لماذا لا يتم صرف بطاقه بأسم عقد الزواج ..؟

[بومحمد المطاوعه]

السلام عليكم ورحمه الله وبركاته ..

شخباركم يالأعضاء الأعزاء

عساكم طيبين


موضوع اليوم ..

لماذا لايتم صرف بطاقه بأسم عقد الزواج ..؟

يعني تكون بطاقه مثل البطاقه الشخصيه وفيها البيانات
طبعآ البطاقه لاتخلو عن الورقه التي تصدر من المحكمه وهي عقد الزواج

لأن في السفر او في حجز بعض الفنادق في قطر
يتطلب منك ان تحضر ورقه عقد الزواج

ف هذي الورقه الكثير منا يغلفها بالبلاستيك وتكون صعب الحمل في الجيب او في شنطه يدويه صغيره

اما لو تصدر بطاقه من الجوازات او من المحكمه وقت صدور ورقه عقد الزواج

لكي يتسهل على الجميع ان يجعل هذي البطاقه في المحفظه الشخصيه كمثل اي بطاقه اخرى


اتمنى يطبقون هذا القرار

وجزاكم الله خير

[مختلفة عقليا]

السلام عليكم .,

اهلا اهلا .,

والله انا امياده الفكره ., بالعكس احسن للحفظ واسهل في الاستعمال .,

ويسلموو .,

[شبح الصمت]

الله يعطيك العافيه بومحمد


ياخي والورقه تخاف تضيع اي وقت والا تخترب مع الايام والا تنسى وين حطيتها



اقتراااااااااااحك ممتاز

اتمنى يطبقوووونه

[Alshoog84]

اشكرك على هالفكرة

فعلا لو تتطبق بيكون وايد احسن

[عثرة جواد]

جزاك الله خير

فكرة موفقة

[khalid Qtr]

اقتراح ممتاز فعلا ، نتمنى تطبيقه

[سميسمة كافيه]

اقتراح وفكرة جميلة شكرا عالطرح

[شبح الصمت]

بومحمد مفروض لو تطبقت هالفكره ما ينهضم حقك اقل ما فيها شهادة شهر وتقدير على فكرتك

ومكافاة
وما تنساني طبعاً
ههههههههههههاي

تستاهل لانه راح يكون العقد استخراجه بشيء رمزي

[HSN_QTR]

اتوقع بيكثر التزوير واستنساخ الباطائق

خصوصا ان مافي قاعده بيانات بالمتزوجين مثلا فالفنادق وغيرها

[ضوى]

اقتراح موفق جدا

جواز السفر يكون فيه اسم الزوج في الغالب

[فريج النجادة]

بس اخاف من الداخلية تطلب رسوم

وتجديد كل سنة

وتامين

ومخالفات

لالالالالا انا اعترض

[شبح الصمت]

بس اخاف من الداخلية تطلب رسوم

وتجديد كل سنة

وتامين

ومخالفات

لالالالالا انا اعترض

مالها خص الداخلية

اهي بطاقة تطلع لك مثل عقد الزواج طلقت تطلع لك بعد بطاقة مطلقه بطاقة ارمله

خلاص يعني لا ترجع ادور ولا روح طلع والبطاقة يفضل لو ينضاف له مثل البطاقة الصحية معلومات فيها

[QtrGate]

أو تضاف البيانات على بطاقة التموين
وتصدر بعد الزواج
يعني تكون فقط كاثبات للزواج

[جاسم الدوحة]

الفكرة رائعة جــدًا
أؤيدها بقوة

[حسن]

الصراحه موضوعكم مهم ياولد المطاوعه

واتمنى ان يصدر بطاقه مثل ملكيات السيارات
وبكون فيها رقم الشاصي

فكره تستحق الدارسه

:victory:

[غايه الطواش]

فكره جدا رائعه وتسهل كثير من المعاملات
بس برفضها عشان كثر التاييد فالموضوع:unsure:

