شركة K and M ديزاين وتجربتي معاهم

[ورد الدوحه]

السلام عليكم ورحمة الله وبركاته

فكرت أجدد بيتي كنوع من التغيير ورحت أشوف صفحات المصممين في النت لين طحت على شركة كي اند ام ديزاين

شفت الشغل في الانستغرام قصور ورووعة ،، وكاتبين عليهم شغل خاص وحصري للشركة
خذت زوجي ورحنا مكانهم في النصر وتم المصمم أردني الأصل ايراوينا الصور ورجع معانا وشاف البيت
واتفق معانا على مبلغ 100 ألف وسوينا العقد ودفعنا نص المبلغ على أساس أنه انفضي البيت ويشتغل فيه أسبوعين ونستلم البيت

طبعاً اول اسبوع تم ايماطل إن الجبس لين الحين في المصنع وماأكتمل وورق الجدران كله طلبيه وبيتأخر في الوصول
وتمينا على هالحالة شهر كامل..
وعقب جاو عمال يكسرون ويصبغون واعفسوا البيت عفيسه وين الصور اللي شفناها؟؟؟؟؟
وحدة من الغرف انصبغت أزرق قلت حق المصمم شاللون قال هذا لونها عسلي <<<
غير البلاوي الثانيه ......... يبي لي صفحة كاملة اذا كتبت،،

في النهاية هو ماخذ نص المبلغ ومايبي يرجعه
واحنا جبنا عمال غير ايكملون البيت

وبس حبيت أعطيكم فكرة عن هالشركة اللي اتجيب الجلطة :mad:

[Azizuk]

الله يجزيك خير على هالمعلومات وكشف خباثت هالنصابين

لو عندنا حماية مستهلك عدله كان مالعبو فينا هالاجانب للأسف

المفروض الجهات المعنية تدخل وتحط قانون واشتراطات صارمة على اي شركة تخل بالعقد وعدم اكتمال المشاريع في الوقت المتفق عليه ومعاقبة الشركة عقاب شديد لايكون عبرة حق غيرة

أكيد حد بيقول حط شرط جزائي واشتك علية في المحاكم اذا مانفذ العقد

وانت تبي تخلص شغلك والمحاكم يبي لها وقت طويل

بس مثل هالامور البسيطة لازم يحطون لها محاكم سريعة البت بالموضوع او الشرطة تتدخل وتحل المواضيع البسيطة اذا الطرف الثاني دافع لهم حسب الاتفاق ومراحل الإنجاز

لان لكل مرحلة تم الانتهاء منها لها دفعه

[معماري قطري]

في العمل اللي يعتمد فيه الواحد على آخرين يعني مكتب تعيس ويعتمد على مقاولين بالباطن مستحيل إِنه يعطي موعد ويوفي .. هذا شيء .. وشيء ثاني من يتكلم معانا شخص عن دفعة كبيرة ما تتناسب مع العمل نبعد عنه .. الشيء الثالث بعض اللي مسوين نفسهم مصممين ويجيبون صور احنا ما نعرف من وين ماخذينها نتوقع منهم كل شيء .. الأَفضل السمعة العملية من زمان مثل على سبيل المثال رافكو ومودرن ديزاين وغيرهم اللي لهم في السوق سنوات ومعرض راقي.

دوم في التجديد يستحسن نشوف مكتب هندسي يسوي لنا سكتشات ويشوف الصورة العامة ويعطينا اقتراحات ممكن نكون غافلين عنها ويجدد بطريقة صح ممكن تتطلب تعديل بعض الحوائط وفتحها .. تعديل التكييف والكهربه وأَشياء كثيرة .. ولازم ندخل إِحنا في التنفيذ بالصبر والتنسيق ووضع الخطة المبدئية اللي نمشي عليها والبدائل المتاحة.

[اللوز]

انا بصراحة بعض شركات التصميم عندنا بالدوحة
لا تليق باسم التصميم
هاذيلا عطهم سيارة تلف الدوحة اتشيل الزبالة من عند البيوت
لان للاسف
مكتب باحلى الالون
استقبال ولا احلى
بدك كوفي / كابتشينو / اكسبرسو / توركش كوفي
واحنا نفذنا بعض اï»»عمال في البيرل ( جزيرة اللؤلؤة ) وقصر فلان
ومجلس فلان
وكانه بالاسماء يقنعون الواحد انه شغلهم ماشي
للاسف بعضهم نصابين
وحتى في اعلاناتهم يحطون تصميم مجانا بالخط العريض
ويروح لهم المراجع ويقولون له نعم التصميم مجانا في حالة تنفيذ اï»»عمال لدينا

