المساعد الشخصي الرقمي

مشاهدة النسخة كاملة : تاهـــــــــــــــــــــــــــــــــــــو 2 0 0 7


cola
23-08-2006, 07:52 AM
مطلوب تاهو او يوكن 2007 ....مع توضيح المواصـفات لو امكن.
cola
24-08-2006, 07:37 AM
ماحد؟
لمت داون111
24-08-2006, 02:48 PM
الموتر توه جديد مابتحصله مستعمل اخوي

انصحك روح بالمعارض بعضهم يجيبونه اصفار

او روح الاحساء ووفر تقريبا 20 الف في جيبك مقارنه بسعره اهنيه

وبالتوفيق :)
cola
25-08-2006, 08:40 PM
الموتر توه جديد مابتحصله مستعمل اخوي

انصحك روح بالمعارض بعضهم يجيبونه اصفار

او روح الاحساء ووفر تقريبا 20 الف في جيبك مقارنه بسعره اهنيه

وبالتوفيق :)


مشكور على التوضيح يالغالي
لمت داون111
25-08-2006, 10:27 PM
مشكور على التوضيح يالغالي
حاضرين اخوي واي استفسار حاضر

لانه اخوي توه شاري من السعوديه وعندي خلفيه:o
cola
27-08-2006, 07:54 AM
حاضرين اخوي واي استفسار حاضر

لانه اخوي توه شاري من السعوديه وعندي خلفيه:o

جزاك الله الف خير....فيه كم سؤال عن السياره.....شلون عزمها....وشلون صرفية البترول عالية ؟؟؟مقارنة بالنيسان باترول واللاندكروزر 6 سلندر ؟؟؟وممكن اعرف من وين شرا اخوك السياره وعنوانهم وبكم سعرها مع الرسوم الجمركية و السياره تحت الضمان في قطر ولا مايشملها؟؟؟؟
لمت داون111
27-08-2006, 05:59 PM
جزاك الله الف خير....فيه كم سؤال عن السياره.....شلون عزمها....وشلون صرفية البترول عالية ؟؟؟مقارنة بالنيسان باترول واللاندكروزر 6 سلندر ؟؟؟وممكن اعرف من وين شرا اخوك السياره وعنوانهم وبكم سعرها مع الرسوم الجمركية و السياره تحت الضمان في قطر ولا مايشملها؟؟؟؟
انا جربتها كم مره والله عزمها مايحتاي ومواصفاتها من داخل احلى من الكروزر والسفاري بالف مره وبرمجه السستم بالعربي والله حلو ما شاء الله ,, والصرفيه مب متأكد بس ماظن تصرف بالنسبه لحجمها بس بتأكد لك من اخوي ,, وللعلم الموتر 8 سلندر وتانكي واحد بس طبعا التانكي عوود يعني عباره عن تانكيين مال كروزر ,, اخوي شاريها من وكالتهم بالحسا بس ماعرف اسمها ومالهم الا وكيل واحد بالاحساء ويوم رحت الوكاله مع اخوي قعدت مع الموظف هناك ( الموظفين سعوديين ) وقالي حجوزات القطريين للموتر عندنا وايد وكان باقي اخر موترين ( يوكن ) عنده وقالي محجوزين حق اهل قطر وهالاسبوع بياخذونهم ,, والرسوم الجمركيه يخلصها لك مندوب شركه الجمس في المرور وعلي ماعتقد ماتطوف الالفين ريال مع التسجيل ويجيبون لك الموتر علي سطحه لين جمارك سلوي وعقب تاخذها من هناك وتخلصها بنفسك

طبعا الاجراءات بجمارك سلوي وبوسمره ياخذون منك 3 ولا 4 ساعات وانت تتنقع علي حسب الزحمه ,, وفي جمرك سلوي ياخذون 200 ريال وفي جمرك بوسمره ياخذون 100 وشي يعني شي بسيط وتركب لوحات مكتوب عليها ( تحت التجربه ) في مرور الدوحه داخل مركز بو سمره وعقب لما ترجع الدوحه توديها الفحص الفني لمجرد التشييك انه الموتر مب ملغم ولا ماعليه شي ويفحص لك وتركب اللوحات الخصوصيه عندهم وتتوكل علي الله وبالمبارك عليك الموتر

والضمان دولي يعني لاتحاتي فتح كرت ولا ملف بوكاله المناعي بس تعال دخل وافحص علي طول ,, طبعا كل تشيكه بحزتها عشان مايطيح عليك الضمان

وتوفر في جيبك فوق ال25 الف !! انا اذكر اول مانزل اليوكن الدوحه رحت الوكاله قالو لي ب169 الف علي ماظن اخوي ماخذه من السعوديه ب 150 الف بس بعملتهم ولاتنسي انه عملتنا اغلى من الريال السعودي يعني بعملتنا طلع عليه الموتر بحوول ال145 الف ريال قطري ,, بذمتك مب فرق !!

هذا الي جاي علي بالي الحين واي سؤال حاضرين يالغالي ,, والله يوفقك بالموتر ترا مشوار التعب كله يومين وتوفر عليك مبلغ كبير مقارنه بسعره بالدوحه ,, طبعا تجربتي كانت مع اليوكن وماعرف اسعار التاهو والسموحه يالغالي ,, بس الضمان للشفر والجمس بالسعوديه كله دولي

موفق يالغالي :)
لمت داون111
27-08-2006, 06:02 PM
ونسيت لاقول اخر مره واحد من الربع راح الاحسا من اسبوع وقال اليوكن الحين عندهم ب 148 الف ( بعملتهم طبعا ) وللعلم اول دفعات نزلو بلا فتحه ولا ملاحه والحين اظن موجودين بس طبعا السعر يزيد شوي والدفعات الاولي بالخليج كلها انزلت بالبدايه بنفس المواصفات

بالتوفيق اخووي :)
أكتتاب
28-08-2006, 02:02 AM
اخوي لمتد داون كفيت ووفيت ماقصرت الشيخ ... وكلنا استفدنا

حتى الكورفيت اظن لو تاخذها من هناك ارخص عشرين الف

ونفس العمليه

:)
cola
28-08-2006, 07:23 AM
اخوي لمت داون111 جزاك الله الف خير ورحم الله والديك دنيا وآخره...ماقصرت كفيت ووفيت....وتشرفت فيك والله
nh696
28-08-2006, 08:43 AM
أن شاءالله باجيبلك أخر الأحداث للتاهو لأن عندي واحد وقاعد اسوي علية أختبار وباعطيكم الرد بعد ايام وسامحوني على القصور
cola
28-08-2006, 08:52 AM
أن شاءالله باجيبلك أخر الأحداث للتاهو لأن عندي واحد وقاعد اسوي علية أختبار وباعطيكم الرد بعد ايام وسامحوني على القصور

واحنا بالانتظار .....وجزاك الله خير