[Dmy Enabi]

الفكرة جيدة
لكن أخوي بومحمد هل فكرت في ضوابط لسوء الاستخدام
مثلا في حال الطلاق وهو كثير
يستخدمها الشخص على أساس أنه متزوج خاصة كما نعلم أن هناك تأخير كبير في إصدار شهادات الطلاق تصل إلى أكثر من سنة

تحياتي

[شبح الصمت]

الفكرة جيدة
لكن أخوي بومحمد هل فكرت في ضوابط لسوء الاستخدام
مثلا في حال الطلاق وهو كثير
يستخدمها الشخص على أساس أنه متزوج خاصة كما نعلم أن هناك تأخير كبير في إصدار شهادات الطلاق تصل إلى أكثر من سنة

تحياتي



في حال الطلاق تنسحب منه على طول وتنعطى له بطاقة مطلق ارمل الي اهي

[بوحمد1]

الله يعين اللي عنده 4 بطاقات .

هذي الفكره بتكشف اللي متزوج بالسر

[نيساني]

مثل هالمواضيع تثري نفع على الجميع جزاك الله خير ياخوي

وبالنسبه لي اخذ لي صوره من عقد الزواج لاني اتوهق وبالاخص في جده مستحيل تسكن بدون عقد الزواج لكن الطايف ماعندهم مشكله

موضوع جداً ممتاز


وشكراً

[بو الجوري]

فكره ممتازه يا بومحمد ، و الله أريح بواااايد ..
ياريت تتطبق الفكره ويزوجونك بهذه المناسبه وحده ، مكافأه للفكره الطيبه ههههههههههههههههه



وبخصوص سوء الإستخدام ، ترا عادي حتى الورقه الحاليه نقدر نسوء إستخدامها

[بومحمد المطاوعه]

بارك الله فيكم يا اخواني واخواتي

وجزاكم الله خير

ان شاءالله نشوف حل لهذا الموضوع

واتمنى من الداخليه سرعه النظر في هذا الموضوع

لان جد موضوع حمل شهاده الزواج في الشنطه او في السياره

احس ان هم كبير هههههه


الله المستعان

وبيض الله وجهكم

[بومحمد المطاوعه]

السلام عليكم .,

اهلا اهلا .,

والله انا امياده الفكره ., بالعكس احسن للحفظ واسهل في الاستعمال .,

ويسلموو .,


وعليكم السلام ورحمه الله وبركاته

هلا اختي

صحيح بارك الله فيج

اسهل واحسن


تحياتي

[شبح الصمت]

بس الوهقه لو واحد متزوج ثنتين وبالغلط مخلي البطاقة في بوكه

يا رووووووووووحي

يا هي بتكووون حفله


اتوقع بطلع له بطاقة وفاه سريعه عقب ما تصيده

هههههههههههههههههههههههههههههههههاي

ههههههههههههههههههاي

[بومحمد المطاوعه]

الله يعطيك العافيه بومحمد


ياخي والورقه تخاف تضيع اي وقت والا تخترب مع الايام والا تنسى وين حطيتها



اقتراااااااااااحك ممتاز

اتمنى يطبقوووونه

الله يعافيك يالغالي

اي والله ياخي

مع ان كل الي اعرفهم مغلفينها بالبلاستيك وحاطينها في الملف


ولين تاخذه معاك ياخي سالفه

تحس شي مهم عندك وتخاف يضيع

[بومحمد المطاوعه]

اشكرك على هالفكرة

فعلا لو تتطبق بيكون وايد احسن

الشكر لله

ان شاءالله يطبقون هذا القرار

تحياتي

[العبرات]

فكرة ممتازة .. اتمنى تطبيقها ..

[يمامـة]

اقتراح موفق جدا

جواز السفر يكون فيه اسم الزوج في الغالب

توني ادري ان جواز السفر فيه اسم الزوج والزوجة

هذي نتايج اللي ما تسافر وايد..


