التصميم المبدئي لخريطة البيت واقتراحاتكم مهمة

[Fahad Alqahtani]

السلام عليكم ورحمة الله وبركاته

كيف الحال اخواني واخواتي .

ان شاء الله ببدأ مشوار البناء بعد العيد .

الارض وجها شمال ومن غرب وشرق بيوت اخواني ومن غرب بيت جار .

الارض واجهتها على الشارع 30 متر وعمقها 32 متر .

المخطط موجود في المرفقات اذا ضبط معي :weeping: . المبنى بيكون من الجهة الغربية مكون من البيت والمجالس الخارجية وفي الخلف الملاحق.
اضطريت اني اخلي وجه البيت شرق بسبب ضيق المساحة وابي يكون في البيت حوش استغله في المستقبل والمجلس شمال وبينه وبين الشارع متر والارض اللي قدام بيتي حكومية غير مستخدمة يقولون انها ان شاء الله بتكون مسجد او حديقة .

انتظر اقتراحتكم وبالذات اني استفذت طاقتي من الجهة الشرقية من جهة واجهة البيت فكرت اني اسويها على شكل نص دائرة ونشوف اقتراحتكم .
في الملف اربع خرائط تجاهلوا اول ثنتين :)

[معماري قطري]

الله يوفقك ويعينك على إِتمام التصميم والبنيان

أَول شيء إِهتم بالحصول على مصمم جيد والمكاتب تغيرت مستوياتها وتطورت .. وشفت تصاميم معمارية فيها الكثير من الفن والإِتقان اللي يخلط أُسس وأَساسيات التصميم في لوحة متوازنة توازن بين كل المتطلبات اللي تخلي المنزل مريح وعملي وجميل واقتصادي وآمن وقليل الصيانة.

بعد ما ترسي على المعماري واللي المفترض يكون شامل على كل شيء ركز على المواد ومواصفات البناء .. وإِهتم بالعزل الحراري والنوافذ والأَبواب الخارجية المعزولة وبالنور الطبيعي ودخوله للبيت وبالتمديدات الكهربية والصرف الصحي وتغذية المياه .. والحمد لله كل مجال تمت تغطيته مرات عديدة ومهم تاخذ معاك فايل كامل بنسختين الكترونية وورقية وتسلم كل مكتب تصورك ومتطلباتك وتشوف ردودهم وتختار الأَفضل منهم والأَكثر تجاوب مع طلباتك.

وبالتوفيق لك أَول خطوة وإِن شاء الله نتابع معاك .. انا بإِذن الله مسافر وراجع في نص شهر 9 تقريباً

بالنسبة للفكرة المبدئية معقولة لكن لا تعرضها على المكاتب شوف طريقتهم وفكر فيها ممكن طريقتهم تكون أَفضل .. وهو فتح البيت على أَي جهة هالوقت صار ممكن وسهل التعامل معاه .. انا بيتي اضطريت افتحه شمال مع إِني حاب جهة الشرق والشمس تشرق على المدخل والبيت كله .. لكن رتبت الغرف المهمة على جهة الشرق واستفدت من شمس الصبح خصوصاً مع تركيبي لنافذة كبيرة محببة لتضبيب الرؤية للحمام الرئيسي .. يكرم القاريء .. وكذلك لغرفة الملابس وهذه المنطقة يستعملها الشخص كل صباح ويرى الشمس ساطعة على أَرضية وجدران الحمام ومنورة المكان .. في غرفة الملابس استخدمت ستارة خشبية سهلة الفتح ويومياً تفتح لدخول النور.

[Fahad Alqahtani]

بيض الله وجهك . و ان شاء الله مهب عارض عليهم اللي رسمتهم الا اذا شفت الوضع يستلزم اظهارها

[Bozizoo]

ماازيد على اخوي معماري قطري
الا بشي وااحد فقط هو تصميم البيت يجب يكون على حسب احتياجاتك و قدراتك الحاليه و المستقبليه
والله يوفقك اخوي

[Fahad Alqahtani]

ماازيد على اخوي معماري قطري
الا بشي وااحد فقط هو تصميم البيت يجب يكون على حسب احتياجاتك و قدراتك الحاليه و المستقبليه
والله يوفقك اخوي

وياك ان شاء الله .. التخطيط اللي سويته غرفتين ماستر تحت وحوش من شرق 12 متر في 32 متر لاي بناء في المستقبل

[نور الحور]

موفق اخوي فهد يارب ..

