هل توصل احدكم لحل مشكله رسائل الاعلانات على تلفوناتنا Ooredo

[Aaziz]

السلام عليكم

اذا ادخل على الرسائل في تلفوني تكون النتيجه 98% من الرسائل اعلانات شركات لا اعرفها ولا تعرفني
و 2% رساله من البنك او مطراش .

سابقا تواصلت مع كيوتل او اوريدو بهذا الخصوص ،، و قامو بتقديم حل اشبه مايكون بلوي الذراع كـــ عميل بطريقه غير مقبوله

فكانت اجابتهم ،، احنا نقدر نوقف الاعلانات عنك ولكن للاسف رسائل البنك و مطراش راح تتوقف ايضاً ؟

حاليا هل يوجد حل ولا لوي ذراع العميل مستمر يا توريدون

[العلياا]

والله من شوي فتحت الرسايل
اكتشفت ان اغلبها رسايل الاعلانات حتى عروضات البنوك سندارة

بس الشرهه علي انا اللي احط رقمي في المحلات عشان البضاعة وعقب يسندروني

[Aaziz]

والله من شوي فتحت الرسايل
اكتشفت ان اغلبها رسايل الاعلانات حتى عروضات البنوك سندارة

بس الشرهه علي انا اللي احط رقمي في المحلات عشان البضاعة وعقب يسندروني

انتي حطيتي رقمج ... تحملي

انا ما احط رقمي نهائيا و اذا اجبرت اغير اخر رقم ،، بلفيت بالغلط عطيتهم رقمي ،،، طبعا مع المحلات التجاريه .

مره شخص اتصل لي ،، والله لولى انه شرح لي ظروفه بشكل شخصي ولا مايردني غير مركز الشرطه كاول اجراء رسمي اتخذه في هذا الموضوع .

يا اخي الناس ظرووف راعو راحه الاوادم ،، خيروني على الاقل ... ارغب بتلقي رسائل او لا .

المشكله انه اسم و رقم الشركه موجود في الرساله الاعلانية ،، اقل شي كيوتل لو جاده (ومش كذابين) يقدرون يحاسبون الشركات الي تستغل خدمتهم الي احنا ندفع عليها فلوس

[العلياا]

انتي حطيتي رقمج ... تحملي

انا ما احط رقمي نهائيا و اذا اجبرت اغير اخر رقم ،، بلفيت بالغلط عطيتهم رقمي ،،، طبعا مع المحلات التجاريه .

مره شخص اتصل لي ،، والله لولى انه شرح لي ظروفه بشكل شخصي ولا مايردني غير مركز الشرطه كاول اجراء رسمي اتخذه في هذا الموضوع .

يا اخي الناس ظرووف راعو راحه الاوادم ،، خيروني على الاقل ... ارغب بتلقي رسائل او لا .

المشكله انه اسم و رقم الشركه موجود في الرساله الاعلانية ،، اقل شي كيوتل لو جاده (ومش كذابين) يقدرون يحاسبون الشركات الي تستغل خدمتهم الي احنا ندفع عليها فلوس

احط رقمي اذا بغيت شغله او سويت اوردر والمفروض لما يوصل يكلموني
يعني اكون مضطرة وعقب كل ما وصلت بضاعة جديدة والا مسووين عروضات يطرشون مسجات

[Aaziz]

هذي صوره من صندوق الرسائل عندي لاخر 40 يوم
مع العلم اني اكثر من مرى خلال هذه الفتره استقبل اكثر من رساله في اليوم فاقوم بعمل تحديد متعدد و امسحها مره وحده عشان ما اظرد اخل عليها رساله رساله عشان يطفي ليت التنبيه في التلفون

تفضلو ،،

http://www.m5zn.com/newuploads/2014/07/22/png//5c5c5114665cda7.png

http://www.m5zn.com/newuploads/2014/07/22/png//15024b9153e306c.png

http://www.m5zn.com/newuploads/2014/07/22/png//3e8650dcbd72297.png

[كلاسيك قطر]