نقول لاخونا بومحمد الحمدلله على السلامة بعد فترة غياب

والفكرة بحد ذاتها معقولة ولكن لو يتم تزويد الفنادق بقاعدة بيانات
للمتزوجين القطريين يكون افضل من وجود هالبطاقة..

وشكرا لكم

[حسن]

توني ادري ان جواز السفر فيه اسم الزوج والزوجة

هذي نتايج اللي ما تسافر وايد..


نقول لاخونا بومحمد الحمدلله على السلامة بعد فترة غياب

والفكرة بحد ذاتها معقولة ولكن لو يتم تزويد الفنادق بقاعدة بيانات
للمتزوجين القطريين يكون افضل من وجود هالبطاقة..

وشكرا لكم

تزويد الفنادق بقاعده بيانات المتزوجين القطرين من يقول اليمامه تقول
ليش وشحقى وشمعنى الفنادق هل الفنادق اصبح شي مهم للقطري وهو في بلاده
واذا متزوج مثنا وثلاث ورباع مايسوى عليه القطري
بيتشرشح من ه الحريم

لا لا لا

مايجوز يااليمامه مادري وش بلاك هل الايام من عقب سوالف
ضرب الحمير

:eek5:

[يمامـة]

تزويد الفنادق بقاعده بيانات المتزوجين القطرين من يقول اليمامه تقول
ليش وشحقى وشمعنى الفنادق هل الفنادق اصبح شي مهم للقطري وهو في بلاده
واذا متزوج مثنا وثلاث ورباع مايسوى عليه القطري
بيتشرشح من ه الحريم

لا لا لا

مايجوز يااليمامه مادري وش بلاك هل الايام من عقب سوالف
ضرب الحمير

:eek5:

شوف يا بوعلي ما زلت ضد حجز فنادق في قطر تبيع خمور علشان اترك بيتي واقعد ليلة او ليلتين فيه
واشوف ان السكن في فنادق تبيع الخمور تكون للضرورة واحنا ناس ولله الحمد ما في شي يضطرنا
نترك بيوتنا ونروح هالفنادق ونسكن فيها،،

لكن ردا على اخونا بو محمد اللي يتكلم عن موضوع اشوفه منتشر بشكل كبير
ما بين الناس وما يهمهم اذا هالفندق يبع خمور ولا لا .. ويتركون بيوتهم ويحجزون فيها
ان فكرة تزويد الفنادق بقاعدة بيانات مهمة جدا،،

بس مثل ماقلت مشكلة اللي يعدد وخاش...............> هذيه يبي له يستخدم اسمه ونك نيم
علشان ما ينصاد..

[يمامـة]

بوعلي ياتني فكرة خلاص

شوف كل ريال معدد يعطونه بطاقة زواج ويترك البطاقة عند زوجته
علشان ما يخربط فيها اذا ودى الأولى وقدم بطاقة الثانية ..

شفت اشلون ضرب الحمير يشغل المخ:telephone:

[وليف الشوق]

فكرة حلوة بشرط تكون ضمن بيانات البطاقة الشخصيه ولا تكون بطاقه بروحها ويكفي البطاقات اللي في البوك اللي مانقدر وين نوديها وكثرة البطاقات اللي مالها داعي

[عاشق العديد]

بوعلي ياتني فكرة خلاص

شوف كل ريال معدد يعطونه بطاقة زواج ويترك البطاقة عند زوجته
علشان ما يخربط فيها اذا ودى الأولى وقدم بطاقة الثانية ..

شفت اشلون ضرب الحمير يشغل المخ:telephone:

ووحده من زوجاته تصيد لها وحده تداوم بهالمكان وتصيد عنههه كل شي

[MaRuKoO]

اي يعني كرت العايله نفس الدولة المجاوره لنا !!!
لا مانبي موب شي تخلف الصراحه
الي يسمعكم يقول كل واحد حاط عقد زواجة فعيونه ومغمضها عليه هههههههههه وكل يوم ففندق مودي هله هههههه

[ANONYMOUS]

للأسف فكره غير عمليه ..

