____وعايزنا نرجع زي زمان.. قول للزمان ارجع يا زمان

[JN000N]

،

،

،


وليت لي خط رجعه بين الأزمان
واتعلـــــم اللي ماتوفقنا بتعليمه


،
،
،


السلام عليكم ورحمة الله وبركاته


"كيفية الموازنة بين بساطة حياة الماضي وبين هموم الحاضر"

من المواضيع التي كتب عنها الأديب يوسف الخليفي…

لنقف بين شطرين : "شطر ماقبل اكتشاف النفط حيث الندرة والبساطه، وشطر مابعده حيث الوفرة والتعقيد" > اقتباسا من كتابه التحفة البهية في الآداب والعادات القطرية


برغم صعوبة المعيشة
برغم الفقر
برغم ندرة الخيارات
برغم البساطة اللا متناهية

كان الدين اقوى
كانت العادات اقوى وان كانت تشوبها بعض الشوائب التي لا تنقص من قدرها
كنا وما زلنا نفخر بتقاليدنا ومبادئنا القيمة

هل نفتقد العفوية؟ والانسيابية والسعاده الحقيقية..


اين الهوية القطرية؟

لا اجدها سوى في اليوم الوطني ومايمثل هويتنا من برامج تلفزيونية :)


jn000n

صعب الكلام الي بقوله وخذ لي وقت افكر فيه
قبل كل شي حبيت اقول ان ادري اني بحصل انتقادات وبحصل هجوم
بس بلغة حوار رخيصه ماتصلح الا مع (العقول المتنكه) برد
ولا بحاول امشي على نظام اترفع عشان مانزل لمستوى اخلاقهم لا في مجموعة تحتاج لغه يفهمونها مش لغه اكبر منهم

بتقولون الحين بدت موضوعها بهجوم
بقولكم هذا مب هجوم ويوم فكرت اكتب الموضوع ماكنت افكر من بيقبل ف موضوعي وبيقتنع فيه او لا
لان ف هالمنتدى تعودنا نشوف مواضيع منها الصالح ومنها الطالح ف الاخير كلن يبي يمشي رايه غصب على اللي معاه
والحين طلعنا بمواضيع نوعيتها جديده على اساس كشفنا المواضيع القديمه ف لازم تغيير الخطه
الا وهي مواضيع السطور المخفية


يوم كنا صغار ولحين نحب نسمع سوالف الاوليين ونحب نسمع قصصهم وناخذ العبر منها
نشوف مسلسلات تحكي قصص صارت بالفعل
قصص ورثت لنا الامثال الشعبية اللي صرنا الحين نقول ايش هذي الامثال الكئيبه
على العكس
ف عمري مافكرت ان في شي قالوه الاوليين عشان يوقف من طموحنا وتطورنا

اذا هالارض الي احنا عايشين عليها عاشو عليها اهلنا واجدادنا واجدادهم
شهدت قصص قاسيه وقصص حب وقصص مضحكه
شهدت حروب ووقعات

لو مب الاولين ماوصلنا للي وصلناه ،، اللي ماله اول ماله تالي

تغيرا العادات واستهنا بتقاليدنا ومبادئنا وادري بتقولون لي غلطانه وتركنا الي كان يعترض مع الدين الاسلامي
كم شي اعترض مع الدين الاسلامي؟ مقارنة بباقي الاشيا اللي تمشي مع الدين
قبل تجاوبوني ف هالسؤال دورو صج وشوفو صج شنهي الاشيا اللي تعترض مع الدين وفعلا غيرناها للاحسن

مازالت عوائل قطرية متمسكه بعاداتها وتقاليدها ولكن تركت عنها مايخالف شرع الله
لا ننسى ان زمن الاجداد كان فيه بعض من الجهل بس مانقول كانو جاهلين كليا

ابسط مثال وبيعتبره الكثير سخيييييف

الاولين شاللي علمهم ان الفراش لازم يتعرض للشمس عشان يقتل حشرات البق اللي فيه؟ ماكانو جهله؟ ماعندهم اجهزة او علم حديث يكشف لهم هالاشيا
شاللي يخليهم لين حد انفلع راسه والا انشقت يده يحطون كركم عليه ويقولون الكركم مضاد حيوي بتقولون طب وعلم ؟

والله لو اذكر امثله لا تعد ولا تحصى ماراح نخلص

والمرأه.. المراه يا جماعه
شكانت قبل؟ مالها راي؟ مأكول حقها < بغض النظر عن بعض عادات بعض العوايل في تزويج البنت بدون شورها
البنت غاليه من اول وتالي
وكانت الغيره على الشوفات تذبح
مع الوقت صارت الغيره تخف

اي نعم صار الشغل مهم في بعض الاحيان للمراه ماننكر هذا زمنا غير عن زمنهم
اي صارت اشيا وااايد وتغيرت وتفتحنا اكثر

ليش نجي ونقول صارت البلاوي والمشاكل تزيد؟

احنا في واقع انفرض علينا التطور فيه والحمدلله حالنا من كل النواحي في تطور مستمر والله يديم علينا هالنعمه

وينا من مقولة الحاجة ام الاختراع؟
ليش صار اسهل شي عندنا في واقع التطور ان نفصخ العادات والتقاليد والمبادىء عشان نواكب العصر

خل نجيب مثال؟؟
ولا تطلعون علي هذا المثال من الموضوع
سواقة المرأه
اللي قبل كانت ممنوعه وبعدين صارت حق حالات معينه في عوايل والحين صار الي ماتسوق مش متطوره والي اهلها رافضين السواقه متخلفين
ونرد نقول كنا قبل نرفض الفكره والحين لا يخلو بيت من سواقة بنت فيه؟
ماهو انتو الي صرتو جذي!!!!
لانت العقده وانفجت مع الوقت وصارت السياره هدية البنت من عقب التخرج من الثانويه اللي قبل كانت هدية الولد لين تخرج

