اسرع فيزا لسويسرا

[لما]

ابي اسرع طريقه لاستخراج الفيزا السويسريه قبل انتهاء رمضان ان شاء الله حتى لو من مكتب احد عنده فكره كل السفارات حجز موعد عن طريق النت وتعقيدات أرجو ألمساعده

[ذكي جدااا]

بالنسبه للسفارة السويسريه الموعد يتم عن طريق التلفون. ياليت تكلمينهم وبيشرحون لك المطلوب وبيعطونك موعد. المطلوب بشكل عام حجز فندق وتذكره وتأمين سفر

[غير البشر]

تفضلي اختي هذا شرح كامل لعمل الفيزا من السفاره السويسريه
كلميهم بالتلفون اليوم وشوفي من اقرب موعد عندهم
واذا تبين تخلصين امورج اسرع
روحي اليوم مكتب المعجم مكانه في فريق كليب جنب مكتبه الجامعه بالضبط
يعبي ويخلص لج الاوراق وتكلمين السفاره وتحجزين موعد
هذي اسرع طريقه اختي
وبالتوفيق

وهذا تحت شرح للحصول على الفيزا السويسريه



اختي بخصوص الفيزا حق سويسرا

طبعا لازم تروحين مرتين

المره الاولى وقت الموعد لعمل البصمه
والمره الثانيه لأستلام الفيزا

اجراءات الحصول على الفيزا من السفاره السويسريه

1- تعبئه الطلب الكترونيا ومن ثم طباعته والتوقيع عليه

http://www.eda.admin.ch/etc/medialib/downloads/edactr/qatar.Par.0006.File.tmp/Application%20Form%20-%20Schengen%20Visa.pdf

اخذ موعد وهنا طريقتين
اما الاتصال بهم على رقم 40203400

او ارسال لهم ايميل لتحديد الموعد


doh.visa@eda.admin.ch


وكتابه :
# عدد الاشخاص الكبار وجنسياتهم
# عدد الاشخاص القصر وجنسياتهم
# رقم الهاتف
# تاريخ السفر


وسيتم الاتصال بكم من السفاره لتحديد موعد الحضور للبصمه وتقديم الاوراق

3- الاوراق المطلوبه :

# الطلب ( الابلكيشن معبا )
# صوره شخصيه لكل متقدم خلفيه بيضاء
# اصل الجواز وصوره منه لكل المتقدمين ( مع مراعاه تاريخ انتهاء الجوازات ماتقل عن 3 شهور )
# تأمين صحي
# حجز تذاكر وحجز فنادق بكامل مده الاقامه في سويسرا
# كشف حساب 3 شهور من البنك :rolleyes2:

ملاحظه : الاطفال تحت 18 سنه لازم يوقع على الطلب الولي الاب او الام
وترفق صوره من جواز الولي الموقع على الطلب مع طلب القاصر وايضار صوره من جواز القاصر


مبلغ الفيزا للكبار فوق 12 سنه 290 ريال
للأطفال من 6 سنوات الى 12 سنه 170 ريال
اقل من 6 سنوات مجانا

ملاحظه دفع رسوم التأشيره نقدا لاتقبل الشيكات او بطاقه الائتمان الفيزا


وبس

بالتوفيق ان شاء الله
اي استفسار انا حاضر :nice:

[لما]

كلمنا محد يرد متا دوامهم برمضان

[غير البشر]

كلمنا محد يرد متا دوامهم برمضان

من الاحد لين الخميس
السفاره حق البصمه وغيرها 9 لين 11 صباحا
وحق مواعيد الفيزا على التلفون من الساعه 1 الى الساعه 3 عصرا

[Q6RI-001]

التـــــوفيـــــق انشـــــاءالله..