اولا .. ماذكر ان الفنادق تطلب عقد زواج ..

ثانيا .. كل اللي يطلبون العقد او صوره منه هم معاملات الحكومه .. وللأسف هذا الطلب يضرب بعرض الحائط عبارة الحكومه الاليكترونيه ..

اخيرا .. البطاقات مكوده .. نبي فكره تقلل البطاقات .. واذكر اني طرحت سابقا فكره من كم سنه .. مب تزيدها ..

مب معقوله اشيل بوكين حق بطاقات من البيت للسياره للسياره الثانيه ل ل ل ل .. الخ .. وعلى ماقالوا الاخوان.. لو متزج اربع.. شل اربع كروت .. فيزا وماستركارت وداينرز كلوب وبطاقه عاديه

[عاشق العديد]

للأسف فكره غير عمليه ..

اولا .. ماذكر ان الفنادق تطلب عقد زواج ..

ثانيا .. كل اللي يطلبون العقد او صوره منه هم معاملات الحكومه .. وللأسف هذا الطلب يضرب بعرض الحائط عبارة الحكومه الاليكترونيه ..

اخيرا .. البطاقات مكوده .. نبي فكره تقلل البطاقات .. واذكر اني طرحت سابقا فكره من كم سنه .. مب تزيدها ..

مب معقوله اشيل بوكين حق بطاقات من البيت للسياره للسياره الثانيه ل ل ل ل .. الخ .. وعلى ماقالوا الاخوان.. لو متزج اربع.. شل اربع كروت .. فيزا وماستركارت وداينرز كلوب وبطاقه عاديه

الفندق الي مايطلب عقد مب احسسسن له لازم عقد ومن شششروط ولكن هم يسلون بالاول انت لحالك ولا معاك احد اذا معاكً احد جيب عقد زواج وحياك الله

[ANONYMOUS]

والفكرة بحد ذاتها معقولة ولكن لو يتم تزويد الفنادق بقاعدة بيانات
للمتزوجين القطريين يكون افضل من وجود هالبطاقة..

وشكرا لكم

على اي اساس فندق يتم تزويده بالاسامي والحاله الاجتماعيه

اذا تروح ل معامله حكوميه يطلبون منك صورة العقد.. وهم من باب اولى اللي يكون عندهم هالقاعده

الاقتراح مرفوض

[ANONYMOUS]

الفندق الي مايطلب عقد مب احسسسن له لازم عقد ومن شششروط ولكن هم يسلون بالاول انت لحالك ولا معاك احد اذا معاكً احد جيب عقد زواج وحياك الله

الله لايحوجنا للفنادق في قطر

على اساس كل وكند بفندق

الحمد لله الواحد ماوده يطلع من البيت من الراحه النفسيه.. تبون فنادق وسفور وخمور .. بعدين تعالوا المنتدى .. النجده .. شفت وحده فاصخه ولا فاعله ولا تاركه ..

قروا في بيوتكم .. الكلام موجه للجنسين

[لبيبة]

الفكرة غير عملية، البوك ما فيه مكان للبطاقات زيادة، واحنا نبي نختصر العدد

لكن الحل اللي اشوفه عملي انك تكون مسوي scan للعقد او اي مستندات مهمة عندك وتخليها في جوالك

اي فندق يطلبها ترسلها في الايميل عندهم او تطبعها على طابعتهم

ما في فندق ما عنده ايميل

من زمان عندي المستندات اسوي لها جذي ومرتاحة

[عاشق العديد]

الله لايحوجنا للفنادق في قطر

على اساس كل وكند بفندق

الحمد لله الواحد ماوده يطلع من البيت من الراحه النفسيه.. تبون فنادق وسفور وخمور .. بعدين تعالوا المنتدى .. النجده .. شفت وحده فاصخه ولا فاعله ولا تاركه ..