الحين بيقولون لي انتي وانتي وانتي

شوفو انا امشي ف طريق واحد مالفيت على الجانب الديني ولا الجانب التطوري ولا اي جانب
انا امشي على نهج العادات
قبل في بنت تلبس قصير قدام ابوها او اخوانها؟ او تترصص ببنطلون قدامهم؟ او مزلط تطلع زنودها؟
لا وتتعقب بعد
الحين حدث ولا حرج صار اللبس لجنزات قدام اي حد وكت وقصير
لا حيا ولا مستحى

انا ماقص الحالات الي اقولها وياليت قبل الحكم على موضوعي تفهمون المقصد من الامثله وهي مجرد امثله وليس اعتراض

لكن الي بعد ابي اوصله لحد يرضى على نفسه وهله وجماعته ب شي ويجي يطبل لنا هني ويقول هالشي مع الوقت بيصير عادي قبل كان مب عادي
لا هني ستوب .. وبقول اذا عادي عندكم مب عادي عند غيركم واذا انتو فصختو الي رسخوه اهلنا الاوليين فينا احنا لحين لابسين لبسهم ولحين نمشي على كلامهم


في هالمنتدى تكثر نوعية المواضيع الحشو مجرد موضوع بقطه عليكم وتذابحو فيه وانا بطلع اكتب موضوع ثاني بغض النظر اذا صاحب او صاحبة الموضوع مقتنع او لا
ومرات وهي الاغلب يكون هو مقتنع ويعمل ب الفكره الي طارحها لكن يبي الناس يسوون مثله ف يطرحها على اساس انها فكره عامه ويدافع عنها مهما كانت الردود والادله عليه اقوى منه ماراح يقتنع لان هو يبي يقنعكم


وارجع على جمله كتبتها فوق واقولكم ليش الاقي الهوية القطريه ف اليوم الوطني ..

لان صرنا نحيي التراث ف هاليوم ونحيي العادات والتقاليد وصرنا نقلد الاوليين في اشيا ( مثل موضة البطوله الي في بعض الهوانم يلبسونها مع كحله لين الاذن وروج احمر وعبايه مرصرصه وقذله على صوب)
مب حاسين انكم تسوون رساله لجيل بعدنا بيي ماتعكس واقع التراث الاصلي؟
بغض النظر عن ان اليوم الوطني هو احتفال نحيي فيه ذكرى مؤسس الدوله الشيخ جاسم بن محمد ال ثاني
قمنا نسوي مسابقات امثله شعبيه وقصص وغيرها لانها ماضي ..

والماضي لا يعود …



ودي لو يشوفون اجدادنا حال هالزمن وهالوقت .. ودي اعرف ردة فعلهم



ايش هي فكره موضوعي!!!!!
مادري بصراحة ولا ابغي اتعمق اكثر

[حسن]

باقولك لين اخلص باقي الموضوع تعبت وشقحت وبعد باقي النص

موضوع جميل بس يبيله فراغه

ارفع تعليقي الى قراه الموضوع كاملا

:)

[لبيبة]

صح كلامج جنون

وأنا معاج في اللي قلتيه، وأؤيد الاحتشام وجميع القيم السابقة التي لا تتعارض مع الدين

[فاهم وساكت]

انا مع العادات والتقاليد ولكن بنفس الوقت يدور في بالي سؤال

اذا كان تعريف العادات والتقاليد " هي الامور الي كان الشعب في الماضي" قبل فتره طويله" يسويها واستمرت مع ابناءهم لين يومنا

اللحظه الي بدت فيها " العادات والتقاليد" ماتشوفون بانها اشياء كان الشعب يسويها تماشيا مع الوقت الي كانو عايشين فيه؟

يعني لو كان زمنهم مختلف من ناحية حياتهم اليوميه بتكون العادات والتقاليد مختلفه!

وبما ان مع مرور الوقت الحياه تتغير وكل شي يتغير ليش احنا مانتغير بعد " طبعا بنفس الووقت نتمسك بالعادات والتقاليد بس مب لدرجة ان نحاول نرجع الزمن للخلف ونعيش نفس عيشتهم بالضبط!"

ليش مانستوعب بان لو هم كانو عايشين بزمن مختلف بتكون عاداتهم مختلفه يعني بيتاقلمون مع الوقت الي هم عايشين فيه فليش مانتاقلم احنا مع وقتنا؟

[Aaziz]

ايش الي حدج تجهزين الدرع و السيف و القنابل الصوتيه و مسيل الدموع ؟

[Ţĥę őήę]

الزمن تغير والحنين الى الماضي يخص الجيل القديم اللي عايش بحياته التغير بيجي يوم وعيالنا يقولون لعيالهم ياريت نرجع للماضي اللي هو حاضرنا الحين

[بن غيث]

متابع .. بصمت وبحزن

[عاشق العديد]

ايههه ياجنون والله العظيم


اتفق معاج بكل كلمه ولي تعقيب علئ كلامج بعد الفطور

[شيخ الديرة]

الزمن تغير والحنين الى الماضي يخص الجيل القديم اللي عايش بحياته التغير بيجي يوم وعيالنا يقولون لعيالهم ياريت نرجع للماضي اللي هو حاضرنا الحين

أتفق معك، نحن نتغير ونتهم الزمن

[T A L A L]

-






موضوع شيق ويشدني شخصياً للنقاش صراحة !
بس للآسف فيه نقطة استغربتها وخلتني مابي اعلق ..
انتي تشوفين انه التراث يتمثل في اليوم الوطني ؟
اذا هذا تراث قطر اللي مسويه الموضوع وحزينه عشانه ..
ما اعتقد ان هذا تراث من أساسه , حتى اليوم الوطني تطور !
وكلنا نعرف وش يعني اليوم الوطني ل أهل قطر , لا تعليق :rolleyes2: ..