[ورد الدوحه]

Azizuk

معماري قطري
اللوز
مشكورين أخواني على ردودكم اللي اتبرد القلب واستفدت منها وااايد
الله يعطيكم العافيه ويجزيكم كل خير ان شاء الله

تحياتي لكم

[ورد الدوحه]

انا بصراحة بعض شركات التصميم عندنا بالدوحة
لا تليق باسم التصميم
هاذيلا عطهم سيارة تلف الدوحة اتشيل الزبالة من عند البيوت
لان للاسف
مكتب باحلى الالون
استقبال ولا احلى
بدك كوفي / كابتشينو / اكسبرسو / توركش كوفي
واحنا نفذنا بعض اï»»عمال في البيرل ( جزيرة اللؤلؤة ) وقصر فلان
ومجلس فلان
وكانه بالاسماء يقنعون الواحد انه شغلهم ماشي
للاسف بعضهم نصابين
وحتى في اعلاناتهم يحطون تصميم مجانا بالخط العريض
ويروح لهم المراجع ويقولون له نعم التصميم مجانا في حالة تنفيذ اï»»عمال لدينا

بصراحة ضحكتني ههه لأنه هاذيه اللي صار معانا بالضبط سبحان الله كأنك قاعد معانا :eek5:

[معماري قطري]

بصراحة ضحكتني ههه لأنه هاذيه اللي صار معانا بالضبط سبحان الله كأنك قاعد معانا :eek5:

هذا أُسلوبهم إِختي رخيص وسخيف .. مثل اللي يقول لج فزتي معانا بجائزة ثمينة .. انا اتصفح موقع سعودي وتفاجأَت بمخطط مسويه انا منسوب لهم .. وكنت عارضه في المنتدى والمخطط مبدئي بالنسبة لي بس فيه تفاصيل وأَلوان خدعتهم وحطوه إِنه مشروع تصميم منفذينه.

[أم وضاحي]

أنا من يقول لي
سوينا بيت فلان
و قصر فلان
أقول له أبي رقمهم
هنيه ويهه يصير كله عيون:eek5:

يسألني ليش ؟؟
أقول له باشوف رايهم في شغلكم

أول ما يتعذر أن الرقم مش موجود
أو أنه ناسيه

أقول له يعطيك العافية
و أقبض الباب

[شموخ دائم]

,

,


مرحبا

شكرا على الموضوع

دائما ننصح ان قبل توقيع العقد ( نشوف شغلهم ) ونكلم اخر 3 زبائن تعاملوا معاهم
هذي هي الطريقه الصحيحه
والشركات الجيده تحط في بروفايلها اخر المشاريع مع اسماء وارقام اصحابها
بعد الاستئذان منهم وهذا دليل على المصداقيه لمن يريد ان يسئل
المشكله ان احنا بقطر الى الان ما عندنا ثقافه الاتصال بشخص
ونسئله عن الشركه وحنا ما نعرفه ...!!
والمفروض هذا شي عادي بكل دول العالم
قبل توقيع اي عقد من حق الزبون يتاكد من مصداقيه الشركه
من خلال عملائها

موقع ( بوكينج ) للفنادق اهم ميزه فيه
ان احنا نشوف راي الناس وتعليقاتهم قبل نحجز فيه وقبل التعامل معاهم
ونفس الفكره لازم نعملها مع اي شركه نسئل عنها قبل نوقع


موضوع ممتاز وقيم وفيه الفائده للاخوان والاخوات


بالتوفيق لكم

,

,


اخوك


شموخ دائم

[ورد الدوحه]

هذا أُسلوبهم إِختي رخيص وسخيف .. مثل اللي يقول لج فزتي معانا بجائزة ثمينة .. انا اتصفح موقع سعودي وتفاجأَت بمخطط مسويه انا منسوب لهم .. وكنت عارضه في المنتدى والمخطط مبدئي بالنسبة لي بس فيه تفاصيل وأَلوان خدعتهم وحطوه إِنه مشروع تصميم منفذينه.