قروا في بيوتكم .. الكلام موجه للجنسين

من الي شكئ الحال الحين ؟

[عاهد بن علي]

فكره ناجحه 100%100
ياليت بدل صرف بطاقه ثانيه
اضافة معلومات عن الزواج في نفس البطاقه الشخصيه يكون اخف واحسن

[ANONYMOUS]

من الي شكئ الحال الحين ؟


الحين محد

بس بتجيك الشكاوي مطفيه ليتاتها في المنتدى

[نور الحور]

الفكرة غير عملية، البوك ما فيه مكان للبطاقات زيادة، واحنا نبي نختصر العدد

لكن الحل اللي اشوفه عملي انك تكون مسوي scan للعقد او اي مستندات مهمة عندك وتخليها في جوالك

اي فندق يطلبها ترسلها في الايميل عندهم او تطبعها على طابعتهم

ما في فندق ما عنده ايميل

من زمان عندي المستندات اسوي لها جذي ومرتاحة




حبيت الفكرة بشغفففففف لبيبة .. احسها عملية وحلوة ..

بدل لا تتجمع البطاقات بالبوك ونقعد نفرشهم قدام الاولي والتالي هههههه

ولا ينباق البوك بكبره ونتوهق ونطلع بدل فاقد << صارت لي والله :(


والف الحمدلله على السلامة بومحمد ..

نورت المنتدى وشكرا على الموضوع والفكرة ..

وصح عقد الزواج صعب نشيله بكل مكان انا مسويه منه نسخة

وحاطته بنص الجواز احتياط ههههههه

[بومحمد المطاوعه]

بعض الردود

تحسسوني انكم شالين هم

كلها الا كم بطاقه

بطاقه البنك والشخصيه والصحيه والليسن

وين الزحمه فالبطاقات ؟؟

والي ماشاءالله عليه تاجر وعنده زحمه بطاقات
يخصص له بوك لبطاقات البنك
والبطاقات المهمه مثل الصحيه والليسن وبطاقه الشخصيه
يحطهم مع بوك الفلوس

والحين من يحط كاش ف مخباه

ياكثر مكاين atm

[بومحمد المطاوعه]

يعطيكم العافيه وبرجع لكم قريبآ

[قوت القلوب]

ذكرتني اول ماتزوجت قابض الخط ومودي معاي الورقة بكل ثقه ويوم وصلت بوسمره اطلبوها وعطيتها الموظفه انفقعت من الضحك وعقب كشرت في وجهي اتقولي تستهبل حضرتك !!!
ليش يابنت الناس يهديج يرضيج !!!
ردت علي الورقه ولا اطلعت شهادتي مالت الثانويه ههههههههههههههههههه
بالغلطه ساحبها على بالي عقد الزواج هههههاي

فكرتك ممتازة وان شاء الله توصل للمسؤولين

[بومحمد المطاوعه]

ذكرتني اول ماتزوجت قابض الخط ومودي معاي الورقة بكل ثقه ويوم وصلت بوسمره اطلبوها وعطيتها الموظفه انفقعت من الضحك وعقب كشرت في وجهي اتقولي تستهبل حضرتك !!!
ليش يابنت الناس يهديج يرضيج !!!
ردت علي الورقه ولا اطلعت شهادتي مالت الثانويه ههههههههههههههههههه
بالغلطه ساحبها على بالي عقد الزواج هههههاي

فكرتك ممتازة وان شاء الله توصل للمسؤولين

ههههههههههههههههههههههههههههههههههههههههههههه
تكفى قول غيرها

وين ساحب الشهاده هههههههههههههه

ذبحتني والله


مالك حل يالشيخ هههههههههه

الله يعطيك العافيه
ان شاءالله يطبقون القرار

بس يقولك لازم تثبت ملف فالموتر من كثر البطاقات على قولة البعض ان زهقنا من البطاقات