للاسف الملف ما يفتح معاي يمكن لاني اتصفح من الجلكسي ..

استاذنا معماري ما قصر صراحة ..

ولو تبي تصميم حلو ومميز شفت تصاميم حلوة لمهندس سعودي

ممكن اعطيك اكاونته بالانستغرام على الخاص لو تحب ..

انا ما جربته لكن شفت صور لشغله ..

وتعليقاته وكلامه تدل على مستوى راقي من الفن ..

موفق يارب

[بوNasser]

السلام عليكم ورحمة الله

الصور فتحت عندي، الملف بصيغة مايكرسوفت ورد، لذلك ما فتح عندك

على كل حال رفعت الصور نيابة عن اخوي فهد،

بس اعتقد التصميم يبي له شغل وايد، لاني اشوف ان الرسمتين عبارة عن تصور مبدئي، والمساحات تحتاج تعديلات جوهرية، مثلا الحمامات 1.5m×6m .

http://www.ab2004.com/muntada/hos01.png

http://www.ab2004.com/muntada/hos02.png

تحياتي للجميع

[بن غيث]

موفق ان شاء الله ..
لكن أنصك نصيحة ..
اسمع نصيحة معماري بخصوص الخطوة الاولى ..

[Fahad Alqahtani]

موفق اخوي فهد يارب ..

للاسف الملف ما يفتح معاي يمكن لاني اتصفح من الجلكسي ..

استاذنا معماري ما قصر صراحة ..

ولو تبي تصميم حلو ومميز شفت تصاميم حلوة لمهندس سعودي

ممكن اعطيك اكاونته بالانستغرام على الخاص لو تحب ..

انا ما جربته لكن شفت صور لشغله ..

وتعليقاته وكلامه تدل على مستوى راقي من الفن ..

موفق يارب

هلا وغلا وما قصر بو ناصر ارفق الصور ويا ليت اسم المصمم السعودي

[Fahad Alqahtani]

مرحبا يا بوناصر.. بخصوص مساحة الحمامات الله يعزكم 1.5 في 6 هو لان مساحة الحمام بتكون 2.5 في 1.5 والباقي بيكون خزانة ملابس

[Fahad Alqahtani]

موفق ان شاء الله ..
لكن أنصك نصيحة ..
اسمع نصيحة معماري بخصوص الخطوة الاولى ..

ابشر ولا يهمك وما نزلت الموضوع الا علشان نصايحكم واقتراحاتكم وما يقصر اخونا معماري

[نور الحور]

هلا وغلا وما قصر بو ناصر ارفق الصور ويا ليت اسم المصمم السعودي



جزاك الله خير بو ناصر .. تسلم ..

أخوي فهد .. المهندس السعودي هو :

عبدالمحسن الذياب

حسابه بالانستغرام mohsin_theyab


شوف شغله .. تعليقاته .. تفكيره .. فنان بمعنى الكلمة ..:victory:




ملاحظة :

طبعاً يمكن يسأل البعض ليش أرشح أسماء سعودية أو أعمال سعودية .. للأمانة أنا مالي علاقة بهم نهائياً ..

لكن ما شاء الله إخوانا وخواتنا السعوديين نشيطين سواء على مستوى

منتديات البناء والديكور وتبادل التجارب ..

أو على مستوى عرض وتسويق الأعمال المعمارية ..

وبالبحث بالنت نصادف مثل هالأسماء والأعمال وتبادل التجارب وأحب أشرككم في الفايدة معاي فيها :nice:


وبالتوفيق أخوي فهد ..

[Qt.1]

اخوي رايي الشخصي التوزيع جدا خطأ , في كثير مساحات ضايعه ومصغره عليك الحوش والغرف توزيعها مسوي ممرات كثيره في البيت , اتمنى اذا تقدر اتغيرها كامله دامك في التخطيط المبدئي للخريطه , ممكن انعرف مساحة الارض والبناء ؟

[الخور]

التصميم كله اخطاء
اذا لك خاطر أصمم لك فله بالمجالس
مكتب ماستر للاستشارات الهندسيه
55444201
المهندس محمد

[Fahad Alqahtani]

جزاك الله خير بو ناصر .. تسلم ..