الله المستعــــــــــــــان اخوي

[ورد الدوحه]

أنا من يقول لي
سوينا بيت فلان
و قصر فلان
أقول له أبي رقمهم
هنيه ويهه يصير كله عيون:eek5:

يسألني ليش ؟؟
أقول له باشوف رايهم في شغلكم

أول ما يتعذر أن الرقم مش موجود
أو أنه ناسيه

أقول له يعطيك العافية
و أقبض الباب

هههه ماشاء الله عليج اموفقة اختي العزيزة

[ورد الدوحه]

,

,


مرحبا

شكرا على الموضوع

دائما ننصح ان قبل توقيع العقد ( نشوف شغلهم ) ونكلم اخر 3 زبائن تعاملوا معاهم
هذي هي الطريقه الصحيحه
والشركات الجيده تحط في بروفايلها اخر المشاريع مع اسماء وارقام اصحابها
بعد الاستئذان منهم وهذا دليل على المصداقيه لمن يريد ان يسئل
المشكله ان احنا بقطر الى الان ما عندنا ثقافه الاتصال بشخص
ونسئله عن الشركه وحنا ما نعرفه ...!!
والمفروض هذا شي عادي بكل دول العالم
قبل توقيع اي عقد من حق الزبون يتاكد من مصداقيه الشركه
من خلال عملائها

موقع ( بوكينج ) للفنادق اهم ميزه فيه
ان احنا نشوف راي الناس وتعليقاتهم قبل نحجز فيه وقبل التعامل معاهم
ونفس الفكره لازم نعملها مع اي شركه نسئل عنها قبل نوقع


موضوع ممتاز وقيم وفيه الفائده للاخوان والاخوات


بالتوفيق لكم

,

,


اخوك


شموخ دائم

صــح كلامج
وجزاج الله خير اختي

[اللوز]

نصيحة للجميع وبالذات في مجال التصميم
لازم اتحط ميزانيتك عدل قبل ما اتقوم بتصميم وتنفيذ العمل على ارض الواقع
يعني تحسب تكلفة الجبس وتكلفة الصبغ وتكلفة الكهرباء واï»»رضية والاثاث
ولا ننسى اï»»ستعانة بمجلات الديكور
واتكون التصاميم منفذه بالواقع وليس تصاميم بالكمبيوتر لان مش كل تصميم بالكمبيوتر ينفذ على ارض الواقع

[معماري قطري]

نصيحة للجميع وبالذات في مجال التصميم
لازم اتحط ميزانيتك عدل قبل ما اتقوم بتصميم وتنفيذ العمل على ارض الواقع
يعني تحسب تكلفة الجبس وتكلفة الصبغ وتكلفة الكهرباء واï»»رضية والاثاث
ولا ننسى اï»»ستعانة بمجلات الديكور
واتكون التصاميم منفذه بالواقع وليس تصاميم بالكمبيوتر لان مش كل تصميم بالكمبيوتر ينفذ على ارض الواقع

كلام قوي ينم عن خبرة مهندسنا

يا اخوي عندي شجرتين لوز في البيت فيهم لوز هالأَيام بس يابس وخضر وانت تعذبني بهالصورة

[اللوز]

كلام قوي ينم عن خبرة مهندسنا

يا اخوي عندي شجرتين لوز في البيت فيهم لوز هالأَيام بس يابس وخضر وانت تعذبني بهالصورة

شاسوي يا اخوك احب اعذبك انت وصاحب الموضوع باللوز
ههههه

[ورد الدوحه]

شاسوي يا اخوك احب اعذبك انت وصاحب الموضوع باللوز
ههههه

ماحب اللوز هههه

[طبيب قطري]

أنا من يقول لي
سوينا بيت فلان
و قصر فلان
أقول له أبي رقمهم
هنيه ويهه يصير كله عيون:eek5:

يسألني ليش ؟؟
أقول له باشوف رايهم في شغلكم

أول ما يتعذر أن الرقم مش موجود
أو أنه ناسيه

أقول له يعطيك العافية
و أقبض الباب

فكره حلوه ..

[ام روز]

😦 كنت متفقه معاهم بس للحين ما دفعت لهم..شكرا عالتنبيه

[وحيد-الشوق]

اشتكوا عليه ماخذ 50 الف ومانفذ الشغل نصيحة اتصلوا في حماية المستهلك وان شاء الله بيرجعون حقكم بعد الله

[ورد الدوحه]

�� كنت متفقه معاهم بس للحين ما دفعت لهم..شكرا عالتنبيه


ايه والله اختي الغالية ام روز الحمدلله كثيراً....
وأنا ماظلمت ولاشوهت سمعة أحد

كل صور شغل البيت عندي مع الاوراق الثبوتية
وماقول لهم غير حسبنا الله ونعم الوكيل

[ورد الدوحه]

اشتكوا عليه ماخذ 50 الف ومانفذ الشغل نصيحة اتصلوا في حماية المستهلك وان شاء الله بيرجعون حقكم بعد الله

الشكوى لله اخوي