انزين الي عنده خدمه الزواج كل يوم الساعه 7.40 اتجيني رساله يوماتسلت اوريدو قالولي اكتب زواج قف وبتوقف سويت الحركه ماصار شي والخدمخ تشتغل وينقصون مني 1.25 ريال

شنو الحل

[Aaziz]

العليا انا ليش اظطر اسوي حظر و العوز نفسي بهالسوالف ،، و الي ماعنده ايفون ،، من حقي كزبون ان تحترم خصوصيتي و رغبتي


انزين الي عنده خدمه الزواج كل يوم الساعه 7.40 اتجيني رساله يوماتسلت اوريدو قالولي اكتب زواج قف وبتوقف سويت الحركه ماصار شي والخدمخ تشتغل وينقصون مني 1.25 ريال

شنو الحل

اعتقد قريت موضوع في المنتدى يتكلم عن هذي الشغله و الشباب تواصلو مع اوريدو و حصلو الحل ،، بس ما اذكر عنوان الموضوع

[كلاسيك قطر]

لانه قهر والله

[al saad]

انا جربيت كل البرامج الحضر برقم والاسم ما ينفع واريدو مستفيدة اتبيع ارقامنا كباقات على الشريكات

[النهار]

انتي حطيتي رقمج ... تحملي

انا ما احط رقمي نهائيا و اذا اجبرت اغير اخر رقم ،، بلفيت بالغلط عطيتهم رقمي ،،، طبعا مع المحلات التجاريه .

مره شخص اتصل لي ،، والله لولى انه شرح لي ظروفه بشكل شخصي ولا مايردني غير مركز الشرطه كاول اجراء رسمي اتخذه في هذا الموضوع .

يا اخي الناس ظرووف راعو راحه الاوادم ،، خيروني على الاقل ... ارغب بتلقي رسائل او لا .

المشكله انه اسم و رقم الشركه موجود في الرساله الاعلانية ،، اقل شي كيوتل لو جاده (ومش كذابين) يقدرون يحاسبون الشركات الي تستغل خدمتهم الي احنا ندفع عليها فلوس

هههههههههههههههه

عزيز ضحكتني على كلمة كيوتل لوجاده تقدر تحاسب الشركات فلوس ياعم فلوس من وراها
شوف طال عمرك هذي خدمه اسماها بالك اس ام اس فيها اشتراك شهري مثلها مثل اي خدمة مدفوعة الاجر
تقدمها كيوتيل وووووي نسيت اوريدو مقابل اجر مادي محترم خدمة الرسائل الجماعيه
حط الصيغه وسوي انتر الرسائل تذهب اتوماتيكيا لاالاف الرسائل المخزنه في قاعدة بينات الشركه او المدرسه او الاداره

[Aaziz]

قول غيرها يالنهار ،، لولى انك ذكرت اسم الخدمه ولا بقول سامع من الناس

والله انا مكلمهم تلفون بنفسي و قالولي مالنا خص هذي الشركات هي من نفسها عن طريق الكمبيوتر في النت يرسلون هذي الرسايل و احنا مالنا علاقه نهائيه. هذا الكلام دار بيني و بينهم

ليش هالتصرف يا اوريدو ،، الله لايوفقكم على هالخدمه الي مسببت لنا الازعاج و على كذبكم

باي حق يا اخي،، انا جوالي شخصي و حاص ادفع عليه فلوس شهريا وهم يعتبرونه لوحه اعلانات يسوقون عن طريقها. وين حقنا

[النهار]

اخوي موظفين كيوتل مايدرون وين الله قاطهم اتصل وأسأل عن خدمة بالك اس ام اس وان عندك مؤسسة تريد الاشتراك في الخدمه
شرط ماتحصل جواب منهم كل واحد يحولك على الثاني

[JN000N]

اففف حتى انا متسندرة معاهم
بس اهون من امي
يسحبون منها عشر ريال كل مره ولاتدري شحقه

[Aaziz]

اخوي موظفين كيوتل مايدرون وين الله قاطهم اتصل وأسأل عن خدمة بالك اس ام اس وان عندك مؤسسة تريد الاشتراك في الخدمه
شرط ماتحصل جواب منهم كل واحد يحولك على الثاني

