسمعون لك...

[حسن]

مادري الموضوع وايد ملخبط عندي افتكرتك انت صاحب القصه الحقيقيه
كلام سمعت وقالو ورسوب ورحلات وبعدين هذه مدارس خاصه
انا افتكرتها مدارس حكوميه

ماعاد لي حق عليها وانت صاحب الاختيار وين تحط عيالك
وقلتها وكم مره اقولها ولازلت يجب ان المجلس الاعلى يرفع يده عن الخاصه وماله شغل
يهتم باللي عنده وحق القطريين ابرك


ان شاء الله يوصل لهم رائ وياخذون به

وشكرا

[roma27]

اخوي حسن ليش تبغي المجلس الأعلى ما يهتم في المدارس إخلاصه اغلب القطرين عيالهم في إخاصه اجل ليش معطينى كوبونات التعليم

[حسن]

اخوي حسن ليش تبغي المجلس الأعلى ما يهتم في المدارس إخلاصه اغلب القطرين عيالهم في إخاصه اجل ليش معطينى كوبونات التعليم

(يقول المثل خل الملحه تقوم بيزتها )
الاول

شوفي المجلس الاعلى يالله يالله يقوم الحين بمدارسه وبعد دايخ لان قام يسمع كلام
(المجهولين )

وبعدين انا توقعت وذكرت في ردود سابقه يوم اصدرو الكبونات العام الماضي
ان المدارس الخاصه سوف تتدهور وتتردا بسبب كثره الضغط عليها
بحكم التدريس ببلاش لهل قطر اي كوبنات
وبالتالي سوف يؤدي الى ضغط شديد لاتتحمله هذه المدارس يعني مثل شوارعنا العدد اكثر من
استيعاب الشوارع

هذا مثل قريب نفس المدارس
وتصيح العالم الحقونا والحقونا والتعليم الخاص باز ياقدعان

مما سوف يؤدي الى اعاده المدارس المستقله لخططها التعليميه والبحث عن الكفائات التعليمه لاستقطاب
الطلبه والتميز في التعليم والجوده
بسبب ان عدد الطلبه قل عندهم وخف الضعط عليها وبالتاالي
سوف يعودون الطيور المهاجره مره اخرى الى اعشاشها للبحث عن الجوده
اي المستقله

هذه هي الرويا المفروض الي تكون عليها ويعتمد عليها مدارء المدارس المستقله
عاد هم يفهمون هذا الراؤيا انا مادري

وبعديت تكلفه الطالب محسوبه ومدفوعه سؤاء للمستقله ولاالخاص
يعني هيه هيه

فقالو خل نفتك من حنه هل العالم وندفع لهم وكيفهم ومالنا شغل

:victory:

انا عندي تعليم مدفوع وعلى حساب الحكومه ولكن عيالي في المستقله وعند بيتي
بضع من الامتار
والحمدلله المستوى طيب وكل الامور طيبه واقول الله يجزيها خير الحكومه ماقصرت
خلت المدارس عند بيوتنا

جزاها الله خير دوله قطر عيشت مواطنيها رفاهيه
مايعيشونها جزر القمر بعد


وشكرا


نسخه لمدارء المدارس الحكوميه ونسخه للمجلس ها شرايكم في كلامي !

:victory:

[يمامـة]

بو علي
من ايام المدارس الحكومية و وزارة التربية و التعليم كانت هناك جهة
تسمى التعليم الاهلي تابع للوزارة.. واليوم صارت هناك جهة تسمى مكتب
المدارس الخاصة لها ستاف خاص ماله خص الا الاهتمام بالتعليم في المدارس الخاصة..

وبما ان الدولة موفرة تعليم متعدد فمن حق طلاب قطر بشكل عام سواء مواطنين او غير مواطنين
ان تكون هناك جهة رقابية واشرافية على المدارس الخاصة..

فمثل ما تحب الخير للطلاب اللي في المدارس المستقلة فحب الخير ايضا للطلاب
اللي في المدارس الخاصة .. حتى لو كانت مدارس هندية او ايرانية او بنغالية
لأن لازم تكون هناك ضوابط تضبط هالمدارس..

[حسن]

بو علي
من ايام المدارس الحكومية و وزارة التربية و التعليم كانت هناك جهة
تسمى التعليم الاهلي تابع للوزارة.. واليوم صارت هناك جهة تسمى مكتب
المدارس الخاصة لها ستاف خاص ماله خص الا الاهتمام بالتعليم في المدارس الخاصة..