أخوي فهد .. المهندس السعودي هو :

عبدالمحسن الذياب

حسابه بالانستغرام mohsin_theyab


شوف شغله .. تعليقاته .. تفكيره .. فنان بمعنى الكلمة ..:victory:




ملاحظة :

طبعاً يمكن يسأل البعض ليش أرشح أسماء سعودية أو أعمال سعودية .. للأمانة أنا مالي علاقة بهم نهائياً ..

لكن ما شاء الله إخوانا وخواتنا السعوديين نشيطين سواء على مستوى

منتديات البناء والديكور وتبادل التجارب ..

أو على مستوى عرض وتسويق الأعمال المعمارية ..

وبالبحث بالنت نصادف مثل هالأسماء والأعمال وتبادل التجارب وأحب أشرككم في الفايدة معاي فيها :nice:


وبالتوفيق أخوي فهد ..

ما قصرتي ورحم الله والديتس

[Fahad Alqahtani]

اخوي رايي الشخصي التوزيع جدا خطأ , في كثير مساحات ضايعه ومصغره عليك الحوش والغرف توزيعها مسوي ممرات كثيره في البيت , اتمنى اذا تقدر اتغيرها كامله دامك في التخطيط المبدئي للخريطه , ممكن انعرف مساحة الارض والبناء ؟

مشكور وما قصرت على المشاركة بس حاولت والله وماقدرت اصغر الخريطة اكثر من كذا علشان تتباسب مع احتياجاتي وبسوي نفس ما نصحني اخونا معماري بروح للمهندس بدون اي خريطة وبشوف يمكن عنده افكار افضل

[Fahad Alqahtani]

التصميم كله اخطاء
اذا لك خاطر أصمم لك فله بالمجالس
مكتب ماستر للاستشارات الهندسيه

المهندس محمد

شكرا يا باش مهندس لوابي اتواصل معكم كان كلمتك يوم ارسلت رسالة خاصة .

[Aaziz]

اخوي القحطاني ... انا اقل الشباب خبره ولكن اقدر اقول لك ان التصميم مأساه و اسمحلي بهالكلمه
مساحه 15x15 تطلع منها تصاميم افضل من التصميم الي حطيت.
وطبعا كلن و قناعته و احتياجه

انصحك اذا يصير تفكر في موضوع بناء ثلاث ادوار ،، سواء فوق بعض او واحد يكون بيسمنت و دورين فوق .
و اسواء الاحتمالات بنتهاوس يكون باكبر مساحه مسموحه ،، هذا عشان توفر مساحه في الحوش

[Fahad Alqahtani]

اخوي القحطاني ... انا اقل الشباب خبره ولكن اقدر اقول لك ان التصميم مأساه و اسمحلي بهالكلمه
مساحه 15x15 تطلع منها تصاميم افضل من التصميم الي حطيت.
وطبعا كلن و قناعته و احتياجه

انصحك اذا يصير تفكر في موضوع بناء ثلاث ادوار ،، سواء فوق بعض او واحد يكون بيسمنت و دورين فوق .
و اسواء الاحتمالات بنتهاوس يكون باكبر مساحه مسموحه ،، هذا عشان توفر مساحه في الحوش

طير الجبهة :) ,, يعطيك العافية على الصراحة وصعبة ابني بيسمنت واحتمال كبير اني ابني لي بنت هاوس بس بيكون خاص لي بروحي محد يدخله:victory::victory:
وبخصوص التصميم مثل ما قلت لاخواني اللي قبلك بشرح اللي ابيه للمهندس وهو بيصمم لي خريطة من عنده اذا عجبتني زين وعجب عين والا بطلع له الخريطة اللي انا مسويها

[Aaziz]

ههههههههههههه مش القصد والله

تراني قبل اشهر كنت في نفس الوضع الي انت فيه تماما .. التدرج الطبيعي في الموضوع الي اغلبنا مر فيه هو
تحدد احتياجاتك بالعدد ،، يعني 4 غرف و صلتين و مطبخ تحظيري الخ الخ و تعطيه ابعاد الارض طبعا
و المهندس بينقي لك اكثر من تصميم موجود مسبقا عنده و انت بتشوف الاقرب لك و الي ترتاح عليه ..