النهار ،،، انا يوم اتصلت ماكنت اكلم الموظفين العاديين الي في البداله ،، لا كانت شكوى و طلبت منهم يحولوني حق الشخص المسؤول و اعتقد انهم خذو رقمي و كلمتني وحده عقب وهي كانت من قسم مختص بمثل هالشكاوي ،، ما اذكر بالضبط السالفه من كم سنه

[النهار]

النهار ،،، انا يوم اتصلت ماكنت اكلم الموظفين العاديين الي في البداله ،، لا كانت شكوى و طلبت منهم يحولوني حق الشخص المسؤول و اعتقد انهم خذو رقمي و كلمتني وحده عقب وهي كانت من قسم مختص بمثل هالشكاوي ،، ما اذكر بالضبط السالفه من كم سنه

عزيز قول غيرها اعتقد الي اتصلوا فيك من قسم الدعم الفني والله مصيبه اذا كان ردهم انهم مالهم علاقه وان الشركات
عن طريق الكمبيوتر يستخدمون هذه الخاصيه مشكلة كيوتل ماعندها الرجل المناسب في المكان المناسب
اذا كانت الخدمه بهذه السهوله واي حد يقدر يستخدمها عن طريق النت كان صارت بلاوي وكان استخدموها ضعاف النفوس في نشر البلبله
ههههههههههههههههههه وانت صدقت اكيد قلت لهم مشكورين وماقصرتوا

[برشلوني قطر]

بوسعود نزل تطبيق اوريدو. وادخل حجب الرسائل

89434

[Aaziz]

عزيز قول غيرها اعتقد الي اتصلوا فيك من قسم الدعم الفني والله مصيبه اذا كان ردهم انهم مالهم علاقه وان الشركات
عن طريق الكمبيوتر يستخدمون هذه الخاصيه مشكلة كيوتل ماعندها الرجل المناسب في المكان المناسب
اذا كانت الخدمه بهذه السهوله واي حد يقدر يستخدمها عن طريق النت كان صارت بلاوي وكان استخدموها ضعاف النفوس في نشر البلبله
ههههههههههههههههههه وانت صدقت اكيد قلت لهم مشكورين وماقصرتوا

لا الله يجزاك خير ،، انا اتصلت لهم و كان واحد من ربعي الله يغفر له موظف عندهم في ذاك الوقت وهو الي قال لي ان هذي خدمه تقدمها كيوتل حتى كل بداله لها تسعيره خاصه 555 سعرها غير عن 558 و كلمت الموظفه على هذا الاساس و قالت لي نعم هذا الكلام صحيح ولكن انتها
وحاليا الي حاصل ان الرسايل توصل عن طريق المواقع في النت ،،، و في ذاك الوقت يالنهار انا بنفسي كنت ادخل موقع و احط الاسم الي ابي و اطرش رسايل للجوال و يطلع في جوالك الاسم الي انا كتبته .. هالشي انا مسويه نفسي عشان هشكل صدقت .
و سكرت بعد ما ذكرت الموظفه موضوع لوي الذراع الي تكلمت عنه ،، بحيث ان جميع الرسايل بتوقف عندك و ماراح تصلك الا رسايل الاشخاص الي يطرشون لك من تلفوناتهم .. بنك و مطراش بيوقف ،، و عشان اكون حقاني هذا الكلام من كم سنه مش من قريب.

