رساله حبرها دم كل مواطن

[بيرق_المجد]

قبل ان ابداء احب ان اشكر رجال الداخليه على جهودهم وعلى راسهم وزير الداخليه جهودهم واضح والله يكثر من امثالهم .

عندي مشكله تخص كل مواطن ومواطنه وكل مقيم على ارضنا الطيبه تعلمون ياخواني ان بعض الاخطاء من المتهورين تسببت في فقد
((ام اب اخ اخت صديق )) من جميع الشرايح نعلم ان الطرق الخارجيه مراقبه برادار والحقيقه انها ماتردع المتهورين من السرعه ارجو كل الرجاء من وزير الداخليه بنفسه والله اني احبه في الله رجل له بصمه والكل يشهد على جهوده ابغي منه بس يركب واحد من جسور الطرق الخارجيه ويشوف ابعينه شباب متهورين قالبينها حلبه ريس لازم لازم يكون فيه رادع ورساله يحس فيه كل متهور ان يكون فيه عقوبه صارمه ابغي كل مواطن ومواطنه وكل مقيم الى طلع على الطرق الخارجيه يكون مرتاح والاسر الى لها ابناء على الطريق الخارجيه ترتاح الى متى نعاني من هذي المشكله
الرجاء الكل يشارك ويعطينا رايه في الموضوع

[غايه الطواش]

اخوي اذا الوالدين ماربوا عيالهم على احترام الطريق بتربيهم الداخليه ؟؟؟
احنا نشوف ونسمع واحد من يدخل في مصيبه او يسوي حادث او او او تعال شوف الواسطات شغاله , وكانه القانون ماله رادع او هيبه

[الزعفراني]

مدير المرور في لقاءه الاخير قبل أسبوع مع جريدة الوطن ذكر انه هناك مشروع رادار لكل 2 كيلو متر ..

[abu m7md]

عطونى فلوس نسافر

[عاشق العديد]

وشهو الجسسسر الي مقلوب حلبة ريس ولا وشهو الخط الي مافيه رادار انا لحد الحين ماشششفت الصراحه ..

[khalid Qtr]

لا ألوم رجال المرور في أي اجراء يتخذونه ، وأي قانون بقرونه ، لأنهم يرون بأنفسهم كوارث ومآسي خلال مباشرة الحوادث

[Aaziz]

مدير المرور في لقاءه الاخير قبل أسبوع مع جريدة الوطن ذكر انه هناك مشروع رادار لكل 2 كيلو متر ..

من قرار فاشل الى قرار افشل

وفرو على انفسكم كثره الرادارات و حطو مخالفه على النزول عن السرعه القانونيه في الطريق و شوف كيف راح تظبط شوارع الدوحه .

ترى الي يمشي اقل من السرعه المحدده ايستحق المخالفه
مخالفه = فلوس

[Pure1]

انا سمعت قبل عن الرادار الذكي ، اللي يلقط سرعتك من بداية الخط لين نهايته هاي فكرته بتكون وايد حلوة ووووووايد مؤثرة!
لأن الناس وبالاحرى انا وحده منهم بعد الرادار اسرع شوي .. ولكن مع هالرادار الذكي ماتوقع في امل نسرع الا اذا عادي عند الشخص يتخالف بكل شارع على السرعة!

[Pure1]

من قرار فاشل الى قرار افشل

وفرو على انفسكم كثره الرادارات و حطو مخالفه على النزول عن السرعه القانونيه في الطريق و شوف كيف راح تظبط شوارع الدوحه .

ترى الي يمشي اقل من السرعه المحدده ايستحق المخالفه
مخالفه = فلوس

بالضبط!! ترى بعض الحوادث تكون بسبب اللي يمشي 20 على خط 100 !
خاصة خط 22 فبراير (الخط السريع - الهاوي وي) بس طبعا لا هو خط سريع ولا هم يحزنون

[عيسى111]

ليش ما يركبون شرائح جي اس ام في السيارات كلها ويسوون لهم برنامج ألكتروني متصل بالقمر الصناعي

أو بمحطات أرضية تستقبل إشارات الشرائح لرصد خط سير وسرعة السيارة ومكانها وتجاوزاتها على الطرق

وحتى في البر هذه الفكرة تخدم حماية البيئة من مرتادي البر الذي يلقون القمامة بتحديد السيارت التي كانت موجودة في المكان ومخالفة أصحابها

وفي البحر كذلك لأصحاب السفن والطراريد وحتى الاسكوترات

أعتقد هذه الفكرة هي من أنسب الحلول وتطبيقها سيحد من كثير التجاوزات

[موظف ((حكومي]

من يوم عطو الكل لليسن ودعوه منتهيه