مع نزول الرواتب بيوم 20 من الشهر ليش ؟

[حمد 2002]

السلام عليكم ورحمه الله وبركاته

مع نزول الرواتب بيوم 20 من الشهر ليش ؟


الرواتب نزلت بتاريخ 20 من هذا الشهر ، ليش مافكرت يافلان او مافكرتي يافلانه انج تعطين الشغاله ولا الدريول رواتبهم بنفس الوقت بدون تاخير الى نهايه الشهر ؟

اذا انتوا مستانسين لانكم حصلتوا فلوس من وقت للعيد وللسفر ؟


خلهم هم يستانسون ويطرشون الفلوس حق اهلهم !! .

انتم عندكم قلب وهم عندهم قلب !!


انتم عندكم احساس ومشاعر وهم كذلك .

لتبادروا بعمل اللفته الطيبه تلك وخصوصا مع هذا الشهر الكريم .


بالتوفيق .


اخوكم


حمد 2002

[w.qatar]

الموضوع مكرر

[حمد 2002]

الموضوع مكرر

فتحي عيونج مب مكرر ..

[khalid Qtr]

تنبيه مهم ، جزاك الله خير ..

[مشاكل]

ياحمد فديت خشمك ، شلون حكمت على العالم انها ماراح تعطي الخدم معاشاتها اليوم ؟

انا عن نفسي وربعي واللي حولي كل ابوهم بنسلم الخدم رواتبهم اليوم بإذن الله

[مختلفة عقليا]

السلام عليكم .,

فكره حلوه ., وما كنت منتبهه لها ., :victory:

ويسلموو .,

[OREO]

وذكر فإن الذكرى تنفع المؤمنين...

يزاك ربي كل خير حبيبي حمد و تسلم على التذكير ،،

[حسن]

اي والله ياحمد فعلا هل تتوقع العالم بتدفع لهم

انا اؤكد لك انسسسسسسسى ياحبيبي
صح مختلفه

الصراحه فتحت عيونا على شي ماكنا منتبهين له


اشكرك ياحمد احبك

:)

[عاشق العديد]

الريال ماقال شي ياجماعه الريال مجرد قدم نصيحه ..

ليش العصبيه ..

جزاك الله خير ياحمد على التذكير ولو انه ماعندي خدم ولا لي فيهم .. بس الي متاكد منه انه الوالده مانستهم .. وكل شي اول باول ..

[ANONYMOUS]

اشوف ماله داعي تنكب اسره 40 يوم .. وترى في الاخير الراتب 800 مادري الف ريال مب 60 الف ريال

الرواتب ماشالله هنا .. والبعض بعد 10 ايام او 20 يوم يدخل مرحلة التقشف


ف الراي هو ان تستشير الشغاله او السائق في حال رغبته ان يستلم بدري .. خل يستلم بدري .. و يطرش لدولته ان رغب

واذا مارغب خل ينزل له في حسابه اخر الشهر كالعاده

[العنيده]

جزاك الله خير
ومن حقهم بعد بس لازم يعرفون ان التاريخ بدري عشان الكل نزل له بدري للعيد
ممكن تتلخبط عندهم التواريخ

[قلب الدوحة]

اي راتب اللي نزل ماشفت شي ، الحساب صفر

[يمامـة]

هو كلامك في مجمله مب غلط يا بوشهاب

لكن في الاول والأخير لابد من استشارتهم اولا
هل يبون الراتب الحين ولا مع نهاية الشهر ؟

وشكرا لك

[بنت الجزيرة]

الله يجزاك خير اخوي حمد
واللي يقدر يزيديهم في هذا الشهر الفضيل الله يجزاه خير ..

[ANONYMOUS]

الله يجزاك خير اخوي حمد
واللي يقدر يزيديهم في هذا الشهر الفضيل الله يجزاه خير ..




هذا الاقتراح اللي يجمد ع الشارب ������������

شكرا لصاحب الموضوع وصاحبة المشاركه

[مشـــــاعر]

.

إي هذي آإلمواضيع مو إللي بآإلي بآإلكك :rolleyes2:


الله يجزاك خير اخوي حمد
واللي يقدر يزيديهم في هذا الشهر الفضيل الله يجزاه خير ..

إبصرآإحة في رمضآإن يستآإهلوون ونص بعد ولو يبون راتبين . .
تسلمين حبيبتي بنت آإلجزيرة ع آإلكلآإم آإلطيب ورحم آإلله وآإلديج . .


ذكركك الله بآإلشهادة حجي حمد وجزآإكك آإلله خير وعسآإكك ع القووة !!

[حسن]

ياحمد انا في رمضان اعطى الجميع دبل راتب

وغيرها

:)

[alsoq]

الحمدلله اهل قطر كلهم يكرمون الخدم ويحنون عليهم
واي خادم يحتاج غير راتبه ماهم يقصرون جعل ربي يزيدهم من فضله

[مضارب دوسري]

بيض الله وجهك يا حمد
مع رايك وبقوووووه
هم عندهم اهل ليش ما نخليهم يونسون اهاليهم ببلدهم قبل العيد بمبلغ
وليش ما نكسب اجرهم ونعطيهم عيدية من 10-15% من رواتبهم
ونقولهم شكرا تعبناكم بالشغل وانتوا صايمين :)

[مضارب دوسري]

تراهم ما رمضوا بين عيالهم الا عشان لقمة العيش
عشان ما يحرمون عيالهم من شي
لان حالتهم تعبانه
ف حبذا نعطيهم عشان يحسون انهم عند ناس حاسين فيهم وينعكس هذا على امانتهم ان شاء الله

[حمد 2002]

مشكوووووووووووووووووووووووووووووووووووووورين على مروركم الجميل والاكثر من رائع وهو الذي بحد ذاته اضاف لمسات جميله على الموضوع ،، وجزاااااااااكم الله خيرا كلن باسمه ولقبه ،،

[غايه الطواش]

بصراحه انا ف رمضان اعطيهم راتب دبل

يعطيك العافيه

[قوت القلوب]

طبعاً انت اتكلم عن الخدم المسلمين

راتب وكسوة العيد وعيدية


اما المسيحين فانا اعطيهم كسوة العيد والعيدية بس وراتبه ياخذه في تاريخه

[Pure1]

يعني شنو اول جملة!
اشوف ماله داعي تنكب اسره 40 يوم .. وترى في الاخير الراتب 800 مادري الف ريال مب 60 الف ريال

الرواتب ماشالله هنا .. والبعض بعد 10 ايام او 20 يوم يدخل مرحلة التقشف


ف الراي هو ان تستشير الشغاله او السائق في حال رغبته ان يستلم بدري .. خل يستلم بدري .. و يطرش لدولته ان رغب

واذا مارغب خل ينزل له في حسابه اخر الشهر كالعاده

[بوحارب]

بصراحه انا ف رمضان اعطيهم راتب دبل

يعطيك العافيه

حتى في سوالف الأجر تفوشرون :(

حمد نزل موضوع عنها بسرعة :)