ترى عادي اذا سلمت مارح تنقص من قدرك شي .. ف السلام عليكم

[Pure1]

السلام عليكم ورحمة الله وبركاته...

لاحظتوا انا بدأت الموضوع بشنو؟ بالسلام عليكم بتحية الاسلام ...ليش؟ لأنه الرسول صلى الله عليه وسلم اوصى عليها فهي سنة مؤكدة يثاب المسلم عند القاءه السلام.. واتوقع هالشي كلنا نعرفه.. ف السؤال ليش في ناس مايسلمون ! هل رح ينقص من قدرك ؟ غرور؟ ولا عايش بروحك بالدنيا؟

انزين اذا بنت ومستحية انها تلقي التحية اذا دشت مكان فيه رجال اوكي فهمنا..
بس شنو عن البنات مع بنات فالدوام! ادش المكتب لا سلام ولا كلام..
او ادش المصعد ولا السلام عليكم ولا كأني موجودة!

السلام عليكم معناها انك تدعو بالسلام لهالشخص.. يعني كلمة طيبة تسبب الفة ومودة ف ياليت لو نستخدمها كتحية اسلامية وكنوع من التراح

[حسن]

والله حركات بنات عاد وش نسوي احنا فيهم

يمكن شي يدخل في العقول والنفسيات

البنات بينهم مشاكل لا تعد ولا تحصى واللي يفكنا شر مشاكلهم

عقليات لا اكثر ولا اقل

[ضوى]

السلام عليكم ورحمة الله وبركاته...

لاحظتوا انا بدأت الموضوع بشنو؟ بالسلام عليكم بتحية الاسلام ...ليش؟ لأنه الرسول صلى الله عليه وسلم اوصى عليها فهي سنة مؤكدة يثاب المسلم عند القاءه السلام.. واتوقع هالشي كلنا نعرفه.. ف السؤال ليش في ناس مايسلمون ! هل رح ينقص من قدرك ؟ غرور؟ ولا عايش بروحك بالدنيا؟

انزين اذا بنت ومستحية انها تلقي التحية اذا دشت مكان فيه رجال اوكي فهمنا..
بس شنو عن البنات مع بنات فالدوام! ادش المكتب لا سلام ولا كلام..
او ادش المصعد ولا السلام عليكم ولا كأني موجودة!

السلام عليكم معناها انك تدعو بالسلام لهالشخص.. يعني كلمة طيبة تسبب الفة ومودة ف ياليت لو نستخدمها كتحية اسلامية وكنوع من التراح

اعوذ بالله فيه ناس جذي ؟ السلام على ويه الله لمن تعرف ولا تعرف

[مختلفة عقليا]

السلام عليكم .,

لاحظ انا اي موضوع ادشه اسلم ., اذا انا كتبته او لا .,

وحتي في الدوام في الرسائل الرسميه ما كانوا يكتبون السلام ., سالت المدير ليش قال بس .,

وقمت انا كتبت السلام في كل المراسلات اللي اتخصني .,

البخيل هو اللي ما يسلم .,

حتي لو ادش البيت ومافيه حد اسلم علي نفسي., لان الله امرنا في هالشي بسوره المومنين ما ادري سوره النور .,

افشوا السلام بينكم ., حتي لو ما بيردون عليكم انتوا سلموا ., حسنات

ويسلموو .,

[Right]

الشخص إلي يبتدي بالسلام ، الشخص الآخر يقول بينه وبين نفسه أكيد يبي شيء (البعض) !!

[Pure1]

اي والله ! انا وايد تصادفني هالاشكال وانقهر.... لدرجة اني اقول السلام عليكم وعادي هي اطنشني او ترد بصوت ماينسمع! اذا الاجانب وهم اجانب قاموا يقول سلام اليكم ! احنا المسلمين العرب مانقول


اعوذ بالله فيه ناس جذي ؟ السلام على ويه الله لمن تعرف ولا تعرف

[بو الجوري]

و عليكم السلام ورجمة الله وبركاته :nice:

والله صادقه ، وايد يصادفوني هالنوع من الأشخااااص ..

يدش ولا يسلـم ، كنه داش كنيسه ، خصوصاً فالمصعد ..