وبما ان الدولة موفرة تعليم متعدد فمن حق طلاب قطر بشكل عام سواء مواطنين او غير مواطنين
ان تكون هناك جهة رقابية واشرافية على المدارس الخاصة..

فمثل ما تحب الخير للطلاب اللي في المدارس المستقلة فحب الخير ايضا للطلاب
اللي في المدارس الخاصة .. حتى لو كانت مدارس هندية او ايرانية او بنغالية
لأن لازم تكون هناك ضوابط تضبط هالمدارس..

انا اتفق معاك قلبا وقالبا على مايقولون
ولكن الحين هم يالله يالله يسيطرون عى مشاكل المستقله
تبين الخاص
مع العلم اعتقد عندهم جهه تتابع الخاص لاكن خل يتعدل العالم وتخف مشاكله الاول
وبعدين الول ماخبر حد يشتكي من الخاص الى الحين بعد ما قطو الكوره في ملعبهم
ويافرحه ماتمت للااهالي ههههههه
قالو كبونات وانقز مايردون وش بيسير بعدها
يمشون كلشي بلاش كثر منه
هههههههه

حيالله اليمامه

[يمامـة]

انا اتفق معاك قلبا وقالبا على مايقولون
ولكن الحين هم يالله يالله يسيطرون عى مشاكل المستقله
تبين الخاص
مع العلم اعتقد عندهم جهه تتابع الخاص لاكن خل يتعدل العالم وتخف مشاكله الاول
وبعدين الول ماخبر حد يشتكي من الخاص الى الحين بعد ما قطو الكوره في ملعبهم
ويافرحه ماتمت للااهالي ههههههه
قالو كبونات وانقز مايردون وش بيسير بعدها
يمشون كلشي بلاش كثر منه
هههههههه

حيالله اليمامه

الله يحيك يا بوعلي..

امبلى الشكاوي على الخاص من زمااان

وقبل الكوبونات .. في مدارس انسحبت الرخص منهم
بسبة الشكاوي وهالشي كان في عام 1999..

فالمطلعين على هالأمور يدركون ان الشكاوي كانت موجودة
ولكن مع تزايد اعداد الطلاب زادت الشكاوي..

ومدرسة المها من المدارس اللي زادت عليها الشكاوي بشكل كبيييير

في عام 1990 كانت مدرسة النور للغات من المدارس الواحد يفتخر
بتخرج عيالها منها .. لكن تعال اليوم وشوف الذم فيها...

في عام 2000 كانت المها من المدارس اللي يفتخرون الناس بتخريج عيالهم منها
لكن تعال السنتين السابقتين + هالسنة !!

الموضوع مب انه ببلاش من الحكومة لازم ينسكت عن اللي يصير..

هناك تجاوزات كثيرة على حساب تعليم الطالب..
وهناك حرص ايضا في كسب رضا المجلس علشان ما تنسحب الكوبونات
من هالمدارس!!

[دنيا الاسهم]

اكتب كل كلامك هذا و روح صوب مكتب المدارس الخاصة وقدم شكوتك يا اخوي
و وصل صوتك على الله يسمعون لك...
اولا اشكر كل من تجاوب
ثانيا انا اختج
اختي انا قدمت شكوى على المدرسة هذة وانا شاء الله مدير المدارس الخاصة هالانسان الطيب ماراح يقصر مع احد

[دنيا الاسهم]

مادري الموضوع وايد ملخبط عندي افتكرتك انت صاحب القصه الحقيقيه
كلام سمعت وقالو ورسوب ورحلات وبعدين هذه مدارس خاصه
انا افتكرتها مدارس حكوميه

ماعاد لي حق عليها وانت صاحب الاختيار وين تحط عيالك
وقلتها وكم مره اقولها ولازلت يجب ان المجلس الاعلى يرفع يده عن الخاصه وماله شغل
يهتم باللي عنده وحق القطريين ابرك


ان شاء الله يوصل لهم رائ وياخذون به

وشكرا

مرحبا استاذ حسن
الاولاد هو ولد اختي اللي تضرر كثيرا ونفسيتة تعبانة وعلى فكرة كثير من اولياء الامور قدموا بشكوى على ادارة المدرسة
ثانيا الموضوع تقول متلخبط والله ياخوي من السرعة وانا متاكدة من كل اللي ذكرتة

وكلام سمعت الا متاكدة منة ،، وبعدين العنوان باين ان الكلام عن المدارس الخاصة
شكرا لاضافتك اللي اثرت الموضوع

[دنيا الاسهم]