بعدها انصحك تحط التصميم في المنتدى عشان الشباب يبدون يعطون ملاحظاتهم من نصف المشوار .
ربي يوفقك و ينولك تصميم احلى من الي في بالك .
شد حيلك و تقبل الله صيامك و قيامك

[معماري قطري]

والله زين منتدانا مفيد للغاية بهذي الطريقة والمهم يستفيد الكل .. انا الأَيام اللي فاتت اشتغلت على 3 تصاميم واحد لبيت ما شاء الله كبير وبيطلع مكلف وما توقعت يناسب حد لكن حاولت قد المستطاع ارتب التصميم مع صاحب البيت .. والثاني لبيت ملموم ومتوازن في كل شيء وكان التصميم حلو ومدروس والتعديلات يمكن كانت أَقل واستئذنت صاحب التصميم في إِستعماله وسمح لي وما قصر .. وأَكيد التعديل حسب الحاجة دوم موجود والتطوير للأَفضل موجود.

وصحيح المفروض أَول شيء تحديد الاحتياجات بواقعية وبدون زيادات خيالية ما لها داعي .. وفي نفس الوقت الواحد ما يقتر على نفسه .. البنيان تعب ووجع راس والواحد بيتعب سواءً سوى بيت صغير ولا متوسط ويكفيه ويزيد شوي مع استبعاد الكبير والزايد وايد .. يعني ياخذ الوسط ويطلب التوفيق من الله ويستشير ويهتم بتصميم جيد ويلبي كل احتياجاته وبدون مبالغة.

يوازن في الصرف حتى ما يتورط .. يعني كمثال بالنسبة للأَرضيات فيه أَرضيات تبدأَ بعشرين ريال وتنتهي حتى ممكن ب 10000 للمتر المربع وممكن أَغلى، وكنظرة عامة مب كل حيز يحتاج رخام أَو غرانيت غالي ولو بنحط سجاد لغرفة بالكامل ما اتوقع فيه داعي نحط تأَسيس غالي والخرسانة الناعمة المستوية تفي بالغرض .. ممكن الدرج بدال ما نسويه رخام نسويه بورسلان راقي بربع السعر ويقاوم الخدوش .. أَو نسويه سجادة في الوسط على خرسانة وبلاستر وتحتها حشوة وفي الأَطراف غرانيت أَو بورسلان راقي جداً وبمساحات بسيطة بس يعطي جمال ويحمي السجاده من الأَطراف ويركب عليه الدرابزين.

التكييف بعد ناخذ نوع عملي وصيانته سهلة وتكلفته معقولة .. نبي نغامر وعندنا ميزانية للغالي نوزنها بعقل ونغامر بعقل .. ممكن مثلاً الدكت سبلت لمناطق معينة مثل غرفة النوم الرئيسية وغرف النوم عموماً .. الصالات عادي تكون شوي ازعاج وكذلك المجالس قليل نستخدمها ليش نحط فيها مبلغ كبير مب مستفيدين منه.

طبعاً فيه أَساسيات المفروض نستثمر فيها ونخسر عليها مثل الحديد المغلف والحماية ضد الرطوبة والعزل الحراري .. والنوافذ والمناور السقفية والزراعة وحتى ممكن الزراعة السقفية والزراعة الرأَسية على الجدران .. هذي كلها تعطي قيمة ورقي للمنزل حتى لو كان صغير وغير مكلف.

[Unique_inter]

أولا سوف أقوم بعرض بعض من أعمالنا ثم سأقوم بالتحدث عن بعض الأعمال التي نقوم بها

https://s.yimg.com/qn/up/alfrasha/e/e/35/3cb/ee353cb94327ffe30cfa84b07b9dc920.jpg (https://s.yimg.com/qn/up/alfrasha/e/e/35/3cb/ee353cb94327ffe30cfa84b07b9dc920.jpg)

https://s.yimg.com/qn/up/alfrasha/4/a/97/484/4a97484413b024d9b5ae8fe47885f8f3.jpg (https://s.yimg.com/qn/up/alfrasha/4/a/97/484/4a97484413b024d9b5ae8fe47885f8f3.jpg)

