استفسار عاجل ،، راتب الزوج القطري المتوفي للزوجه الغير قطرية

[Alshoog84]

السلام عليكم

اخواني وخواتي

اللي يقدر يفيدنا في هالموضوع او عند من نسال ..

واحد من الاهل توفى و زوجته مب قطرية ( خليجيه ) و ام المتوفى عندها وثيقه قطرية فقط!

وهم الاثنين بس يستحقون راتب المتوفى لان العيال كلهم يشتغلون .

السؤال .. اذا طلع جواز قطري لاحداهم الام او الزوجه .. هل تاخذ الراتب كامل او بس اللي تستحقه شرعا ؟

[سليمان احمد]

اللي تستحقه شرعا الزوجه وليس الام

والزوجه من المفترض انها حصلت على الجواز بحكم الزواج

بعد خمس سنوات فلمجرد حصولها على الجواز تحصل على الراتب كونها ارمله

اما ام فلا شرعا ولا قانونا يكون الراتب لها طالما زوجه المتوفي حيه

والاولاد غير قصر

[سليمان احمد]

نسيت اضيف نقطه حتى بدون حصولها على الجواز القطري ف كونها زوجه المتوفي بعقد شرعي

فالراتب لها فقط كامل حتى الاولاد كونهم كبار محد منهم قاصر فالراتب كامل للزوجه

ومتى ماتزوجت بزوج اخر ينقطع الراتب

[Alshoog84]

جزاك الله خير ع الرد اخوي سليمان

الزوجه للاسف ما اكملت ظ¥ سنوات للحصول على الجواز القطري لانها توها مقدمه عليها قبل سنتين بس

ولكن التقاعد قالوا لها ان الام لها نصيب من الراتب و اكثر من الزوجه

والحين كلهم مايستحقونها لان ولا حد منهم عنده الجواز القطري

[سليمان احمد]

ليش القانون يشرط ان تكون الزوجه قطريه للحصول على راتب التقاعد

ولا فقط كونها زوجته تحصل على الراتب

[hassan51]

على علمي ان الزوجه اذا كانت ما تملك الجواز القطري عند وفاة الزوج ليس لها نصيب من راتب زوجها المتوفي ،اما الام فلها الحق في راتب ابنها المتوفي

[Alshoog84]

مرحبا اخوي حسن

نعم هذا صحيح الحين لا الام ولا الزوجه مستحقينها كونهم مايملكون الجواز القطري

بس السوال لو وحده منهم خذت الجواز لنفترض الزوجه هل راح يكون نصيبها كامل الراتب ام فقط اللي تستحقه شرعا ؟

[دااانة قطر]

شدعوه الجواز مهم لاستحقاق الراتب؟

[وليف الشوق]

صعب والله صعب ان الزوجه ماتستحق كونها زوجه وام وعانت واهي زوجة المتوفي ولها حقوق وواجبات والزوج ملزم في الصرف على زوجته في حياته ومماته !! وين الشرع عن هالامور هذي ؟ وانا مااقدر افتي لكن شوفوا الرابط هذا يمكن يفيد

http://www.ibnothaimeen.com/all/books/article_17834.shtml

[Alshoog84]

جزاكم الله خير اخواني

بس بعد لحين ما لقيت الجواب

انا ابي اعرف قانونيا هني شلون