[Aaziz]

السلام عليكم
مرحبا بومحمد ،،، انا مع اصدار بطاقه تثبت الزواج بدال الورقه .
و ابي اذكر نقطه وهي ان في البحرين توجد بطاقه شخصيه وحداحده ،، تقلبها من ورى و يكون فيها صور رمزيه ،، مثلا سوره سياره يعني ان الشخص عنده ليسن و رمز اخر طبي اعتقد ،،، المهم بطاقه وحده فيها كل شي الا اثبات الزواج طبعا .

[جوال 11]

قبل سنوات كان يكتب في جواز سفر الزوجة اسم الزوج وممكن يضاف في بطاقة الزوجة الشخصية اسم الزوج
مجرد اقتراح

[Dana’1]

حلوة الفكرة..لأن صار لنا موقف أنا وزوجي مانحسد علية وقفنا عند نقطة تفتيش بخط الرياض الشرقية السريع عالفجر وقبل ظهور النور وتحقيق معنا .. ظنوا إننا هاربين مع بعض إستغفر الله وبغوا يردونا لمركز الشرطة بالرياض والبسبب عقد الزواج:(
سببين خلاهم يشكون فينا
1 يوم شافوا إن جنسيتي غير زوجي.. وبدون عقد زواج!!
2- زجاج السيارة من قدام في جهتي متصدع ومكسور بسبب إن واحد طلع من البر للخط السريع بسرعة وطارت حصاة وكسرت الجامة .. فدخلنا ورش الخطوط فقال بشد عالكسر بلوح وشريط لاصق مقوى ( الرمادي)
فالسيارة شبهة ههههه
هذيك السفرة أنواع الأكشن ههههههه

[أم محمد 90]

بومحمد شكله الصيام والقص منعنش مخك شالفكرة الزينه ههههههههههههههههههههههه

انا مأيدة والله واشوفه اقتراح عبقري عاد من الحين خذ براءه اقتراح او اختراع

[هيلو كيتي]

هالفكرة موجودة عندنا تطبق في محكمة اتحادية شرعية ,,, لكن مو متاكدة اذا عممت على مستوى جميع المحاكم ..

وكذلك الوكالات بجميع انواعها بتطبق بنفس المبدأ

اقتراح مميز ان طبقتوه قدمه للجهات المختصه او اذا عندكم بوابة حكوميه اليكترونية للشكاوي والاقتراحات .

بالتوفيق لكم :victory:

[يمامـة]

على اي اساس فندق يتم تزويده بالاسامي والحاله الاجتماعيه

اذا تروح ل معامله حكوميه يطلبون منك صورة العقد.. وهم من باب اولى اللي يكون عندهم هالقاعده

الاقتراح مرفوض

افااا .. انرفض اقتراحي ..:(

[الحاقول]

فكره حلوه وممكن ان تصدر هذه البطاقه مع عقد الزواج

[مشتاقة لقطر]

على طاري المتزوج بللسر
بالامارات عندهم خلاصة للقيد اللي نفس دفتر العائلة
طلبوها على احد الطلاب
وراحت الزوجة وتفتح الخلاصة بدون غلم الزوج تبي تصورها للمدرسة
وتتفاجئ باسم زوجة ثانية وطفل ثاني . . وخذ يالاكشن ..