https://s.yimg.com/qn/up/alfrasha/e/5/55/059/e5550593ac3f1debba4448d0babc5c2e.jpg (https://s.yimg.com/qn/up/alfrasha/e/5/55/059/e5550593ac3f1debba4448d0babc5c2e.jpg)

https://s.yimg.com/qn/up/alfrasha/2/9/5e/038/295e0388e46bc72ef3cd80099fef51c5.jpg (https://s.yimg.com/qn/up/alfrasha/2/9/5e/038/295e0388e46bc72ef3cd80099fef51c5.jpg)

https://s.yimg.com/qn/up/alfrasha/2/c/61/a44/2c61a44a34918fb85538f7f63f0dc79d.jpg (https://s.yimg.com/qn/up/alfrasha/2/c/61/a44/2c61a44a34918fb85538f7f63f0dc79d.jpg)

https://s.yimg.com/qn/up/alfrasha/7/b/b6/fb0/7bb6fb04a2a697255c51bf78b51e064d.jpg (https://s.yimg.com/qn/up/alfrasha/7/b/b6/fb0/7bb6fb04a2a697255c51bf78b51e064d.jpg)

https://s.yimg.com/qn/up/alfrasha/a/6/b8/f3f/a6b8f3f6ddf5fd0564753edfc768c67c.jpg (https://s.yimg.com/qn/up/alfrasha/a/6/b8/f3f/a6b8f3f6ddf5fd0564753edfc768c67c.jpg)

https://s.yimg.com/qn/up/alfrasha/4/6/fd/621/46fd6213eed2c530c39ccb43f130a09b.jpg (https://s.yimg.com/qn/up/alfrasha/4/6/fd/621/46fd6213eed2c530c39ccb43f130a09b.jpg)

https://s.yimg.com/qn/up/alfrasha/e/6/37/220/e637220a1589ea4e5753e071f54ba27f.jpg (https://s.yimg.com/qn/up/alfrasha/e/6/37/220/e637220a1589ea4e5753e071f54ba27f.jpg)

https://s.yimg.com/qn/up/alfrasha/4/6/21/8ed/46218ed24f18d59d9dce546ec4d7562f.jpg (https://s.yimg.com/qn/up/alfrasha/4/6/21/8ed/46218ed24f18d59d9dce546ec4d7562f.jpg)

https://s.yimg.com/qn/up/alfrasha/f/7/60/579/f76057951f1561b3f9eeb6e51a2344c6.jpg (https://s.yimg.com/qn/up/alfrasha/f/7/60/579/f76057951f1561b3f9eeb6e51a2344c6.jpg)

ملا حظة تم عمل جمع هذه الأعمال داخل دولة قطر
والتالي هي نبذه عن ما نقوم به
شركة ديكور و أثاث متخصصه فى كافة أعمال الديكور و التشطيبات و التصميم 3d ونقوم بتنفيذ مفهوم جديد للتصميم الداخلى الفيلات
و المعارض والمحلات والمطاعم والكافيهات والمولات كامله و غيرها عن طريق تنفيذ تصميمات مبنيه على أسس و
أبعاد و ضعت لتلبية الاحتياجات الوظيفيه للمكان بأحدث الديكورات العالميه وأسعار مناسبه لكافة المستويات و خامات ذات جوده عاليه,
بالاضافه الى ذلك نحن نقوم بتنفيذ الأثاث و الخامات يتم اختيارها وفقا لوظيفتها وأفضل عمليات التصنيع و لدينا مجموعه كبيره من
التصميمات الرائعه لارضاء كافه الأذواق .
المعاينه مجانا .. الالتزام بالمواعيد .. بالاضافه الى خدمة ما بعد البيع شهادة ضمان حسب البند , تلتزم الشركه فيها
بأعمال الصيانه.
*والأعمال التى تقوم الشركه بتنفيذها تتمثل فى الآتى :
- أعمال الديكورات الجبسيه بدء من الكرانيش حتى الأسقف المعلقه و تنفيذ أعمال الأسقف بكافه أنواعها
( جبس بورد / آرم سترونج / أسقف مدهونه ) .
- تنفيذ الأعمال الكهربائيه ( توريد مواد كهربائيه + تركيب الاناره بجميع أشكالها ) .