الحين بناء على كلامك ان الوضع رجع كما كان و هذي خدمه يقدمونها للشركات و قامو يدللون علينا اوريدو ؟؟؟؟
وهذا مرفووووض يا اوريدوووو

[بريق الحق]

انا يطرشون لي ( انتا ياقمر ماقدر اصبر مااسمع صوتك ) شالحل ياخوك
ولا اتصالات من افريقيا يعني كلش مب مترقع

[النهار]

انا يطرشون لي ( انتا ياقمر ماقدر اصبر مااسمع صوتك ) شالحل ياخوك
ولا اتصالات من افريقيا يعني كلش مب مترقع

شوف اخوي الكريم الاتصالات الي تجيك من الخارج هاي صعب حلها انت اتصل على 150 وعطهم رقم المتصل يسون عليه بلوك فقط
وبعد مافي فايده تحصله بيتصل فيك من رقم ثاني وثالث ووووووووو

[Aaziz]

بوسعود نزل تطبيق اوريدو. وادخل حجب الرسائل

89434

حي السمي غير شكل :nice:

تلفوني نوكيا القديم بو ليت .. ماتنزل عليه برامج ،، حده لعبه الحيه

شي غريب بصراحه ،، يرسلون دعايا بدون استأذان و ينزلون برنامج حجب ؟

[مرتبش]

الرسائل مزعجة ومافي حل فعال لها..برنامج اوريدو عندي ومسوي حظر ومع ذلك تجيني الرسايل عادي مثل قبل

[Dana’1]

انا يطرشون لي ( انتا ياقمر ماقدر اصبر مااسمع صوتك ) شالحل ياخوك
ولا اتصالات من افريقيا يعني كلش مب مترقع

اذا جهازك سامسونج ..او نظام الأندرويد فية ميزة حلوة

تروح للهاتف>> خيارات>>> رفض المكالمات>>> وضع الرفض التلقائي ( تشغلة ) وتحته قائمة الرفض التلقائي تختارة >>بيطلع لك إنشاء تختارة عقب تظهر خانه تكتب فيها الرقم
او مثلا فتح خط دولة معينة اكثر منها الإتصالات المزعجة مثل بعض دول افريقيا
تحت هالخانة في خيار ( مطابقة المعايير) اول ما تضغط علة تظهر لك خيارات 1-مطابق
2- يبدأ ب


يبدأ ب يعني الي بدايتة ارقام فتح هالدولة محظور فماراح توصلك من هالدولة اي اتصالات

وخيار مطابق يعني رقم معين انت تحددة ماراح يجيك اي اتصال منه مرة ثانية

وفية خيارات ثانية

هذا اذا جهازك على نظام الإندرويد

وإذا لا فممكن باقي الأعضاء يستفيدون منها:)

[alsoq]

انا قبل كانت رسائل مزعجه وغيرت تلفوني وهم السبب واتصلت فيهم ومن تحويل لتحويل كلمني واحد وصار شد باكللام وطلب رقمي وعطيته ومن بعدها معاد وصلني شي

[برشلوني قطر]

حي السمي غير شكل :nice:

تلفوني نوكيا القديم بو ليت .. ماتنزل عليه برامج ،، حده لعبه الحيه

شي غريب بصراحه ،، يرسلون دعايا بدون استأذان و ينزلون برنامج حجب ؟

حييك يا يالغالي

ههههههههههههه مااافي اكل اصدق عندك نوكيا:telephone:

الدعايات زااادت ف رمضان << موسم

ورفجتك يابوسعود اتصل عايهم اكثر من نص ساعه ولا حد رد علي

الا ف تويتر جزاه الله خير تجاوب معاي

[حراير قطر]

صباح الخير يا عزيز

جرب هالطريقه وان شاء الله تفتك من الازعاج

انا ما جربت هالطريقه لانه رقمي فودافون

ادخل الاعدادات وعقب الخصوصية

http://i1083.photobucket.com/albums/j381/fuinkaqtr/FF310AE9-F112-4532-B132-A5DBEE914388.jpg (http://s1083.photobucket.com/user/fuinkaqtr/media/FF310AE9-F112-4532-B132-A5DBEE914388.jpg.html)

وبعدين الاعلانات

http://i1083.photobucket.com/albums/j381/fuinkaqtr/31EDE6F5-E528-4043-9A87-1B3737D955C0.jpg (http://s1083.photobucket.com/user/fuinkaqtr/media/31EDE6F5-E528-4043-9A87-1B3737D955C0.jpg.html)