-

[النهار]

متابع
ماخليتي لنا شي نقول رأينا فيه
انا اول مره اقراء الموضوع اكثر مره وكل مره بتركيز اكبر

[JN000N]

باقولك لين اخلص باقي الموضوع تعبت وشقحت وبعد باقي النص

موضوع جميل بس يبيله فراغه

ارفع تعليقي الى قراه الموضوع كاملا

:)

في انتظارك

[JN000N]

صح كلامج جنون

وأنا معاج في اللي قلتيه، وأؤيد الاحتشام وجميع القيم السابقة التي لا تتعارض مع الدين



ومافيها شي لو اصرينا عالتمسك فيها مهما تطور الزمن لان تخص امور بديهيه لو تخلينا عنها تخلينا عن مبادئ ساميه تربو عليها الاوليين
اشكرج بعنف

[مشاكل]

طوفان التطور التكنولوجي المتسارع كان له الدور الابرز في تغير المفاهيم والعادات والتقاليد

[qatara]

بعض من شباب اليوم يرفض الماضي واهله او تعلم له كلمتين وشاف انه حاز العلم كله

ونعوذ بالله من علم لاينفع

لاكن سيكون في يوما هو كذالك من الماضي وسيرفض مثلما رفض عادات
وتقاليد من كانو قبله وساعتها سيحس بما فعله ويفعله اليوم سيعاب ويستنقص ويرفض


وقيل قديما

( من ضيع قديمه تاه)


كان العادات وليده جيل معين هي تراث اجيال وليس جيل معين

نحترم عادات الاجانب في مجتمعنا لان لهم حقوق

ويستهزي البعض بعادات وتاقليد وتراث البلد

لان العادات والتقاليد تعارض بعض من ما هو فيه تفلت وانحلال في اللبس او الفعل

وخاصه من العادت والتقاليد والتراث الذين لا تتعارض مع الشرع

لذالك يعيبها لانها لا توافق ما يشتهيه و مايريد

بعضهم لا يتقيد لابدين ولا عادات ولا نواهي ولا محضورات تهمه
يضع لها الحجج والتبريرات هل سيهتم لعدات وتقاليد وتراث

العيب ليس في الزمان ولاكن العيب فينا

الله المستعان

[دنيا الاسهم]

اشكرج على موضوعج اختي جنون واللي يقلب المواجع
خاصة في هالوقت اللي تغير الناس وكل شي بسرعة البرق من كثر الاجانب اللي مثل الطوفان اللي غطى على كل العادات والتقاليد القطرية الجميلة ،، واصبح كل شي يتغير شيئا فاشيئا
موضوعج رائع ويبي لة تعليق على كل نقطة ...
اية ما قول غير الله يرحمنا برحمتة الواسعة الله يردنا لة ردا جميلا

[JN000N]

انا مع العادات والتقاليد ولكن بنفس الوقت يدور في بالي سؤال

اذا كان تعريف العادات والتقاليد " هي الامور الي كان الشعب في الماضي" قبل فتره طويله" يسويها واستمرت مع ابناءهم لين يومنا

اللحظه الي بدت فيها " العادات والتقاليد" ماتشوفون بانها اشياء كان الشعب يسويها تماشيا مع الوقت الي كانو عايشين فيه؟

يعني لو كان زمنهم مختلف من ناحية حياتهم اليوميه بتكون العادات والتقاليد مختلفه!

وبما ان مع مرور الوقت الحياه تتغير وكل شي يتغير ليش احنا مانتغير بعد " طبعا بنفس الووقت نتمسك بالعادات والتقاليد بس مب لدرجة ان نحاول نرجع الزمن للخلف ونعيش نفس عيشتهم بالضبط!"

ليش مانستوعب بان لو هم كانو عايشين بزمن مختلف بتكون عاداتهم مختلفه يعني بيتاقلمون مع الوقت الي هم عايشين فيه فليش مانتاقلم احنا مع وقتنا؟

يمكن مافهمت موضوعي
او ماقريته عدل


اقراه عدل وركز على المقتبس


اي نعم صار الشغل مهم في بعض الاحيان للمراه ماننكر هذا زمنا غير عن زمنهم
اي صارت اشيا وااايد وتغيرت وتفتحنا اكثر

ليش نجي ونقول صارت البلاوي والمشاكل تزيد؟

احنا في واقع انفرض علينا التطور فيه والحمدلله حالنا من كل النواحي في تطور مستمر والله يديم علينا هالنعمه

وينا من مقولة الحاجة ام الاختراع؟
ليش صار اسهل شي عندنا في واقع التطور ان نفصخ العادات والتقاليد والمبادىء عشان نواكب العصر

[JN000N]

ايش الي حدج تجهزين الدرع و السيف و القنابل الصوتيه و مسيل الدموع ؟

الزمن غدار والحكمه تقووول
كل شي معقول :rolleyes2:

[مهرة]

هدي ياختي هدي احس يبيلج دنكر ماي من كثر ماتكلمتي تيبستي عالكيبورد واعليا عليج ..

بداية صدمتيني ياجنوون المجنووونة صدمة عمري الأفتراضي في هالمنتدى ؟؟؟

يعني انتي ماطلعتي منهم ؟؟ تبين سماط ودلال ومشموووم !!!

خلاص بحطج في اللسته .. بس ويش السالفة؟؟ ويش شفتي هنــــــــــــــاك ؟؟

[JN000N]

الزمن تغير والحنين الى الماضي يخص الجيل القديم اللي عايش بحياته التغير بيجي يوم وعيالنا يقولون لعيالهم ياريت نرجع للماضي اللي هو حاضرنا الحين

اي ماضي الي بيشتاقونً له اذا احنا مارسخنا شي ف عقولهم يخص عاداتنا وتقاليدنا؟
اذا اساسا الاوليين الي نشتاق لهم ماكان جيل ولا جيلين كانت اجيال
مئات السنين مرت وهم حافظين تراثهم وعاداتهم يات علينا احنا باسم التطور نقول زمنهم غير وزمنا غير
لا الزمن نفسه مجرد وقت يمشي والناس هم الي يحفظون المعاني والمبادئ الي تميزنا ك قطريين وخليجين قبل اي شي

[حمد 2002]

قصه جميله في انتظار الحلقه الثانيه منها ..

بالتوفيق جنون ..