واللي يقهر أكثر ، إذا أنا أسلـم ومايردون .. :anger1:

[JN000N]

مادري ماعتبرهم اغلبيه
لان الي معاشرتهم واشتغل معاهم واشوفهم وامر عليهم دوم يسلمون ونسلم عليهم

لكن تقدرين تقولين ان اذا في ذبحه بين ثنتين وحده تسلم الثانيه ماترد على اساس مبوزه والسلام لها
فالنهاية السلام لله والي ما يبي الاجر لايسلم احنا ف زمن ندور الحسنات دواره

[Pure1]

انا قصدي سواء نعرف بعض او لا ! المفروض اني اسلم على اي شخص اتواجد معاه بنفس المكان.. من الادب والذوق . مرة دشيت ستارلينك وانا بنت وقلت السلام عليكم على 2 هنود قاعدين.. ترى هني ماتوقع اللي سويته عيب.. ولا طيحت الميانة بس قلت السلام عليكم سواء للهندي ولا اللي تشتغل فالمكان.. احنا اصلا اول ماندش البيت نقول السلام عليكم تلقائيا حتى لو مافي احد
مادري ماعتبرهم اغلبيه
لان الي معاشرتهم واشتغل معاهم واشوفهم وامر عليهم دوم يسلمون ونسلم عليهم

لكن تقدرين تقولين ان اذا في ذبحه بين ثنتين وحده تسلم الثانيه ماترد على اساس مبوزه والسلام لها
فالنهاية السلام لله والي ما يبي الاجر لايسلم احنا ف زمن ندور الحسنات دواره

[طير حوران]

شكرا على التذكير

جزاك الله خير

[qatari 111]

و عليكم السلام ورجمة:eek5: الله وبركاته :nice:

والله صادقه ، وايد يصادفوني هالنوع من الأشخااااص ..

يدش ولا يسلـم ، كنه داش كنيسه ، خصوصاً فالمصعد ..


واللي يقهر أكثر ، إذا أنا أسلـم ومايردون .. :anger1:

ابو الجوري انت خربت السلام

التمسو العذر .. قد يكون الشخص سمعه ضعيف او مايسمع .

[يمامـة]

هالظاهرة ملاحظتها من البنات حديثات السن يعني 14 و 15 وطالع لين 25 ..

ملاحظة لدخلوا علينا في اماكن عامة وكلنا حريم ما يسلمون
واذا مروا من صوبنا وكنا حريم بس ما يسلمون ..

وكنت اتساءل ليش ما يسلمون وشنهي الاسباب؟
في الوقت اللي الاحظ ان اللي أكبر منهم سنا وامهات عيال او من جيلنا ان
صح التعبير يسلمون ويردون السلام..

فالموضوع اعتقد فيه نوع من التقصير في التربية من صوبنا
بحيث لابد ان نرص عليهم انهم يتعاملون في السلام في اغلب مواقفهم
مع الناس ( الجنس اللطيف بالخصوص) في الاماكن العامة والخاصة..

اما الشباب ما شاءالله عليهم نادر ما الاحظ انهم ما يسلمون في الاماكن العامة..

[Pure1]

صحيح والله جبتيها صح ....مفروض الاهل يشددون على السلام وبالاخص كلمة السلام عليكم مش مرحبا ولا هاي على قوله بعضهم! الحمدلله ف بيتنا السلام عليكم نقولها حتى للخدامة من واحنا صغار تعودنا على هالشي..
هالظاهرة ملاحظتها من البنات حديثات السن يعني 14 و 15 وطالع لين 25 ..

ملاحظة لدخلوا علينا في اماكن عامة وكلنا حريم ما يسلمون
واذا مروا من صوبنا وكنا حريم بس ما يسلمون ..

وكنت اتساءل ليش ما يسلمون وشنهي الاسباب؟
في الوقت اللي الاحظ ان اللي أكبر منهم سنا وامهات عيال او من جيلنا ان
صح التعبير يسلمون ويردون السلام..

فالموضوع اعتقد فيه نوع من التقصير في التربية من صوبنا
بحيث لابد ان نرص عليهم انهم يتعاملون في السلام في اغلب مواقفهم
مع الناس ( الجنس اللطيف بالخصوص) في الاماكن العامة والخاصة..

اما الشباب ما شاءالله عليهم نادر ما الاحظ انهم ما يسلمون في الاماكن العامة..