اذا كان مفتوح صكره

http://i1083.photobucket.com/albums/j381/fuinkaqtr/75A0C2B0-574F-4395-AEC4-4D9BD9232CA6.jpg (http://s1083.photobucket.com/user/fuinkaqtr/media/75A0C2B0-574F-4395-AEC4-4D9BD9232CA6.jpg.html)

هاي الطريقه للايفون

اما للبلاك بيري

اتروح الرسايل وبعدين خيارات وبعدين اتشل الصح من رفض الاعلانات

واللي عندهم جالكسي يصبرون اشوي اتبعث بالتلفون :rolleyes2:

[قلم محايد]

هذي المشكلة عامة في شركات الاتصالات في الخليج ، حصلت لنا مشكلة مشابهة في شركة زين للاتصالات للبحرين ، المشكلة كانت أسوأ من الاعلانات ، زوجتي تلقت رسائل إعلانية منها واحدة لمعرفة مواعيد برامج رمضان ، فردت برسالة ، دون وجود أي توضيح عن تكلفة الرسالة و مدة الاشتراك ، فتفاجأت بعد فترة بوجود مبالغ كبيرة في فاتورة هاتفها بسبب مسجات الاعلانات ، ورفضوا ازالتها ، و قامت بالغاء الخدمة عبر رفع بلاغ شكوى ، و بعد الغاءها استمرت تتلقى رسائل اعلانية من شركات مختلفة ، و رغم حذرها و عدم اشتراكها في اي خدمات ، الا انهم احتسبوا عليها مبالغ اضافية ! فما كان مني الا الذهاب معها للشركة و الغاء الخط بشكل نهائي و التحول لشركة أخرى !

طبعا سبب الاعلانات من وجهة نظري ان شركات الاتصالات تخسر او لنقل قلت أرباحها بسبب استخدام الناس لبرامج واتساب و فايبر و غيرها في التواصل بينهم ،، فلزيادة ارباحهم يبيعون ارقام المستخدمين لشركات الاعلانات حتى تزيد ارباحهم على حساب المستخدم !

[abu m7md]

الاخوه عزيز ونهار
ولا قصور فالباقين
للمعلومية انا قبل كانت عندي خدمه بالك اس ام اس
يعطونك لينك تدخل عليه الي اهو الخاص في شركتك
وتضيف الارقام بنفسك مافيه ارقام توماتيك تنزل :)


لكن كان اشتراكهم غالي ورحت لشركه سعودية اخذت منهم البرنامج وبعد نفس الشي انا بنفسي اضيف الارقام



طريقة اضافة الارقام سهله للي يستخدم برنامج اكسل بتسهل عليه الامور كلها
يحدد الارقام ويضغط انتر تتسلسل له الارقام بثواني :)



اخوكم
ابومحمد

[بونووف]

اخبر في رقم طرشت عليه مسج unsup all

بس المشكله حتى مسجات ارامكس والدوام توقف

[Aaziz]

اشكر كل من اضاف و شارك في الموضوع ،، و اتمنى يكون فيه رد من كيوتل ،، الي مستعبطين عملائهم


الاخوه عزيز ونهار
ولا قصور فالباقين
للمعلومية انا قبل كانت عندي خدمه بالك اس ام اس
يعطونك لينك تدخل عليه الي اهو الخاص في شركتك
وتضيف الارقام بنفسك مافيه ارقام توماتيك تنزل :)
لكن كان اشتراكهم غالي ورحت لشركه سعودية اخذت منهم البرنامج وبعد نفس الشي انا بنفسي اضيف الارقام
طريقة اضافة الارقام سهله للي يستخدم برنامج اكسل بتسهل عليه الامور كلها
يحدد الارقام ويضغط انتر تتسلسل له الارقام بثواني :)

اخوكم
ابومحمد

بس بس صدناه ،، هذا هو الي ندور عليه
يابو محمد يابو محمد ،، ياخي ربعك احنا :weeping:

الله يرزقك و يزيدك من فضله بالحلال
لكن ياخوي مايجوز الناس تنزعج بسبب دعايه و انا كشخص مستهلك ،، انسى اني اروح لشركه تسوي دعايه خصوصا بمثل هذي الطريقة .
انا شخص دوامي شفتات و انام في اوقات متقلبه و الرساله احيانا توصلني و يترتب عليها امور كثيره احدها اني ممكن اتوجه للمطار فوراً لاداء جزء من عملي خارج البلد .
فا اقوم من النوم على رساله ،، الشيخ حياك محلنا عندنا كذا و كذا .