[مشتاقة لقطر]

وبخصوص عقد الزواج اذا السفارة الالمانية طلبته مترجم
تعطلنا على هالسالفة .. بس الحمدلله خلصنا . .
والفنادق يطلبون العقد بعد

[ANONYMOUS]

افااا .. انرفض اقتراحي ..:(

الرفض هو انتهاك الخصوصيه من قبل الفنادق

اما إقتراحج منتاز واضاف قيمه للموضوع 🏃🏃

[الحاقول]

وبخصوص عقد الزواج اذا السفارة الالمانية طلبته مترجم
تعطلنا على هالسالفة .. بس الحمدلله خلصنا . .
والفنادق يطلبون العقد بعد

السفاره الالمانيه لاتطلب عقد الزواج ... والحياه الاجتماعيه مبنيه على الصداقه وليس على الزواج في المانيا
وانا كنت امس في السفاره الالمانيه ولم يطلب مني احد عقد الزواج . هذا الموضوع عندنا وليس عندهم

[منابر خالده]

وفي حالة الطلاق هل بيرجع البطاقة ام راح يستخدمها استخدام خاطئ
فكرة جميلة ولكن هل الموضوع يستدعي عمل بطاقة فقط عشان تريح نفسك في حجز الفندق يمكن مرتين في السنه

[ANONYMOUS]

بعدين ولا عمري شفت في فندق عندهم مكتب حق مطبقه

شلون يعرف الفندق ان هالحرمه زوجة الرجل ..



يعني ايش السر في طلب الفندق عقد الزواج.. طالما هو لايدري ان الحرمه هي زوجته الحقيقيه ام مش زوجته الحقيقيه :)

واذا حرمه بتحجز

هل يطلب منها الفندق عقد الزواج .. اذا متزوجه

وعقد الطلاق . اذا مطلقه

و عقد وفاه .. اذا عزباء وابوها متوفي او اذا مترمله

وعقد من المحكمه او الجوازات او وزارة الصحه ان ماعندها اخوان وخالها ولي امرها اذا وحيدة امها وابوها وصورة بطاقة الخال او العم او الجد

السالفه ماتسوى اصلا

[حسن]

الحين كل هذا علشان القطري يسكن في فندق!!!مسوي فيها ليله حمره!!

والله مصيبه كبرى

:omg:

وبعدين الموضوع منتهى الزوجه يكتب لها في الجواز اسم زوجها وانتها

كل الزوبعه علشان القطري يسكن فندق في قطر

:eek5:


احجز ليله قمر 14 يقولون فال خير وود معاك شموع

:)

[ANONYMOUS]

الحين كل هذا علشان القطري يسكن في فندق!!!مسوي فيها ليله حمره!!

والله مصيبه كبرى

:omg:

وبعدين الموضوع منتهى الزوجه يكتب لها في الجواز اسم زوجها وانتها

كل الزوبعه علشان القطري يسكن فندق في قطر

:eek5:


احجز ليله قمر 14 يقولون فال خير وود معاك شموع

:)

انت مش رومنسي واحد :anger1:

[حسن]

انت مش رومنسي واحد :anger1:


كل هذا الوصف ومهب رومانسي
قمر 14 وشموع

ممكن تدلنا وين يبيعون الرومانسيه

:weeping:

[ANONYMOUS]

كل هذا الوصف ومهب رومانسي
قمر 14 وشموع

ممكن تدلنا وين يبيعون الرومانسيه

:weeping:



ابدأ بالفندق وبتجيك الرومانسيه انسيابيه ههههههههههههههه

[بومحمد المطاوعه]

بعدين ولا عمري شفت في فندق عندهم مكتب حق مطبقه

شلون يعرف الفندق ان هالحرمه زوجة الرجل ..