انا اتفق معاك قلبا وقالبا على مايقولون
ولكن الحين هم يالله يالله يسيطرون عى مشاكل المستقله
تبين الخاص
مع العلم اعتقد عندهم جهه تتابع الخاص لاكن خل يتعدل العالم وتخف مشاكله الاول
وبعدين الول ماخبر حد يشتكي من الخاص الى الحين بعد ما قطو الكوره في ملعبهم
ويافرحه ماتمت للااهالي ههههههه
قالو كبونات وانقز مايردون وش بيسير بعدها
يمشون كلشي بلاش كثر منه
هههههههه

حيالله اليمامه

انا بتكلم عن اهلنا من قبل وهم في المدارس الخاصة يعني من الروضة وابتدائي الان البعض منهم في الجامعة ولله الحمد
قبل الكوبونات والعفسة اللي صارت وخلوا العالم الكل يروح على الخاصة
وبعدين الموضوع عن سوء الادارة في مدرسة المها الخاصة بالذات

[دنيا الاسهم]

المدير غير متعاون ابداً ومقابلته للناس بطريقة سيئة جداً واغلب الموظفين الجدد من جنسيته والمدرسة في انهيار فقررت اطلع ولدي ووديته اكاديمية قطر للقادة رغم انهم بينزلونه مرحلة بسبب ان منهجهم امريكي ومنهج المها بريطاني قلت خله ينزل ولا يضيع في هذه المدرسة الفاشلة وسبب فشلها المدير والموظفين الجدد ولا يتواصلون مع اولياء الامور لا وولدي يايب لي رحلة لفيلاجيو قبل الاختبارات بعشرة ايام قلت له يا ولدي اذا هم ميانين احنا فينا عقل

وللحق ان مدرسة المها بنات ممتاز وافضل من البنين مليون مرة

والله انا بعد اسال عن مدارس ممتازة عشان ننقل اولاد اختي فيها
واللي يعرف مدرسة الادارة فيها ممتازة لا يبخل علينا لان الوضع في المدرسة لا يحتمل وتطفيش للقطريين بالذات

[دنيا الاسهم]

الله يحيك يا بوعلي..

امبلى الشكاوي على الخاص من زمااان

وقبل الكوبونات .. في مدارس انسحبت الرخص منهم
بسبة الشكاوي وهالشي كان في عام 1999..

فالمطلعين على هالأمور يدركون ان الشكاوي كانت موجودة
ولكن مع تزايد اعداد الطلاب زادت الشكاوي..

ومدرسة المها من المدارس اللي زادت عليها الشكاوي بشكل كبيييير

في عام 1990 كانت مدرسة النور للغات من المدارس الواحد يفتخر
بتخرج عيالها منها .. لكن تعال اليوم وشوف الذم فيها...

في عام 2000 كانت المها من المدارس اللي يفتخرون الناس بتخريج عيالهم منها
لكن تعال السنتين السابقتين + هالسنة !!

الموضوع مب انه ببلاش من الحكومة لازم ينسكت عن اللي يصير..

هناك تجاوزات كثيرة على حساب تعليم الطالب..
وهناك حرص ايضا في كسب رضا المجلس علشان ما تنسحب الكوبونات
من هالمدارس!!

احسنتي على هالرد هذا اللي ابي اقولة
شكرا استاذة يمامة

[يمامـة]

اولا اشكر كل من تجاوب
ثانيا انا اختج
اختي انا قدمت شكوى على المدرسة هذة وانا شاء الله مدير المدارس الخاصة هالانسان الطيب ماراح يقصر مع احد

يادي الكسوف يا خويتي ...............> السموحة

ان شاءالله ما يقصرون ..

[بوراكان27]

من خلال تجربه خاصة مدرسه سيئه جداً في التعامل ماديه وبس كل سنه رفع في الرسوم طيب شنو المقابل مافي مواقف سيارات عدله جدامك البراحه ايام المطر الله يعينكم ناهيكم عن أسلوب التدريس اغلب الطلاب في المدرسه عندهم مدرسيين خصوصيين الدوام عادي لو الطالب ما يحضر الا يومين بالأسبوع

[kitmat]

اول مرة اسمع هالكلام عمرة ولدي ماقالي ان في اولياء امور يحضرون امتحانات عيالهم ولدي فيها من صف الاول حتى الحين وهو بثالث اعدادي السنه الجاية انا معاكم في ان المدرسة فيها سلبيات بس مافي مدرسة في قطر بدون سلبيات ومشاكل انا مدرسة واعرف هالامور