[شبح الصمت]

آرحم الله والديج يا جنون

كلامج فيه عبر وفيه آهات من القلب

الله يرحمنا برحمته

المشكلة الشيء الي يروح ما يرد
والمشكلة انه في ناس مثل ما تبي التمسك بالعادات القديمه في ناس تبي تندثر ونفس ما قلتي تحسبها ماضي وانتهى ..

واليوم الوطني ترى مب احياء للتراث على كثر ما هو يوم وطني واحتفال على كثر ما صار عند البعض ترفيهه وانتظار لاظهار الشياطين التي فيهم ..



لو تغردين من اليوم الي بكره ما راح يتغير الحال
الحال يتغير من داخل الشخص نفسه من نفسه نفسه اذا تغير راح يغير الي حوله بالكلمة برسالة بصورة بتعبير ..

اما اقول ليت الزمان يعود يوماً
الزمن لن يعود

والقادم إن شاء الله ونقول يكون أجمل


يعطيج العافيه

طلعتي المارد الي فيج من زمان خاشته

[JN000N]

متابع .. بصمت وبحزن

ليش الحزن يايبه

[JN000N]

ايههه ياجنون والله العظيم


اتفق معاج بكل كلمه ولي تعقيب علئ كلامج بعد الفطور

ها لحين صايم عشوق

[JN000N]

أتفق معك، نحن نتغير ونتهم الزمن

مثل ردي علي

[JN000N]

-






موضوع شيق ويشدني شخصياً للنقاش صراحة !
بس للآسف فيه نقطة استغربتها وخلتني مابي اعلق ..
انتي تشوفين انه التراث يتمثل في اليوم الوطني ؟
اذا هذا تراث قطر اللي مسويه الموضوع وحزينه عشانه ..
ما اعتقد ان هذا تراث من أساسه , حتى اليوم الوطني تطور !
وكلنا نعرف وش يعني اليوم الوطني ل أهل قطر , لا تعليق :rolleyes2: ..





-

لا
ماحددت ان الي نشوفه هو التراث
حددت ان مايطلع الا ف اليوم الوطني وبعض البرامج
معنات كلامي ان التراث والعادات والتقاليد ضايعه
ومثل ماقلت صار وقت الاحتفال تصير فيه اشيا ماتنتسب لعاداتنا وتقاليدنا
الاجيال الي بتيي عقبنا شبذكرون من احتفالاتنا؟
ياليت كلامي بس عن تراث ملموس
الحين صار حتى التربيه اختلفت
قبل كان الجار يضرب ولد جاره لو شافه ع غلط وكان ابوه يقول عندك اياه ولدي مثل ولدك ربه مثل عيالك
مع الوقت صارو الحريم يقولون ليش فلان يضرب ولدي خل يشوف عياله اول وتصير قطاعه بين الحريم
والحين تطوروا وصارو الرياييل نفس الحريم ف المواضيع هذي ويويل الي يمد يده على عياله اقل شي يسحبهم ف المركز

قبل الصغير يحترم الكبير والريال يقدر الرياييل واشيا وايد
الحين ف هالزمن صار عادي واحد من الشارع يمد يده ع بنت ماتقرب له بس لمجرد ملاسن بينهم او دعمته او دعمها او غازلها وصدته
اخلاق صارت ف الحضيض بس بمجرد ان تنازلنا عن بعض العادات والتقاليد وتركنا العيب وقمنا نحدد الحلال والحرام

[نفسي عزيزه]

اصيله يابنت الاجاويد

[بنت شرق]

فيه اشيا مادية لازم بتتغير ، البيوت أول شحلاتها مع بساطتها تشرح النفس ومتقلقصين 3-5 في دار وحده وحدهم و الحين فلل وكلن له حجره فمحد ن يعرف عن الثاني ذاك الزودالسيارات ، الهواتف ، الملابس ، الاكسسوارات
ايش الي يبقى العلاقات والروابط بين الاهل والجيران والناس حتى هالاشيا تغيرت ، اتذكر اول بفريجينا اش كثر كانوا يهتمون ببعض ويتواصلون كأنهم أسرة واحده
فلانه ماعندها حد يمسك طفلها الرضيع اطرش لها فلانه بناتها ، فلان عمي ومقطوع يطرشون له قهوته وغداه وعشاه كل يوم لين الله ياخذ امانته أو يتحول عن فريجهم
الحين الكل مصكر بابه ولا عليه الا من نفسه واهله وربعه الخمه وهذا يكون اجتماعي من الطراز الأول
فالتقاليد والعادات تتحول وبتكون ديكور ومناسبات بالنهاية ، ماعاد فيه روح الجماعه فيه روح الانانية وهي السايدة ، وفلان فلانه مش احسن مني

ولكن في نفس الوقت ماضي الماضي الجميل ما أبيه يعود لأني ما اقدر اعيش بدون مكيف ، وبدون راتب شهري ، وبدون وسائل اتصالات
بدون مستلزمات النظافة من شامبو وصابون ومعجون وغيره ، وبدون ملابس انيقه ومكويه ، وبدون اسواق فيها بضاعة متنوعة

فخلونا نروح بطريقنا ، مع وحشة النفوس والناس ، احسن من أنا نرجع لأيام ولت ووطرن مضى ، فكل جيل يتحمل تبعاته
أو ممكن نقول صار فينا نفس الي صار بالبيئة ، من مرعى وخصب إلى تصحر وجدب ، فالحل نرعى المجتمع بحمايته من انانية المعيشة الفردية
والسماح للأبناء والبنات بالعيش المشترك مع آبائهم وباقي أهلهم

[Aaziz]

السلام عليكم


انا كل مافظيت دخلت اقرا شوي من الموضوع ،،،، اول مره وقفت قراءه و رديت يوم وصلت عند نقطه انج بتردين على الكل .

