المساعد الشخصي الرقمي

مشاهدة النسخة كاملة : ممكن احد يشرحلي ع بنك مصرف


كلاسيك قطر
22-07-2014, 01:04 PM
السلام عليكم ورحمه الله وبركاته

اخواني انا نزلت برنامج المصرف وابي ارسل احساب الي احساب اخر اشلون الطريقه
Qatar Perfume
22-07-2014, 01:56 PM
و عليكم السلام و رحمه الله و بركاته..

لازم تدخل بيانات الحساب اللي بتحول له عن طريق موقع المصرف .. لما تسوي تسجيل الدخول و تسوي اضافه حساب و تختار اذا التحويل داخل ولا خارج المصرف عقب اذا خلصت اتصل بالمصرف لازم يسوون تاكيد .. و عقبها بيطلع لك اسم الحساب في برنامج المصرف
كلاسيك قطر
22-07-2014, 01:59 PM
و عليكم السلام و رحمه الله و بركاته..

لازم تدخل بيانات الحساب اللي بتحول له عن طريق موقع المصرف .. لما تسوي تسجيل الدخول و تسوي اضافه حساب و تختار اذا التحويل داخل ولا خارج المصرف عقب اذا خلصت اتصل بالمصرف لازم يسوون تاكيد .. و عقبها بيطلع لك اسم الحساب في برنامج المصرف


اها يعني لازم اتصل ويسولي تأكيد
Qatar Perfume
22-07-2014, 02:03 PM
اي لازم .. خبرك لازم المصرف عليهم حركات جذي
كلاسيك قطر
22-07-2014, 02:18 PM
اي لازم .. خبرك لازم المصرف عليهم حركات جذي

المفروض خلاص كل شي من النت
مافي تطور والله
طموحي عالي
23-07-2014, 09:53 AM
المفروض خلاص كل شي من النت
مافي تطور والله

ماله علاقه بالتطور
يتصلون لك هم ياخذون كم معلومه منك

يتاكدون من الاسم ورقم الحساب

يمكن مغلط بشي او يمكن دخلت هالحساب تحت اي ضغوط
او يمكن قرصنه
نتفـه
24-07-2014, 05:33 AM
لاااااااااااا
لا تتصل ولا شي
دامك منزل البرنامج على تلفونك .. تسوي لك حساب علشان تدخل فيه على اكاونتك
عقب تروح على التحويلات .. التحويل بين حساباتي .. وتختار حسابك الجاري والمبلغ عقب تحدد حسابك التوفير وبس تضغط موافق ويروح من حسابك الجاري للتوفير
اما التحويل داخل المصرف مثلا من حسابك لين حساب اخوك .. لازم يكون حسابك وحساب اخوك في المصرف .. تسجل البيانات في اعداد المستفيد وفيه تكتب الاسم ورقم الحساب ونوع الحساب جاري والا توفير عقب تحفظه عندك وتسوي حواله منفرده وتضيف المستفيد اللي حفظته عندك وبس تحدد المبلغ ف دقيقه يوصل لاخوك

اما اذا تبي تحول من المصرف لبنك ثاني صعب !! حاولت وماقدرت ! الظاهر لازم اتصال او انك تروح للمصرف شخصيا
دوحة الجميع
24-07-2014, 05:44 AM
لاتروح بعيد ، أنا اتصلت اليوم في بنك قطر الوطني وكلمتهم وقلتلهم أبغي أحول مبلغ .... من حسابي الجاري إلى بطاقتي الإئتمانية ، جاوبني الكول سنتر وقال لازم هذه العملية تتم إما عن طريق النت أو عن طريق جهاز ال atm ، يعني باختصار عن طريق الكول سنتر مايصير خير شر .
الواعد
25-07-2014, 03:03 PM
و عليكم السلام و رحمه الله و بركاته..

لازم تدخل بيانات الحساب اللي بتحول له عن طريق موقع المصرف .. لما تسوي تسجيل الدخول و تسوي اضافه حساب و تختار اذا التحويل داخل ولا خارج المصرف عقب اذا خلصت اتصل بالمصرف لازم يسوون تاكيد .. و عقبها بيطلع لك اسم الحساب في برنامج المصرف


هذا الرد الصحيح وأنا مجرب ضايف اكثر من حساب للاهل في حسابي

1- تسويها من موقعهم في النت
2- ثم تتصل فيهم للتأكيد
الســيل
29-07-2014, 12:34 PM
السلام عليكم ورحمة الله وبركاته

المصرف سوا خدمه علي الانترنت بنكنق هي ون تايم باسورد (One Time Password) هالخاصية يانك تنزل برنامج من Apple store او من Andrio اسم البرنامج

QIB Aman

قبل اذا تسوي تسجيل دخول عن طريق الانترنت بنكنق يطلب منك تكتب الارقام اللي تطلعلك في الصورة

اللحين غير بيطلب منك ون تايم باسورد وهي اللي تجيك عن طريق رسالة نصية علي رقم الجوال المسجل عندهم

او عن طريق البرنامج كيو اي بي امان



اللحين طريقة اضافة حساب

1- تسجل دخول حساب الافراد

http://www.up9or.com/up24/14066256461.jpg (http://www.up9or.com/)

2- تحط اليوزر نيم والباسورد

http://www.up9or.com/up24/14066256462.jpg (http://www.up9or.com/)



3- الخطوه هذي اذا ماكنت مفعل الخدمه بيعطيك خيارين الخيار الاول انك تنزل البرنامج QIB aman وبعدين بيطرش لك رسالة تفعيل البرنامج علي جوالك الخيار الثاني هو بيعطيك خيار ون تايم باسورد عن طريق SMS وتجيك علي جوالك اللي مسجل منه ( انا استخدم هالطريق )

http://www.up9or.com/up24/14066256463.jpg (http://www.up9or.com/)


4- تحط ون تايم باسورد

http://www.up9or.com/up24/14066256464.jpg (http://www.up9or.com/)

5- تروح للتحويل وواضافة مستفيد داخل QIB او بنوك اخري

اذا بنك غير كيو اي بي بيطلب من IBAN number

وتعبي بينات المستفيد

http://www.up9or.com/up24/14066256465.jpg (http://www.up9or.com/)

http://www.up9or.com/up24/14066263189.jpg (http://www.up9or.com/)

بعد ماتعبي البيانات وكل شي صحيح

بيطلب منك ONE TIME PASSWORD

وبس تحط الرقم اللي يطلعلك ويكون حساب المستفيد تفعل من غير ماتتصل لهم


وتقدر تروح علي تطبيق QIB وتلقي المستفيد موجود وتقدر تحول له


وان شاءالله اكون وضحة لكم العملية