مايجوز والله و انا اطالب اوريدو بوقف هذا التصرف كونها مزود الخدمة و المسؤول الاول عن الخدمة ،،، هالشي يعتبر تعدي على خصوصياتنا و بدون اذن منا

اذكر على ايام بداله 180 للاستعلامات ايام العيون المغمضة كان فيه نوع من الاحترافية ،، كانو يخيرون العميل يقولون له تبي رقمك ينظاف ضمن قائمه الاستعلامات ولا تبيه خاص .
و اذا اخترت خاص ،، لو يتصل حد و يطلب رقمك بالاسم بيقولون له مش مسجل عندنا .

و هذا المطلوب ... احترام خصوصياتنا و الابتعاد عن اللف و الدوران على العميل لان هذا حق من حقوقنا وهو مراعات الخصوصية .

[اجرام]

مو هذاك الازعاج اخوي ان كثرت رسالتين باليوم وبعض هالعلانات الواحد يستفيد منه

[Aaziz]

مو هذاك الازعاج اخوي ان كثرت رسالتين باليوم وبعض هالعلانات الواحد يستفيد منه

اخوي بالنسبه لك مش ازعاج ،، غيرك يعتبره ازعاج
من حقي تخيرني ،، اتلقى رسائل دعائية او لاء
انا شخصيا ما استفيد من الاعلانات نهائيا و كما ذكرت ،، لو احتجت شي اروح لشركه غير الي تسوي دعايه

[abu m7md]

اشكر كل من اضاف و شارك في الموضوع ،، و اتمنى يكون فيه رد من كيوتل ،، الي مستعبطين عملائهم



بس بس صدناه ،، هذا هو الي ندور عليه
يابو محمد يابو محمد ،، ياخي ربعك احنا :weeping:

الله يرزقك و يزيدك من فضله بالحلال
لكن ياخوي مايجوز الناس تنزعج بسبب دعايه و انا كشخص مستهلك ،، انسى اني اروح لشركه تسوي دعايه خصوصا بمثل هذي الطريقة .
انا شخص دوامي شفتات و انام في اوقات متقلبه و الرساله احيانا توصلني و يترتب عليها امور كثيره احدها اني ممكن اتوجه للمطار فوراً لاداء جزء من عملي خارج البلد .
فا اقوم من النوم على رساله ،، الشيخ حياك محلنا عندنا كذا و كذا .

مايجوز والله و انا اطالب اوريدو بوقف هذا التصرف كونها مزود الخدمة و المسؤول الاول عن الخدمة ،،، هالشي يعتبر تعدي على خصوصياتنا و بدون اذن منا

اذكر على ايام بداله 180 للاستعلامات ايام العيون المغمضة كان فيه نوع من الاحترافية ،، كانو يخيرون العميل يقولون له تبي رقمك ينظاف ضمن قائمه الاستعلامات ولا تبيه خاص .
و اذا اخترت خاص ،، لو يتصل حد و يطلب رقمك بالاسم بيقولون له مش مسجل عندنا .

و هذا المطلوب ... احترام خصوصياتنا و الابتعاد عن اللف و الدوران على العميل لان هذا حق من حقوقنا وهو مراعات الخصوصية .

هههههههههههههههههههههههههههه خلني اوضح لك
عن نفسي وعن خدمتي
الاوقات الي ارسل فيها اعلاناتي اعرف متى اختارها ولله الحمد محد اتصل لي وقال لي ازعجتني :)
لانه ما اضيف اي رقم الا انا متعامل معاه اما في بيع او طلب عرض اعلان :)


والحين
فك يدي خلني بروح البيت برقد

[Aaziz]

والله انك محترم يابومحمد
روح ربي يوفقك وين مالقيت وجهك