الحين وقفت عند نقطه الي هي زمن الاجداد ،،، عشان الواحد يكون واقعي و عنده مصداقيه ،،، زمن الاجداد زمن جميل بدون شك ،، لكن في ذاك الزمن كان موجود الطالح و الخربان و الفاسد و المنحرف و قليل الحيا وووو
ولكن في ذاك الزمن كان يعطى كل شي حقه و حجمه الي يستحقة و كان الرجل رجـل و كانت المرأه مـرأه .
لهذا لانذكر عن الزمن الماضي سوى ماهو جميل .
لكن في وقتنا هذا المبتلي و العاجز قليل الحيلة ،، يسوق لما ابتلي فيه و تنازل عنه كي يظهر بمظهر المؤيد و المتحظر و المواكب لعصره . نفس سياره عام الفين يعني :rolleyes2:
الحمد لله الدنيا خارج اسوار هذا المنتدى الصالح فيها اكثر من الطالح بكثير ... ماغير فرقه عدويه مسويه شويه اجواء لا اكثر .

[JN000N]

متابع
ماخليتي لنا شي نقول رأينا فيه
انا اول مره اقراء الموضوع اكثر مره وكل مره بتركيز اكبر

اكيد ابي رايك فمحتوى الموضوع يالنهار

[JN000N]

طوفان التطور التكنولوجي المتسارع كان له الدور الابرز في تغير المفاهيم والعادات والتقاليد
وليش مانكسب الاثنين
ليش عشان شي نترك شي

[يمامـة]

التغير سنة الله في كونه .. و بالتالي ما في شي بيقى على حاله
حتى العادات والتقاليد ما راح تبقى مثل ما اهي مع مرور الوقت ..
لازم يطالها التغيير والتدبيل والتحريف والاضافات وما لم ينزل الله بها من سلطان..

فاشلون ممكن نوصل لزمن الغرباء اللي تحدث عنهم رسولنا الكريم عليه افضل الصلاة و السلام
الم يكن هناك تغير في حياة الناس ومبادئها؟

فالمهم في كل هذا ان الواحد يحاول كثر ما يقدر انه يتمسك بأكبر قدر من العادات والتقاليد
المستمدة من تعاليم دينه علشان التيار ما يسحبه.. فزمننا هذا ممكن نشتكي من الاختلاط والتبرج
وفي زمن الأطفال اللي اعمارهم اليوم سنتين وثلاث ،، ممكن يشتكون ان بنتهم نايمة بيت رفيجها
لها اربع ايام..

فالواحد علشان يحصن نفسه ويحفظها ويقلل من البلاوي اللي تصير بسبب التغيير في العادات
انه يقبض على دينه وعلى عاداته وتقاليده وما يتهاون فيها....................> وهالشي اصبح صعب
وشبه مستحيل لكثيرين من الناس من واقع معايشتنا للاوضاع حولنا..

[.. الكاش ..]

الزمن عمره مايتغير بس الناس هم الي يتغيرون من عدم التزامهم في الرادع الديني والقيم والمبادئ الدخيله لاكن تبقى قناعت الانسان في الدين والعادات والتقاليد هي اقوى سلاح يمكن ان نواجه فيه تيار التغيير المنتظر

[T A L A L]

-





انا ما قريت ردود الكل بس قريت تعليق جنون على ردي السابق ..
تدرين ضحكت من قلب هههههههههههههههههههههههه :happy: !
انتي من صجج الحين تضربين مثال الجيران ! اذا الاخوان يصير جي معهم ..
الاخوان اللي من ام وابو واحدة , لحم ودم مثل ما يقولون تقوم الدنيا وتقعد !
ليش تضرب ولدي وبأي حق :eek5: خلك ف عيالك مع انا الولد غلطان ترى ..


لا والطامه الكبرى والمصيبة الاعظم لو مرته ومرت اخوه بينهم حساسية ..
يتحسس هو بعد من اخوه ومرات يدخلون في الخلافات اللي بين حريمهم ويتهاوشون ..
وانتي تتكلمين عن جيران ! احنا صرنا في زمان اعوذ بالله شيء مخزي صراحة :weeping: !
يحز ب خاطري السوالف والمصايب اللي اسمعها وتصير بين الاهل الاهل الاهل حتى مو انه قراب ..


+


اذا اساس هالتراث هو تماسك الاسرة القطرية ! والتماسك شوي شوي يضعف ويختفي ..
لين ما تفككت الاسرة ونادر تلقين البيوت الكبيرة اللي الام والابو وعيالهم وعيال عيالهم !
الحين من يعرس الولد علطول طلع ف بيت شيء اعوذ بالله خليني ساكت وقسم مقهور من قلب ..


التراث والعادات والتقاليد ما راح ترجع نفس اول مو عشان التطور وقوته لا فيه شي اقوى ..
الترابط الاسري وتماسك العائلة الواحدة كفيل يوقف بوجه التطور ويحافظ على التراث والعادات !





-

[العلياا]

احب طريقة تفكيرج

بس تدرين احين حتى لو قلتي حق وحدة انج بتاخذين ولد عمج
تنصدم وكانه شي غريب وبكل وقاحة تقولج ليش للحين في ناس عندهم هالتفكير الرجعي !!!

في ناس تطورت وتغير مفهومها عن امور كثيرة مثل سواقة المراه للسيارة
لكن حاطين قوانين وقواعد البنت غصب تمشي عليها

:(

[alsoq]

كثر الحسد يقلب كل شي راس على عقب

[JN000N]

بعض من شباب اليوم يرفض الماضي واهله او تعلم له كلمتين وشاف انه حاز العلم كله

ونعوذ بالله من علم لاينفع

لاكن سيكون في يوما هو كذالك من الماضي وسيرفض مثلما رفض عادات
وتقاليد من كانو قبله وساعتها سيحس بما فعله ويفعله اليوم سيعاب ويستنقص ويرفض


وقيل قديما

( من ضيع قديمه تاه)


كان العادات وليده جيل معين هي تراث اجيال وليس جيل معين

نحترم عادات الاجانب في مجتمعنا لان لهم حقوق

ويستهزي البعض بعادات وتاقليد وتراث البلد

لان العادات والتقاليد تعارض بعض من ما هو فيه تفلت وانحلال في اللبس او الفعل

وخاصه من العادت والتقاليد والتراث الذين لا تتعارض مع الشرع

لذالك يعيبها لانها لا توافق ما يشتهيه و مايريد

بعضهم لا يتقيد لابدين ولا عادات ولا نواهي ولا محضورات تهمه
يضع لها الحجج والتبريرات هل سيهتم لعدات وتقاليد وتراث

العيب ليس في الزمان ولاكن العيب فينا

الله المستعان

العادات والتقاليد هي هويتنا ومبادئنا
هي الي يميزنا عن غيرنا
كل شعب له عاداته وتقاليده
لكن اذا باسم التطور تخلو عنها! شالمشكله اذا مع التطور تمسكت فيها اكثر
صح العيب مب فالزمن ..