-- تنفيذ أعمال الأرضيات بكافه أنواعها ( سيراميك / بورسلين / جرانيت / رخام / باركيه / تيرازو / HDF ).
- تنفيذ أعمال الدهانات ( رشه / بروفايل / تعتيق /
ترخيم / ….) .
- أعمال حديد الحمايه المشغول ( الفيرفورجيه ) و تشمل الواجهات و سلالم و أسوار و أبواب .
- تنفيذ أعمال التكييف ( سبليت / مركزى ) شاملا الفحص
و أعمال الدكت .
- توريد و تركيب جميع أنواع الرخام من الأرضيات و الحوائط و الأرضيات .
- تنفيذ أثاث داخلى ( غرف نوم / انتريهات / سفره / مطابخ / صالونات / غرف ملابس / ….. ).
- نقوم بالرسم على الحوائط و الأسقف (Trompe L’oeil).
- نقوم بأعمال الصيانه و التجديد و الترميم .

للتواصل عبر الهاتف 33133063
وشكرا لكم على اعطائنا الوقت للتعرف على خدماتنا

يمكنك احضار الخرائط الى مقر الشركة او التواصل عبر الهاتف لمزيد من التفاصيل

[Fahad Alqahtani]

السلام عليكم ورحمة الله وبركاته

تم التوصل الى تصميم لخريطة البيت وما نخلا من اقتراحاتكم

[Aaziz]

تستاهل ،،، اذا استقريت على التصميم معناته 50% من مشروعك انتها


شوف اخوي القحطاني الشباب اكيد اخبر مني و اصحاب تجارب ... انا مبتلي التخصص :nice:

اول ملاحظه عدد المداخل على البيت 4 بيبان تدخل على البيت ،، يعني الاثنين الرئيسيين اوكيه و الي على غرفه الطعام العائليه ممكن لاني اتوقع ان الملحق الخارجي (المطبخ في هذي الجهه .
ثاني ملاحظه .. الصاله الي تحت يبيلها تعريض شوي ،، تقريبا 5 متر ،، اعتقد ممكن انك تسوي ازاحه للجدار الي يكون على يسارك و انت داخل الصاله ،، الي جمب مدخل المجلس .. الي بابه مسويه يفتح على زاويه .. تقدر تمد الجدار لين الخط الي مكتوب عليه 9 و بيعطيك مساحه عرض في الصاله ،، افضل ،، و الباب خله على عرض عادي ..مساحه المدخل عندك عريضه 5X5.50

هذا ماعندي حاليا ،، بالمجمل الخريطه حلوه و عجبتني مساحات الغرف ،، اقتصاديه و الشي الي مايعيبه صغره

[Fahad Alqahtani]

تستاهل ،،، اذا استقريت على التصميم معناته 50% من مشروعك انتها


شوف اخوي القحطاني الشباب اكيد اخبر مني و اصحاب تجارب ... انا مبتلي التخصص :nice:

اول ملاحظه عدد المداخل على البيت 4 بيبان تدخل على البيت ،، يعني الاثنين الرئيسيين اوكيه و الي على غرفه الطعام العائليه ممكن لاني اتوقع ان الملحق الخارجي (المطبخ في هذي الجهه .
ثاني ملاحظه .. الصاله الي تحت يبيلها تعريض شوي ،، تقريبا 5 متر ،، اعتقد ممكن انك تسوي ازاحه للجدار الي يكون على يسارك و انت داخل الصاله ،، الي جمب مدخل المجلس .. الي بابه مسويه يفتح على زاويه .. تقدر تمد الجدار لين الخط الي مكتوب عليه 9 و بيعطيك مساحه عرض في الصاله ،، افضل ،، و الباب خله على عرض عادي ..مساحه المدخل عندك عريضه 5X5.50

هذا ماعندي حاليا ،، بالمجمل الخريطه حلوه و عجبتني مساحات الغرف ،، اقتصاديه و الشي الي مايعيبه صغره

يعطيك العافية بو سعود .. بخصوص البيبان اللي من جهة الجار فبتكون مسكره معظم الوقت ..

والحين قاعد افكر في التغيير اللي قلت
ما تقصر