يعني ايش السر في طلب الفندق عقد الزواج.. طالما هو لايدري ان الحرمه هي زوجته الحقيقيه ام مش زوجته الحقيقيه :)

واذا حرمه بتحجز

هل يطلب منها الفندق عقد الزواج .. اذا متزوجه

وعقد الطلاق . اذا مطلقه

و عقد وفاه .. اذا عزباء وابوها متوفي او اذا مترمله

وعقد من المحكمه او الجوازات او وزارة الصحه ان ماعندها اخوان وخالها ولي امرها اذا وحيدة امها وابوها وصورة بطاقة الخال او العم او الجد

السالفه ماتسوى اصلا

ياخوي انت رايح بعيد وايد

عقد الزواج مب للفندق

هذي متطلبات الدوله
وجهاز امن الدوله
ولا الفندق مب نشاد عنك ولا عني

اذا كانت زوجتي ولا من تكون


هذي متطلبات الجهات المختصه

[alsoq]

فكرة ممتازه

العقد عندي متهالك كلش من كثر لمس وفك وطي استحي اراجع فيه:) متشقق

[keep calm]

فكرتك رائعة

[ahmed203949]

فكرة ممتازة وتشكرعليه
ونتمنى من الجهات المعنيه بتطبيق هذا الاقتراح الموفق والمقبول من الجميع.

[برشلوني قطر]

اقتراح طيب يا بومحمد

واتمنى يرى النور قريباً

[بصمة قطرية]

اقتراح موفق جدا

جواز السفر يكون فيه اسم الزوج في الغالب

في السابق كان بنكتب اسم الزوج
حالياً لا
لأن الاسم موجود في الكمبيوتر ..



الاقتراح ممتاز بومحمد ..
ولكم باك ،،

[كلاسيك قطر]

اقتراح ممتاز فعلا ، نتمنى تطبيقه

[ANONYMOUS]

ياخوي انت رايح بعيد وايد

عقد الزواج مب للفندق

هذي متطلبات الدوله
وجهاز امن الدوله
ولا الفندق مب نشاد عنك ولا عني

اذا كانت زوجتي ولا من تكون


هذي متطلبات الجهات المختصه


اللي تشوفه يابومحمد

بس يكون استخراج الكرت اختياري مش اجباري ..

وعلى فكره كل واحد يبي يطلع هالكرت يجهز شهوده من الحين حق عشان ريفريش للمعلومات

[بن مفتاح]

اقتراح ممتاز .. نتمنى يُطبق ..

[بومحمد المطاوعه]

للرفع والمناقشه

[بومحمد المطاوعه]

اللي تشوفه يابومحمد

بس يكون استخراج الكرت اختياري مش اجباري ..

وعلى فكره كل واحد يبي يطلع هالكرت يجهز شهوده من الحين حق عشان ريفريش للمعلومات


صحيح يكون اختياري بعد افضل

[Qatar Perfume]

يا ليت فيه كرت بدال العقد للحالات الطارئة..

صار لي موقف مره كنت شاكه اني مسقطه و رحت طورائ الولادة قالو ماتدخلين الا بالعقد ولا ناخذ بطاقتج الشخصيه لين ماتجيبين العقد!!!

زين يعني ارجع البيت مثلا! زين ان البطاقه كانت معاي و رجعوها لي بعد ماجبت لهم العقد ثاني يوم..

يعني لو وحده بتموت بعد نفس الشي!!

[بومحمد المطاوعه]

يا ليت فيه كرت بدال العقد للحالات الطارئة..

صار لي موقف مره كنت شاكه اني مسقطه و رحت طورائ الولادة قالو ماتدخلين الا بالعقد ولا ناخذ بطاقتج الشخصيه لين ماتجيبين العقد!!!

زين يعني ارجع البيت مثلا! زين ان البطاقه كانت معاي و رجعوها لي بعد ماجبت لهم العقد ثاني يوم..

يعني لو وحده بتموت بعد نفس الشي!!

لاحول ولاقوة الا بالله

الله يرزقج ان شاءالله

[بـارود]

الأرقام المميزة أولى هههه
اقتراحك جيد ولابد من تنفيذه

[بومحمد المطاوعه]

الأرقام المميزة أولى هههه
اقتراحك جيد ولابد من تنفيذه


هههههه

ان شاءالله

[بومحمد المطاوعه]

اقتراح ممتاز .. نتمنى يُطبق ..

نتمنى ان شاءالله