[JN000N]

اشكرج على موضوعج اختي جنون واللي يقلب المواجع
خاصة في هالوقت اللي تغير الناس وكل شي بسرعة البرق من كثر الاجانب اللي مثل الطوفان اللي غطى على كل العادات والتقاليد القطرية الجميلة ،، واصبح كل شي يتغير شيئا فاشيئا
موضوعج رائع ويبي لة تعليق على كل نقطة ...
اية ما قول غير الله يرحمنا برحمتة الواسعة الله يردنا لة ردا جميلا

امين يارب
هي بنلاقيها من تطور ولا تفكك مجتمع والا من طوفان اجنبي
وياليت في اجانب او مجنسين يحترمون عادات البلد تلاقيهم يطالبون لاشيا عكس الي تربينا وكبرنا عليه ولين قلتلهم لا عيب ومايجوز يقولونً لك مب حرام وهو حلال ليش مانعينه عشان اجدادكم منعوه!
اجدادنا متعلمين اكثر منا والدليل ان عرفو اسباب منعهم لاشيا وايد يمكن تؤدي الى مشاكل وتفكك

[JN000N]

هدي ياختي هدي احس يبيلج دنكر ماي من كثر ماتكلمتي تيبستي عالكيبورد واعليا عليج ..

بداية صدمتيني ياجنوون المجنووونة صدمة عمري الأفتراضي في هالمنتدى ؟؟؟

يعني انتي ماطلعتي منهم ؟؟ تبين سماط ودلال ومشموووم !!!

خلاص بحطج في اللسته .. بس ويش السالفة؟؟ ويش شفتي هنــــــــــــــاك ؟؟

هههههههههههههههههههههههههه
مهرو بتنضربين :sneaky:
صدمتج ف شنو
اني تراثيه ولي فالعيايز وغايصه ف اطباعهم خخخ

لا انا فالنص بين وبين
مع العادات والتقاليد لكن في زمن التطور

[JN000N]

آرحم الله والديج يا جنون

كلامج فيه عبر وفيه آهات من القلب

الله يرحمنا برحمته

المشكلة الشيء الي يروح ما يرد
والمشكلة انه في ناس مثل ما تبي التمسك بالعادات القديمه في ناس تبي تندثر ونفس ما قلتي تحسبها ماضي وانتهى ..

واليوم الوطني ترى مب احياء للتراث على كثر ما هو يوم وطني واحتفال على كثر ما صار عند البعض ترفيهه وانتظار لاظهار الشياطين التي فيهم ..



لو تغردين من اليوم الي بكره ما راح يتغير الحال
الحال يتغير من داخل الشخص نفسه من نفسه نفسه اذا تغير راح يغير الي حوله بالكلمة برسالة بصورة بتعبير ..

اما اقول ليت الزمان يعود يوماً
الزمن لن يعود

والقادم إن شاء الله ونقول يكون أجمل


يعطيج العافيه

طلعتي المارد الي فيج من زمان خاشته

والدينا ووالديك
اي والله صدقت
لو اتكلم من اليوم لدهر محد بيعجبه كلامي ولا حد بيفتكر فاللي اقوله
بس لما حد يجي ويطالب ب اشيا نهايتها تحرر وانفلات الكل يشارك ويتجاوب
مسالة دس السم ف العسل تاثر وايد

الزمان مايروح عشان يعود الزمن خط احنا نمشي عليه
والي قبلنا راحو وورثونا تاريخ وعادات مميزه ومباديء واخلاق ليش مانكون قد الورث الطيب ونورثه للي بعدنا
ليش نكون سبب ف ضياع مبادئنا

[JN000N]

اصيله يابنت الاجاويد

ماعليك زود يالشيخ

[JN000N]

فيه اشيا مادية لازم بتتغير ، البيوت أول شحلاتها مع بساطتها تشرح النفس ومتقلقصين 3-5 في دار وحده وحدهم و الحين فلل وكلن له حجره فمحد ن يعرف عن الثاني ذاك الزودالسيارات ، الهواتف ، الملابس ، الاكسسوارات
ايش الي يبقى العلاقات والروابط بين الاهل والجيران والناس حتى هالاشيا تغيرت ، اتذكر اول بفريجينا اش كثر كانوا يهتمون ببعض ويتواصلون كأنهم أسرة واحده
فلانه ماعندها حد يمسك طفلها الرضيع اطرش لها فلانه بناتها ، فلان عمي ومقطوع يطرشون له قهوته وغداه وعشاه كل يوم لين الله ياخذ امانته أو يتحول عن فريجهم
الحين الكل مصكر بابه ولا عليه الا من نفسه واهله وربعه الخمه وهذا يكون اجتماعي من الطراز الأول
فالتقاليد والعادات تتحول وبتكون ديكور ومناسبات بالنهاية ، ماعاد فيه روح الجماعه فيه روح الانانية وهي السايدة ، وفلان فلانه مش احسن مني

ولكن في نفس الوقت ماضي الماضي الجميل ما أبيه يعود لأني ما اقدر اعيش بدون مكيف ، وبدون راتب شهري ، وبدون وسائل اتصالات
بدون مستلزمات النظافة من شامبو وصابون ومعجون وغيره ، وبدون ملابس انيقه ومكويه ، وبدون اسواق فيها بضاعة متنوعة

فخلونا نروح بطريقنا ، مع وحشة النفوس والناس ، احسن من أنا نرجع لأيام ولت ووطرن مضى ، فكل جيل يتحمل تبعاته
أو ممكن نقول صار فينا نفس الي صار بالبيئة ، من مرعى وخصب إلى تصحر وجدب ، فالحل نرعى المجتمع بحمايته من انانية المعيشة الفردية
والسماح للأبناء والبنات بالعيش المشترك مع آبائهم وباقي أهلهم

ارجع واقول
ليش مانجمع الاثنين؟
ليش يا ابيض يا اسود!
نخليهم خلاص
ننسى الاولي والتالي باسم ان تطورنا وتغير الزمن
لا تغيرو الناس ودشو اللفو ودشو الاجانب واخترب كل شي
تغيرت العادات تفتحت الاخلاق وصار مل شي عادي
زين ليش ضاقت النفوس على بعض! ليش ماخذنا الاخلاق الحميده ومكارمها من الاوليين
التراث مب بيت شعبي وطين وحصى ولا كلام وامثال ف كتب مصففه التراث عادات واخلاق اهلنا الاوليين الي تربو عليها اجيال وايد
وين الحميه؟ والنخوه والعزه ! كلها راحت مثل ماراحت يدتي
الله يرحمنا برحمته

[ضوى]

ماعندي اي تعليق الا اني اوافقج بكل شي قلتيه

[راجي العفو]

كما قيل : عليكم بالعتيق .. أمور كنا نعدها من الممنوعات سابقا ، أصبح الممتنع عنها في هذا الزمان متخلفا ..
كثير من الموازين قد تقلبت . والله المستعان ..
أنا أوافقك يا صاحبة الموضوع ،

[JN000N]

السلام عليكم


انا كل مافظيت دخلت اقرا شوي من الموضوع ،،،، اول مره وقفت قراءه و رديت يوم وصلت عند نقطه انج بتردين على الكل .

الحين وقفت عند نقطه الي هي زمن الاجداد ،،، عشان الواحد يكون واقعي و عنده مصداقيه ،،، زمن الاجداد زمن جميل بدون شك ،، لكن في ذاك الزمن كان موجود الطالح و الخربان و الفاسد و المنحرف و قليل الحيا وووو
ولكن في ذاك الزمن كان يعطى كل شي حقه و حجمه الي يستحقة و كان الرجل رجـل و كانت المرأه مـرأه .
لهذا لانذكر عن الزمن الماضي سوى ماهو جميل .
لكن في وقتنا هذا المبتلي و العاجز قليل الحيلة ،، يسوق لما ابتلي فيه و تنازل عنه كي يظهر بمظهر المؤيد و المتحظر و المواكب لعصره . نفس سياره عام الفين يعني :rolleyes2:
الحمد لله الدنيا خارج اسوار هذا المنتدى الصالح فيها اكثر من الطالح بكثير ... ماغير فرقه عدويه مسويه شويه اجواء لا اكثر .


عليكم السلام هلا عزيز
صح ماننكر ان زمنهم كانت فيه سلبيات وايجابيات ولو كانت حياتهم كامله ماطلع المثل الي يقول في كل ديرة مقبره
لكن مهما كانت توجد السلبيات بكثره او اقل كانو خير ناقل لتراثنا
التراث مابدا من جيل واحد بدا من اجيال واجيال وفوق الامية سنه واكثر
صح اتفق معاك بان ضعيف الشخصيه والمبتلي او الي مب عاجبته حياتنا او حتى الدخيل والمتجنس وغيرهم قاعدين يروجون لاشيا مش لنا وغصب طيب يبونها تصبر عاديه وفعلا كلامهم قاعد يمشي على ضعاف السخصيه او الي تربيتهم مهزوزه او مش مقتنعين فيها وهذول لاحظتهم فالمنتدى وخارج المنتدى
لكن ان شاء الله يكونون الاصيليين الي تربيتهم ماتدخل فيها اي شي يشوبها ومازالو على العهد اكثر من المتاثرين بالكلام الفاضي والانفتاح الي ماله داعي
موضوعي يتعارض مع الكثير لدرجه ان بعضهم مايقدرون يردون عليه عشان مايكشفون اوراقهم وبرافو عليهم كشفو نفسهم بمجرد انهم مادخلو
واللي حطو رايهم سواء ايدوني او عارضوني اعتبرهم اصحاب الشخصيه القويه الي تقدر تناقش اي شي يعجبها ار مايعجبها واحتمال تتقبل بعض النقط

فرقة عدوية وشلة حسب الله يبيلهم تبلح بعسو خخخخ

[شيخ الديرة]

اي ماضي الي بيشتاقونً له اذا احنا مارسخنا شي ف عقولهم يخص عاداتنا وتقاليدنا؟
اذا اساسا الاوليين الي نشتاق لهم ماكان جيل ولا جيلين كانت اجيال
مئات السنين مرت وهم حافظين تراثهم وعاداتهم يات علينا احنا باسم التطور نقول زمنهم غير وزمنا غير
لا الزمن نفسه مجرد وقت يمشي والناس هم الي يحفظون المعاني والمبادئ الي تميزنا ك قطريين وخليجين قبل اي شي

أجدادنا كانوا يتمنون أن زمنهم مثل زمن أباؤهم, وأباؤنا يتمنون زمنهم زمن أجدادنا, ونحن نتمنى زمننا زمن اباؤنا

السبب كان ولا يزال نفسه, وعليه فأن ابناؤنا سيتمنون زمنهم أن يكون مثل زمننا نحن.

[Aaziz]

أجدادنا كانوا يتمنون أن زمنهم مثل زمن أباؤهم, وأباؤنا يتمنون زمنهم زمن أجدادنا, ونحن نتمنى زمننا زمن اباؤنا

السبب كان ولا يزال نفسه, وعليه فأن ابناؤنا سيتمنون زمنهم أن يكون مثل زمننا نحن.

+1
صدقت :thumbup1:

[sweet qatar]

يعطيج العافية جنون

عنوان الموضوع يبيله تغيير " زمان أول يا ليته يعود .. زمان أول مهوب الحين "


المهم يالغالية اتفق معاج في ضرورة التمسك بالعادات والتقاليد الحميدة وهي الأغلب في مجتمعنا

بس أتمنى لو يكون التركيز علي القيم بدل المظاهر
شالفايدة من واحد ماخذ ستايل جد جد جده وهو تصرفاته بعيدة عن أخلاق ذاك الجد !!

التغيير سنة الله في خلقه و كل جيل يختلف عن الي قبله

احنا نبي طبيعتنا المحافظة تبقى .. ومجتمعنا المتماسك يبقى قوي ومترابط

[JN000N]

التغير سنة الله في كونه .. و بالتالي ما في شي بيقى على حاله
حتى العادات والتقاليد ما راح تبقى مثل ما اهي مع مرور الوقت ..
لازم يطالها التغيير والتدبيل والتحريف والاضافات وما لم ينزل الله بها من سلطان..

فاشلون ممكن نوصل لزمن الغرباء اللي تحدث عنهم رسولنا الكريم عليه افضل الصلاة و السلام
الم يكن هناك تغير في حياة الناس ومبادئها؟

فالمهم في كل هذا ان الواحد يحاول كثر ما يقدر انه يتمسك بأكبر قدر من العادات والتقاليد
المستمدة من تعاليم دينه علشان التيار ما يسحبه.. فزمننا هذا ممكن نشتكي من الاختلاط والتبرج
وفي زمن الأطفال اللي اعمارهم اليوم سنتين وثلاث ،، ممكن يشتكون ان بنتهم نايمة بيت رفيجها
لها اربع ايام..

فالواحد علشان يحصن نفسه ويحفظها ويقلل من البلاوي اللي تصير بسبب التغيير في العادات
انه يقبض على دينه وعلى عاداته وتقاليده وما يتهاون فيها....................> وهالشي اصبح صعب
وشبه مستحيل لكثيرين من الناس من واقع معايشتنا للاوضاع حولنا..

اتفق معاج فاللي قلتيه
صح العادات ماتبقى على حالها ولازم بتتغير مع الوقت
لكن بامكانا التمسك فيها قدر المستطاع حتى مانفقد هالهويه الي ورثناها وخاصة ف مكارم الاخلاق والدين والستر والعفه عند الاوليين

[JN000N]

الزمن عمره مايتغير بس الناس هم الي يتغيرون من عدم التزامهم في الرادع الديني والقيم والمبادئ الدخيله لاكن تبقى قناعت الانسان في الدين والعادات والتقاليد هي اقوى سلاح يمكن ان نواجه فيه تيار التغيير المنتظر

الناس يتغيرون والا الزمن واحد
صح هي اقوى سلاح يحاول المندسون بينا تخريبه
ولاحظ ان يحطون العيب بعض الامور وينتقدونها بشكل مب طبيعي ع اساس انهم فلاسفة العصر الفاهمين
فالنهايه الدعوه للانفتاح وتلاياه

[JN000N]

-





انا ما قريت ردود الكل بس قريت تعليق جنون على ردي السابق ..
تدرين ضحكت من قلب هههههههههههههههههههههههه :happy: !
انتي من صجج الحين تضربين مثال الجيران ! اذا الاخوان يصير جي معهم ..
الاخوان اللي من ام وابو واحدة , لحم ودم مثل ما يقولون تقوم الدنيا وتقعد !
ليش تضرب ولدي وبأي حق :eek5: خلك ف عيالك مع انا الولد غلطان ترى ..


لا والطامه الكبرى والمصيبة الاعظم لو مرته ومرت اخوه بينهم حساسية ..
يتحسس هو بعد من اخوه ومرات يدخلون في الخلافات اللي بين حريمهم ويتهاوشون ..
وانتي تتكلمين عن جيران ! احنا صرنا في زمان اعوذ بالله شيء مخزي صراحة :weeping: !
يحز ب خاطري السوالف والمصايب اللي اسمعها وتصير بين الاهل الاهل الاهل حتى مو انه قراب ..


+


اذا اساس هالتراث هو تماسك الاسرة القطرية ! والتماسك شوي شوي يضعف ويختفي ..
لين ما تفككت الاسرة ونادر تلقين البيوت الكبيرة اللي الام والابو وعيالهم وعيال عيالهم !
الحين من يعرس الولد علطول طلع ف بيت شيء اعوذ بالله خليني ساكت وقسم مقهور من قلب ..


التراث والعادات والتقاليد ما راح ترجع نفس اول مو عشان التطور وقوته لا فيه شي اقوى ..
الترابط الاسري وتماسك العائلة الواحدة كفيل يوقف بوجه التطور ويحافظ على التراث والعادات !





-

عشان تجوف المراحل الي تعديناها
من جار صار غريب لين اخوان صارو اغراب
بتعيز وانت تسمع وتقول قبل ماكان جذي صار الحين تصير هالسوالف
اذا الاسره تفككت وماعاد به ترابط شلون بتواجه التطور وتحافظ على مبادئها
الله كريم

[JN000N]

احب طريقة تفكيرج

بس تدرين احين حتى لو قلتي حق وحدة انج بتاخذين ولد عمج
تنصدم وكانه شي غريب وبكل وقاحة تقولج ليش للحين في ناس عندهم هالتفكير الرجعي !!!

في ناس تطورت وتغير مفهومها عن امور كثيرة مثل سواقة المراه للسيارة
لكن حاطين قوانين وقواعد البنت غصب تمشي عليها

:(

:shy:
هلا ام الزين
ليش رجعي بالعكس نصيب ومافيها شي خذت ولد عمها والا غريب
اي هاي المشكله لما يكون في تناقض فالتصرفات
لما يطبلون للغير ولاهلهم قوانينهم تتغير
والا لما ينفتحون ع اشيا كانو رافضينها وفجاه يروجون للعالم ينفتحون مثلهم
امثله وايد
الله يستر علينا

[نور الحور]

هالموضوع يبيله رواق وجو ووقت ..

لي عودة ان شاء الله اختيه جنون << شرايج فيني وانا
احافظ ع التراث؟:shy:

[R 7 A L]

نعم صدقتي ( اللفو ) هم السبب